تكريم لصاحب قلم مميزاخونا(نهر النيل)

[ويبقى الأثر]

بسم الله الرحمن الرحيم

هنا مش موضوع لتكريم عضو كلنا بنحترمه ونقدره بس

اخونا (نهر النيل)

مجهوداته واضحه فى كل اقسام المنتدى

لكن كمان موضوع نداء ليه بنتمنى انه يرجع ينور المنتدى

بمواضيعه القيمه وقلمه المميز

فكر تانى يااحمد وربنا يهديك

الكل هنا بيقدرك ويحترمك ارجع لنشاطك الى كلنا عاهدناه

فى المنتدى

اختك منه

تقديرى لكل بصمه هنا

[yooka]

اممممممممممممممم هو ناوى يمشى ولا ايه

لا ان شاء الله يفكر تانى ويرجع للمنتدى تانى
بوجوده ومواضيعه عشان فعلا هو انسان محترم
ويستاهل كل خير

تسلمى قمرى ع اللفته الجميله دى

[راجية الشهادة]

لالالا اوعي تفكر في الرحيل
معلشي يمكن منشغلين شويه بس
ونشاطك بين للكل
انت بجد متميز وانت اخ لينا
الله يسعدك ديما يارب
لك كل التقدير
شكرا لك منه
تحياتي وودي

[الأميرة رودي]

فعلا أحمد يستحق التقدير والتكريم
الله يوفقه وان شاء الله تكون أزمه بسيطه ويرجع ينور المنتدى
بشكرك على التوبيك واللفته الطيبه يامنه

[ابتسامة الزهر]

الوفاء شىء جميل لما يكون من القلب
فيصل الى القلب
نداء وتكريم جميل منك قيثارة الصمت
حقا فهو قلم مميز يصوغ القلم فى جميع المجالات

نهر النيل

اخ مبدع ونشاطة واضح خصوصا و المنتدى
فى ظروف قاسية كان قلمة يصول ويجول
فى اقسام المنتدى من حقه علينا ان تكرمة
ونعطيه حقه فهو صاحب اكبر عدد حصريات فى المنتدى
رجاء يااحمد ان ترجع فى قرارك
فالمنتدى فى حاجة ماسة الأن بأقلام مثل قلمك
ليعود من جديد

تحياتى وتقديرى

[نهر النيل]

اقتباس المشاركة الأصلية كتبت بواسطة " قيثارة الصمت " بسم الله الرحمن الرحيم هنا مش موضوع لتكريم عضو كلنا بنحترمه ونقدره بس اخونا (نهر النيل) مجهوداته واضحه فى كل اقسام المنتدى لكن كمان موضوع نداء ليه بنتمنى انه يرجع ينور المنتدى بمواضيعه القيمه وقلمه المميز فكر تانى يااحمد وربنا يهديك الكل هنا بيقدرك ويحترمك ارجع لنشاطك الى كلنا عاهدناه فى المنتدى اختك منه تقديرى لكل بصمه هنا

والله يا قيثارتنا المهذبه والوفيه مش عارف اقول ايه بجد
وانا مش زعلان من حد ولا قلت هودع المنتدى
المنتدى دا بيتي
بيتي
وربنا يعلم ان حبي ليه
مع احترامي للكل
اكتر من اي مخلوق هنا
وتحت اي ظروف هيفضل دا شعاري
وانا مش اعلنت رحيل
انا بس قلت هكتفي بالمتابعه من بعيد لبعيد
انما بعد اللي قريتوا دا وهزني
وخلاني فعلا احس ان في ناس بتعرف تقدر
وناس الوفاء طبعها
وناس حقيقي بتعلم منهم الكرم
طبيعي اجي ارد
وطبيعي انحني بود وصدق للحب الاخوي الغالي دا
وطبيعي ارجع
مش لمجرد الرجوع
انما تقدير ووفاء للأوفياء
واللي فعلا عندي
أغلى وأحسن وأعز مكسب في الدنيا
وبعد التكريم دا
انا حاسس اني اخدت كل شيئ ويمكن اكتر
وبجد اي رد او اي شكر او اي تقدير
صغير اوي على الكرم والحفاوه والمشاعر الصادقه دي
وبمنتهى الامانه دا اهم واعز واغلى تقدير وتكريم لاحمد
وبجد استاذتنا وشاعرتنا القيثاره
انا عاجز عن فعل اي شكر
يارب ما اتحرم من الكرم العالي والغالي دا
ومتشكر جدا جدا جدا من كل قلبي
ربنا يسعدك يارب والجميع


ملحوظه
ليا رد على كل الكرام اللي شرفوني هنا ويارب ما انحرم من الجميع يارب
تقبلوا جميعا
اسمى معاني حبي وتقديري واحترامي

[عاشقة الهدوء]

لافته طيبه منك ياحببتى وأن شاء الله يرجع عن قراره ألى أخده
وأحمد غنى عن التعريف بمجهوداته ومش محتاج أنه يزعل
من عدم تقدير أى عضو ليه فأعماالك ومجهودك من صنع نفسك

عندما تطرحها علينا وتعبر بها تدل على أسلوبك الرااقى والمميز
وتدل على أنك صاحب قلم رااائع ومتألق فهناك فى الجااانب

