hana منورانـــــا على كرسي الأعترافــــــ...

[كريم الشاعر]

بصى بقى من غير زعل
ومن غير لف ولا دوران

إحنا هنا فى كرسى الإعتراف
يعنى مش قسم الخواطر

يعنى نتكلم من القلب على طول
ومش نحجم مشاعرنا فى إطار فلسفة اللغه

<<< إللى فى القلب على الكيبورد على طول >>>




hana

إنسانه لها لونها الخاص
لها عطرها الخاص

قلمها بمذاق غير تقليدى وغير معتاد

أثبتت بكل كلمه تكتبها وتنسجها أنها بسيطه إلى حد الجمال

>> من هنا أبدأ أسئلتى


( 1 ) لمن تكتبى كلمات الحب ؟ ولمن كانت كلمات الوداع ؟؟

( 2 ) هل أنتِ تذهبى إلى قلمك .. أم قلمك هو الذى يأتيكِ ؟؟

( 3 ) هل أنتِ التى تتحكم فى الكلمات فتكتبيها كما تريدى
أم كلماتك هى التى تكتبك ؟؟؟





hana

واضحه جدا جدا جدا

نعرفك بكل سهوله

لأنك لا تخفى شئ عن ذاتك

وجودك بيننا يخبرنا عن شخصيتك

كالورده لا تخفى بداخلها سوى سر خالقها


>> من هنا أكمل أسئلتى


( 4 ) لماذا إسم (( hana )) ؟؟

( 5 ) من علمكِ لغة القلم ؟؟ ومنذ متى وأنتى تجيديها ؟؟

( 6 ) لمن تحبى أن تقرأى

( 7 ) أجمل جمله كتبتيها ؟؟ ...
وإسم اجمل قصيده قرأتيها ؟؟ ...
وأجمل رأيى عن أشعارك سمعتيه ؟؟ ...
وأصعب تعليق عن أشعارك سمعتيه ؟؟ ...


hana

الإنسانه غير الشاعره

فدائما الإنسان لا يكون كلماته إلا فى حدود تلك الكلمات

ودائما ترسم لنا الكلمات شخصيه غير الحقيقه


>> من هنا سأتكمل أسئلتى


( 8 ) هل hana إللى فى القصائد هى إللى فى الحقيقه ؟

( 9 ) أحلامك ؟

( 10 ) الأشياء المحببه لكِ ؟

( 11 ) شخصيتك ؟

( 12 ) آخر شئ كلمه تهديها لكل أعضاء المنتدى
وبعدين كلمه تهديها ليا :vb19:

hana

بكل صدق

أنتِ نجمه
أبدا لن ينطفئ نورها

تقديريـ،،،،،،،،،،،،،،،،،،،،،،،،

[hana]

تران تراان ترين تروون >>> السلام الملكي لوصولي خخخخ

>> يلوح بيده الكريمه ويقول السلام عليكم
وعليكم السلام ورحمه الله وبركاته(وانا الوح بايدى ايضا)

شلوووووووووووووووونج hana
الحمد لله على ما يرام يا عبد الملك

فرآشــه لهآ جولآت في صرحنـا الغآلي ..
خفيفة الظل وكريمة الـروح ..
إنسآنه بسيطه في حضـورهـا وردودهـاا ..
جميله بمعنى الكلمـه ..
خلق يُبهـج ملآقيهــا ..
مع أختنــا المرحــه نوران..
ربنا يكرمك كل الكلام الجميل ده عشانى


منور الكرسي بوجودك ولا ننسى ان نشكر اختنا رنوما على المتهم المناسب في المكان المناسب
لها ولكم جزيل الشكر

يالله نبدا الاسئله وسمي بالله
بسم الله الرحمن الرحيم

س1: أين تجدين نفسك .. مع نفسك .. ومتى ؟؟
لما اكون لوحدى مع نفسى داخل اوضتى بعيد عن الناس

س2: ماهي الخطوط الحمراء في حياتك اللي ماتسمحين لاحد يتعداها ؟؟
هى مش خطوط حمره هى بس تقدر تقول خصوصيات لو اتعرفت مش هتبقى ذكريات جميله فمن حق كل انسان انه يحتفظ بيها لنفسه

س3: كم عمرك على النت 00 و وش اكثر فائده اخذتيها منه ؟؟ سنتين تقريبا طبعا اكتسبت اجمل صحبه وزادت معلوماتى كتير وتوسعت مجالات تفكيرى وبقيت اقدر اعرف اى شىء لمجرد تحريك الماوس

س4: ماسبب اختيارك لمنتدى ادما ؟؟
والله هى صدفه كنت على جوجل ودخلت حب استطلاع ليس الا

س5: ما اصعب لحظه بحياتك ؟؟ وفاه امى رحمها الله

س6: من احب الناس إلى قلبك ؟؟
تصدق السؤال صعب طيب ممكن اختيارات
طيب ناس عاديين كده والا ليهم ميزه
سؤال يطرح نفسه

