يااااااااااارب سامحني

[khadiga]

نفسي اقرب لربنا اكتر
نفسي لما اعمل حاجه غلط الاقي تنبيه من عند ربنا
لاني بحس لو ما جاش تنبيه من عند ربنا انه زعلان مني
وانا فعلا مقصره جدا في حقه ,,

ونفسي الحاجه اللي بعملها دي ما تعودش عليها علشان ما اندمش في يوم من الايام

وكل مره اشجع نفسي الاقي نفسي خلاص اتعودت ع كده

وانا عايزه نصايحكم كاخواتي
لاني كزا مرا اقول لماما واختي وهما ينصحوني وانا فعلا بستمر زي ما بيقولوا وتيجي فتره كده بكسل

ودلوقتي بقيت مكسووفه اقولهم تااني ,,

[دمعه حائره]

خلى صلتك بربنا دايما موصوله بالصلاة والقرآن
اكتر حاجه تحفظك من الخطأ
وتشيل من قلبك اى ضيق وزهق
واحسن طريقه تخليكى تحافظى عليها
انك تصلى فى وقت الصلاة ماتأجليها
وربنا معاكى وينور طريقك دايما
ويهدينا ويهديكى

[Aya 7ekaya]

ي حبيبتى انتى هتستريحى اوى لما تحسى انك قريبه من ربنا

وربنا بيديكى تنبيه لانه بيحبك وعايزك ترجعيله
ماتضيعيش الفرصه

[ساحر الأحزان]

اهلا وسهلا بيكى خديجة معنا فى المنتدى

ربنا بيسامح وبيقبل التوبة لما تكون النية خالصة لية وانتى بتنوى انك تتوبى لية

بسى بترجعى تانى وبرضة بتوبى ودة شىء جميل لانك عايز تتوبى من تانى

وحقلك على حاجة لو حاولتى تعملى الحاجة دى غيرى تفكيرك لحاجة تانية

يعنى متخلهاش على بالك ومسيطرة عليكى وهى حتروح عن بالك

استعيذى بالله من الشيطان الرجيم

وصلى وانتى فى السجود خلى عندك الحاح وانتى ساجدة لان ربنا بيحب العبد

الحوح فى سجودة

وان شاء الله ربنا يوفقك

[تيتشر نفشه ツ]

مش عيب انك تغلطي ي حببتي

العيب انك تكرري الغلط دا وتتوبي

وانتي ماشاء الله عليكي نفسك تقربي من ربنا اكتر وتبعدي عن اي معصيه انتي بتعمليها

اجتهدي ي حببتي وصلي الصلاة فوقتها (( ان الصلاة تنهى عن الفحشاء والمنكر )) ..

وقيمي اليل وادعي فيه ربنا بأنو يثبتك على الطاعه

ولاتيأسي ابدا من رحمة ربنا

ربنا غفور ورحيم قوي ي حببتي

يارب يتوب علينا وعليكي من كل معاصي يارب

اختك رنين

نورتينا ياخديجه

[طمطم]

مش هقول اكتر من اللى قالوه
بس
هقولك ع حاجة شخصيا انا بعملها دايما علشان احس ان ربنا معايا ع طول
" الاذكار "
بجد .. طول م انت بتذكرى ربنا .. عمرك م هتعصيه ابدا
..
وربنا يهديكى ويهدينا
..

[Words Whisper]

احنا بشر

يعني لازم نُخطئ

عشان نرجع نستغفر و نقرب من ربنا

عَنِ النَّبِيِّ صَلَّى اللَّهُ عَلَيْهِ وَسَلَّمَ ، قَالَ :

" وَالَّذِي نَفْسِي بِيَدِهِ لَوْ أَنَّكُمْ لا تُذْنِبُونَ ، فَتَسْتَغْفِرُونَ اللَّهَ ، فَيَغْفِرُ لَكُمْ ،

لَذَهَبَ اللَّهُ بِكُمْ ، ثُمَّ جَاءَ بِقَوْمٍ يُذْنِبُونَ فَيَسْتَغْفِرُونَ ، فَيَغْفِرُ لَهُمْ ،

وَلَوْ تُخْطِئُونَ حَتَّى تَبْلُغَ خَطَايَاكُمُ السَّمَاءَ ، ثُمَّ تَتُوبُونَ لَتَابَ اللَّهُ عَلَيْكُمْ " . .

فمدام احنا بشر الطبيعي اننا منزهين عن الكمال

لكن المهم نرجع و نستغفر ومش نستهين بالذنب ..

مش هزود بئا كلام

لأني عارفة أني أكثر المقصرين

وهستفيد زيك من الردود

و ع فكرة فعلا المحافظة ع الصلاة

بتساعد كتييييييييييييييييييييير ..

ادعي لي بئا معاك ربنا يهديني ويقربني ليه ...


دمتِ بحفظ الرحمن ..

[~ NoDa~]

ياحبيبتي استعيني بربك
ابكي بين ايديه وفضفضي ،، اتخيلي اعز شخص قدامك وبتحبيه ومش خايفة تحكيله عن اي حاجة وفضفضي كتير كتير وعيطي كتير عشان دموعك دي ،، دموع ندم ع ذنوب وهتغسلها
اولا ،،
ثانيا بقا ، ابعدي عن اي صحبة وحشة
وقربي من ناس تشجعك تبطلي اي حاجة غلط
شوفي ايه الغلط ف اللي بتعمليه واقتنعي وخلي ليكي راي وشخصية قوووية
بحيث انه الغلط يبقا ليا مبدأ عنده يمنعني اعمله ، وابطلـه
وافتكري انك مش بتتركي حاجة لربنا الا بيعوضك خيرا منها
خبطي ع باب رحمة ربك
عمره ماهيخذلك
هيفتحها عليكي ويبعث ف قلبك السكينة والطمأنينة
حبي ربنا عشان لما تعصيه متقدريش تعصي حد بتحبيه اوي
التزمي بصلاتك
لما تديق بيكي اقري قرآن
وف اي وقت اقري ، هيشررررح قلبك
وابعدي عن الاغاني بجد عشان تاثيرهاا كبير
وربنا يهديكي ويهدي كل المسلمين والمسلمات ويغفرلهم

[Marwan1337]

خـلى صلاتـك لـربنـا

ربنا معانا و ديمآ معانا ..

[khadiga]

شكرا لكل نصايحكم انا قرأتها وفعلا فادتني كتير انا النهارده عملت باللي انتوا قلتولي عليه وان شاء الله ربنا يثبتني على كده

وبجد فعلا حسيت بفرق النهارده وبراحه وان شاء الله انتوا كمان ليكم الاجر في نصيحتي وبجد بشكركم اووي لانكم اعتبرتوني اختكم