فاتوا سنتين ودمعه معاكم ياحلوين

[دمعه حائره]

بسم الله الرحمن الرحيم



كل عام وانتم بخيراخوانى اعضاء منتدانا الغالى
النهاردة العيد عيدين عندى

27-10-2012
و
تاريخ التسجيل
27-10-2010

عيد الاضحى والعيد الثانى لتسجيلى فى المنتدى الرائع
منتدى بنات مصر

مش هاخبى عليكم السنه اللى فاتت لما عملت توبيك
فاتت سنه ودمعه حائره معاكم هنا
ماكنت واثقه انى ممكن افضل سنه كمان
يمكن دى طبيعتى بحس الحاجات الحلوة فى حياتى
ممكن تروح بسرعه

لكن بفضل ربنا ومعاملاتكم الراقيه معايا
فضلت وكملت وطورت من نفسى
اتعملت حاجات كتير حتى مكنتش اسمع عنها



مش هانسى دروس دكتورطارق وحوراءورفيف وايمى
فى الفوتوشوب
وماجيك وميدو فى السويتش ماكس

والاستاذه المبدعين فى القسم الادبى
اللى كل مااقرى ليهم قصيدة اتعلم حاجه

مش هانسى كل واحد رد على موضوع ليا وشجعنى

اصحابى واخواتى البنات اللى كل يوم بنضحك ونتكلم سوا
ومن غير ذكر اسامى لانى هاكتب اساميكم كلكم




كل واحد فى المنتدى ده سايب أثر جواياوعلمنى حاجه
فيكم اللى علمنى اذاى اتعامل مع الاخريين فى النت

وفيكم اللى علمنى معنى الصداقه بجد
حتى وانا ماشفتوش

واللى كان اخ واخت ليا من غير مااقابله او اسمع صوته
اخوات بجد يسألوا عنى لوغيبت يوم

حاجات كتير لو فضلت اتكلم عنها للسنه الجايه
مش هاتخلص




بس هاقولكم بشكركم جدا على وجودى معاكم لسنتين
كانوا من احلى سنين عمرى

واكتر سنتين كنت فيهم سعيدة وأثبت لنفسى
انى ممكن وانا فى البيت اعمل حاجات كتير تنفعنى
وممكن تنفع غيرى

كل سنه وانتوا طيبين
وكل سنه واحنا على الخير والاخوة متجمعين
وكل سنه ومنتدانا راقى شامخ ومن احسن المنتديات
اختكم دمعه حائره

[الرحــاال المٌتَمرد]

ياااااااااااااااه كل سنه وأنتى طيبه ي منه

وتفضلى دايما منوره المنتدى بوجودك وبنشااطك

أفتكر أن سبب وجودى فى المنتدى كان يرجع لللنصيب وليكي

لو لسا فاااكره السبب :d:d

إن شاء الله تتوالى السنين وأنتى متربعه على عرش المنتدى وقسم الإبداعات

ويوفقك فى حياتى الخاصه والعامه إن شاء الله


كونى دائما بخير


إحترااامي

[الأميرة رودي]

وانتى بخير وبصحه وسعاده يامنه
انتى شخصيــه جميله بجد ربنا يوفقك ياحبيبتي
والسنتين دول يبقو 50 سنــه هنــــا
مانتحرمش منك ياقمــــر ولا من تواجدك الراقي

[ساحر الأحزان]

ياة فاتم بسرعة السنتين يا دمعة

عقبال عشرين سنة كمان وانتى منورة معنا فى المنتدى

وانا حكيت عليكى انتى مش محتاجة حكى فنشاطك وتواجدك

بيكفى للرد

سنة فاتت وسنتين والجاى اسعد ان شاء الله

موفقة دوما

[سارية فى درب الرسول]

عامين من العطاء يا دمعه

فانت من انشط ابناء هذا الصرح بل علامه من علاماته المميزه
ربى يديم عليكِ النشاط والتوفيق
وعقبال ما تقولى فات 100 سنه
كل عام وانتِ بخير والى الله اقرب

[دمعه حائره]

شكرا ايمن وربنا يديم الاخوة بينا
ونشوفك دايما ناجح ومبسوط
وتفضل منور منتدانا بابداعاتك الرائعه

رودى حبيبتى ميرسى ياقمر
وانا اتشرفت جدا انى اتعرفت عليكى
نعم الاخت المحترمه الخلوقه

اخى امجد اخ بجد واخلاق وتعاون وده بان ليا
فتره الادارى المنتخب
قد ايه اخلاقك عاليه ومتعاون
كل سنه وانتم طيبين

[تيتشر نفشه ツ]

ياحببت عمري

والله احنا الي مبسوطين قوي ان وحده بأخلاقك واحترامك معانا

وعمر مالكلام يوفي معزتك عندنا والله وانا حبيتكو قوي عشان انتي من الناس الطيبه المحترمه الي

اتشرفت بمعرفتها هنا

يارب يارب

تبقي معانا طول العمر وانتي بألف صحه وسعاده يارب

[دمعه حائره]

شكرا اختى ساريه ومانتحرمش من وجودك
ومواضيعك اللى فعلا من احسن المواضيع
وبستفيد منها كتيرنعم الاخت الطيبه المحترمه
ربنا يوفقك دايما

[❀ ЯeRōŎō ❀]

وان شاء الله تحتفلي سنين كتير قدام يادمعه

وكل سنه وانتي طيبه عشان العيد وعشان اليوم بقالك سنتين ياقمر

ويارب تبقي بخيـــــــــــــــــــــــر ديما بقي ^^

[دمعه حائره]

شكرا رنين ماتحرمش منك ابدا
وانا بجد بحبك وحاسه انى اعرفك من زمان
وبنت عسوله وطيوبه وماشاء الله نشيطه
ربنا يوفقك وينجحك