س7: تخيلي ان العالم بهاللحظه يصغي لك 00 وش بـ تقولين ؟
اقول للعالم امه محمد اقوى مما تتخيلوا وان شاء الله سوف تعود كما كانت واقول للعرب يا رب نفوق بقى قبل فوات الاوان

س8 كيف تقضين أوقات فراغك ؟؟
فى حاجات كتير هنا على المنتدى وممكن اقرا اى شىء ييجى على بالى وممكن اخرج وممكن اقعد مع نفسى ودى الغالبيه

س9 ما رأيك في هذه المقولات عن المرأة
الشيطان يكفيه عشر ساعات ليخدع رجلاً والمرأة يكفيها ساعة واحدة لتخدع عشر شياطين
بص هى مقوله صحيحه لفئه معينه من النساء كلنا لا نختلف عليها بس مش كله فيه نساء فضليات وفيه بجد اكتر من شياطين

الشيطان أستاذ الرجل وتلميذ المرأة
صح الصح بس زى ما اتفقنا الا من رحم ربى

س10متى تتخذين موقف الصامت ؟؟
عندما اشعر بالظلم

س11من هي صديقة عمرك ؟؟
بنت زى العسل اسمها دنيا

س12من اول شخص تلجأين له اذا صارت لك مشكله ويعتبر بئر اسرارك ؟؟
كان فيه شخص ودلوقتى اسرارى جوايا ممكن يخرج بعضها وسط سطورى

س13ما هو شعورك بهـ اللحظه ؟؟
بحاول اجاوب بمصدقيه وشفافيه وتركيز

س14هل انت مرتاحه ع كرسي الاعتراف ؟
لحد دلوقتى اه

اخر الاسئله عشان مانكثرها معك
لا يا راجل

لمن تهدين هذه العبارات من داخل المنتدى وخــارجه..؟؟
- احلم وانا معك..الحلم-انت عندي حاجه غير..برضه الحلم
-ابتسم بكره احسن..لكل حزين
-روح الله حسيبك..لكل ظالم

من هو..من خارج المنتدى او من داخله..؟؟
-قلم تقوليــن اليه ..لماذا الغموض..انسان بحترمه
-قلم تقولين اليه ..الى الامــام..عاشق الاحزان عنده فكر جميل بس عايز مشاركه ممن يحاورهم
-قلم تقولين اليه ..ابتسم..هاناقلم يجذبك..كريم الشاعر
قلم تبتسمين له..خالد المصرى
قلم تنتظرين مشاركاته..نزف الزكريات

لمن تمنحين هذه العبارات..من داخل المنتدى او خارجه..
-عالمي الخاص..حبيبى-مملكتي..احزانى
-قمرهم كلهم..رانومه


تقبلي مروري واللي مابدك تجاوبي عليه انتي حره ومسموح بذلك
لا طبعا انا اتشرفت بيك وتحت امرك فى اى وقت

ولي رجعه انشالله
فى انتظارك ولك كل التقدير

[عاشق الأحزان]

يا هلا يا هلا
هنا على الكرسي وانا معرفش
طيب يا جماعة حد يقولى
حد يرنلى

معلش يا هنا والله اسف على التاخير محدش قالي
ههههههههههههه
كنت جيتك بدري

تنحني يا هنا
هههههههههه
احم احم
عاشق وصل يا هنا


وسعو الطريق
طبعا جايبلك كام من سؤال بسيطات يا غالية
ومبحبش اثقل عليكي
علشان كده انا خفيف وزيارتى خفيفية


ههههههههههههه
انا مش عارف انتى اللى وقعتى ولا الهوا رمامي
ههههههههههههه
واستعنا على الشقى بالله


1-احسن موضوع مر عليكي بالمنتدى واستفدتي منه

2-منهو احسن عضو هنا بالمنتدى مر عليكي


3-رسالة تختاريها لخمسة من الاعضاء

4-مين اكثر عضو اعجبك فى الردود

5-مين اكثر عضو اعجبك فى المواضيع

6-مين اكثر عضو تستريحيلو

7-مين اكثر عضو تحسي دمه تقيل وبدون زعل او احراج

8-مين اكثر عضو عجبك توقيعه بالمنتدى؟

9-مين العضو اللى حسيتييه قريب منك


10-مين العضو اللى لما تشوفي اسمه فى عداد المشاركات تحبي تشوف هو كتب ايه؟


11-( زمان وانا صغير.. كنت بحلم ابقي كبير.... كبر القلب واتحير مالدنيا والمشاوير ....)

-دي اغنيه لهشام عباس .. امتي قلت يارتني فضلت صغيرة ؟



12--كنت تتمنى تطلعي ايه وانت صغيرة؟؟


13--اكيد نظرتك للحياه لما كنتي صغيرة اختلفت لما كبرتي .... ممكن تتكلم عن الاختلافات دي ؟؟؟




14-لو الزمن رجع بيكي للماضي ايه الحاجه اللي هتصلحيها في حياتك ..


