مكرونه بالبشاميل بطريقه جديده

[سارة بنت مصر]

السلام عليكم ورحمة الله وبركاته مكرونه بالبشاميل بطريقه جديده المقادير دجاج فيليه مكرونة اقلام فلفل ألوان البشاميل( لبن،دقيق،زبده) خلطة الشاورما وفعلا بتخلى طعمها تحفة ( طماطم،بصل،ثوم،زيت زيتون،خل،ملح،فلفل،شطة،زعتر،فلف ل أخضر،لمونة) ونضربهم كلهم فى الخلاط علبة زبادى ندخل فى الموضوع : اولا :نقطع صدور الفراخ جوليان يعنى شرائح طولية، ونحط عليها خلطة الشاورما اللى عملناها فى الخلاط ونحط عليها علبة الزبادى ونقلبهم ونحطها فى التلاجة يعنى نص ساعة او اكتر .. ثانيا: نجهز البشاميل ( معلقتين زبده كبار وعليهم زيهم دقيق ونسويهم شوية على النار لما يتغير لون الدقيق وياخد لون دهبى بعدين نضيف اللبن مع التقليب المستمر لما يتقل معانا بعدين نضيف ملح وفلفل اسمر معلش انا نسيت اصور خطوات البشاميل بس ده الشكل النهائى. ثالثا: نسلق المكرونة فى ماء وزيت ومكعب مرقة دجاج وملح. رابعا:نطلع الفراخ بقى عشان نسويها(طاسة وفيها زيت زيتزن ونحط عليها الخليط بس منقلبش على طول علشان متطلعش ميه كتير وقرب ماتستوى نضيف الفلفل الالوان ونسيبهم شوه لما الفلفل يستوى بس ميتغيرش لونة. خامسا: نجهز بقى الصينية ( صينية بيركس وندهنها زيت زيتون وبعدين نحط نص او اكثر من كمية المكرونة بعد ماقلبتها فى نص كمية البشاميل. بعدين نحط الشاورما بعدين حطيت طبقة المكرونة التانية وغطيتها بالبشاميل وجبنة موتزاريلا ودخلتها الفرن تقريبا عشر دقايق من تحت عشان المكونات تتجانس وبعدين نحمر الوجه وأخيرا ده شكلها بعد ماخرجت من الفرن وده طبق كادو لأول مشاركة

[تناهيد الهوي]

مشكوووووور والله يعطيك الف عافيه

[دمعه حائره]

يسلمو على الوصفه الجميله

[❀ ЯeRōŎō ❀]

تسلمي الايادي للوصفه الحلوه

[El_Magic]

مشكوووووور والله يعطيك الف عافيه

شكلها لذيذ

تسلمى على التوبيك

[سارة بنت مصر]

شكرا لمروركم على موضوعي وهذا شرف لي ووسام على صدري

[(طائر الشرق)]

طرح راقى وجميل

مجهود مميز وراقى

عطاء بلا توقف

دعواتى لشخصك

[سارة بنت مصر]

شكرا لمرورك على موضوعي وهذا شرف لي ووسام على صدري

[رووكه]

تسلم ايديكى يا قلبى

مننحرمش من جديدك

[سارة بنت مصر]

شكرا لمرورك على موضوعي وهذا شرف لي ووسام على صدري