محتاجاكم ي بنات بسرعة بالله عليكم

[alafifa]

السلام عليكم ورحمة الله وبركاته

موضوع مهم جدا محتاج النقاش فيه بجدية وفي نفس الوقت بهدوء
هو طويل ولكن رجاء القراءة للاخر بوركتم
وهقسمه ع موضوعين ان شاء الله وكذا مشاركة
فانتظر تفاعلكن لاني بحاجة لكم

انا النهردة بكلمك انتي ايوة انتي .انتي اختي في الله. انتي اختي المسلمة واسمحيلي اني اكون اخوكي وعايزك تبقي واثقة تماما والله اني حريص عليكي والله خايف عليكي وعايزلك الخير واتمنى من كل قلبي انك تبقي في منتهى السعادة مرتاحة البال عايشة من غير هموم واحزان ومشاكل عاوزلك الجنة وان ربنا يكرمني واياكي برفقة النبي صلى الله عليه وسلم في الجنة والله هو ده غرضي بمنتهى الصدق والصراحة ولو سمحتيلي اني اكون اخوكي فاسمحيلي اني اغير عليكي ايوة انتي عرضي ولازم اصونك حتى لو من نفسك وابقى مشفق عليكي وخايف احسن تمشي في سكة تندمي عليها كتييييييييييييييير فيوم من الايام فاسمعيلي واقبلي مني الكلام

واحدة اتصلت بيا قالتلي انا خلعت الحجاب طب ليه مش عارفة انا حسيت إني كنت في صراع مابين حاجات كتيرررررر نفسي فيها الحاجات دي انا عارفة انها بتغضب ربنا لكن اعمل ايه انا متعودة على الحياة كده انا فشلت اني اكون انسانة ملتزمة ومكنش ناقص الا الحجاب فكان لازم اخلعه عشان اعيش بطبيعتي واخلص من الصراع ده بس

بصراحة شكلي من غير حجاب وحشني

قلتلها يعني انتي دلوقتي بقى مبسوطة وفرحانة ومستقرة نفسيا قالتلي لأ والا مكنتش كلمكتك

قلتلها تحبي اقولك الحل قالتلي قولي ارجوك قلتلها وتسمعي كلامي وتثقي فيا وفي اني مش عايز غير راحتك قالتي بالتأكيد بس ارجوك قولي كلام عملي وبلاش الانشا والكلام الروتيني. بس ممكن تسمحيلي انا برده انك تديني ف الاول قلبك اخاطب وجدانك قبل ما اخاطب عقلك ارجوكي تعالي في الاول نغرس في القلب معنى جميل من معاني الايمان وبعدين نشوف المشاكل اللي في دماغك اتفقنا؟؟قالت ماشي

اول حاجة عاوزة اسألك ومن غير زعل ربنا ربنا يمثل ليكي ايه في الحياة ؟تعرفيه كويس؟حسيتي قبل كده انك بتحبيه اووووي بتحبيه من كل قلبك انا متأكد ان جواكي مشاعر عظيمة جدااااااا تجاه ربنا ايوه حب ربنا الحب

[♥SaRa]

هو حسب فهمي ان الموضوع كلوا علشان الجحاب .
اولا: ميرسي علي اللفتة الجميلة منك.
ثانيا :انا لابسة الحجاب الحمد لله.
ثالثا: يا ريت تكملي الموضوع علشان نتفهم اكتر.

[ياسمينااا]

الحجاب شئ مهم وضروري في حياتنا
وامرنا اننا نلبسه من وقت اليلوغ يعني شئ اساسي
وانا الحمد لله طبعا لبساه
بس لازم قبل ما اي واحده تلبسه تكون مقتنعه بيه
مش لبساه غصب عنها وخلاص وكمان تعمل بيه
مش ينفع اي واحده تكون لبسه حجاب وتعما افعال مش كويسه
اكيد لا طبعا عشان كدا بقول لازم قبل ما تلبسه تكون مقتنعه بيه وتعمل بالحجاب اللي لبساه
فعلا موضوع مهم يا قمر ويحتاج للنقاش
تسلم ايدك يا قمر
تقبلي مروري
تحياتي

[تجملت بالعفآف]

كلام منطقي وجميل
واسلوبك في التعبير متقن
جزااك الله خير وجعله في ميزان حسناتك
الحمدلله الحجاب لابساه من 9 سنين وملتزمه بيه
وربنا يهدي جيمع المسلمات
ومتابعه معاك

[£ƒứηςķч Ĝίŗ]

الموضوع مهم انا الحمد لله لبساه من زمان

ومقتنعة بيه كمااااااااااان ودى اااااااهم حاجه

و انا مستنيه بقيت الموضوع

تقبلى مروووووورى

[جبل عالي]

فعلا كلام صحيح بس اعتقد ان كتير بيلجأ للحجاب الآن

وللأسف للهروب من عمليات تجميل الشعر للأسف الشديد

فمش معقول فى حد بيفكر يخلع الحجاب .... بعيدة شوية المسألة دى

لكن طرح قيم ورائع بالفعل