تريك تراك تريك...........تراك تريك!!!

[SiLver Spectra]

تريك تراك تريك.......تراك تريك

خمس ضغطات بالزبط و نقولك

مبرووك عليك الموضوع

شرح العملية :

تريك (كلك شمال)
تراك (كلك يمين)
تريك (كلك شمال)


تراك ( كلك يمين)
تريك (كلك شمال)

أنا متعب نفسي ليه

هي العملية اسمها

copy & paste

الحركة هتكلفك

ثواني

و ممكن دقيقة عشان تلقي نظره على الموضوع إلي هتنقله

و بعدين إنسخ و ألصق و إستمتع بالردود


سلم قلمك

دمت مبدعا

تسلم الايادي

الله عليك



طيب......خلينا نطرح سؤال

هل الموضوع المنقول بيعبر فعلا عن فكر صاحبه؟

هل بيعبر عن ثقافته و قدراته العقلية

أم أنها فقد قدرات....الضغط على الفارة 5 مرات


--------------------------------

عشان نبقى صريحين

في ناس و قسما بالله ما بيعرفوا يركبوا جملة صحيحه عشان تتقرأ

لكن طبعا بال( تريك تراك) بيزبط الوضع

شوف تعليقاته على ردود الموضوع و إنت تعرف مستواه الفكري


طيب يا عم طارق إنت معترض على نقل المواضيع ليه و داخل فيها شمال!‍!؟

النقل مش سيء في نظري

لكن الإعتماد على النقل فقد هو إلي سيء فعلا

الكتابة مهاره بتكتسب من الممارسة

إعتمادك على النقل فقط بيصيب قلمك بالجفاف

غير كاد بيصيب أقلام غيرك بالجفاف...

على سبيل المثال أنا لو حبيت أكتب موضوع في المنتدى العام

هاجي تاني يوم هلاقي موضوعي مهمل في تاني و تالت صفحه وسط المواضيع ال(تريك تراك)

إذا أنا بعد كدا مش هكلف نفسي و هكتب في العام طالما مش هحصد ثمار تعبي

لأن طبيعي الواحد لما بيكتب موضوع بيفرح بيه و بينتظر تعليقات الأعضاء و تفاعلهم فيه

(و دا الهدف الرئيسي من إنشاء قسم الأقلام)



طيب في الاصل هل عملية النقل عملية شرعية؟

إنت لما بتنقل موضوع بتنقل مجهود غيرك و بتتنسبه لنفسك

لكن طبعا ما حدش يقدر يحاسبك و أنا بعترض على الأعضاء إلي بتشتكي من سرقة مواضيعها لأن المنتديات ساحه مفتوحه للكل

و دا شيء متوقع

أنا لما هشوف موضوعي منقول في منتدى تاني أكيد هزعل

لأن الموضوع بيبقى زي الضنى...بذلت فيه مجهود و فكر

لكن في الآخر مش بروح أشتكي بالعكس دا شيء افتخر بيه مع نفسي لأن مافيش حاجه تثبت طبعا إنه موضوعك غير في المكان إلي أنشأت فيه الموضوع

غير إني في يوم من الايام كان كل إعتمادي على المنقولات

حاليا نادر لما أنقل أو بمعنى مش بنقل

و في اسلوب محترم في النقل...

(منقول) ( من ما راق لي) (ملطوش) أو غيره

أنا شخصيا بحترم الشخص إلي بيعترف بنقله للموضوع

------------------------

طيب

نتكلم عن المنتدى هنا

في ظاهره غريبه لاحظتها

و هي نقل الردود !!

مثلا موضوع في قسم النقاش...منقول.... عادي مش شايف مشكلة طالما بيطرح قضية

بيجي عضو ابن حلال يروح لعمك جوجل و يجيب نفس الموضوع من منتدى تاني و ينقل أي رد من ردود الموضوع يا سلام لو رد تقيل و يعتمد المشاركة

طبعا هو لو بينقل حديث أو آيه أو مقوله مش مشكلة

لكن لما ينقل رأي شخصي و كلام بلدي

بصراحه دي فضيحه في حقة

و دا يثبت إنه حتى مالوش رأي!!

