::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
المقابل
الكاتـب : ايتلوي - مشاركات : 0 -
محمد ناصر... فى الميزان
الكاتـب : مارد الغضب - مشاركات : 0 -
[درس] اضافه دقن او لحيه إحترافيه من الصفر بالفوتوشوب - Add a professional beard Ps
الكاتـب : JUST AHMED - مشاركات : 0 -
هتروحي مني فين
الكاتـب : شاعر الحب الحزين - آخر مشاركة : ندوشه 2011 - مشاركات : 3 -
للعشق الوان
الكاتـب : همس الرحيل - آخر مشاركة : مارد الغضب - مشاركات : 3 -
جدال
الكاتـب : ahmed 22 - آخر مشاركة : مارد الغضب - مشاركات : 2 -
استحملوني
الكاتـب : شاعر الحب الحزين - آخر مشاركة : مارد الغضب - مشاركات : 4 -
الذكاء الاجتماعي والاستيعاب العاطفي _الجزء الثالث _
الكاتـب : ahmed 22 - مشاركات : 2 -
حبيبي الغالي
الكاتـب : واد حبيب - آخر مشاركة : ندوشه 2011 - مشاركات : 4 -
اوهام الحب بين القرب والبعد ..~
الكاتـب : Lamees - آخر مشاركة : شاعر الحب الحزين - مشاركات : 3 -
أعدائي أصدقائي
الكاتـب : شاعر الحب الحزين - آخر مشاركة : ياسر عبد الباقي - مشاركات : 8 -
ايوه انت
الكاتـب : همس الرحيل - مشاركات : 10 -

إضافة رد
 
LinkBack أدوات الموضوع انواع عرض الموضوع
قديم منذ /10-25-2012, 09:19 PM   #1

مشرفة قسم النكت سابقا

 

 رقم العضوية : 81880
 تاريخ التسجيل : Mar 2012
 العمر : 20
 الجنس : ~ بنوتة
 المكان : مصر
 المشاركات : 24,519
 النقاط : jasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond repute
 درجة التقييم : 1010042
 قوة التقييم : 506

jasmean غير متواجد حالياً

أوسمة العضو
افتراضي كيفية فرش شقة العروسة

وهقدم للعروسه شويه نصايح

ويااااااااااارب تقدر تستفيد منها


اولا
فرش الشقه المفروض يتفرش قبل الفرح بفتره مش كبيره
يعنى ممكن قبلها بأسبوع وممكن قبلها بتلات ايام مثلا
وده حسب ظروف كل عروسسة وعلى حسب الشقه جهزت ولالا
العفش وصل كله ولالا
وانا شخصيا افضل اننا نفرش حجات منها قبل اسبوع من الفرح وحجات تانيه قبل الفرح بيوم لو امكن
ونبدأ بقى





اولا كده متكتريش اوى ف الناس اللى هتاخديها تفرش


يعنى انتى واختك واتنين او تلاته من صحابك ومامك ومتكتريش عن كده عشان متبقاش الدنيا هيصه وتبقى مركزه معاهم وهما بيرصوا..


وكمان حاولى يكون ذوقهم وستايلهم زيك عشان يسهلوا المأموريه عليكى

يعنى لو اختك او حد من صحباتك عنده اطفال بلاش يجيبهم لان طبعا هيبهدلوا الدنيا


لان حوار الفرش ده بيتأخر ومش معقول هتجوعى الناس اللى انتى واخداها

وكمان مش معقول هتطبخى ف حاجتك الجديده

هههههههههه

اما الميه عادى ممكن تجيبى ازايز فاضيه من البيت وتملوها وتحطوها ف الثلاجة لان كده كده هنشغل التلاجه عادى


كمان خدى معاكى بيجاما او عبايه قديمه شويه عشان تلبسيها وانتى بتفرشى


المستلزمات وادوات النظافه اللى هتاخديها معاكى

والحجات دى

ملهاش علاقه بأدوات نظافتك

يعنى مش هنقرب لادوات نظافه جهازك

دول خارج الحسابات


وخدى فوط مطبخ نظيفه وورق جرايد

وممكن كمان تستعملى جردل النظافه ابو شرشوبه لو مضحيه اوى ههههه

واماكن تانيه كتير

دلوقتى وصلتوا الشقه

كمان يفضل متاخدوش اى اطفال معاكم

وانتى رايحه تجيبى اى اكل سريع او من البيت ليكم


وفى حاله لو حد من قرايب العريس جاى يفرش معاكو خدى عبايه حلوه البسيها زى بعضه ههههههههه

