(حــوار مع الكبــار) مع الأميـــرة رودي (الفقرتين)

[Mo7aMaD 3aLa2]

اهلا بيكم وحلقة جديدة من برنامج


[حــــوار مـــع الكبــــــــار]


هيكون معانا ان شاء الله عضوة مميزة جداا

معروفها بـ كلامها المتزن وهدوءها

هى

الأميـــرة رودي

مشرفة قسم صفحات مكشوفة

اهلا بيكى معانا يا رودى ,, كل سنة وانتى طيبة

وانت طيب يامحمد وبالصحه والسلامــه
وكل الموجودين بكل خير يارب


قبل ما ندخل فـ الحوار قوليلنا عملتى اية الاول فـ العيد :P ؟

ولاحاجه قضيت العيد فى البيت
وبيكون يوم عادي زى اى يوم بيكون مجرد اتصالات بس ب أصدقائي أعيد عليهم وخلاص

كل سنة وانتى طيبة مرة تانية

وانت طيب

واعادة الله علينا بالخير واليمن والبركات

اللهم مين يارب

نظام البرنامج الحلقة دى هيبقى فقرتين

الفقرة الاولى بعنوان مجتمعنا

هسألك شوية اسألة بخصوص بعض المشاكل المجتمعية اللى بتقابلنا


نبدأ الاسئلة ؟


نبدأ { بسم الله }






1/ ظاهرة التحرش المكررة وخصوصا فـ الاعياد ,, فشلنا فى التخلص منها وهى بتزداد
تفسيرك للظاهرة وازاى نعالجها من نظرك ؟

والله يامحمد الظاهره دي سيئه جداا وبتسبب قلق نفسي واحرااااج للبنت
بشكل كبير ..كفـايه اعتقادها بـأن الانسان ده مش محترمها فى الوقت اللى بتكون واثقه من نفسهـا ومن احترامها ..
فـ كونه يعمل كده أصبحت نظرته ليها وكأنها بنت متبرجه أو منحله فى حين مابتكون هيا منتهى الاخلاق فبيسبب لهـا ازعاج وتوتر وضيق..
والآغرب دالوقتى أن المنتقبات نفسهم بيشتكو من المشكله دي
يعني المفروض شايفها واحده منقبه يحترم حتىالنقاب اللى عليها .
.......
بتزيد فى الآعيــاد بسبب التجمعات بشكل كبير وتعود ناس كتير للخروج
فبالتالى وسيله سهله للتحرش ...
وبتزيد الظاهره دي كل يوم أكتر من اللى قبليه لآسباب كتير أولها مواقع الانترنت وانتشار قنوات فضائيه تساعد على الخلل الآخلآقي
وكمان تأخر سن الزواج عند الشاب أو البنت ..
الزواج أصبـح عمله مشحوته بمعني انه ممكن تلآقي شاب عنده فوق ال 30 وداخل على ال 40 سنه
ولسه ماتجوزش ودى بقى لها أسباب كتيـر محتاجه حلقه لوحدها بس أهم الآسباب دي الحاله الاقتصاديه فى البلد ...،، والبطاله .. ،، والمطالب المبالغ فيهاا من أهل البنت وأحيانا تلآقي الشاب نفسه مش عاوز يتجوز عشان مايشلش مسئوليه بيت وأولآد عاوز يعيش لنفسه يعني و ..... الخ
مع الشاب اللى بيقوم بعمليه التحرش دي لو فكـر شويه هيلآقي أخته وأمه بيتعرضو لنفس اللى هو بيعملو .. بس هنقول ايه !! ؟؟





2/ مشكلة حقوق المراة المنتقصة ف المجتمعات الشرقية ,,
بتعتبرى فى مشكلة أصلا بالنسبة للمرأة ولا دة كلام مصطنع ؟

لآ بصراحه انا شايفه ان المرأه بقت واخده حقها كتيــر عن الآول
والكلآم اللى بنسمعه ان المرأه مظلومه ومهضوم حقها فى المجتمع ده بيكون نابع من فئه معينه من النساء
انا شايفاهم بيتسهبلو ..
لآنها دالوقتى فى كل مكان فى مؤسسات الدوله ممكن تلآقيها
كل المناصب والآشغال بقت تقوم بيها حتى المصارعه بقى فيها سيدات
مش ناقصها الا تكون رئيسه جمهوريه وده انا برفضه تماما
بس مش هنكر برده أنه فيه طبقات معينــه أو فئات من الناس مطحونه فيها كينونه المرأه
وده بيرجع لنظرتهم المحدوده ومبادئهم القديمه اللى مش بتتغير
ان المرأه مكانها بيتها وجوزها وتربي العيال وبس ...فالعيب هنا أصبح من بعض العقــول اللى نظرتها للمرأه نظره سطحيه ولا حق ليها فى الحياه العمليــه





