مدرستكوا جاية تعذبوكوا (دفعة جديدة من تانى ) معانا morshooo

[zezosoltan]

انتو هتتعذبو لما تموتو

[براءة حلم]

هههههههههههههه فكره تحففه بس اوضه الفئران واو تخوف
رجعتنا لايام حلووه
بنتظار اوي تلمييييذ
ماشالله مبدعه حبيبتي دائما استمري
فايف ستار

[تيتشر نفشه ツ]

15- عشت قصة اعجاب للجنس الاخرواعجبت بيه فى المدرسة؟ حصلك موقف قبل كدة معاه ..لو فيه احكى

لاخالص انا كل دراستي كانت في السعوديه يعني مكانش في اختلاط او كدا ..

16-ياترى كنت تلميذ شاطر ومتفوق وبتاكل الكتب ولا بتفتح الكتاب وتقعد تسرح فيه؟

انا من رابعه ابتدائي لغاية اولى اعدادي كنت اعظم سريحه فيكي يامدرسه كنت بسرح جامد

ومكانش دماغي في المزاكره بس كنت بجيب درجات حلوه بردو يعني

17- كنت بتعتمد على حد دايما يقعد يذاكرلك ولا انت كنت بتذاكر لوحدك ولا بتكبر خالص وبتسيبها بظروفها؟

والله على حسب يعني ابتدائي كانت ماما بتذاكرلي .. اعدادي كنت بذاكر لنفسي بس رياضه اللي كنت بجيب

مدرسه فيها .. ثانوي بقا كانت اشطر مرحله فيها وكنت بجيب فيها نسب عاليه يعني وكنت بذاكر لوحدي

بقيت مدركه بقا يعني ايه دراسه ويعني ايه مستقبل وكدا يعني انا جبت في الثانويه العامه قسم علمي

نسبة 97%

18-كنت بتاخد دروس خصوصيه ؟ولو اة كنت بتاخد كام درس وفى انهى مواد؟

زي ماقلتلك هوا الاعدادي بس كنت باخد في الرياضه ومش طول السنه كمان بس وقت الامتحان النهائي

انما الانجلش بقا كنت طول عمري باخد كورسات فيه يعني مكنتش بقطع الانجلش طول عمري

19- زوغت قبل كدة من المدرسة ؟ولو اة زوغت كام مرة ؟واحكى ايه اللى حصل بالضبط

للأسف كمجتمع سعودي مغلق مكانش بيبقى فرصه نعمل الكلام الجميل دا كان اخري من البيت للمدرسه ومن المدرسه للبيت

20- ياترى كنت بتركز فى الحصة ولا بتقضيها هاتك يانوم ولبان ؟ ولو حصه مش داغله مزاجك كنت بتعمل ايه فيها بتطلع تاكل وتعيش حياتك ولا ايه النظام؟

المراحل اللي كنت مش قوي فيها كنت بسرح فيها جامد حتى لو ان شالله مين الي بتدينا الدرس

لكن اقوى مرحله كنت بركز فيها كانت الثانويه العامه

والحصه اللي مكانتش تعجبني اقعد اكمل دروسي فيها واقعد ارغي فيها مع صاحبتي واسيب المدرسه بقا تولع

بالحصه بتاعتها
21-كان زى مدرستك لونه ايه وشكله ايه فى(ابتدائى – اعدادى – ثانوى)؟ وكنت بتلتزم باللبس دة ولا كنت بتلبس مخالف؟

ممممم

ابتدائي كان مريول كامل لونه رصاصي هجيبلك صوره زي الزي بتاع الابتدائي بس كان شكله احلى من كدا طبعا



انما الاعدادي كان مريول ازرق كت وتحتيه قميص لونه ابيض .. مش لقيت صوره بقا معلش ياأبله