عشان المنظر العام بس


خدى كيس اريال الحجم الكبير وخدى بريل وخدى سفنجه مواعين وخدى جلانس وبخاخه فاضيه لو امكن

وياريت لو ديتول او اى مطهر

اما المقشه والزعافه والمساحه ممكن تستعملى بتوعك عادى مش هتفرق

وكمان عدى على محل بلاستيكات زى الشطوره وهاتيلك رول مفارش فضى او دهبى حسب ذوقك لان هنحتاجه لفرش المطبخ ودولاب اوضه النوم وبوفيه السفره من تحت




هتدخلوا وتبدأوا تقسموا المهام
يعنى فلانه ف المطبخ فلانه ف النوم
ولو انى افضل ان اوضه النوم انتى اللى تفرشيها وترصى حاجتك بنفسك
ليه؟
اولا لان فيها متعلقاتكم الشخصيه انتى وجوزك وميصحش حد يطلع عليها
وكمان لان الهدوم دى زى حاجه المطبخ هتستعمليها كل يوم ومش معقول كل لماتحتاجى حاجه تسألى مكانها فين ولو الامر كان صعب عليكى خلى حد قريب يساعدك مامتك اختك المهم انك تكونى موجوده

و بالنسبه للستاير الخفيفه او لو عندك براويز للشقه هتتعلق او تتركب تركبى وتعلقى كللللللل ده قبل التنظيف
لان دق البراويز ممكن يبهدل الدنيا شويه
والستائر لو متعلقه لميها على فوق كده وممكن تغطيها بملايه قديمه كده عشان متتعفرش



وهنبدأ

بحجرة النوم




لان فيها شغل كتير
زى رص الدولاب
وطبعا احرصى انك تقسمى الدولاب بالعدل بينك وبين زوجك
يعنى هو ربع وانتى تلات ارباع هههههههههه
نظرا لان حاجتك كتيره عنه طبعا



وبفوطه نظيفه كده امسحى ارفف الدولاب

هاتى بقى رول المفاارش وقسميها على ارفف الدولاب وكرريها وقصيها مره واحده

يعنى تاخدى مقاس رف واحد وتحطى عالرول كزا مره لحد ما تقصى العدد المطلوب

وافرشيها بقى وابدأى ف الرص وانتى وزوقك فيه

ولية عودة معاكم فى رص الدولاب


وانا شخصيا افضل ان ملاياتك وكوفرتاتك تكون فوق

اما هدومك والفوط تكون قريبه لايدك اما البطاطين واللحاف والمفارش بتوعك حسب مساحه دولابك
لو اخدها خير وبركه ماخدش يبقى تحت السرير
او فى دولاب اوضه الاطفال لو جايباها
وكمان احرصى على تعدد الالون ف الرص يعنى خليه شكله مبهر لما جوزك يفتح الدولاب كده

اما بالنسبة للشوفنيرة

اللى بتيجى مع اوضة النوم




ممكن

نستخدمها لرص شويه حجات خفيفه

زى شرابات جوزك ممكن طرحك ومن تحت كمان ممكن تستغليهم ف التخزين

وممكن تحطى عليه من فوق تلفزيون صغير ويبقى زى مكتبه ف اوضه النوم


ندخل بقى

عالتسريحه



امسحيها وامسحى المرايا بملع اللى جبناه وافرشي مفارشك ورصى الميك اب وحاجتك فيها واحرصى على تنوع الحجات اللى بترصيها مش الكميه

يعنى لو جايبه علبتين ايشادو كبار مش لازم تحطى الاتنين كفايه واحده وكذلك لو جايبه اقلام تحديد او كحل مش لازم نرص كله

هو مش معرض ياعروستنا

واعرفى دايما ان الرقه مطلوبه

ادراج التسريحه كمان استغليها ف رص باقى الميك اب وادوات عنايتك الشخصيه واى متعلقات ليكى او له