15--ايهما افضل مرحلة ابتدائي او اعدادي ...


16-ايه الموقف اللي حصلك وغيرك او غير حياتك 180 درجة


17-اكتر ماده كنتي بتكرهيها في حياتك ؟؟


18-الخوف ..... بيمثل كام في الميه في حياتك ؟ وليه؟


19-اوصفي شعور الغربه ؟؟


20-اوصفيلنا شعورك يوم ظهور نتيجة الثانويه العامه .... ويوم اخدتي البكالريوس ؟؟


21- امنيه عامة تتمنى تحقيقها ؟


22-وامنيه شخصيه ؟


23-دعائك المفضل ؟





24- لما كنتي فى الكليه .........زمااااااااااااااااااااان.......فيه مره وصلتي لدرجه نقاش جامده مع اى دكتور او معيد؟...ممكن لو فيه تحكى لنا الموقف؟


25-اول ما بتفتحي التليفزيون بتتفرجي على ايه .......؟

26-حد من اصحابك زعلتي معاه قبل كده لدرجه انك ندمتي انك اديته الامان........حتى لو اتصافيتم بعد ذللك؟

27-كنت بتقعدي فين فى الفصل وانتي فى ابتدائى؟ يعنى فى الاول ولا فى الاخر؟


28-فيه مره انضربتي ظلم وانت فى المدرسه؟ولو فيه احكى الموقف؟واتصرفتي ازاى؟


29-متى اكثر موقف فى حياتك حسيتي فيه انك جوعانة؟

30-مين اللى عرفك على منتديات بنات مصر؟؟؟

31-بتحبي البحر؟ وشو بعنيلك البحر؟؟؟

32- كنتي تحبي يكون تخصصك ...ال....والا كنت تحبي تكوني حاجه تانيه؟وليه؟

33- لعبتي فى الشارع قبل كده..الشارع .....ههه؟


34-لو حد زعللك ..بتقوليله والا بتسكتي؟


35- لو خيروكي بين بلاد الدنيا كلها....شوالمكان اللى بتحبي تكوني فيه ...غير مصر......؟


36- بكيتي من اغنيه قبل كده....ما اقصد نشيد دينى......وايه هيه؟


37- متى قلتي كفايه ..حرام؟وليه؟


38- ما هو لونك المفضل وليه؟


38-ايه هي أكثر الفواكه اللي بتحبيها؟


39-مين من اعضاء بنات مصر عندك على المسنجر؟0


40-ايه رايك ف الشخص الخجول.ورايك ف الشخص الجريء؟؟؟


41-لو قالولك لازم تبيعي حاجه من عندك هتبيعي ايه؟؟؟


42- ما هو السؤال التى لم تتوقعي ان نساله لك؟





45-- ماذا تعني لكي هذه الكلمات :
- الخيانه
- الدموع
- الحب
- الوطن

46-لماذا اخترتي اسم هنا وانتى اسمك نوران


47- لو سمحولك تمسكي منصب قيادي في البلد تختاري ايه؟ وليه ؟ وماهو اول قرار حتاخذيه؟


47- لو اتيحت لكي الة الزمن للسفر عبر التاريخ .... الي اي زمن هتسافري؟ وليه ؟




48_ شو رايك بالحرب بين الشباب والبنات ومين اللى حينتصر؟


49-قبل ما تدخلي منتديات بنات مصر اين كنتي


بيكفيكي دول يا هنا
تسلي بيهم على بين ما احضرلك وجبة ثانية تكون دسمة

ملاحظات
* جميع الاسئلة اجباري ولا يوجد بينها اختياري
* طبعا لى عودة بالتاكيد مع اسئلة جديدة
* ياريت تشربي نس كافيه ولا قهوة وانتى بتجاوبي
ههههههههههه


دمت بود
تحياتي
عاشق

[hana]

hana

منوره الكرسى
منور بوجودكم ميرسى يا ادمن

,,

نبدأ بالاسئله << داخل بسرعه فى الموضوع
حد بيجرى وراك

,,

كم مره جبتى دور تانى << من اولها يستهبل خخ
ولا مره الحمد لله مع ان المدرسين كانوا يتوقعه ليه الفشل لانى كنت مشاغبه,,

المرأه ذات المبادئ .. المتمسكه بما تؤمن به.. المؤمنه بطموحاتها ..غالباً ما يرفضها الرجل الشرقي..
هل ترى hana ذلكــ؟
مش كل الرجال يعنى فيه راجل بيدور على الجوهر وعلى امراه تصونه وتحفظه وعلى خلق ودين وتكون ام صالحه لاولاده كما عاشر امه وفيه العكس عايز الشكل واللبس والبرستيج ومش مهم الدين والاخلاق بس الاول يربح طبعا لان ما بنى على غلط...............