3/ ازدياد نسبة حالات الطلاق فى مصر وصلة لنسبة كبيرة جداً
,, اية تفسيرك للموضوع دة ؟

فعـلا نسبه الطلآق فى ارتفاع متزايد وبرده له أسبــاب كتيــر
بتختلف الحالات والآسباب عن بعضها لكن فى النهايه النسبه مرتفعه
منهــا : عدم تفاهم الزوجين ،، كل منهما يفكـر بشكل مختلف عن الآخر وبالتالى خلآفات ونزاعات كتيـر فينتهى بالطلآق ..
كمان عدم التوافق الآجتماعى والثقافى والمادى فيخلق نوع من توتر العلآقه

ممكن بــرده الخيـانه واللى أصبحت منتشـره بشكل كبيــر
بسبب تدهور الآخلآقيات والتنازل عن المبادئ ووجود حاجه أسمها انترنت فى كل بيت دالوقتى ~ ~
وسيله سهله لتعارف الزوج على امرأه أخرى وكذلك الزوجه على رجل آخر .. ومن هنا تبدأ الغيره والشك والانفصال العاطفى والمشاكل المستمره مع الوقت ..ومن ثم الطلآق ..

الفتــور العاطفى أو أهمــال طرف من الزوجين للآخر من العوامل المؤديه للطلآق ..

كمان فيـه مشكله وهى تأخر سن الزواج عند البنات او { العنوسه }
وقتها بيضطر الآهل للموافقه على اى شاب يتقدم لها بغض النظر عن سلوكه أو أخلآقياته ... فقط { للتخلص من نظره المجتمع المستفزه}

أسباب كتيره بتؤدي للطلآق وربنا يهدي الآحوال بين كل زوجين يارب





4/ مشكلة اطفال الشوارع بنعانى منها من سنين ,,
تفتكرى الغلط فين والعلاج فين ؟

تعرف انهم بيصعبو عليا جدااا ..
اللوم الآول والآكبر على ابائهم
فيه ناس هتلوم الحكومات ..وانا قبل ماهلوم الحكومه انا هلوم الآب والآم اللى بيخلفو العيل عشان يسيبوه فى الشارع يسرق ويتسول وينام على الرصيف ..
ولو قولنـا أنه يتيم ففيه دور ايتام المفروض انها تراعي اليتيم تربيه احسن تربيه ويكون له حق التعليم .. ممكن فى المستقبل يبقى شئ مشرف لو كان سلوكه سوى من البدايه واتربى بشكل مش مهين لكونه انسان
لكن احنا عندنا طابع العنف شويه فى تربيه أطفالنا ..
ممكن قســوه أب مع ابنــه تخليه يسيب البيت ومش يرجع تاني ويلجأ للشارع ..
علآج مشكله أطفال الشوارع دي هى مؤسسات كبيره تراعيهم وتعلمهم وتقوّم سلوكهم

..





5/ هجرة الشباب المصرى للعمل بالخارج من اجل مستوى مادى افضل ,,
تفتكرى هيجى اليوم اللى الشباب المصرى يلاقى فية مستوى افضل داخل بلدة ؟


أنت قولتها يامحمد أنه هاجر وساب بلده بس بحثا عن مستوى معيشي ومادي أفضل ..
لو كان لقى راحه أو حتى شغل محترم يساعده على حياه آدميه كريمه فى بلده مكنش سابها ..
وأكيد لو توفرت الحياه الكريمه هنـا هيستقر بس ده محتاج وقت طويل أوى لآن انت شايف دالوقتى اقتصاد البلد زى العســل





6/ قضية التعليم الردئ فى مصر ,,, اية علاجها من نظركـ ؟


دى مشكله من زمــأن أوى
علآجها من وجهه نظرى اعاده هيكله المنظومه التعليميه بالكـامل
ومعاقبه كل مدرس مقصـر فى عملـه ومن ثم محاربه الدروس الخصوصيه
والآهتمـام أكثـر بالمتفوقين المتميزن اللى زيك كده يامحمد
ناس تهتم بيهم تطور من تعليمهم وبعدين بقا استغلآلهم ،،
والآهم من كده الآهتمـام بالعلوم التكنولوجييه اللى أصبحت كلمه السر فى تطور أى دوله
( مش محاربه مدينه زويل ) !!