يا أخي إكتب أي حاجه

لكن أنقل الرد كمان

فعلا عايشين بالكوبي و البيست

----------------------

أما قسم الأقلام دا ....فعلى أد ما الواحد بيشوف فيه ابداع على أد ما بيشوف فيه تجاوزات و مشاكل

تكلم العضو و تقوله موضوعك منقول ينكر و يقول إنه مش منقول!!!

يا أخي إتقي الله

و الله الواحد فعلا قدر مجهود مشرف القسم و المشاكل إلي كان بيتورط فيها بسبب المنقولات

لكن طبعا ما أنكرش إن في ناس محترمه

و بتثبت وجودها في القسم بعد التحذير

---------------------------

في الآخر

أنا مش ضد النقل

و أنا اصلا مش كاتب

و إن كان هجومي قاسي

لكن فعلا الظاهره باقيت بتضايق

و بتخلي الواحد ما يخرجش من دائرة قسم الأقلام


يا أخي جرب و إكتب

إنقل زي ما تحب لكن جرب....

و الله متعة

لو حابب تعرف ملذة الموضوع فعلا إكتب

و ادي لنفسك فرصة و ادي لغيرك مساحة للكتابة

إكتب اي حاجه حتى و لو موضوع بسيط

أنا عندي ارد على موضوع بسيط في قسم الاقلام أحسن مليون مره من إني ارد على موضوع قوي بس (كوبي و بيست) في العام

و دا كمان الغرض من إنشاء قسم المواضيع المكرره

أو بمعنى قسم (إرحمونا من المنقولات )


بالتوفيق

[حنـــــون]

بجد موضوع رائع جداااااااااااا

ومهم اوى فعلا اكبر خطا

انى انقل موضوع ماكتبش انو منقول

لانى كدا بسرق مجهود الاخرين

بس تعرف ياطارق عجبتنى جداااا الجمله ديه

فعلا عايشين بالكوبي و البيست

فعلا هو دا بئه حالنا مش فى المنتدى بس

دا فى الحياه كلها كلوا بيسرق مجهود الاخرين

بحيك جداااااااااااااا ياطارق على موضوعك الجميل

اختك حنون

[SiLver Spectra]

اقتباس:
اقتباس:

اقتباس اقتباس: المشاركة الأصلية كتبت بواسطة حنون بجد موضوع رائع جداااااااااااا ومهم اوى فعلا اكبر خطا انى انقل موضوع ماكتبش انو منقول لانى كدا بسرق مجهود الاخرين بس تعرف ياطارق عجبتنى جداااا الجمله ديه فعلا عايشين بالكوبي و البيست فعلا هو دا بئه حالنا مش فى المنتدى بس دا فى الحياه كلها كلوا بيسرق مجهود الاخرين بحيك جداااااااااااااا ياطارق على موضوعك الجميل اختك حنون

شكراا يا حنان على مرورك

مع إن الموضوع حاسس إنه مزودها شوية بس فعلا الظاهره بتضايق

أنا مش ضد النقل

و لكن لما كل المواضيع في النقاش و العام تبقى منقوله

بتحسي إن مالهاش طعم

هو قسم الأقلام و بس بصراحة

نورتي يا غالية الموضوع

[doiss]

تماااااام

تماااااااااااااام

مواضيع منقولة في قلم الاعضاء

رصاصة في العقل

7

حتما تؤدي الي انتكاسة

7

انتحااااار سريع

ضغطة زنااااد

واااحدة

لا تكلف كثيرااااا

مخ متوقف

عقل ميت

يلااااااا اضغط

7

7

7

7

قلم مبدع

في قلم الاعضاااء

7

سيارة سبااااق

لا يوقفهاااا

الزمن

ولاااااااااااا الوقت

تساااابق في الفكر

7

ابداااااع

ثقااااافة

نضوووووووج

تعبير عن الذاااااااااات

7

7

7

تحياااااااتي لك """"

[عاشق الجمال]

أولا أحب أن أشكرك على الموضوع الهام
وهذا واقع للأسف فى حياتنا
تحس إن احنا مش عايزين نتعب على زى ما انت بتقول كوبى وبست
حتى هذا الوباء انتقل فى الرسائل الجامعية
الباحث يستخدم النت فى النقل
وفعلاً أخى متعة الكتابة لا تضاهيها متعة
لأنك بتشغل فكرك وعقلك وبتكتب اللى بتحس بيه
مش احساس الآخر

[wessa]

الكتابة مهاره بتكتسب من الممارسة

إعتمادك على النقل فقط بيصيب قلمك بالجفاف

غير كاد بيصيب أقلام غيرك بالجفاف...


