هتسيبها إمتى؟؟؟

[عاشق الجمال]

بسم الله والحمد لله والصلاة والسلام على رسول الله وآله وصحبه ومن والاه



فإن غبتم عنّا ما نسيناكم


فاكرين أصحابنا ؟؟؟؟؟؟؟

عبد الله ،

محمد ،

عبد الرحمن ،

أحمد ،

مصطفى ،


أصحابنا اللي بدأو رحلة التغيير

اللي بعضهم قرر يغير حياته ويعيش بجد جنة الدنيا ليحمله الله لجنة الآخره

وبعضهم ....... !!!!



طيب ،،،

أخونا محمد ربنا يسر له طرق الخير جداً ، وبعد صدق توبته شق الصراط المستقيم

أخونا عبد الرحمن

هتكون حلقتنا معه النهارده

*
*
*

هتسبها امتى

عبد الرحمن سأل نفسه السؤال دا


وهو دا السؤال اللى لازم كلنا نسأله لأنفسنا






*
*
*


هتسيبها إمتى؟؟؟

الحيـــــاة حلـــوة .. آه ,, بس ليــها نهــــــــاية ,,

فى ناس الشيطان بيلعب بيهم لعبة ظريفة قوى ويقوله: شوف دلوقتى إنت فى مرحلة الشباب فإنت محتاج تقضى شبابك؛ الشباب ده النشاط والقوه، فلازم تعرف تقضيها صح، ولما يا سيدى يبقى عندك خمسين ، ستين سنة تبقى تروح تحج وتقعد فى الجامع وتمسك المصحف وتسيب الدنيا كلها وتبقى تمام.

النبى صلى الله عليه وسلم - الحديث الذى رواه البخارى - قال : (( لا يزال قلب الكبير شاباً فى اثنتين فى حب الدنيا وطول الأمل )) ,, يبقى لازم نقف ونراجع حساباتنا

أنا عايز أسألك النهاردة هتسيبها إمتى ؟؟ ,, هى إيه؟ ,, هي اللى خطرت على بالك دلوقتى ,, إيه اللى خطر على بالك؟ كل واحد يترجمها بطريقته ,,,



*

*

*

هتسيبها امتى ؟؟

هو ده اللى أنا عايز أسأله ,,

مفيش يوم إلا وتلاقى حوادث عربيات وموت الفجأه والكلام ده ,, موقفتش ليه عند الحدث ده وبدأت تراجع حساباتك؟ وتقول طب ده شباب و عشرين سنة. مش لازم يعنى عنده ستين سبعين سنة عشان تحصله الحاجات دى ,,



*

*
*




هتسيبها إمتى ؟؟

والله الذى لا إله غيره إن الغافل يعيش كده ويموت كده ويلقى الله كده ربنا سبحانه وتعالى يقول:

{ وَأَنذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ } [ مريم/39]

إِذْ قُضِيَ الْأَمْرُ : خلاص الدنيا انتهت، خلاص كله اتحسر، وكله بدأ يعرف قد إيه فاته يوم ما بعد عن ربنا ,, قضى الأمر :المسأله انتهت، والله خلاص يا جماعة بعثنا من القبور هذا هو يوم القيامة ,,

وَهُمْ فِي غَفْلَةٍ : هم فى غفلة، أصله عاشها كده، ومن عاش على شىء مات عليه، ومن مات على شىء بعث عليه، ,, عاشها غافل فمات غافل ولما مات غافل بعث وهو غافل فطلع من القبر يقول: إيه ده؟ أنا حصلى حاجة؟ أنا فاقد الذاكرة ولا إيه؟ لالالا إيه ده؟ إيه الناس دى؟,, الناس دى عاملة كده ليه!! أنا كنت فى غيبوبة !! إيه الموضوع؟؟!!



*
*
*



قلنا هناخد طريق التوبة خطوة بخطوة ,,

أولاً : إحساسك بالخطر ,, يتولد عنه وقفة مع النفس، الوقفة دى مهمة قوى هتبدأ تعاتب نفسك ,, لغاية إمتى ؟؟!! لحد إمتى ؟؟!! إلحق بقى ,, والله لو جه المعنى ده كل يوم كده شوية فى قلبك، هتلاقى نفسك بتوفق للعمل الصالح والتوبة ,,, ساعات الواحد يحس لما يسمع الحاجات دى، تيجى عليك لحظات بتبقى أحلى لحظات الإيمان على الواحد لما تحس إن إنت خلاص ,,



ثانياً : الصدق والإخلاص ، وتبقى هى دى المرحلة الثانية؛ تعرف إنت إيه ,, تعرف نفسك إيه ,, فلما تذمها فى الله وتعرف حقيقة النفس، يبتدى الأمر ياخد المرحلة التانية ,, خلاص كده وقفنا ,, ندمنا ,, عرفنا الخطر اللى احنا عليه ,, ناخد الخطوة التالية ,,