,,

ماموقع الحب في حياة " hana" وهل تمر بتجربه ام مرت بتجربه سابقه ام الحب اصبح ميتا ؟
موقع الحب بحياتى انا شخصيه رومانسيه الى ابعد ما تتخيل وحالمه ومريت بتجربه وكنت سعيده بيها جدا واللى عاش الحب بصدق لا يستطيع الاستغناء عنه ولن يموت الحب طول ما فيه نبض بالقلب لان قلبى هو حبى,,

ما هو تقييمكـ للمنتدى " المارك من 5 "؟ 5 وعن جداره بجد المنتدى ما شاء الله رائع من مشرفين واداره واعضاء وده واضح فى وفود الاعضاء الجدد يوميا وربنا يزيد ويبارك,,

كيف وصلتي للمنتدى؟ و من من الآعضاء/ العضوات تربطك بهم علاقة قرابه أو من هذا القبيل ؟
وصلت عن طريق جوجل ربنا يخليه
لا مكنتش اعرف حد على المنتدى بس دلوقتى بعتبر كل الاعضاء اخوانى واخواتى ,,

إذا استعرضنا معـــــًا أجمل محطاتك في :الطفولة ،الحي، الدراسة .؟
الطفوله كانت جميله ومرت كاى طفله مددله وحيده الابوين ولك ان تتخيل
الحى قضيت فيه اجمل ايام عمرى العشره الحلوه والناس الطيبه بس انتقلنا فى مكان اخر وافتقدت هذا الحى ولكن على صله بكل الناس تقريبا اللى كانوا جيرانا
الدراسه عدت بمراحلها كويسه الابتدائى كانت اجمل ايام وكنت بحبها الاعدادى مرحله رخمه الثانوى هى عنق الزجاجه وعدينا بحرق الاعصاب
الجامعه جميله للى عايز يوصل لهدف,,


بعد عشر سنوآت ماذا تتخيلين نفسك؟
يا هيثم مين ضامن يعيش لحظه واحده متخيلتش ده لانى كنت دائمه الشعور بقصر العمر

,,

سؤال دائما يتبادر إلى ذهنك ولا تجدين له إجابه ؟
إلى متى سنظل هكذا غثاء؟؟؟؟؟؟؟؟؟؟

,,

إذا كان باستطاعة hana أن تلغي أشخاص من حياتها! فكم شخص سوف تلغي؟ ومن؟(اذا أمكن)
لا استطيع ان الغى اشخاص من حياتى لان من تجاربى اقيم حياتى واتعلم لازم اتذكرهم حتى لا اقع فى نفس الاخطاء

,,

إذا كنتِ من النوع اللي يغير رايه؟فمن الذي له التأثير عليكِ؟
اى شخص يتحاور معى ويصل بى إلى الاقناع

,,

مـآهـي أصعب آللحـظــآت آلتـي تحـس فيهـآ hana بالعجز عن التعبير ..؟
عندما اشعر بالظلم ولا استطيع ان ادافع عن نفسى يخوننى التعبير فالتزم الصمت

[hana]

انا بس عايزه اوضح حاجه
انا مش بهرب من الاسئله بس ممكن افهم سؤال بطريقه وكاتبه يفهمه بطريقه
فمحدش يلومنى انا فهمى على ادى
يا

[اميره القمر]

اهلا اهلا
باروع شخصيه اعتبرها
ضمن لائحه الاقلام المميزه

هنا

شخصيه تتصف بالتواضع
وحضور قوى ومميز

شفافيتها عاليه
تلفت الانظار اليها

اهلا بيكى هنا
واسمحيلى اسئلك بعض الاسئله؟

-كل انسان وله أمنيات وأمال .. يا ريت تقولى عن الحلم اللي يراودك أو الأمنيةاللى تتمنيها...
؟
أصعب المواقف اللي مريت بها ؟
ماهي اجمل اللحظات في حياتك ؟
كلمه سمعتيها ودايما على بالك ولاتقدرى تنسيها ؟

نصيحه من والدك او من اي شخص اخر تعتبريها منهج في حياتك الى هذه اللحظه؟
مارايك في كلاً من الاعضاء التالية اسمائهم ..
ابو ادهم
نزف الذكريات
عاشق الاحزان
رانومه
الفراشه
دلوعه
فتى المدينه
خالد المصرى
خلود
كريم الشاعر
اميره القمر
التائبه


ولى عوده اخرى
انشاء الله

[hana]

بصى ....بصيت
بقى من غير زعل..........ربنا ما يجيب زعل
ومن غير لف ولا دوران....... حاضر

إحنا هنا فى كرسى الإعتراف.....شكله كرسى الاعدام
يعنى مش قسم الخواطر............وماله قسم الخواطر عسل

يعنى نتكلم من القلب على طول
يا كريم ده اكتر قسم الكلام فيه من القلب
ومش نحجم مشاعرنا فى إطار فلسفة اللغه
بلاها لغه نتكلم بالعاميه المصريه الاسكندرانيه

