يللا افضفض شويه معاكم

[Mind language]

مش عارفه ابدأ من فين بس حبيت اتكلم فجيت عادى يعنى قولت ادردش مع نفسى شويه واهو يبقى عملت توبيك بدل الخمول اللى انا فيه دا المهم بصوا هو الواحد مش مدايق ولا مخنوق ولا حتى قلقان على حد واحذفوا لا ههههه المهم على الرغم من انى فيه حاجه حصلت عرفتها انهارده من خالى وانا راجعه من بيت اختى كنت مستنياها ليا سنه الا انى مازال هناك حاجه قلقانى مضيعه طعم الفرحه بتاعت الموضوع اللى مستنياه ليا سنه بصوا هو عباره عن معرض بنعمله فى البلد عندنا للناس المحتاجه بنعمل حصر بعدد الاسر المحتاجه للملابس وبنجيب هدومنا اللى مش محتاجنها ونغسلها ونكويها ونكيسها فى اكياس لحد ما يجى يوم المعرض وهو عباره عن انى كل اسرة من الاسر دى معاها بون بعدد اولادها بناءا على البون هياخد طقع ملابس لولاده انا وبنات خالى المسئولين على جمع البون من الاسر المعرض دا بنعمله فى مدرسه فى البلد وناخد فيها اوضه تكون فاضيه بنعمل تعليق لقطع الملابس على شمعات ونعلقها علشان نحسس اللى بيدخل انه داخل محل مش داخل ياخد حسنه لانى فى ناس كتير من الاسره دى نفسها عزيزة اوى وبتتحرج تدخل فى مكان زى دا المهم مش بنمشى من المدرسه غير وكل البونات اللى اتوزعت جمعناها تانى علشان نتاكد انه كله اخد عملناها السنه اللى فات واهو السنه دى انا وراجعه خالى بلغنى بالخبر وقاللى حضرى نفس قدامنا يومين على جمع الهدوم قولتله تمام باذن الله كله يكون جاهز اجمل احساس ممكن حد يحس بيه فى الدنيا هو انى يقدر يرسم بسمه على وجه طفل بالبس اللى خارج بيه ومبسوط بعد اما يرجع البيت يرجع تانى يقول لا انا مكنتش عايز دى انا كنت عايز التانى هههههههه بندخله هو يختار اللى عايزه ولا اما يجى اب ويقعد يدعى لينا هو وخارج لانى اخد لاولاده حاجه يدخل بيها عليهم بجد احساس جميل جدا يمكن مقدرناش انى يكون قطع اللبس جديده ودا منى عينى انها تكون جديده لكنى اللى نقدر عليه بنعمله فى حاجات كتير فى الدنيا بسيطه جدا جدا لكن قيمتها لناس تانيه كبيره جداجدا يارت اللى يقدر يعمل حاجه زى دى ميتأخرش عن عملها بجد فكره فى منتهى الجمال المهم نخلينا فى فضفتى اللى جايه احكى عليها تصدقوا مهما الواحد يعرف ناس او يتكلم مع ناس يفضل ناس معينه بس هى اللى بتقدر تحكى معاها بكل وضوح وبصراحه وبدون خوف من اى حاجه بس متعب جدا اما الناس دى تغيب عن حياتك لظروف خاصة بيها او تلاقيها دايما مشغوله او نسيتك فى زحمة ايامها او مشكلها انا مش زعلانه بس كان نفسى اوى اعرف الظرف دى هههه فضوليه بقى لا والله هى فى الاصل مش فضول بس احساس جميل اما تلاقى نفسك مهم عند حد لدرجة انه ممكن يحكيلك عن مشاكله وياخد رايك فيها زمان مش زمان اوى يعنى غلط غلطة عمرى اما جيت لو حده صحبتى كانت شكايه اوى يعنى بتشكى كتير جت عليا فتره اتشغلت بحاجه فى الجامعه مش فاكره بالظبط امتحانات او حاجه زى كدا ونستها شويه راحت قالتلى انتى نسيتينى قولتها معلش الدنيا كلها هموم زى ما انتى عندك همومك اللى عايزة تحكيهالى انا كمان عندى همومى اللى قاعده بحل فيها قالتلى حاجه جميله اوى قالتلى انا انهارده احكى انتى بكره تحكيلى مره عليكى ومره عليا نخفف عن بعض بجد اتكسفت من نفسى جدا قدام كلامها لانه هو دا اللى بيحصل بالفعل ربنا يخليها على انها اديتنى المعلومه دى قبل ما تتجوز بس لحد دلوقتى بتسأل عليا هى كانت عضوه هنا عندنا فى المنتدى المهم رغيت كتير صح بس كفاياكم كدا لاحسن ادخل على حكايات الجامعه ومش خلصانه الحكايه معاكم للصبح هيبقى .

