يومكم فى العيد بيبدأ ازاى ؟!

[Mind language]

السلام عليكم ورحمة الله وبركاته اولا صلوا بينا كدا على اللى هيشفع فينا وفيكم يوم القيامه باذن الله دا لو كان لينا نصيب بأذن الله يكون لينا قولوا انتوا بس يارب . ثانيا الموضوع باين من عنوانه كل ماعليكم فعله هو سرد يوم العيد يبدأ أزاى من اول ساعه فيك لحد اخر ساعه فيه تمام معايا انتم مركزين . ثالثا هبدأ أنا احكيلكم يومى بيبدأ أزاى اولا فى ليلة اليوم دا مبيكونش اساسا فيه نوم يعنى بيكون ساعه او اتنين قبل الفجر بعد كدا اول ما الفجر بيأذن وتبدأ التكبيرات تملا المساجد بقوم اقول كل سنه وانتوا طيبين لكل اللى فى البيت اول ما يصحوا دا اذا كانوا ناموا اصلا من صوتى ودوشتى اللى طول الليل بعملها تمام بعد كدا فية فى البلد ساحه كبيره طول السنه عباره عن ملعب واول ما بيقرب العيد طبعا معروف فى اى مكان ان كل بلد عباره عن عائلات وكل عائله فى الصعيد ليها جامع ودوار خاص بيها تمام كله بيسيب مساجده وبيتجمع للصلاه فى الساحه دى الساحه طبعا فى الشارع يعنى لو انا فى البلكونه ببص هشوفهم هما كلهم وهما بيصلوا بيبقى منظر الله اكبر عليه بقف اتفرج شويه وبعد كدا بدخل اصلى بعد ما اصلى اروح انام نصف ساعه ساعه على ما والدى واخواتى يرجعوا من الصلاه بعد ما بيرجعوا من الصلاه عيد لحمه طبعا بنفطر كلنا مع بعض فته وكفته ولحمه وحاجه كدا زى الفطير بنعملها بيتاكل بيها كل الحاجات دى دا غير الخضار اللى بيكون مطبوخ معاهم المهم بعد كدا بنقعد نستنى الضيوف اللى هتيجى تعيد علينا زى خاللى ومراته وبناته اللى هما اصغر عنى ومتربيه معاهم بنقعد انا وهما نشترى حاجات ونكولها نهزر ونضحك لحد الليل نتريق بصراحه الواحد بيلاقى نفسه مع البنتين دول اصلى بعيد عنكم انا اللى مربيهاهم على ايدى وزى ابن خالتى بيجى يعيد على والدتى زى شباب العيله بيلفوا على كل بيت يقعدوا فيه شويه اخويا بيكون معاهم فى اخر اليوم بيجبهم معاه يعيدوا على والدتى وبيتم تقديم شاى وشيكولاته وفول سودانى اكأنهم قرود هههههههه وترمس ويعقدوا بقى ياكلوا ياكلوا لحد ما يشبعوا بعد كدا يشربوا عصير ممكن او ساعات انا بستسهل وبديهم ميه هههههه بعد كدا بنتجمع تانى على الغداء كلنا تقريبا نفس الفطار مش بيزيد عليه غير انى ممكن يكون فيه نوعين من اللحمه بالليل بقى يدخل علينا خاللى التانى بس هو لوحده ويقعد نفس قعدت الشباب ويمشى بس مفيش فول علشان محدش يفهمنى غلط بعد كدا بتدخل اختى واولادها على وعمر وجوزها بعديهم بيدخل السنه دى بقى زاد ضيف جديد وهو جوز اختى التانيه هو كمان هيشرفنا بالليل بنقعد نضحك ونحكى وكل اتنين يمسكوا ودان بعض وهاتك يارغى لحد ما كله يمشى بنرجع نتجمع تانى على العشاء كلنا المره دى ممكن نعشى العريس الجديد واختى علشان عرسان جداد وكدا يعنى المهم بعد كدا كله بيمشى ماعدا اخويا هو ومراته وابنه اياد بيفضوا بايتين معانا لليوم التانى باخد انا اياد والعب معاه لحد ما ينام ولو انه يجى العيد وبينام ويصحى بدرى عيند بقى اما لو يوم عادى بيفضل سهران ل2و3 بالليل على ما ينام اطفال ايه دى ياربى بعد كدا بعد ما بلعب مع اياد بتفرج معاهم على التلفزيون يمكن حاجه تعجبنى زى مثلا مسرحية العيال كبرت الواد سيد الشغال مرسى عايز كرسى وهكذا بعد اليوم الطويل دا كله بكون فصلت شحن وبطاريه وكل حاجه بدخل انام واصحى تانى يوم خلص العيد بقى ارجع اذاكر من تانى وارجع لليوم العادى بتاع الدراسه لانى بعد الاجازة باسبوع ولا اتنين فيه امتحانات بتكون علشان اعمال السنه على كل مادة وكدا ساعتها بقى بيكون كل الضيوف مشيوا ورجع البيت للهدوء والسكينه اللى كان عليه من الاول وبس دا كان يومى يومك انتوا بقى عامل ازاى مطلوب من كل واحد يدخل يحكى عن يوم العيد بتاعه تمام ياجدعان يللا كل سنه وانتم طيبين وبصحه وسلام جميعا ويارب عيد سعيد على كل الامة الاسلامية فى كل مكان فى العالم .

