طب بس ماتشتمش

[حبيبي يا رسول الله]

واحد بيرد على التليفون على واحد صاحبه مخنوق منه فيرد: ايوة يا تييت انت تييت يا ابني؟

ايه بس في ايه؟ مالك كده طب قول سلام عليكم

يا عم انت بتستهبل اصلا انت كمان مش حاسس انك عملت حاجة؟ ده انت بني آدم تييت

طب بس ماتشتمش!!

ده نوع.. وده الي بيبقى بجد..

وفي نوع تاني وده اللي بيبقى بهزار..وبتبقى حجتنا لا ما هو مسامح

احنا بنشتم بعض كااام مرة في اليوم؟

والمشكلة اننا بنحس ان ده عادي..ان يعني الشتيمة دي حاجة عادية مع ان انت كده:

اولا اهنت انسان وده ماينفعش

ثانيا انك كذبت في اغلب الاحيان بتكون الشتيمة كذبة

واحد يقول(ده انا عمري ما كذبت) وكل يوم يشتم اد كدة

ثالثا ان لسانك لما يتسئل يوم القيامة هيقول كللل الشتايم دي لربنا وان انت كده ربنا عطاك نعمة اللسان


وانت ما صنتهاش..مع ان في ناس بتتمنى النعمة دي عشان تستعملها في الخير وتقرأ قرآن

وماتشتمش خاالص

شفت بقى انت بتعمل ايه بلسانك؟

ويمكن البعض مش واخد باله ان دي حاجة كبيرة وذنب بترتكبه في ثانية من غير ماتحس

وقف نفسك كل ما تشتم مرة واحسبها عليك شتيمة ..عشان لو عدت مرة ماتعديش اللي بعدها

حس فعلا ان الشتيمة دي شيء سيء جدا ولا يليق بينا كمسلمين اننا تكون فينا حاجة زي كده

(اللهم اجعل ألسنتنا عامرة بذكرك يارب العالمين)