مواقف عيد الاضحى المبارك والبنت الي حبت الخروف

[المرهف]

صباحكم / مساكم رضا و قبول ،

كل عام و الجميع بـ خير و صحه و سلامه و ينعاد عليكم يارب ،

هاه سنيتوا سواطيركم ولا مابعد ..!
بالله انتم مثلي تحسون إن تو أمس كان عيد الفطر ..!
و بكره عيد الأضحى ..! يا سرع الأيام الله يرحمنا بـ رحمته ..!

،

عيد الأضحى ميزته عن عيد الفطر بـ ناحيتين :

الأولى إن كثير من الناس يعيدون في مكة و هم حجاج " الله يتقبل منهم " و الحج لحاله يعتبر فرحة مامثلها أبد للحاج اللي قضى فرضه و رجع كـ يوم ولدته أمه ..!

و الثانيه كمية الإجرام و سفك الدماء اللي تصير بصباح العيد ..!
بالعاده الأعياد تغلبها الاجواء الرايقه ، و الألوان الورديه لكن هـ العيد يطغى عليه اللون الأحمر و التلطيخ بالدمامين ..!
عيد الإجرام بـ معنى آخر ، ما اقول الا الله يعظم أجر هالأضاحي و يصبر أهلهم !!

،

طبعاً لكل ناس طقوسهم المعينه في ذبح الأضاحي ..!

بعضهم اللي يجيب الضحيه في بيته من بدري عشان البزارين يعذبونها بمختلف أنواع التعذيب قبل ما تنذبح ..!
لين توصل فيهم يتخيلونها حصان و يركبونها بالدور من باب الترفيه عن النفس ..! في حين إن ذا الضحيه المغلوب على أمرها مصيرها راح يكون مقزز بعد يومين ..!
كنها ناقصه غثا في أيامها الأخيره و لكن ناخذها من باب التكفير لهالضعيفه قبل يومها إن شاء الله ..!
عاد لا جت حزة الحزه في صباح العيد تجمعوا كل اهل البيت من أصغر بزر إلى أكبر شايب على هالضحيه ..!
و كلن من هالرجال سان ساطوره من جهه و يسدحونها ع الأرض و شوفوا المصارعه اللي تصير ..!
و ذيك مناك حاستن إن ساعتها حانت و تقوم تستغيث " امباع امباع " لكن لا حياة لمن تنادي ..!
وقتها كلن يطلع مواهب الذبح و التقطيع فيها ..!

و يا هلا بالدمان اللي تبتدي تطشر مع كل جهه ..!
" خشه داخت "



و فيه ناس يذبحونها برى البيت و يجيبونها مقطعه و جاهزه ..!

وهذي أنا افضلها أكيد ..! أزين من شوفة هالذبح و التقطيع و الدمامين و المناظر اللي تخلي الواحد يحلف ماعاد ياكل لحم مره ثانيه ..!



،




طبعاً أكيد كلنا تواجهنا مواقف كثيره في عيد الأضحى خصوصاً وقت الذبح لا صار في البيت ..!




سواء قبل الذبح ،

مثل مواقف بثارة البزارين و لعبهم في حسبة هالضحايا ..!
أو " محاولة هرب للضحيه " و الملاحق فيها من مكان لـ مكان ..!
على طاري المواقف ، اخبر وحده من البنات تقول جابوا الضحيه في البيت و تعلقت فيها بشكل مو طبيعي لدرجة إنها سمته " عبداللطيف " ..!
تقول و تتكون بيني وبينه علاقة حب هالعبداللطيف و اتعلق فيه ..! يوم جو يب يذبحونه إلا أنواع الصياح ..! << مالله حادتس تتعلقين بـ غنمه ..!
بس ماعليكم عقبها قالت يا ان الحميسه عليه طعم ماحصلش
<< امحق تعلق باين إن الضمير مأنبها ..!






أو بعض المواقف اللي تصير خلال الذبح ،

من حالات الإغماء اللي تصير وقت تطشر الدمامين ..!
أو حومة الكبد و التعقيد من اكل اللحم للأبد للي يشوف هالمنظر ..!




و بعد الذبح ،

عاد يجي التفنن بالفطور و مع حميسة الكبده اللي ما يحس الواحد بـ فطور اول يوم من عيد الأضحى إلا فيها ..!

[امل جديد]

رائع يا مرهف

كل ما قلته يحدث بالفعل ف عيد الاضحى

واليوم مازالت هاربه منا احدا الضحايه وصارو يطاردونها لين مسكوها ولاقت مصيرها المحتوم هالمسكينه هههههههههههههه

شكراً لك وتسلم دياتك يارب

[محمدعبدالسلام]

موضوع رائع يا مرهف
وطرح مميز
تسلم الايادى
وكل سنه وانته طيب

[нαиαи]

ههههههههههه سرد القصه خطيييييير وربي دخلت جو ههههههههه
تسلم اياديك .

[♥☺ام ال3 عيال♥☺]

كل سنه وانتِ طيبه

[المرهف]

اقتباس المشاركة الأصلية كتبت بواسطة امل جديد رائع يا مرهف كل ما قلته يحدث بالفعل ف عيد الاضحى واليوم مازالت هاربه منا احدا الضحايه وصارو يطاردونها لين مسكوها ولاقت مصيرها المحتوم هالمسكينه هههههههههههههه شكراً لك وتسلم دياتك يارب

ما عليكم زود المبدعون انتم

[المرهف]

اقتباس المشاركة الأصلية كتبت بواسطة محمدعبدالسلام موضوع رائع يا مرهف وطرح مميز تسلم الايادى وكل سنه وانته طيب

تسلم اخوي محمد عيدك مبارك

[المرهف]

اقتباس المشاركة الأصلية كتبت بواسطة طفلة_القمر ههههههههههه سرد القصه خطيييييير وربي دخلت جو ههههههههه تسلم اياديك .

اسلوبك رائع يا مبدعة اعيش بعمق في ردودك بوركت اناملك

[المرهف]

تشكري اختي الجديدة الحكمة حقتك ضحكتني كثير هههههههههههههههههه تنظيف المنزل هههههههههههههههههه

[Wahem]

دمت ممن يرتقون الى اعلى
مستويات التألق والابداااع
موضوع رائع