فعلا يا طارق ناقشت فى موضوعك سلبيات كتير بنتعرض لها من ترك تراك
وبجد انا لما بنقل حاجه وببقى شايفه انها مهمه بكتب تحتها منقول
وكمان موضوع الردود المسروقه دى مشكله كبيره
شكرا ليك يا طارق
بجد لطرحك للمشكله دى
تقبل مرورى

[لوليتا المصريه]

طارق

هايل الموضوع بجد جميل وكويس انك كتبته كموضوع وانا اكتر واحدة مبسوطة بيه والله وفعلا انت بتحذر الاول عشان ماتحرجش حد واكيييييييييييييد الكل اخد باله وانا فعلا شايفه انه مالوش لازمه ان احنا ناخد حق حد وننسبه لينا وبعدين انا عرفت بعد كدة ان المنتدى تفاعل اراء مع بعضينا يعنى وجهات نظر بنتفاعلها مع بعض وكويس اوى انك عرضت الموضوع دة فعلا والله

اختك
لوليتاااااااااااا

[SiLver Spectra]

اقتباس:

اقتباس المشاركة الأصلية كتبت بواسطة doiss تماااااام تماااااااااااااام مواضيع منقولة في قلم الاعضاء رصاصة في العقل 7 حتما تؤدي الي انتكاسة 7 انتحااااار سريع ضغطة زنااااد واااحدة لا تكلف كثيرااااا مخ متوقف عقل ميت يلااااااا اضغط 7 7 7 7 قلم مبدع في قلم الاعضاااء 7 سيارة سبااااق لا يوقفهاااا الزمن ولاااااااااااا الوقت تساااابق في الفكر 7 ابداااااع ثقااااافة نضوووووووج تعبير عن الذاااااااااات 7 7 7 تحياااااااتي لك """"

و الله يا ضيا المنقول بصفة عامة

لكن طبعا في قسم الأقلام بيتنقل لقسم تاني

ألف شكر على مشاركتك يا غالي

هتوحشنا و الله

بالتوفيق

[SiLver Spectra]

اقتباس:
المشاركة الأصلية كتبت بواسطة عاشق الجمال
أولا أحب أن أشكرك على الموضوع الهام
وهذا واقع للأسف فى حياتنا
تحس إن احنا مش عايزين نتعب على زى ما انت بتقول كوبى وبست
حتى هذا الوباء انتقل فى الرسائل الجامعية
الباحث يستخدم النت فى النقل
وفعلاً أخى متعة الكتابة لا تضاهيها متعة
لأنك بتشغل فكرك وعقلك وبتكتب اللى بتحس بيه
مش احساس الآخر

أهلا بيك يا عصام

لو أخدناك كمثال ...

هنلاقي عاشق الجمال بينقل لكن يكفي إنه بيكتب

هنا مش شايف إن نقله بيأثر على كتابتك

لكن المشكلة إلي بيعتمد فقط على النقل

ألف شكر على مرورك و مشاركتك

نورت

[SiLver Spectra]

اقتباس:
المشاركة الأصلية كتبت بواسطة wessa1987
الكتابة مهاره بتكتسب من الممارسة

إعتمادك على النقل فقط بيصيب قلمك بالجفاف

غير كاد بيصيب أقلام غيرك بالجفاف...


فعلا يا طارق ناقشت فى موضوعك سلبيات كتير بنتعرض لها من ترك تراك
وبجد انا لما بنقل حاجه وببقى شايفه انها مهمه بكتب تحتها منقول
وكمان موضوع الردود المسروقه دى مشكله كبيره
شكرا ليك يا طارق
بجد لطرحك للمشكله دى
تقبل مرورى

أهلا يا ويسا

ويسا طبعا إنتي من الأعضاء المحترمين

ليهم قلم مميز و صادق
أثبتي وجودك فعلا في المنتدى

بس أتمنى وجودك يدوم لأن المميز هنا مش بنسيبه

لازم بنديله على أد تعبه

نورتي الموضوع يا غالية

بس مش عايزك تخافي و ما تنقليش موضوع بعد كدا
ههههههه

طالما ليكي رأيك و ليكي كتاباتك يبقى إنتي ميه ميه

بالتوفيق