في الثانوي بقا كانو بيستعبطو علينا شويا بقا

يعني اولى ثانوي كان مريول رصاصي وتحتيه قميص سماوي

وفتانيه ثانوي كان مريول رصاصي وتحتيه قميص ابيض

وفثالثه بقا قمة الاستهبال مريول رصاصي وتحتيه قميص بنك



22- عمرك مريت بموقف ضربتك فيه مدرس او مدرسة مفتريه؟لو اضربت احكى الموقف ...عادى خالص

هههههه اه عادي خالص

لاء هيا مش ضربتني

كنا فأولى اعدادي ولسا جداد ع المدرسه بقا وكل بنوته فحالها كودا انا بالصدفه صفرت نهاية الفسحه

يعني المفروض نطلع الفصول انا اتأخرت نص دقيقه والله عشان زحمه البنات ومكنتش قادره اعدي فدخلت الفصل

ومش كان في مدرسات او حاجه كنا بس البنات قاعدين مستنيين الميس تيجي ففجأ دخلت علينا المراقبه

بتاعت ثانيه اعدادي ونادتني وزعقتلي وقالتلي المفروض مش تتأخري رحت مكاني وقعدت اعيط بقا

مسكتش لاخر الدوام .. ماتفهميش شافتني ازاي من بين عشرميت بنت ؟؟ والله لحد ناو مستغربه هههه

بس مش مسامحاها لحد دلوقتي علشان انا ممكن اسامح فأي حاجه الا ان حد يزعقلي

23-ها ايه ظروفك مع الامتحانات كنت مقضيها صواريخ طايرة ولاسلكى مرفوع وغش وبراشيم والرزق يحب الخفيه وكدة ولا كنت مش بتغش ومعتمد على نفسك وكدة؟...قول الصراحة

والله العظيم وبكل صراحه انا لحد ماتخرجت من الاعدادي وانا مس بغش

دخلت الثانوي بقا لاني كنت مجنونه بالدرجات ومش عاوزه اي درجه تضيع مني كنت بحل

واتأكد من البت افنان صح ولا غلط هههههههه

وكنت بغشش بردو يعني في الثانوي كنت بغش وبغشش سمالله عليا بحب اساعد هههههههه

24- ياترى بعد الامتحان كنت بتحتفظ بكتابك وتشيله ولا بتعمله عصافير الجنة وترمية فى اقرب سله ؟

هههههههه عصافير الجنه طبعا انا كنت بطلع من الامتحان مخصوص عشان اقعد اقطع فيه انا والبنات هههه

ونرميه فأوسخ زباله هههه

25-كنت بتحب الصحيان بدرى؟وكنت بتستنى رجوعك للمدرسة ولا كنت بتستنى الاجازة بفارغ الصبر؟

الثانوي بس اللي كنت بستنى فيه الاجازه بفارغ الصبر من كتر ماكنت بذاكر غير كودا عادي

26- ايه هى كانت طريقتك فى المذاكرة؟وكنت بتحب تذاكر فى انهى مواعيد بالضبط مثلا (قبل الفجر او بليل او الصبح بدرى)؟ وكنت بتحب تذاكر مع صديق لك ولا لاء؟

كنت بذاكر فأخر الليل ههه بس الثانوي كنت بصراحه بذاكر مع صاحباتي وكنا بنشجع بعض قوي لما نتقابل

يعني احلى حاجه فشلتنا اننا كنا روشين وشاطرين فنفس الوقت يعني وقت المذاكره مذاكره ووقت العب كنا بنهيص

27- انت بتذاكر بصوت عالى وتفضل رايح جاى ولا بتذاكر من غير صوت وانت قاعد؟بتقدر تذاكر وانت جنبك حاجة شغالة زى تليفزيون او راديو ولا بتحب تذاكر فى هدوء؟

لالا عمري ماعرفت اذاكر في الدوشه سواء اختبارات نهائيه او اعمال السنه وكانت مواد الحفظ افضل رايحه جايه في البيت

انما مواد الفهم زي الكيميا الفيزيا والاحياء وكدا كنت بقعد واركز فيهم يعني

28- اخيرا...احكيلى اصعب موقف مر عليك فى حياتك الدراسيه عموما

مش فاكره موقف معين الحقيقه كانت مواقف كتير صعبه عليا ..



