هتحبينى يعنى هتحبينى *_*

[Mo7aMeD Lotfy]

السلام عليكم

عيد سعيد على الجميع وكل عام وانتم بخير

موضوعى عن علاقة الرجل بشريكة حياته على حد معرفتى ومعلوماتى

فى منا كتير جدا مفكر ان علاقة الرجل بزوجته او خطيبته علاقه مسئوليه واسره واولاد وبس

ومننا اللى بيتمنى انه يرجع تانى لحياة العذوبيه والحريه ذى ما كتير بيقول

نبدأ بفترة الخطوبه

خطوبه ناجحه ربنا يوفقنا جميعا

كتير بيفشل انه يخلى خطيبته تحبه او تتعود عليه وعلى طباعه

والاكتر بيكون متسرع فى الحكم وممكن ياخد قرار ينهى بيه العلاقه

ازاى اخلى خطيبتى تحبنى من غير ما اتعب ولا اتظاهر وامثل هنذكرها فى نقاط

** انت وخطبتك بتكونوا مش عارفين بعض كويس حاول توصل ليها كل حاجه عنك بابسط طريقه ومتكنش لكااااااك فى الفاضى بالذات فى البدايه

**كلامك يكون واضح وصريح وطبيعى لا تزوق ولا تمثل لان كل ده بيبان مع الوقت وبتفقد ثقتها فيك

**ديما سبها هى تتكلم ومتقاطع كلامها وحسها ان كلامها مفيد وجميل حتى لو كان تافه وبين لها قد ايه هى ذكيه ومختلفه عن كل البنات

** اهتم بالسؤال عن الصلاه وعن حياتها وعن اى حاجه شغلاها واهتم اوى باللى يزعلها

**ديما حسسها انها اطيب واجمل وارق بنت عرفتها وانك بتحمد ربنا انها هتكون من نصيبك وهى داخله عليك قوم بص من الشباك هتقلك بتعمل ايه قلها بشوف القمر مكانه ولا نزل يقعد معايا .اى بتنجان بينفع

** بلاش تمدح فى اى عيب فيها لانها هتفهم انه ظاهر وانك بتجامل متبقاش عنها وحشه وتقلها عنيك جميله ياعم هى وحشه وهى عارفه متشتغلش نفسك بقا اذكر اى حاجه تانيه

**حاول ديما تسال عنها ومتخليش سؤالك فى وقت معين او اتصالك فى ساعه معينه متبقاش روتينى اتصل بيها الساعه 4 بالليل قومها من النوم قلها بحبك وقلها روحى بقا نامى هتقلك انت مجنون اوع تزعل ده هو ده المطلوب

**متهملش نفسك خليك ديما شيك وبارفان وشعرك ولبسك متظبطين

**الجرائه لان البنات بطبعها بتحب الولد الحرك يعنى بيجيب من الاخر مش لخمه واضحك ديما وهزر وخلى قلبها ديما بيضحك فى وجودك بس فى حدود مش هتعمل ارجوز هيتقال عليك تافه ...

** كل فتره كدا هات ليها اى حاجه هديه بسيطه بس بدون اى مناسه مفجأه هتلاقيها عندها بميت هديه من بتوع المناسبات لانها هتعرف انك فاكرها ديما قلها وانا ماشى شفت الشنطه دى عجبتنى قلت اجبهالك مع انك اصلا موصى بنت خالتك تشترى ليك لانك مبتفهمش فيهم بس هى هتفرح اوى لانك فاكرها .بس اوع بنت خلتك تكون صاحبتها هتروح فى الكظوظه

** متبقاش ذى البغبغان انتى روحى عمرى وانتى حياتى والقمر والنجوم والجو القديم ده
اكنك بتغنى خليك برنس اخطف الكلمه الحلوه فى وقت متتخيلش انك هتقولها فيه اى كلمه حلوه

** اديها اهتمام مش وانت مع اصحابك وهى اتصلت ترد وتقلها انا مع اصحابى سلام دلوقتى
لالالالا كدا انت بطيخه ...
انت ترد عليها وتقلها كنت له هتصل بيك حالا هى هتفرح وتقلك بتعمل ايه تقلها معاا اصحابى بس مش مهم انتى اهم اصلا انتى وحشانى هتقولك لالالا روح ليهم قلها طيب هكلمك اول ما يمشوا على طول
وهتقفل الموضوع خد نفس الوقت اللى كنت هتقلها سلام دلوقتى بس عرفتها قد ايه هى مهمه وانك بتفكر فيها وانت مع زميلك بديل انك كنت لسه هتتصل ... مش سلام دلوقتى عشان تعمل حمش قدام اصحابك ..

