هشام الجخ || مكملين || (حملة تنشيط الاقسام)

[๓αℓάҝ]

بسم الله الرحمن الرحيم للى مش فاهمين نقول .. للى مش فاهمين نزولنا .. للى معاشوش ظلمنا ولا قهرنا وحسوش نزول للى مداقوش مر جوعنا .. اللى ماناموش فى الشوارع كالدبايح كملوا بالليل عشاهم بالصفايح .. للى مش فاهمين مهانة الرجال قهر الرجال .. للى بيقولوا علينا حبة عيال .. احنــا مش حبة عيال. للى مش فاهمين نزولنا .. للى معاشوش ظلمنا ولا قهرنا وحسوش نزول للى مداقوش مر جوعنا .. اللى ماناموش فى الشوارع كالدبايح كملوا بالليل عشاهم بالصفايح .. للى مش فاهمين مهانة الرجال قهر الرجال .. للى بيقولوا علينا اننـا حبة عيال .. احنــا مش حبة عيال. احنا شوفنا النيل بينشف فى البيوت واما يجرى … يتفرش حمام سباحة فى قصر باشا مستكترين فيا الغضب .. مانا كنت غرقان فى البشاشه كنت راضى ببوق مايه واقول دى هنا كنت ببكى فى القصايد .. كنت بشتم فى القصايد.. تتقطع ايدى اما قولت حبيبتى ماتت للى مش فهمين نزولنا فى الشوارع .. احنا بندور على الحلم اللى ضايع .. احنا جرينا النفق فى عروق عيالنــا يكبروا فاهمين حاجات مافهمنهاش.. ا انى اعيش عشان حلم وقضيه بس ماشى انى عمرى يضيع بلاش مااحنا سيبنلكوا البلد مانصفتوهاش ماتلوموش على اللى اتعجبن فى المعجنه واللى اتظلم واذا كنتوا فاكرينا غنمـ .. على حظكم أنا جِدْى فاق فاكرين زمان حذرتكم مستنى ايه من طفل رَبُّوه بالزعاق لَذَا كنتوا فاكرينا غنم على رزقكم أنا جِدْى فاق أرزاق.. للى مش فاهمين نزولنا فى الشورع .. لحكومة عودتنا على الشوارع بيتتنا فى الشوارع نيمتنا فى الشوارع الحكومة قفلت على نفسها كل البيبان خوفتنا من البيبان .. فاترمينا كلنا فى حضن الشوارع اكتر مكان لقيناه امان .. للى خايفين على البلد لحسن تموت ماتخافووووش الموت سكوت .. واحنا مش فى الخطه اصلا ان بكرة يكون سكوت .. احنا شايلين حملنا ومكملين .. بكرة بيشاور علينا واحنا مش مستعجلين مااحنا لينا كام سنه متكتفين صابحين فى طين .. نايمين فى طين احنا بنأسس بلد تسمع شكاوى المظلومين نشتغل نلقى عرقنا لينا مش فى جيب النصابين نشتكى نلقى اللى يسمع شكوة الناس الغلابه الطيبين احنا بنشكل بلد لاهى خايفة من صوت الاذان ولا خايفة من ان الكنائس تتبنى احنا بنشكل وطن عافيان غنى مش وطن يخدم 15 نفر ويبات جعان احنا مش عاوزين وطن مزلول مهان “المصرى مش لايقة عليه كلمة مهان” يقولك احنا عملنا فوضى احنا بردوا عملنا فوضى !! احنا كنا بنتجلد ونعيش ونرضى واحنا كنا بنتسرق ونعيش ونرضى كانت الاسعار بتغلى وكنت برضى والشرطة بتفتشنى عااادى فى اى وقت فى اى حته وبدون مناسبة وكنت برضى والانتخاب من سن كام لسن كام “معرفشى ليه” وكنت برضى جاى انهردة تقولى احنا عملنا فوضى ماسورة الغاز بتقفلها لصعيد بلدك وتل ابيب بتفتحها مسورة الغاز بتقفلها على ولادك وللاعداء بتفتحها وناس شقيانه طول الليل عشان لقمه .. وغالى ياخدها على الجاهز .. اللهى يارب يطفحهــا وناس تسكن قصور بتدور .. وناس الجوع بيدبحها وناس بتموت فى الميادين فدى الثوره … وناس خايفة على مشاعره لنجرحهاااا ياخى … “هو مش قال بس طبعا كلنا بنحب احمد مكى وفاهمين ” احنا هانكمل وهانزق البيبان يارب انت المستعان واللى بيقولوا علينا مغيبين ومسطحين ومجوفين وبوابين ومعفنين ومنتنين وبلطيه وماجورين خليهم براحتهم .. احنا بردوا مؤدبين ومسالمين بس احنا بردوا “مكملين” _____ الفيديو ... ا _____ _____

[CuOp!D]

جــامـد من يومــك يا جــخ
تسـلمـى يـا سـوكـه
فين عديتى بـقـى :d

[๓αℓάҝ]

ده من جهه اني اصغر منك ههههههههه

تسلم يا سيكا علي ردك

[CuOp!D]

اصغـر من
اكــبـر من
عــايـز العيـديــهـ بـقــى :d

[gold rose]

جميل أوي الموضوع ,,
تسلم إيدك يا سيكا ,,

[๓αℓάҝ]

اقتباس المشاركة الأصلية كتبت بواسطة CuOp!D اصغـر من اكــبـر من عــايـز العيـديــهـ بـقــى :d

هههههههههه بعتلك نص جنيه عيش حياتك

منور مره تانيه

[๓αℓάҝ]

اقتباس المشاركة الأصلية كتبت بواسطة gold rose جميل أوي الموضوع ,, تسلم إيدك يا سيكا ,,

هههههههههه سيكا مين


تسلمي يا جميل منورهـ

[همسه الجوارح]

جميله اوى الكليمات
اختيار قيم
تسلم ايدك
مودتى

[رقة BaNOTa]

ياعني ياعني بجد تحفه الكلام ده
والتوبيك تحفه كمان
تسلمي ياقمر

[Words Whisper]

بحب اوووي القصيدة دي

من أكتر الحاجات اللي عبرت عن كل حاجة ..



تسلمي

ودمتِ بتوفيق من الله ..