الآخر وفى الوقت نفسه متألقين ومميزين ومبدعين مثلك فى منتدى بنات مصر

لست لوووحدك ما سمعنا منهم أحد يشتكى ويقول كذا وكذا (فما هذا الحزن يا أخى ؟؟؟)

لا تنتظر من أحد أن يقيم عملك فاترك أفكارك وأبداعك وافسح لهم الطريق فى كل وقت

وأصبر وأنتظر ولا تتذمر وتشتكى ؟؟؟ وأن خاب أملك وصارت الآمور عكس ما ترغب

يكفى أن تكوووون (ثقتك بنفسك هى الآقوى والدليل و لا تحتاج ألى دليل أو تقييم أو ثناء أو تقدير من أحد ؟؟؟ ) أعذرنى أن كانت كلمااتى قاسيه عليك أرجو أن تتقبلها منى وأرجو أن لا نسمع مره أخرى تركك للمنتدى

وأسأل الله لك الصحه والعافيه وأن يديم بيننا كل خير وتقدير

[نهر النيل]

اقتباس المشاركة الأصلية كتبت بواسطة yooka اممممممممممممممم هو ناوى يمشى ولا ايه لا ان شاء الله يفكر تانى ويرجع للمنتدى تانى بوجوده ومواضيعه عشان فعلا هو انسان محترم ويستاهل كل خير تسلمى قمرى ع اللفته الجميله دى

ربنا يسعدك ايه يارب

ومن اول ما جيتي المنتدى

وانتي بأمانه

انسانه مهذبه ومتفاعله مع الكل

ومتشكر بجد كرمك ليا
ويارب ما ننحرم يا بنت الناس الكرام

[تيتشر نفشه ツ]

والله انك عسل ي منه والله

فعلا احمد مجهوداته واضحه وباينه للكل وحصريه دائما وابدا وشخصيه غنيه عن التعريف

وفعلا نتمنى انه يرجع فقراره دا وينورلنا الاقسام بمواضيعه والله اننا اتعودنا على اجتهاد الشخص دا

بأمانه ومن غير زعل

احمد دا لو راح هيبقى خساره كبيره للمنتدى لازم يرجع لازم

والله تسلم ايدك يامنه يارب منتحرمش منك ابدا ولامن ذوقك

رنيــن ’’

[تيتشر نفشه ツ]

اقتباس المشاركة الأصلية كتبت بواسطة عاشقة الهدوء لافته طيبه منك ياحببتى وأن شاء الله يرجع عن قراره ألى أخده وأحمد غنى عن التعريف بمجهوداته ومش محتاج أنه يزعل من عدم تقدير أى عضو ليه فأعماالك ومجهودك من صنع نفسك عندما تطرحها علينا وتعبر بها تدل على أسلوبك الرااقى والمميز وتدل على أنك صاحب قلم رااائع ومتألق فهناك فى الجااانب الآخر وفى الوقت نفسه متألقين ومميزين ومبدعين مثلك فى منتدى بنات مصر لست لوووحدك ما سمعنا منهم أحد يشتكى ويقول كذا وكذا (فما هذا الحزن يا أخى ؟؟؟) لا تنتظر من أحد أن يقيم عملك فاترك أفكارك وأبداعك وافسح لهم الطريق فى كل وقت وأصبر وأنتظر ولا تتذمر وتشتكى ؟؟؟ وأن خاب أملك وصارت الآمور عكس ما ترغب يكفى أن تكوووون (ثقتك بنفسك هى الآقوى والدليل و لا تحتاج ألى دليل أو تقييم أو ثناء أو تقدير من أحد ؟؟؟ ) أعذرنى أن كانت كلمااتى قاسيه عليك أرجو أن تتقبلها منى وأرجو أن لا نسمع مره أخرى تركك للمنتدى وأسأل الله لك الصحه والعافيه وأن يديم بيننا كل خير وتقدير

هبه الله ي حببتي

اسمحيلي اعلق على كلامك شويا

احمد غلطان انو يطلب من حد التقدير والاهتمام علشان التقدير المفروض ييجي لحد عنده والاهتمام ييجي لحد عنده

مش هوا الي يطلبه

ومتقارنيش احمد بأي عضو هنا عشان انا مافتكرش اني قرأت لاحمد موضوع منقول

حتى في القسم العام والنقاش اللي معظم المواضيع الي فيهم منقوله

احمد كان المميز بحصرياته فأي قسم ولو حابه تتأكدي من كدا روحي بروفايله واقرأي مواضيعه

وابداعاته وطلعيلي واحد منقول

والشخصيه الي بتعمل الحصريات دي نادره ي هوبه

دي حاجه ’’

الحاجه التانيه مواضيعه مش بس حصريه

دي معظمها هادفه وبتدل على شخص واعي وفاهم للحياه وماتطلعيش من موضوع ليه الا بفايده وحده ع الاقل

ماشاء الله عليه منتشر في اغلب الاقسام تلاقيه هنا وهناك ولحد دلوقتي مش جت ليه شاهدات تقدير كتيره للي بيعمله

لو انتي مش شايفه ابداعاته ونشاطاته يبقى غيرك كتير كتير شايف دا وملاحظه

كل الي عاوزه اقوله ,,

ان الشخص دا المفروض مايطلعش من هنا زعلان ابدا لانه إدا للمنتدى دا كتير قوي ,,,

شكرا لنقدك كان قاسي شويا

وسامحوني ع الرد مرتين ,,

دمتي بكل السعاده