وكمان عندك

الكوميدينو


ممكن نستغله ف تخزين اى حاجه

ومن فوق طبعا هنمسحه ونفرش المفارش

وعلى مزاجك تحطى اباجوره او متحطيش حسب ذوقك


وده منصحش انك تفرشيه قبلها بفتره

يعنى يتفرش قبلها بيوم او يومين بالكتير عشان المفرش مش يتبهدل

اوضة الاطفال


هنضفها كويس ونفرش الملايات والمفارش بتوعها لو جايبين ونفرش دولابها بمفارش وممكن نرص فيه اى حاجه زايده عن اوضه النوم بتاعتك
ونحط انتيكاتها
ونمسحها

ونفرش سجادها او مشاياتها ونكنسها بالمكنسه ونقفلها
ندخل على

اوضة السفرة




وطبعا دى بتاخد موال ف الرص
هنبدأ بالبوفية او الباار



برده هتفتحى البوفيه وتمسحيه بفوطه وتفرشي مفارشك البلاستيك وتحطيها ف الادراج وفى البوفية من تحت
وابدئى برص البوفيه
وابدئى بطقمك الصينى
لييييه؟
اولا عشان كرتونته كبيره وواخد مساحه ومعطل المرور
ثانيا عشان نستغل كرتونته اننا نجمع فيها باقى الكراتين الفاضيه اللى هنفتحها او اى ورق بيطلع
وهنرص معظم الصينى ف البوفيه
ونخلى حجات بسيطه للنيش على جنب يعنى طبقين من كل حجم وطقم الشاى والقهوه والسوسييره او سلطانيه الشوربه الكبيييييييره اللى بتتحط ف النص دى ههههه
والباقى ف البوفيه
وهنرص فيه اى اطقم مينفعش تترص ف النيش او زايده عن النيش وده حسب حاجتك
ادراج البوفيه رصى فيها اجزاء من شنطه المعالق لو ملهاش مكان
او رصى فيها اطقم معالق فردانيه قيمه كده مثلا
او ترصى اى حاجه تحبيها

ندخل على

النيش



هتمسحى ارففه بملمع الزجاج من بره ومن جوه وتمسحى الخشب بملمع الخشب
وتفرشي مفارش النيش
الشيك او ممكن لما تخلصى تحطى ورد مجفف ف الاركان وفى النص

وتبدئى ترصى كاساتك القيمه فقططط



مش كل كاساتك وكذلك طقم الشربات والخشاف والقهوه والشاى





وتكون كلها حاجات شيك وقيمه
وبلاش تكلكعى ف الرص النيش بالذات كل ما يفضى ينور كده ويبقى اجمل
وهنحط ف النص جزء الصينى اللى احنا سيبناه ع جنب
وزينيه بكريستالات وانتيكات صغننه كده
وبعد مانخلص نقفل النيش بالراحه
ندخل على
طرابيزه السفره نفسها

ننفض كراسيها كويس
ونلمع السفره ونفرش مفرشها
ونحط انتيكاتنا



عالبوفيه وعالسفره
اما سجاده السفرة
طبعا المفترض انها تتحط قبل السفره ولو مش حطينها
هنمسح
ونفرشها ونكنس بالمكنسه الكهربائيه
ونقفل الاوضه
ده لو كانت السفره ف اوضه
لو السفره مفتوحه ع ريسبشن
يبقى نخلى المسح كله مع بعض

وكده خلصنا رص اكنسي الاوضه بقا

وكده خلصنا من اوضه النوم

وامسحيها

اما فرش مشايات النوم او السجاد كمان خليها قبلها بيوم او اتنين
ومش هيختلف كتير
وندخل ع الريسبشن او الانترية او الركنة
ع حسب شقتك








هتنضفى الكنب بالراحه كده وترصى
الخداديات وتمسحى الطرابيزه اللى ف النص وتفرشي مفرشها
وتمسحى مكتبه التليفزيون

وتمسحى التلفزيون وتفرشى مفارش فيها ورصى انتيكاتك فيها او كتب اى حطى الريسيفر
او اى جهاز عندك
لو جايبه ال سى دى يبقى تمسحيه وبس كده
وهنمسح الاوضه

