كـــوفي شـــوب بنـــات مصـــر

[Şα3Đ..♥]

السلام عليكم
طبعا كلنا عارفين يعني ايه كوفي شوب
او بالبلدي كده القهوه
بنعمل ايه ع القهوه غير اننا بنتكلم ف المواضيع الحياتيه ونهزر
وده مبيبقاش ليه مواعيد
ف اي وقت انت فاضي فيه بتروح انت واصحابك القهوه تتكلموا ف اي شيء انتوا عاوزينو
احنا هنعمل كده بئه هنا
هيبقي فيه هنا كوفي شوب مستمر
يعني ببساطه هترد هنا باي شيء
حكمه\
مقوله
تسلم علي حد
او تسيب لحد رساله
نتناقش ف موضوع معين
نكته
رابط موضوع ف المنتدي عجبك

وطبعا القعده مش هتبقي نشفه كده
لا
ده في مشاريب طبعا
شاي
قهوه
كركديه
ينسون
وفي عصاير زي ما تحب
بس مفيش شيشه
تقدر ترد ف الموضوع ف اي وقت تحبه
وف اي موضوع تحبه

بس بخصوص النقاش
هيتفتح كل يوم ان شاء الله الساعه 10 بليل
ولو انا مش موجود
هبقي انسق مع مشرفي القسم يحطوا موضوع النقاش اليومي

ويارب الفكره تعجبكوا
منورين ف القهوه

[єLмσsħαx]

فكره هايله يامحمد

[❀ ЯeRōŎō ❀]

جامد ياسعد تيب عايزه واحد كابتيشنووو وبعدها نتكلم بقي ^^

[Şα3Đ..♥]

يافتاح يا عليك يا رزاق يا كريم
اصطبحنا واصطبح الملك لله
وعند واحد كابتشينو ياعم لاول زبون


اتفضلي يا حاجه
اجيب شيشه

[❀ ЯeRōŎō ❀]

ههههههههههههه حلو اوي كده

لا مش عايزه شيشيه ممكن تجيب فطار بقي عشان افطر الله

ومش تقلق انتو بس اول ما تفتحو موضوع نقاش هاعملك دعايا للقهوه فري يلا اهو كلو بثوابه ^^

[Şα3Đ..♥]

وانا اللي بقول عليكي ناصحه وهتلقطيها من اول جمله
مش لازم يبقي فيه موضوع للنقاش
لو اي حد حابب يتكلم ف اي موضوع
يتكلم
يحط رابط لفيديو
رابط لموضوع ف المنتددي
يصبح علي حد
اي حاجه
يعني زي ما تكوني قاعده فاضيه علي جوجل كده
بتكتبي اي حاجه تيجي ف بالك كده
اهو الموضوع كده بالظبط
ومفيش فطار

[Lady Rozitta]

فكرة حلوة اوووى
و بما انك صاحب الموضوع افتح موضوع الناس تتكلم فيه
مش تسبنا حيرانين كدا :d

[Şα3Đ..♥]

ايه رايكو ف الجواز
)

[❀ ЯeRōŎō ❀]

ماشي يامستبد ^^

الجواز عامل زي القدر هايحصل هايحصل سواء برضاك او غصب عنك هيه دي سنه الحياه ^^

[طمطم]

فكرة هايلة ي سعد بجد
وبما انك فتحت موضوع للنقاش
ف الجواز هو ع راى رمضان مبروك ابو العلمين حموده :-
"الجواز عباره عن فرح شهر ♥ ودق ضهر .... وغرم مهر"
ههههههههه لا بهزر
كل واحد ف الدنيا بيشوف الموضوع ده بطريقة معينة
ف رايى ان الجواز هو بداية قصة حب بين اتنين مش نهايتها زى م بيقولوا
هنا العلاقة بتبدأ تاخد شكل تانى غير ايام الخطوبة والدلع ^^
يعنى بيبقى ف مسئوليه بيت وبعدها اطفال ..
واهم من ده انهم يفضلوا متمسكين ببعض ومحافظين ع حبهم ..وده ف رايى اصعب حاجة
بسبب المشاكل اللى بتواجه اى 2 متجوزين خصوصا ف اول سنة
,,