*** الـــــــ ،، ــــــــ عـــــ ،،، ــــريـــ ،،، ــــس ... الصينى،،،

[** رحيق الجنه **]

العريـــــس الصينــــــــــي

عرض مغري لكل بنت عربية نفسها تتزوج وبتنام ودموعها علي خدها لمجرد

انها مش جميلة بمقاييس الشباب وطبعا هي زي القمر بس هم الي معندهمش

نظـــــــــــر ...

من النهاردة مافيش دموع

وتحدي

مع العريس الصيني حنحل أزمة العنوسة مش كده وبس لأ حنحل مشكلة الطلاق

لان كل واحد في إيده ست حيعرف قيمتها وحيخاف يزعلها ماهو عارف أخرتها

مع العريــــــس الصــــــيني

تقدري حببتي تبرمجيه زي ما انتي عايزة متسبيش نفسك في حاجة

كل الكلام الحلو اللي كنتي تتمني تسمعيه دلوقتي تقدري تسمعيه ومش حلم لا حقيقة

العريــــــس الصيــــــــــني

وداعا للمشاكل والتحكمات وداعا للخناق بدون سبب

العريـــــس الصينـــــــــي

مبرمج علي العادات العربية

يعني بيجي معاه الشبكة اللي انتي عيزاها ما انتي حتدفعي يابنتي وكله بتمنه

العريـــــــس الصينــــــــي

من غير أم ولا أب

يعني مش حتلاقي واحد بتمصمص شفايفها وتقولك الا أنتي ليه لحد دلوقتي

متجوزتيش ولا تقولك انتي مالك معصعصة ليه هو أنتي أهلك مش بياكلوكي

وطبعا العريس الصيني عريس مش بتاع مامي لا ده عريس خالص مخلص يابنتي

مع العريـــــــس الصينـــــــــي

حتتضمني أنك تاكلي ومحدش ياخد الاكل من قدامك ولا يقولك كفاية بقيتي نص فيل

العريــــــس الصينــــــــي

بيشتغل اي عمل تتمنيه

انتي بس تدوسي ع الزرار الخاص بالعمل اللي تتمنيه ومن غير نقاش حيبدء في

العمل فورا ههههههههههههههههههه

العريــــــــس الصينـــــــــــي

عمرك ما حتسمعي منه

ريحتك طبيخ ولا انتي شبه الغوريلا لانك اصلا مش حتطبخي وحتلاقي وقت تهتمي فيه بنفسك

مع العريــــــــــس الصينــــــــي

ريموت التليفزيون دايما في إيديك مش حتلاقي اللي ينغص عليكي حياتك ويتفرج ع ماتشات الكورة المملة

العريـــــــس الصينـــــــــي

مش حيجي يوم وينكد عليكي ويقولك حتجوز زوجة تانية ويقولك التعدد

العريس الصيني اخلاق

يعني مش حيشتمك أبدا ولايشتم اللي خلفوكي

العريـــــس الصينــــــــــي

عمره ما حيسيبك ويسهر مع أصحابه علي القهوة لان اصحابه كلهم زيه بيعملو عمل انساني جليل

وهو انقاذ بنات جيل من العنوسة والاكتئاب

العريـــــــــس الصينــــــــي

بيجي معاه اطفال صغيرين هما في الاصل ولادك تختاريهم بنات تختاريهم ولاد انتي حرة

بس نصيحة اختاري ولاد يكبرو في عزك وعلي ايديك وبعد كده تبيعيهم وتكسبي

مع العريــــــس الصينــــــــي

مافيش قطع غيار لانك ممكن بكل بساطة ترميه ولا حتي تتبرعي بيه للجمعيات الاهليه وتشتري واحد جديد

ههههههههههههههههههههههههههههههه

العريـــــــــس الصينـــــــي

مش مضطرة تشتغلي وتصرفي ع البيه لا لالالالالالالا فلوسك كلها ليكي

يدوبك تمن العريس و مصاريف الشحن

العريــــــــس الصينـــــــــي

فيه منه ألوان كتير كمان

والمفاجاه

انك ممكن تغيري شكله ولون شعره وعينيه

يعني انتي متجددة كل يوم مع العريس الصيني

مع العريس الصيني

حطلع عين كل الرجالة وساعتها حيباتو ودمعتهم علي خدهم

وحتسمعها من كل راجل

أنا اللي جبت ده كله لنفسي

و حيعرف قيمة بنات الناس سواء حلوة ولا وحشة وحيعرف عمل إيه فيهم ماهو حيجرب وحيدوق المرارة

اطلب الان العريي الصيني ومصاريف الشحن مجانا ....

لو عندك اخت اطلبي عريسين وتلاقو الثالث مجانا ( ممكن تديه هدية لصاحبتك هههه

ال عرسان مصريين ال

ههههههههههههههههههههههههههههه

[Gogo mohamed]

هههههههه جميله تسلمي
عشان يعرفوا قيمتنا

[** رحيق الجنه **]

اسكتى ما هما اخترعوا العروسه الصينيه ..
هههههههههه
تسلمى حبيبتى
تدوم البسمه منوره

[تجملت بالعفآف]

هههههههههههههههههههه
دا تطور تجنولجيا ولا ايه
جامده اوووووووي
تسلم الايادي

[وهج الايمان]

ههههههههههههه

جامده اوووووووووووي

[** رحيق الجنه **]

اقتباس المشاركة الأصلية كتبت بواسطة ~ ♥ ورده الأحلام ~ ♥ هههههههههههههههههههه دا تطور تجنولجيا ولا ايه جامده اوووووووي تسلم الايادي

تجنولجيا
هههههههههه

!!!!!!!!!!!!!!!!!!!!

مرورك اجمد واجمل بكتييييييير اووووى
منوره يا عروسه
.....
ما اترحمش من تواجدك يارب

[** رحيق الجنه **]

اقتباس المشاركة الأصلية كتبت بواسطة وهج الايمان ههههههههههههه جامده اوووووووووووي

ربنا يخليكى منورانى بجد
تدوم البسمه..
عقبال ما نلقيلك واحد مطيع زيه عريس صينى يعنى ما يتكسرش
هههههههههههههه

منووووووووووووووووووووووووره

[براءة حلم]

ههههههههههههههه رووعه ياقمر
ربي يسعدك

[Single girl]

هههههههههههههههههههههه
هي دي الاختراعات يا اوختي ^_*
جامدة اوي يا قمر
بس يا تري كلهم هيبقوا قصيرين؟

[shrOok]

هههههههههههههههههههههه

ايوة كدة خليهم يعرفوا قيمتنا

ههههههههه

تسلمى