** هات لها كل فتره شيكولاته جميله كدا مش علب ولا الجو ده لالا هى شيكولاتايه بس فخمه واديها ليها هتفرح بيها اوى

كدا اكون اتكلمت فى بعض النطاق وفى نطاق كتير بس بيتهيالى دى اهمها

فى ناس هتقولى بس انا كدا هبقا كداب وبكاش

اقلهم مش مهم طالما بعمل كدا عشان احسن علاقتى بانسانه هتكون زوجتى قدام ربنا والناس

ودى نقاط بس عن ازاى اوصل لقلبها عاطفيا ...

وانا جربت الحاجات دى كلها والحمد لله مع انى واجهة صعوبات على ما اخدت عليا

بس الاهتمام بيلغى كل الحواجز اللى ممكن تتواجد بنكم

وهنقبا نكمل بقا فى موضوع تانى عشان مطولش عليكم

وربنا يوفق الجميع

[براءة حلم]

هههههه العنوان حلوو كتير
والتوبيك احلي تسلم عليه يارب كل الشباب يعرفون قيمه اللي كتبته

[تيتشر نفشه ツ]

هههههههههههههههههههههههههه

انتا ماشاء الله عرفت ازاي اللي احنا بنحبه واللي بنكرهه ؟

دنتا اكنك عايش مابينا بجد

لالا والله نصايح فمحلها تقريبا جبت كل الاساسيات اللي بتقرب الراجل من خطبته

تسلم ايدك

وبالتوفيق بقا

رنين

[ملكة الهدوء]

ههههههههههههههه توبيك جميل منك اوى

وفيه نصايح فعلا مهمه بس ياريت الى ينفذها

يسلموا الايادى

بنتظار المزيد من المواضيع

[تجملت بالعفآف]

هههههههههه
نصائح حلوه كتير
اتعلموا ياا شباب
شوفوا كيف الرقه مش كلامكم الي بسد النفس ههههههه
توبيكـ جميل
تسلم الايادي

[ĶǎnDO̳̿uChǎ ツ]

آيوووه بقآآآآآآآ

كبير من يومك آنت يـ لطفي و ربنآ ^^

اقتباس **ديما حسسها انها اطيب واجمل وارق بنت عرفتها وانك بتحمد ربنا انها هتكون من نصيبك وهى داخله عليك قوم بص من الشباك هتقلك بتعمل ايه قلها بشوف القمر مكانه ولا نزل يقعد معايا .اى بتنجان بينفع

شكل بسمه علمتك تمآم

آحم

بجد توبيك جآمد آوي

عآرف > آنآ فعلآ عآيزه من دآ

معندكش وآحد منه بس على صغير !

و آهم حآجه ( آلشيكولآته )

سآعآت بتكون في حآجآت صغيره و بسيطه آوي بتهتم بيهآ آلبنآت

> فـ نظر آلشبآب ممكن تكون تآفهه آو مش هتفرق آو ملهآش لآزمه

بس معلش ( لآزم تدي نفسك فرصه آنك تعآملهآ آنهآ بنتك مش بس خطيبتك )

عشآن هيجي آنت كمآن عليك وقت هتبقآ بتتمنى آنهآ تعآملك كـ آبنهآ

دآ بجد وآلله !

كل آنسآن جوآه طفل صغير ,,

آه مش علطول بيظهر ,, بس بتكون محتآج من نآس معيين آنهم يهتمو بيه

دلعهآ كدآ و كآم حركه رومآنسيه > هي هتقع علطول ( هبل آصلنآ آنآ عآرفه )

ميرسيآت يـ لطفي عـ آلتوبيك آلعسول دآ

و آسأل مجرب ^^

[Lost Pearl]

ههههههههههههه لا لا حلوة

و بالذات بتاعت مع اصحابي دي

تسلم ايديك يا محمد

تقييمي + 5 نجوم + like

[jasmean]

نصائح جميله ومهمه جدآآ
وتوبيك شآآامل ومهم
ف انتظار المزيد
دمتى بخير

[ساحر الأحزان]

مهو لو كل واحد يا محمد سوء الزوج او زوجتة حاول انة يقرب من شريكة

بحسن المعاملة وجميل الافعال حتلاقى الحياة بينهم حلو

انما لو كل واحد نشف دماغة حتبقى العملية بينهم صعبة

نصايح جميلة يا ابولطفى

تحياتى

[عاشقة الهدوء]

الله الله عليك يالطفى يامولع الدنيا أنته أيه الجمال ده يابنى

والله نصايح زى الفل وجميله جدااا وهوه ده المطلوب وفى الصميم فعلا

وأنت قولت كلام جميل ورااائع دأنا مش هاسيبك بقه لازم أستضيفك عندى فى البرنامج

بجد يامحمد مجهود رااقى منك ورااااائع تسلم عليه وربنا يسعدك ياارب ويغنيك يالحلال اللهم أمين

عووده موووفقه يامحمد وأجمـــــــــــــــــــــــــــل تقييم وكل عام وأنت بخير وصحه وسلامه