[ŌиĹч.Ḿё]

بجد الواحد بيفرح لما بيلاقى ناس كويسة كدآ

ربنآ يجزيك على كل دا بالخير انتى واهلك

عجبنى المحتوى اوى


يثبت

[Mind language]

اقتباس المشاركة الأصلية كتبت بواسطة ĩήνιśιьιε بجد الواحد بيفرح لما بيلاقى ناس كويسة كدآ ربنآ يجزيك على كل دا بالخير انتى واهلك عجبنى المحتوى اوى يثبت

شكرا جدا على مرورك القيم وميرسى على كلامك والتثبت

[تيتشر نفشه ツ]

ياااااااابختك ياشيخه بسم الله ماشاء الله

بالنسبه للحكايه الاولى اتبسطت جدا منك ومن اهتمامك بالغلابا اللي عندكو وقادره انك تعملي دا

...........

بالنسبه بقا للموضوع التاني

انا معاكي فكلامك كله

والله اوقات كتيره جدا بحس بالإحساس المؤلم بجد دا

بس مسيرنا هنتعود ع فكره وهنبقى كلو تمام ان شاء الله ^_*

أشكرك على فضفضتك الجميله دي

استمري هــا

رنين

[Mind language]

اقتباس المشاركة الأصلية كتبت بواسطة ## تيتشـــر نفشـهـ ## ياااااااابختك ياشيخه بسم الله ماشاء الله بالنسبه للحكايه الاولى اتبسطت جدا منك ومن اهتمامك بالغلابا اللي عندكو وقادره انك تعملي دا ........... بالنسبه بقا للموضوع التاني انا معاكي فكلامك كله والله اوقات كتيره جدا بحس بالإحساس المؤلم بجد دا بس مسيرنا هنتعود ع فكره وهنبقى كلو تمام ان شاء الله ^_* أشكرك على فضفضتك الجميله دي استمري هــا رنين

شكرا ياقمرايه على مرورك الجميل وكلامك الاجمل نورتى فضفضتى

[طمطم]

الحمد لله بجد ان لسه ف ناس كده ^^
ربنا يبارك فيكوا
ويجازيكوا خير ع اللى انتوا بتعملوه ده
احلى شعور ف الدنيا فعلا انك تفرح انسان وخصوصا لو الانسان ده طفل صغير
,,

[❀ ЯeRōŎō ❀]

بجد برافو عليكي اوي وربنا يجازيكي خير يارب

بجد حلو اوي الي انتي بتعمليه واكيد فعلا بيبقي شعور رائع وبتبقي فرحانه

اما بالنسبه للجزء التاني كتير اوي بيحصلنا احما كمنا كده بس فعلا مع الوقت بنتعود

[تجملت بالعفآف]

الِلِهَمُ لِا تَحًرٌمُنًيَ مُنً أِخٌيَ وًأِحًفُظًهَ مُنً الِأِذٌيَ وًأِحًمُيَهَ مُنً وًلِادَ الِحًرٌامُ وًلِا يَفُارٌقّنًا الِإ الِمُوًتَ

[ملكة القمر]

مشاء الله عليكي ربنا يعوضك عن كل قطعة لبس احسن منها وزي ما بتفرحي الناس ربنا يفرح قلبك يارب

والفضفضة حلوة بجد وصعب الكتمان أوي انا موجودة هنا اصلًا علشان ارغي وكويس اني لقيت واحده زي ^ـــ^

حبيبتي تسلم ايدك

[ana mando]

راااااااااااااااائع جدا الموضوع دا