موقف لايمكن تنساه وحصلك فى المدرسة لو كان سعيد احكى ولو كان حزين احكيه؟

ايوا لما صاحبتي وهيا ماشيه اتكعبلت ووقعت وقعه جامده ورجليها مش قدرت تمشي عليها

كنت حزينه علشانها قوي ..

موقف حصلك مع مدرس من مدرسينك؟

مدرسه الدين بتاعتي كنت بحبها جدا كانت فجأه ماشيه في الساحه وهيا شياكه كدا وقامت اقعه حتت وقعه

ههههههه معتبره بس بعدها راحت المستشفى علشان ايدها اتلوت او حاجه زي كودا ..

موقف حصلك مع اصحابك فى المدرسة؟

مره صاحبتي ايمان كانت معايا فلجنة الامتحان وبتحل بكل هدوء ومش بتبص لحد وكده

جت مدرسة الفيزياء كانت مراقبه ع اللجنه والمدرسه دي مش محترمه خالص وصوتها دايما عالي وكدا

المهم انها لمحت البنت اللي جنب ايمان بتبص فورقت ايمان ففكرت ان ايمان هيا اللي بتقربلها الورقه

ودا غلط مكانتش ايمان بتعمل كدا

فقامت بقا هاتك ياتهزيء

ايمان طبعا مش سكتت ليها ومرضتش توقع ومرضتش تطلع من اللجنه الا لما يرجعولها الورقه وتكمل حل

وفعلا

جدعه صاحبتي صح

[تيتشر نفشه ツ]

نكمل بعدين بقا

ثلامو عليكو ناو

[۩۩ elMagic ۩۩]

مؤبد ان شاء الله يا رنين
ههههههههه
ليا باك بقآ بعد ما اشوف الاجابات
تمام المجهـود يا سيرو
بس انا كنت من التلاميذ المتفوقين على فكـره
مليش دعوه عايز اسمى يكون موجود

[توليلا غسان]

هههههههههههههههههههههههه ضحكت يا رنين تجنني

كلنا شطرين بس مجانين

تسلمي يا قمر علي الاسئلة

[۩۩ elMagic ۩۩]

اقتباس تقريبا كنت باخد سندوتشات جبنه سايله ..

لبن دا ولا تصبيره يا بت
قال سايله قال
ههههههههههه
شريره يا رنين من يومكـ
اجابات جميله منكـ
فاكره الاسمايل دا 8)
يلا متابع اهــو أعم

[محمدعبدالسلام]

الموضوع اكثر من رائع وروعة

اقتباس 19- زوغت قبل كدة من المدرسة ؟ولو اة زوغت كام مرة ؟واحكى ايه اللى حصل بالضبط للأسف كمجتمع سعودي مغلق مكانش بيبقى فرصه نعمل الكلام الجميل دا كان اخري من البيت للمدرسه ومن المدرسه للبيت

مكانش بيبقى فرصه نعمل الكلام الجميل دا

ههههههههههههههه عجبتنى قوى اجابات جميلة ههههههههه

تحياتى

[تيتشر نفشه ツ]

اقتباس المشاركة الأصلية كتبت بواسطة توليلا غسان هههههههههههههههههههههههه ضحكت يا رنين تجنني كلنا شطرين بس مجانين تسلمي يا قمر علي الاسئلة

منوراني ي قلبي وابقي تابعي علشان تطلعيني من الازمه دي

[تيتشر نفشه ツ]

اقتباس المشاركة الأصلية كتبت بواسطة محمدعبدالسلام الموضوع اكثر من رائع وروعة مكانش بيبقى فرصه نعمل الكلام الجميل دا ههههههههههههههه عجبتنى قوى اجابات جميلة ههههههههه تحياتى

ههههههههه شفت

منورني دايما