[الرحــاال المٌتَمرد]

كل سنه وانتم طيبين


يومي فى العيد بيكون عباره عن صلاه العيد

ولمه الاصحاب فى الصباح

وطول النهار نووووووووووووم

وباليل نخرج عن الروتين




احترامي

[-esraa-]

كل عام وانتم بخير
بس مش حد يستغرب لاني في السعودية
يومي في العيد بيبدأ
نروح نصلي صلاة العيد
بعدين بابا وماما يعطونا العيدية

بعدين ننام
بعدين نصحى الساعة 12 او 1 نفطر
بعدين الساعة 3 نلبس ملابس العيد
بعدين اروح عند صحبتي (جارتي) نقعد نعيط مش لاقيين مكان نروحه
والنهاية لو لقينامكان جديد وحلو نقترحه على بابا وماما لو وافقوا نروح لو مش وافقوا ننام واحنا زعلانين
_______________________
توبيك حلو جدا
تقييمي

[Mind language]

اقتباس المشاركة الأصلية كتبت بواسطة الرحـــــال ~ إبن القَصيد كل سنه وانتم طيبين يومي فى العيد بيكون عباره عن صلاه العيد ولمه الاصحاب فى الصباح وطول النهار نووووووووووووم وباليل نخرج عن الروتين احترامي

نورت التوبيك بمرورك القيم موفق دائما

[Mind language]

اقتباس المشاركة الأصلية كتبت بواسطة esraa samy كل عام وانتم بخير بس مش حد يستغرب لاني في السعودية يومي في العيد بيبدأ نروح نصلي صلاة العيد بعدين بابا وماما يعطونا العيدية بعدين ننام بعدين نصحى الساعة 12 او 1 نفطر بعدين الساعة 3 نلبس ملابس العيد بعدين اروح عند صحبتي (جارتي) نقعد نعيط مش لاقيين مكان نروحه والنهاية لو لقينامكان جديد وحلو نقترحه على بابا وماما لو وافقوا نروح لو مش وافقوا ننام واحنا زعلانين _______________________ توبيك حلو جدا تقييمي

نورتى ياقمر بمرورك الجميل موفقه دائما

[واد حبيب]

من بعد صلاه العيد
نوم في نوم
واصحي العصر اكلم البيت علي النت
بس كده
شكرا علي الموضوع
الحبيب

[ساحر الأحزان]

طبعا بحكم اننا فى غربة بيحصل كتالى

نصلى العيد

ونتجمع لكى نتزاور مع الاصدقاء هنا وهنا ونكلم البيت ونطمن عليهم

وطبعا بقى بحكم العزوبية بنجهز بقى لوجبة الغدا

وبعدين نرتاح شوية

وبعدين نتجمع ونخرج نغير جو

دة يومى وكل عام وانتى بخير

[Words Whisper]

كل عام وانتِ بخير ياقمراية

ويَ رب دوم انتِ وحبايبك بصحة وهنا

حلو يومك يابنوتة

تصدقي عايزة أزور الصعيد كدا

وأشوفه ع أرض الواقع

بس تعرفي حلوة فكرة انه كله بينزل يصلي في الساحة

أحسن من جو مسجد للإخوان ومسجد للسلفيين دا هههههه

كأنما بئا فيه دينين مختلفين وعيدين مختلفين !!~


أنا يومي زي ماييجي ييجي =))

تسلمي

ودمتِ بتوفيق من الله ..

[Arco Baleno]

الفكره جميله جداااااا
عادي جدااااااا
صلاه العيد في البيت
وبعد الصلاه البس واجمل نفسي
ويدخلو الاطفال تبع الحي علي واعيدهم
ويمشو والبس اروح عند اختي شوي
وارجع البيت واجلس افتح استديو تصوير واصور حجات كثير
حتى تكون ذكريات
يجو اخواتي واسلم عليهم ويمشو
ونوووووووم الظهر كله
والعصر تقريبا
وبكذا خلص العيد
روتين كل سنه

[عاشقة الهدوء]

والله يمكن انتى قولتى حجات أنا كمان بعملها بسهر لقبل الفجر بساعه كده او ساعتين

وبعدين انام الساعتين دول واقوم بئه أصلى الفجر وشوويه بروح أصلى صلاة االعيد

فى الساحه ومسافتها ما يقرب من ربع ساعه من منزلنا ساحه جميله جدا كلنا بنجمع

فيها المعارف وألاهل وألاصحاب بما أننا أولاد قريه ريفيه واحده كلنا عارفين بعض

وطبعا بنصلى ويبدأ كل واحد فينا يدور على أصحابه معارفه يسلم عليهم ويهنيهم بالعيد

وبعد كده بنبدأ نروح البيت ونفطر فته ولحمه وكوفته واو ههههههههههههه والله لسه

من شويه كنت باكل فيها ههههههههههههه بعشقها وبعد كده بروح البيت أنام شويه

كده وتبدأ تهل علينا الزياارات من الآهل وأنا عامتا فى اليوم ده بعد الصلاه مش

بخرج خالص أما تانى وتالت يوم ورابع يوم بخرج براحتى وحجات كتير بس كفايه

عليكى دول ههههههههه تووبيك جميل تسلمى ياعثل وكل عام وأنتى بخير وصحه وسلامه