7/ النفاق صفة بشرية ,, لكن ف مصر مبالغ فيها بصراحة ,,
احكيلى موقف حسيتى فية معنى النفاق ف شخصية اتعاملتى معاها ؟


النفاق ده كان سبب مشكله نفسيه حصلت لي بس من 6 سنين تقريبا
ناس شايفني بغرق وهما مفهمني ان الدنيا تمام وكله زى الفل والمشكله أنها كانت من أعز صديقاتى أقرب الناس ليا وقتها ..
ومن بعدها لما اكتشفت الحقيقه قررت اعيش بالنفاق لآنى خلاص حسيت ان الدنيا دي لآزم نعيش فيها كده
لآزم تكون منافق وكداب ومتلون بـ 100 وش عشان تبقى محبوب وليك مكانه بين الناس لكنى اتأكدت بعدها من موقف تانى حصل معايا ان الدنيا لسه بخيــر
وان لسه فيه نا س كويسين يستحقو اننا نكون منتهى الصدق معاهم
والحمــد لله ربنا يبعد عننا المنافقين




كدة تنتهى الفقرة الاولى مع رودى

وانتظرونا قريبااا مع الفقرة التانية بعنوان منتدانا

بعد ما نسمع تعليقاتكم ع الفقرة الاولى

...

[الرحــاال المٌتَمرد]

فى الحقيقه أسئله فعلا للكبار ,,

ورودى كانت مقنعه كتير فى ارائها

ولا عَجب في دُنيا العُجاب ,,

هى دى مصرنا ي محمد ,,

يالا منتظرين الجزء التانى اللى اكيد هيكون على نفس المستوى


كونوا دائما بخير

[♥Donya♥]

انا كنت لسه هسالك اسمه حوار مع الكبار ليه
لاني فكرت انه لكبار السن بس طلع من الاسئله والاجابات انه لكبار العقل

واسم البروجرام لايق عليه
وبصراحه الاسئله مميزه ي محمد وخاصا انك دمجت اكثر من موضوع

المجتمع بيواجها والمواطن المصري في بضع اسئله
وكله في توبيك واحد وشامل

اما بالنسبه للعضوه رودي فانتي اجاباتك مميزه وقويه
وعجبتني جدا بس بالنسبه لسؤال المراه

ازاي واخدين حقنا ومكتفين يعني انا مش ضدك ان في بعض النساء
بتستهبل في مطالبها بس حقنا مش واخدينوه اوي ع فكره

زي اني ماينفعش امشي في شارع لوحدي وده بسبب سوء الشباب
والرجاله وافعالهم البذيئه يعني مش واخدين حريتنا في الشارع ولا في البيت حتي في تفرق بين معامله الولد والبنت

عمتا مش هخرج عن الموضوع ولا هصدعك بس فكري هتلاقي حجات كتير
مظلومين فيها وفي انتظار فقره منتدانا ي محمد وكنت منور انت والضيفه القمر ^^

[عاشقة الهدوء]

الحلقه بجد هااايله جدااا ومضمونها رااائع وقيم

من حوووار متألق وأجاابات ممتازه من ضيفه متمكنه رااقيه بأسلوبها

ورجاحة عقلها ووعيها الملحوظ بشكل مميز بحييك يامحمد على الحوار

وبحييكى روردى على الآجاابات القيمه نورتى ياحببتى وأمتعتينا ربنا يحفظكم ويوفقكم

وأجمل تقييم للحلقه ومتابعين معاك يامحمد مووفق دااائما

[رنا هشام]

بروجرآم جميل يـ محمد ,,
مشآكل بنحصـل فـ مجتمعنآ ,,
حوآر حلو جداً ,, مع عضوهـ عقلهآ كبير ^^
ومحبوبةة
^_^
فـ آنتظآر الفقرهـ الثآنيةة

[P R ! M O]

حلقه جميله جدى

منوره يا رودى

تسلم يا علاء

[تيتشر نفشه ツ]

الله ينور عليك ي أبيه انتا ورودي

اسئلتك الي بيعجبني فيها انها بــ الكيف مش بــ الكم

ودا الي بيخليني اتابع البروجرام باستمرار والله

رودي

اجاباتك مقنعه كل الاقناع والله وبتدل على شخصيه واعيه ومدركه هيا بتقول ايه

ماشاء الله عليكي ي رودي

ربنا يحميكي بجد

أبيه

رودي

منورين الحلقه والدنيا كلها اكيد

[SiLver Spectra]

حوار جميل
و الاميره رودي منورة طبعا

تشكر يا علاء عالمجهود ,,

[ماتركس]

حوار جميل يا ريس

ورودي اجوبتها عقلانيه جداا ومنتظرين باقي الحوار

شغال يا ابو علاء

[طمطم]

حلقة حلوة بجد
منورة ي رودى ^^
تسلم ي عيلاء ..
و مستنية الفقرة التانية بقآ
,,