<<< إللى فى القلب على الكيبورد على طول >>>

علم وسينفذ


hana

إنسانه لها لونها الخاص
لها عطرها الخاص

قلمها بمذاق غير تقليدى وغير معتاد

أثبتت بكل كلمه تكتبها وتنسجها أنها بسيطه إلى حد الجمال
ربنا يخليك ده من بعض ما عندكم

>> من هنا أبدأ أسئلتى
اتفضل( 1 ) لمن تكتبى كلمات الحب ؟ لانسان حبيته من كل قلبى واحترمته ولا زلت احترمه
ولمن كانت كلمات الوداع ؟؟
لنفس الانسان

( 2 ) هل أنتِ تذهبى إلى قلمك .. أم قلمك هو الذى يأتيكِ ؟؟
كل منا يبحث عن الاخر

( 3 ) هل أنتِ التى تتحكم فى الكلمات فتكتبيها كما تريدى
أم كلماتك هى التى تكتبك ؟؟؟
انا بسيب مشاعرى واحاسيسى هى اللى تجسد كلماتى





hana

واضحه جدا جدا جدا

نعرفك بكل سهوله

لأنك لا تخفى شئ عن ذاتك

وجودك بيننا يخبرنا عن شخصيتك

كالورده لا تخفى بداخلها سوى سر خالقها
الحمد لله ده من نعم ربنا


>> من هنا أكمل أسئلتى


( 4 ) لماذا إسم (( hana )) ؟؟
انا كان ليه اخت توأم رحمها الله اسمها هانا فدائما المقربين وامى وكل اللى يعرفونى يقولوا لى هانا وانا اعشق ذلك الاسم

( 5 ) من علمكِ لغة القلم ؟؟ شىء فطرى منذ الصغر كنت اجيد مواضيع التعبير فى المدرسه واكتبها باتقان وساعدتنى امى فى تنميه هذه الموهبه
ومنذ متى وأنتى تجيديها ؟؟
منذ الصغر وبدات اكتب خواطر من اولى ثانوى كنت بحس ان جوايا كلمات عايزه تخرج كنت اكتبها وكانت امى تقراها وتفرح وتقولى انتى هتطلعى رومانسيه اوى

( 6 ) لمن تحبى أن تقرأى
انا اعشق فاروق جويده واقرا لكتير بس اللى بياخدنى وسط كلماته فاروق

( 7 ) أجمل جمله كتبتيها ؟؟ ... كل جمله ليها صدى جوايا وليها معنى فانا لا اكتب الا ما اشعر بهوإسم اجمل قصيده قرأتيها ؟؟ ... الرساله لكريم الشاعر من اجمل ما قرات بجد ربنا يحميك
وأجمل رأيى عن أشعارك سمعتيه ؟؟ ...
منكم هنا فى المنتدى ومن الانسان اللى حبيته كان دايما بيحفزنى ويشجعنى
وأصعب تعليق عن أشعارك سمعتيه ؟؟ ...
لا دائما توصف بالحزن والالم فبحس انى ادخلت نبره الحزن لكل من قراها فبحزن ولكنى لا استطيع ان اكتب سوى ما اشعر


hana

الإنسانه غير الشاعره

فدائما الإنسان لا يكون كلماته إلا فى حدود تلك الكلمات

ودائما ترسم لنا الكلمات شخصيه غير الحقيقه


>> من هنا سأتكمل أسئلتى


( 8 ) هل hana إللى فى القصائد هى إللى فى الحقيقه ؟
اه فكلماتى تجسد شخصيتى

( 9 ) أحلامك ؟
توقفت

( 10 ) الأشياء المحببه لكِ ؟
انا بحب كل شىء جميل فيه معنى وفيه روح
بحب البحر جدا
بحب الخضره والمناظر الطبيعيه
بحب الناس
بحب كل احساس صادق نابع من داخل انسان
بحب الانسانيه
بحب السلام
بحب لغه الحوار
بحب المشاعر الجياشه
اقول كمان

( 11 ) شخصيتك ؟
رومانسيه حالمه ترفض الواقع

( 12 ) آخر شئ كلمه تهديها لكل أعضاء المنتدى
بقول لهم انا بحبكم جدا فى الله وربنا يجمعنا ان شاء الله فى منابر من نور تحت ظل عرشه يوم لا ظل الا ظله
واقول لهم تعالوا نحقق شىء جديد غير المنتديات اننا نتحاور ونتناقش
نقول كلام من القلب ويوصل للقلب نخاف على بعض
ونحب بعض ونلتقى لنرتقى
وبعدين كلمه تهديها ليا
كريم انت انسان بجد قلمك من ذهب قلما تجد من يفهمك ولكن انت صح
بتمنى لك مزيد من التالق وبنتظر كل جديدك حتى اتعلم منك
ربنا يحميك انت وكل شباب مصر ومن يملك الاحساس الصادق والكلمه الحره والقلم المميز

hana

بكل صدق

أنتِ نجمه
أبدا لن ينطفئ نورها
شكرا كريم وانت قمر فى سماء المنتدى تنير سكه اعشقين بما تكتبه من كلمات ليست كالكلمت
شكرا لك شرفنى وجودك وارجو ان اكون وفقت فى ردى
من غير لف ولا دوران