ونفرشها بالسجاد لو حابين ونكنسها بالمكنسة الكهربائية ونحط اخيرا الانتيكات على الترابيزه
وتذكرى دايما ان الرقه مطلوبه



ندخل

ع الصالون

هننفضه بالراحه ونمسح الجراندات اللى عالجنبين لو جايبه

او تمسحى الاباجورات لو جايبه وزى ما حفظتم

نمسحها

ونفرش السجاده ونكنس بالمكنسه

وف الاخر نمسح الترابيزه ونحط مفرش الصالون وانتيكاتك



ونقفل الصالون


فى هذه الاثناء هيكون المطبخ بيترص

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 760x505.
واحرصى انك تكونى عارفه مكان كل معلقه فيه

وطبعا هنظف الارفف والادراج ونمسح الخشب او الالوميتال من بره

ونفرش مفارشنا ونبدأ نرص وعلى حسب حاجتك وكمياتها

والاجهزه اللى جايباها

وحجم مطبخك

كل ده انتى ادرى بيه

بس عامه حاولى متكركبيش فيه اوى لانك بتقضى فيه نص عمرك تقريبا

ولانه هيغنيكى عن بهدله الشقه لو حبيتى تاكلو فيه

وحاولى تبقى الحجات اللى هتستخدميها ع طول تبقى تحت ايدك وقريبه منك زى

الخلاط

طقم توزيع

طقم توابل

حامل مجات




الصوانى

ورصى بقى تلاجتك ورصى التوابل والخزين

واطقم الحلل والصوانى تبقى تحت ف التقفيله

المقشات والمساحه ف دولاب النظافه

بلاستيكاتك وزعيها حسب اهميتها ليكى

خلى باسكت الزباله جنب ايدك قدر الامكان

هتنظفى البوتاجاز وتمسحيه

وهتغسلى الحوض كويس وتنشفيه

وتمسحى الرخامه

وتمسحى المطبخ

وتفرشي مشايته

البلكونة



تركبى الاحبال وتحطى علبه المشابك ع جنب كده وفيهاالمشابك طبعا
ننفض الشيش طبعا كويس او ممكن نخليه مع تنفيض شيش وشبابيك الشقه كله

وبعدها نغسله بميه بس عشان ميجيرش
او ممكن تغسليه ع طول لو تحبى



وياسلام لو جايبه زرع هيديكى منظر كمان


وتمسحى البلكونه كويس وتقفليها


واخيرا ندخل
عالحمام

وهتبدئى بتنظيف البانيو و التواليت

ومسح السيراميك

وتلميع مرايه الحمام
وترصى الحجات على الاستاند بتاع الشامبوهات اللى ع جنب او المتعلق فوق


وطبعا هتكون ستاره الحمام والبانيو راكبه هتفرديهم كده



وهتبدئى تتشطفى انتى واللى معاكى عالسريع كده

وف الاخر اما تخلصوا تمسحوا الحمام بديتول


عشان التعقيم وتحطى ف التواليت ديتول واستنى اما الحمام ينشف شويه وافرشي طقم الحمام



واقفلى الحماااااااااام

وكده تقريبا خلصنا فرش الشقه وهتكون واقفه على فرش السرير والسجاد لوكنتى لسه مبقياه للاخر

واخيرااا

قبل ماتمشوا بقى لموا كل متعلقاتكم من اكل وادوات نظافه وورتبوا مكانكم

وبخروا الشقه وشغلى اذاعه القران الكريم





واقفلى شقتك ياعروسه










  رد مع اقتباس
قديم منذ /10-26-2012, 01:09 AM   #2

مشرفة قسم ليلة العمر سابقا

 

 رقم العضوية : 71232
 تاريخ التسجيل : Jun 2010
 الجنس : ~ بنوتة
 المكان : ALEX
 المشاركات : 13,574
 الحكمة المفضلة : عندما تخسر جولة فى رحلة الحياة لا تخسر التجربة وانهض فورا مستبشرا فتلك هو اولى درجات النجاح ♥
 النقاط : Sh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond reputeSh2wA has a reputation beyond repute
 درجة التقييم : 182471
 قوة التقييم : 92

