احنا بتوع الاتوبيس ياخوانا ( 1 )

[morshooo]

بسم الله الرحمن الرحيم

دا توبيك ان شاء الله هنزلة فى القسم هنا

يعنى هيبقى عبارة عن تنوية بسيط كدا عن مشاكلنا

ودا اول توبيك

فى مثل بيقول

( الى مايشوفش من الغربال يبقى ...... )

دا حال المواطنين كل يوم ومش كل يوم بس لا دا كل ساعه فى اى وقت طول الـــ 24 ساعه

لو حابب تروح مشوار وعندك امل تركب ( اتوبيس ) انا بوعدك هتلاقية بالشكل دا


والشكل دا مش غريب عليكم انا متاكد ^_^

الى بستغربلة بقى ازاى انا اكون شايف الشكل دا فى ( الاتوبيس ) وبرضو احاول اركب

مهما كان الظرف الى عندى اعتقد ما توصلش بيا انى مثلا اكون زى الاخ المحشور دا

يعنى دا تقريبا ماسك فى رجل واحد واقف والباقيين سندينة

لا والاخ الى لابس جلبية رايح يركب كمان

الشكل دا بنشوفة كتير جدا ومن سنين مش اليومين دول او مثلا من سنتين وانتهى

بالعكس دا شكل موجود من سنين ولسة حومتنا زى ماهى مش شايفا

وعشان كدا بقولك انى عرفت المثل دا المفروض يكون .

( الى ما يشوفش من الغربال يبقى من الحكومة المصرية )

تحياتى

[ساحر الأحزان]

دى مشكلة عندك من زمان وقت الذروة ودلوقتى حيجى عليك مدارس وموظفين والكل بيروح ويرجع

من عملة ومن مدرستة فى وقت متقارب

حتضخ باصات جديدة وطرق مواصلات جديد

حتلاقى برضة الزحمة



موضوع قيم

وننتظر التكملة منك

تحياتى

[غريـب ألأطـوآر]

هههههههه

الحكومة المصرية مش يطلع عليها مثل واحد بس لا

قول خمسين ستين مليون مثل

فعل ده موقف عادى جدا وبيحصل يوميا ههه واللى عاجبنى الراجل ابو جلابية اللى رايح يركب ههه

توبيك رائع يا مارشو وتقييمى

[الأميرة رودي]

ههههههههه

حلوه الراجل اللى محشور دي ..

بس المشكله دى قديييمه أوى يااحمد يعني مش هرمى المسئوليه على الحكومه الحاليه عشان مايبقاش حرام

بص هى بلدنا محتاجه كتيــر أوى من التنظيم والاهتمام بالمواطن المصــري وده هيجي مع الوقت وارجع واقولك ان توعيه المواطنين مهم برده
لازم احنا يكون عندنا نظام فى التعامل

يعني الراجل بتاع الجلابيه ده شايف المنظر وبرده مصمم !!

راجل عجيب

[Words Whisper]

هو المنظر بحد ذاته مستفز

بس هقول حاجة

أولا دا مش ذنب حكومة حالية لأنه شيء تراكمي

انما واجب الحكومة الحالية انها تعالج المشكلة

ودا ممكن بأنه يكون في باصات حكومية تستوعب عدد الشعب

ثانيا احنا كمان كشعب سبب في زيادة واستمرار المشكلة دي

لانه بمنتهى البساطة بنتجاوب معاها بدل مانرفضها

لحد مابئا عمو سواق الباص او الميكرو أو حتى التاكس بيستغلوا الناس

واللي مش عاجبه بئا وأظن حتة اللي مش عاجبه دي كلنا سمعنا كتييير من سواقين وتباعين

كأنه بيتكرم ع الناس مش بيشتغل !!~

تسلم أ/أحمد

ودمت بحفظ الرحمن ..

[عاشقة ذكر الله]

انا جربت انى اركب الاتوبيسات دى مرة واحده
كنا راجعين من سفر ومضطرين
كان الاتوبيس فاضى لسه فقلت طب والله الأتوبيسات حلوة اهى
طب الناس بتشتكى ليه يدوبك مشينا شويا من المكان دا
والاتوبيس اتملى على آخره والناس تطلع وتقف كنت مستغربه اووى
لا واللى واقف على الباب زى الصورة دى
بصراحه انا كنت قاعده وفعلا متحسره على اللى بيحصل دا
بس ان شاء الله المشكله دى أكيد هتنحل
ربنا يسهل للحكومه ويحلو كل المشاكل دى بئة

[تيتشر نفشه ツ]

والله ي أستاذ احمد الموضوع دا منتش جدا ومستفز جدا جدا مش بس الصوره دي

دنا لو جبتلك صور مش هخلص

والمشكله دي حلها بالرجاله نفسهم

يعني والله دا مش طبيعي بجد كل الرجاله اللي متزاحمه دي مش طبيعيه

يعني بجد شر البليه مايضحك ايه اللي جابرهم ع الهنا اللي هما فيه دا ..!!

بصراحه مش لاقيه كلامه اقوله اكتر من ان الغلط ع الشعب والحكومه والحل يبقى بمجهودهم هما الاتنين

وربنا يسهل ويتعدل الحال لان علا مصر محتاجه مجهود كبير قوي على ماتتعدل

رنيــن

,,,