[hana]

يا هلا يا هلا
اهلا بيك يا عاشق
هنا على الكرسي وانا معرفش
اديك عرفت وادى النتيجه
طيب يا جماعة حد يقولى
حد يرنلى

معلش يا هنا والله اسف على التاخير محدش قالي
ههههههههههههه
كنت جيتك بدري
تحت امرك اى وقت

تنحني يا هنا
هههههههههه
احم احم
عاشق وصل يا هنا
يا مراحب باخ غالى


وسعو الطريق
طبعا جايبلك كام من سؤال بسيطات يا غالية
ومبحبش اثقل عليكي واضح جدا انت نسمه
علشان كده انا خفيف وزيارتى خفيفية
انت هتقولى:icon1366:


ههههههههههههه
انا مش عارف انتى اللى وقعتى ولا الهوا رمامي
لا الهوا بتاع رانومه
ههههههههههههه
واستعنا على الشقى بالله


1-احسن موضوع مر عليكي بالمنتدى واستفدتي منه
مواضيع كتير جدا استفدت منها ومعلومات مش كنت اعرفها قبل كده هنا فيه نخبه جامده من الاقلام الرائعه والصريحه

2-منهو احسن عضو هنا بالمنتدى مر عليكي
كتير جدا اخاف اذكر اسماء انسى حد


3-رسالة تختاريها لخمسة من الاعضاء
انا اختار الاداره عمتا واقول لهم ربنا يوفقكم بجد مجهود رائع كلنا حاسينه وبنحاول نكون متعاونين معاكم بقدر المستطاع لللثبات على القمه بالتميز

4-مين اكثر عضو اعجبك فى الردود
نزف الزكريات

5-مين اكثر عضو اعجبك فى المواضيع
كتير

6-مين اكثر عضو تستريحيلو
اى عضو برد على موضوعه برتاح لكلامه

7-مين اكثر عضو تحسي دمه تقيل وبدون زعل او احراج
لا مفيش

8-مين اكثر عضو عجبك توقيعه بالمنتدى؟
عاشق الاحزان بيبهرنى بتوقيعاته ما شاء الله عليك

9-مين العضو اللى حسيتييه قريب منك
من ناحيه ايه


10-مين العضو اللى لما تشوفي اسمه فى عداد المشاركات تحبي تشوف هو كتب ايه؟ انا متابعه جيده للردود خصوصا لو فيه حوار جاد احب اعرف اراء الاخرين

11-( زمان وانا صغير.. كنت بحلم ابقي كبير.... كبر القلب واتحير مالدنيا والمشاوير ....)

-دي اغنيه لهشام عباس .. امتي قلت يارتني فضلت صغيرة ؟
لما فقدت امى رحمها الله


12--كنت تتمنى تطلعي ايه وانت صغيرة؟؟
دكتوره


13--اكيد نظرتك للحياه لما كنتي صغيرة اختلفت لما كبرتي .... ممكن تتكلم عن الاختلافات دي ؟؟؟
اكيد واحنا صغيرين الحياه قدامنا وردى كل شىء محلول من اباءنا دلوقتى بنعتمد على عقولنا وافكارنا وبننظر للحياه بجديه اكتر

14-لو الزمن رجع بيكي للماضي ايه الحاجه اللي هتصلحيها في حياتك ..
شىء واحد بس انى هغير طريقه تعاملاتى مع سين من البشر


15--ايهما افضل مرحلة ابتدائي او اعدادي ...
الابتدائى


16-ايه الموقف اللي حصلك وغيرك او غير حياتك 180 درجه
موت امى غير حياتى باكملها ولما وجدت الانسان اللى يعوضنى هذا الحنان خسرته فاصبحت الحياه مجرد ايام مليئه بذكريات لا استطيع التخلى عنها فتغيرت حياتى من واقعيه الى مجرد احلام اهرب اليها من واقعى


17-اكتر ماده كنتي بتكرهيها في حياتك ؟؟
الفيزياء


18-الخوف ..... بيمثل كام في الميه في حياتك ؟ وليه؟
هو مش خوف هو حذر بيمثل كل حياتى مش بقيت زى الاول اتعامل بتلقائيه لازم اعمل حساب كل كلمه مع الناس

19-اوصفي شعور الغربه ؟؟
شعور مر فالغربه كشجره بلا جزور ممكن ان يعصف بها الهواء فى اى وقت وامر غربه غربه النفس لما تحس انك غريب داخل نفسك


20-اوصفيلنا شعورك يوم ظهور نتيجة الثانويه العامه .... ويوم اخدتي البكالريوس ؟؟
ظهور الثانويه العامه فضلت ازغرت ومكنتش مصدقه انى طلعت من عنق الزجاجه
انا ماخدتش بكالوريوس انت اوصف لى شعورك بيه