Sh2wA غير متواجد حالياً

أوسمة العضو
افتراضي

ثاآآآآنكيوهات عــ البيك والتوبيك
منتظرهــ ,, نيوهكــ
ودى //♥







  رد مع اقتباس
قديم منذ /10-26-2012, 02:00 AM   #3

مشرفة قسم النكت سابقا

 

 رقم العضوية : 81880
 تاريخ التسجيل : Mar 2012
 العمر : 20
 الجنس : ~ بنوتة
 المكان : مصر
 المشاركات : 24,519
 النقاط : jasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond repute
 درجة التقييم : 1010042
 قوة التقييم : 506

jasmean غير متواجد حالياً

أوسمة العضو
افتراضي

منوره التوبيك







  رد مع اقتباس
قديم منذ /10-26-2012, 04:29 AM   #4

 

 رقم العضوية : 76174
 تاريخ التسجيل : Oct 2011
 العمر : 28
 الجنس : ~ أنثى
 المكان : egypt
 المشاركات : 26,640
 النقاط : سارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond reputeسارة بنت مصر has a reputation beyond repute
 درجة التقييم : 94430
 قوة التقييم : 48

سارة بنت مصر غير متواجد حالياً

 

 

 

 

 

أوسمة العضو
افتراضي



يسلمووووووووو على التوبيك







  رد مع اقتباس
قديم منذ /10-26-2012, 12:45 PM   #5

مشرفة قسم النكت سابقا

 

 رقم العضوية : 81880
 تاريخ التسجيل : Mar 2012
 العمر : 20
 الجنس : ~ بنوتة
 المكان : مصر
 المشاركات : 24,519
 النقاط : jasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond repute
 درجة التقييم : 1010042
 قوة التقييم : 506

jasmean غير متواجد حالياً

أوسمة العضو
افتراضي

ثانكس علي مروركـ







  رد مع اقتباس
قديم منذ /10-29-2012, 01:58 PM   #6

مشرفة ليلة العمر سابقا
 

 رقم العضوية : 76186
 تاريخ التسجيل : Oct 2011
 الجنس : ~ أنثى
 المكان : sohag
 المشاركات : 16,779
 النقاط : زهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond reputeزهره الشتاء has a reputation beyond repute
 درجة التقييم : 246940
 قوة التقييم : 124

زهره الشتاء غير متواجد حالياً

أوسمة العضو
افتراضي

موضوع روووعه ومفيد لكل العرايس ال قربت تتجوز
بيسهل عليها حاجات كتير وخصوصا ف الترتيبات
تسسسلمى ع الموضوع الحلو دة
ولك احلى 5 ستارز
ف انتظار القادم
دمتى بخير







  رد مع اقتباس
قديم منذ /11-04-2012, 07:39 PM   #7

اداريه سابقه

 

 رقم العضوية : 82168
 تاريخ التسجيل : Mar 2012
 الجنس : ~ بنوتة
 المكان : المنصوره
 المشاركات : 76,489
 الحكمة المفضلة : كن جميلا ترى الوجود جميلا
 النقاط : توحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond reputeتوحد ارواح has a reputation beyond repute
 درجة التقييم : 5270345
 قوة التقييم : 2636

توحد ارواح غير متواجد حالياً

أوسمة العضو
افتراضي

طرح جمييييييييييل و رااااااااااااااااااااااااااااائع

مشكووووووره يا قمر







  رد مع اقتباس
إضافة رد

الكلمات الدلالية (Tags)
العروسة, شقة, فرش, كيفية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
اجمل اشياء للمطبخ العروسة (تابع لمسابقة افضل توبيك عن مطبخ العروسة) شجـرة الدر منتدي ليلة العمر 5 09-14-2013 02:10 AM
توك لشعر العروسة شجـرة الدر منتدي ليلة العمر 6 08-09-2012 03:23 AM
فساتين العروسة نعنوشة منتدي ليلة العمر 5 09-11-2010 07:27 PM
كل احتياجات العروسة.... ҉ آنينُ صمتـﮯ ҉ منتدي ليلة العمر 26 10-02-2009 10:47 AM
ميكياج العروسة ™Sedny منتدي ليلة العمر 6 07-07-2009 02:50 PM


الساعة الآن 09:24 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w