اااه يابشر ... يامرض وإنتشر

[محمود الصاروخ]

سالخيير عليكم جميعا شبابنا

اكيد كل واحد فينا بيحب حاجات وبيهتم بحاجات وزى ما بيحب حاجات اكيد بيكره حاجات

يعنى لو جيت سالتك سؤال كده وقولتلك انت بتكره ايه؟؟

اكيد لازم يكون عندك رد وحاجات اساسية مكروهه عندك

بتختلف الحاجات دى من واحد للتانى اكيد ...

ما بالك بقا ان اللى تكرهه ده يكون تصرفات بنى ادمين ملهمش لزمة فى قلب المنطقة

مثلا تبقى مستعجل كده وماشى بسرعه وتلاقى بنتين قدامك ماشيين

على قشر بيض زى ما بيقولوا وجابولك المرارة ومش عايزين يعدّوك

ولا واحد ماشى ماشى ماشى بسرعه وفجاة فكر يقف ويقوم واقف قدامك انت

وسيادتك تقوم مخبوط فيه .. بتشل من اهله ساعتها

ولا تاكسى جاى يركن وحبكت يركن قدامك وانت واقف واللى ينزل يخبطك بالباب وهو نازل

كله كووووووووم والشخص اللى مفكر نفسه ذكى ومفتح كوم تانى

بيكون هو اعبط خلق الله ومفكرك اعبط منه ودايما عامل مفتح

وبيصيع عليك وكل اما تنفضله يتبسط انه كل بعقلك حلاوة هههههه

واحد زى ده تلطشه على قفاه وقوله يلا ياد من هنا عليك وعلى ايامك

حاجات خنيقة بذيئة قميئة < ايه المصطلحات دى >

تقولى يا صاروخ تكره انت ايه هقولك اكيد بكره الغبى والفار

هتضحك حضرتك وتقولى طب الغبى وعرفناه هقولك اكيد لازم تعرفه ههههههه .. ترجع وتقولى طب

الفار ليه يعنى

هقولك عشان هو اكيد غبى .. لما بيتزنق بينط فى وشك

فى حالة بقا انك تقابل حالة م الحالات اللى فاتت دى ابقى افتكرنى

وقول واعى ياد يا صاروخ وابقى قول الجملة دى برضه هتنفعك

< ااااه يا بشر .. يا مرض وانتشر >

خد عندك كام كلمة كده من اخوك صاروخ

خلاص اتخنقت خلاص اتشليت

حاجات قرفتنى بره البيت

الغبى كرهنى فى عيشتى والعبيط فاكرنا كتاكيت

بس برضه هفضل منفض وعمرى م التنفيض مليت

دى مش ناقصه غباوة .. اهون عليا احل الشيت

احسن ما اطين عيشتهم ووريهم شغل العفاريت

وارحم نفسى م الضغط وابقى لدماغى اشتريت

ولو حد فى يوم فقع مرارتى اكيد هتسمعوا صويت


خالص حبى
محمود الصاروخ

[طمطم]

هههههههههههههههههه
انت جيت ع الجرح والله
فعلا المواقف دى مستفزة اووى
بتحس ساعتها انك مخنوق ومش طايق نفسك :d
,,
نايس توبيك بقآ
,,

[ماتركس]

موضووع جميل ياريس ينقل للقسم المناسب

موفق

[الأميرة رودي]

جمييييييييل يامحمود
استمر ومنتظره الجديد

[محمود الصاروخ]

اقتباس هههههههههههههههههه انت جيت ع الجرح والله فعلا المواقف دى مستفزة اووى بتحس ساعتها انك مخنوق ومش طايق نفسك :d ,, نايس توبيك بقآ ,,

هههههههههههه
نورتينى والله

اقتباس موضووع جميل ياريس ينقل للقسم المناسب موفق

تسلم يارجووووله

اقتباس جمييييييييل يامحمود استمر ومنتظره الجديد

تسلمى ياروودى
نورتى

[توحد ارواح]

هههههه
فعلا بقا فيه اختلافات كتيره ف البشر
و لكن احيانا بنقف عاجزين مش عارفين نعمل ايه
لانه اصبحت المتغيرات كتيره حوالينا
ممكن احنا بقا كل واحد يبدأ بنفسه
و يحاول يعمل حاجه
علشان نبقى افضل
توبيك جميل
فى انتظار جديدك
تحيتى

[محمود الصاروخ]

اقتباس هههههه فعلا بقا فيه اختلافات كتيره ف البشر و لكن احيانا بنقف عاجزين مش عارفين نعمل ايه لانه اصبحت المتغيرات كتيره حوالينا ممكن احنا بقا كل واحد يبدأ بنفسه و يحاول يعمل حاجه علشان نبقى افضل توبيك جميل فى انتظار جديدك تحيتى

تسلمى ع المرور
نورتينى

[لحظة صدق]

جزاكم الله خيرا