21- امنيه عامة تتمنى تحقيقها ؟
السلام فى كل مكان وان يسود الحب بين العرب ونحب بعض ونخاف على بعض ونفتح مجال بنا للتعارف والاحترام ونكون امه يفتخر بها يا رب

22-وامنيه شخصيه ؟
بلاش لانى عمرى ما تمنيت شىء وتحقق مش تشاؤم بس شىء مجرب


23-دعائك المفضل ؟
اللهم الهمنى رشدى وقنى شر نفسى


24- لما كنتي فى الكليه .........زمااااااااااااااااااااان.......فيه مره وصلتي لدرجه نقاش جامده مع اى دكتور او معيد؟...ممكن لو فيه تحكى لنا الموقف؟
لا احنا ممكن نتكلم بحياديه ونوصل لراى بقمه التحضر والحمد لله انا محبوبه بين اساتذتى

25-اول ما بتفتحي التليفزيون بتتفرجي على ايه .......؟
بحب القاهره اليوم و90 دقيقه

26-حد من اصحابك زعلتي معاه قبل كده لدرجه انك ندمتي انك اديته الامان........حتى لو اتصافيتم بعد ذللك؟
اه وده علمنى انى اكون حذره

27-كنت بتقعدي فين فى الفصل وانتي فى ابتدائى؟ يعنى فى الاول ولا فى الاخر؟
فى الاخر علشان كنت بتكلم كتير واشاغب


28-فيه مره انضربتي ظلم وانت فى المدرسه؟ولو فيه احكى الموقف؟واتصرفتي ازاى؟
حد يقدر


29-متى اكثر موقف فى حياتك حسيتي فيه انك جوعانة؟
انا بطبعى مش اكيله يعنى ممكن انسانى

30-مين اللى عرفك على منتديات بنات مصر؟؟؟
جوجل ادعوا له

31-بتحبي البحر؟ وشو بعنيلك البحر؟؟؟
انا بعشق البحر
قمه الرومانسيه ولغه حوار العاشقين

32- كنتي تحبي يكون تخصصك ...ال....والا كنت تحبي تكوني حاجه تانيه؟وليه؟
لا انا حابه تخصصى وناجحه فيه جدا وعندى افكار مجنونه بس بتطلع جميله وبتمنى امارس ده بشكل عملى بعد التخرج
مجال العمل بيكون اوسع

33- لعبتي فى الشارع قبل كده..الشارع .....ههه؟
هههههههههههههههههههه
معندناش بنات تنزل الشارع


34-لو حد زعللك ..بتقوليله والا بتسكتي؟
لا بقول واتعصب واقلب الدنيا واهدى وكان مفيش شىء حصل


35- لو خيروكي بين بلاد الدنيا كلها....شوالمكان اللى بتحبي تكوني فيه ...غير مصر......؟
نفسى اكون فى الحرم مكان ما امى توفاها الله


36- بكيتي من اغنيه قبل كده....ما اقصد نشيد دينى......وايه هيه؟
اه كتير بس اكتر اغنيه طمنى عليك لمحمد فؤاد

37- متى قلتي كفايه ..حرام؟وليه؟
قلتها قريب لانى اتظلمت وكل لما اسكت الاقى سيل من الاتهامات صرخت جوايا

38- ما هو لونك المفضل وليه؟
انا بحب الازرق بدرجاته
ليه بقى استنى لما اسالنى

38-ايه هي أكثر الفواكه اللي بتحبيها؟
العنب

39-مين من اعضاء بنات مصر عندك على المسنجر؟0
مفيش


40-ايه رايك ف الشخص الخجول.ورايك ف الشخص الجريء؟؟؟
الخجل له حدود لان الخجل مرض نفسى يجب ان يعالج عن طريق الحوار وتقارب الافكار فيزول مع الوقت
اما الجراه فيه جراه محبوبه ومطلوبه ولها مواقف وفيه جراه مش بحبها لانها بلا انسانيه

41-لو قالولك لازم تبيعي حاجه من عندك هتبيعي ايه؟؟؟
هبيع الحزن


42- ما هو السؤال التى لم تتوقعي ان نساله لك؟
لما ييجى هقولك


45-- ماذا تعني لكي هذه الكلمات :
- الخيانه غياب الضمير- الدموع عمق الاحساس
- الحب اسمى ما فى الوجود مش شرط حب العاطفه انما الحب بصفه عامه
- الوطن شرف الانسان وجذوره

46-لماذا اخترتي اسم هنا وانتى اسمك نوران
غلاسه طيب مانت اسمك غسان وضح مع التعليل

47- لو سمحولك تمسكي منصب قيادي في البلد تختاري ايه؟ وليه ؟ وماهو اول قرار حتاخذيه؟
اختار منصب محافظ الاسكندريه
وارجعها كما كانت فى عهد المحجوب

47- لو اتيحت لكي الة الزمن للسفر عبر التاريخ .... الي اي زمن هتسافري؟ وليه ؟
انا بحب عصر الخلفاء الراشدين
لان الدين والحب والعدل كان سائد فى هذا الوقت
يعنى اروح فى عصر عمر ابن الخطاب وابو بكر الصديق

48_ شو رايك بالحرب بين الشباب والبنات ومين اللى حينتصر؟
ههههههههههههههههههههه
البقاء للاقوى


49-قبل ما تدخلي منتديات بنات مصر اين كنتي
كنت فى منتدى تانى


بيكفيكي دول يا هنا
يا راجل دور كده يمكن سؤال وقع منك
تسلي بيهم على بين ما احضرلك وجبة ثانية تكون دسمة
على اساس ان دى فتح شهيه

ملاحظات
* جميع الاسئلة اجباري ولا يوجد بينها اختياري
* طبعا لى عودة بالتاكيد مع اسئلة جديدة
تنور:icon1366:
* ياريت تشربي نس كافيه ولا قهوة وانتى بتجاوبي
ههههههههههه
اه مانت عارف اسئلتك سهله وبسيطه والاهم بقى انى جاوبت وعند الارسال النت فصل
يعنى جاوبت مرتين
المشاريب عليك
نورتنى يا عاشق واتشرفت باسئلتك واوعى تيجى هنا تااااااااااااانى

[hana]

اهلا اهلا
اهلا بيكى يا اميره المنتدى
باروع شخصيه اعتبرها
ضمن لائحه الاقلام المميزه
التميز كله فى وجودك
هنا
نعم
شخصيه تتصف بالتواضع
وحضور قوى ومميز

شفافيتها عاليه
تلفت الانظار اليها
ربنا يخليكى يا اميره ده من حسن ردك

اهلا بيكى هنا
واسمحيلى اسئلك بعض الاسئله؟
انا تحت امرك
-كل انسان وله أمنيات وأمال .. يا ريت تقولى عن الحلم اللي يراودك أو الأمنيةاللى تتمنيها...؟
بحلم بالحب والتسامح والسلام والوحده العربيه

أصعب المواقف اللي مريت بها ؟
موقف خسرنى انسان كنت اتمنى انه يفضل جنبى وافضل جنبه لكن قدر الله وما شاء فعل
ماهي اجمل اللحظات في حياتك ؟
صدقينى لو قلت لك لما بواظب على الصلاه واصلى قيام ليل والفجر وادعى لاموات المسلمين وادعى ربنا بحس انى نقيه اوى وبرتاح راحه بتمنى من ربنا انها تدوم
كلمه سمعتيها ودايما على بالك ولاتقدرى تنسيها ؟
اتق الله حيثما كنت كانت دايما ماما تقولها لى اتقى الله فى نفسك وفى كل افعالك بس احنا بشر وبحاول اطبق على اد ما بقدر
نصيحه من والدك او من اي شخص اخر تعتبريها منهج في حياتك الى هذه اللحظه؟
كل كلام امى ما زال قدامى وبعيش من خلاله
مارايك في كلاً من الاعضاء التالية اسمائهم ..
ابو ادهم موسوعه من المعلومات القيمه القرب منه افاده كبيره واخلاق عاليه وروح جميله مليانه حب ووفاء
نزف الذكريات القلم الصادق والرد الحر الخالى من الرياء
عاشق الاحزان خفه دم وروح عاليه مميز بردوده الخفيفه بيضيف جو من المرح وعقليه ناضجه
رانومه رانومه روح المنتدى والقطه اللى بتناغش باسلوب محبوب
الفراشه انسانه جميله هاديه تمتعنا باجمل العطور جميله فى مواضعها وردودها
دلوعه قمه الدلال والرقه
فتى المدينه بحب تعليقاته وردوده وخفه دمه
خالد المصرى قمه من التميز والعقلانيه والرد المبهر فى سياق كلمات منمقه لقلم مميز
خلود خلود من اجمل الاعضاء انسيابيه فى سرد المواضيع
وقمه فى المشاعر الجياشه ربنا يحقق لك كل ما تتمنى يا رب
كريم الشاعر القلم الحر الجرىء الرومنسى شاعر المنتدى بياخدنا من عالمنا الى عالم منسوج من اجمل المشاعر والاحاسيس بتوه وسط السطور ومش بلاقى كلام يوفيه حقه
اميره القمراميره فى مشاعرها بحسها قريبه من كل الاعضاء وبحس فيها بحنان الامومه
التائبه تالقت بمواضيع جميله وتميزت فاستحقت ان تعتلى عرش التميز وانتقاء الكلمات


ولى عوده اخرى
انشاء الله
تنورينى انا فى انتظارك ويا رب اكون رديت كما تمنيتى اميره
لكى كل الحب

[خلود]

متميزة كعادتك عزيزتي hana

و جميلة بروحك و تواضعك

كان مروري من هنا لروعتك

يا غالية ولن أضيف اي سؤال

فاجاباتك تكفيني

دمتي بكل الود