إنك تعرفه هو ، مهم قوى تشيل كل الرواسب اللي في قلبك ,,, وتحط بدلها ,, هو مين ؟؟ يلا يا شباب هو مين فى قلبك ؟؟؟ تعرف عنه إيه ؟؟ بجد ,,, يعنى لما تحب كده تدعوه أول حاجة تطلع من قلبك يارب يا (( يا غفور )) عشان أنا عامل معاصى تقيلة قوى، وخايف والله يارب أقابلك بيها، فيارب يا غفور يا غفار ياللى بتغفر الذنوب الكبيرة والكثيرة اغفر لى يارب. اغفر لى. وتعرفه بإيه كمان؟ (( كريم قوى )) لأ، ده مش كريم، اسمه الأكرم مش كريم بس، ده أكرم من كل ما تتصور سمى نفسه الأعلى ليكون أعلى من كل ما تتصور فى صفات الجمال والجلال ,,



عارف يعنى إيه؟ ,, يعنى إنت متصور إن ربنا يرحمك ,, يرحمك إزاى؟ هيغفر الذنب ده؟ ,, لالالالا أعلى ,, وده؟ لأ، أعلى ,,, ربنا هيكرمنا إن شاء الله بكرم عظيم جداً، ده هيدخلنا الجنة إن شاء الله كذا وكذا ,,, أعلى



رابعاً : صحبه ،، هااا أيه أخبار شلة الأنس ؟؟؟



خامساً : حبّ القرآن ،، مهم إنك ترتبط قوى قوى قوى بالقــــرآن. هيبتدى القرآن يطهر قلبك وتستشفى بيه، يغير حاجات فيك، ويثبتك على الطريق لأنه ده أعظم الذكر ,,, الذكر على لسانك كتييير اللى بيذكره يقوله دى علامة المحب. الواحد لما بيحب حد بيبقى كل شوية بيتكلم عنه، فلو إنت بتحب بجد هييجى على لسانك كتييير، يبقى لازم كثرة الذكر عشان تأمن على الطاعه ,,,

*
*
*


لازم يبقى فى منهج ,, المنهج ده هيبقى إيه ؟؟؟ ,, إن أنا لازم كل يوم أسأل نفسى سؤال واحد مش عايز أكتر من كده عشان أظبط يومى ,,, إيه السؤال اللى أنا هأسأله كل يوم؟



راضي يااااااااااااارب ؟؟

[سعودي ودمي مصري]

أخي الغالي عصــــــام
حوارجميل يطيب فيه الذكر الحكيم
نعم حق الحق قول الله سبحانه وتعالى وملائكته ورسله وانبيائه ثم حقيقة قولك في طرح موضوعك هذا الذي أسأل الله ان يجعله في موازين حسناتك وان يرفع ذكرك من تذكيرك
الحقيقة من اراد ان يتعض فهناك كتاب الله عزوجل فيه من الترهيب والوعيد والتنكيل والترغيب والتحبيب واللين لمن اراد ان يسلك طريق النورسراط المستقيم
الدلالت كثيرة ولكن من يحفظ كتاب الله فقد بلغ طريق السعادةوالنجاح ولين القلب وخشيته
والحمد لله على ما اعطانا وما حفظنا من كتابه الكريم
عموما اعتذرفي اطالة حديثي ولكن لي عــــــــودة لان الحوارجميل والكلام بذكرالله اجمل وهناك سورة التوبه وسور اخر تذكر المسلم بالرجوع الى الله
بارك الله فيك حسن الله ختم موازين اعمالنا واعمالكم ورفعنا واياكم وسكننا جنات النعيم والفردوس امين

[سحابهـ]

الاخ الكريم : عاشق الجمـال

بدايهـً احيي فيكـ هدافهـ طرحكـ والتى لابد وان بتطرق اليهـا اذهـاننـا فى اليوم والليلهـ اكثـر من الف مرهـ

خـاصهـً فى وقتنـا هذا عندمـا كثـُـرت المنغصاتـ وكثرهـ اسـاليب القُبح والفـساد والتى لهـا اشــد الأدوار فى اضغعـاف الهمم لذوى النفس ضعيفهـ الايمـان


اخى الكريم

يجب علينتا ان نسعى كـل السعى لارضاء المولى بالحرص على طاعتهـ والبعد عن نواهيهـ
فـ لنوحد الدعــاء " اللهم يـ مقلب القلوب ثبّـت قلوبنـا على دينكـ وطـاعتكـ


ولو التزمنـا بـ الدعــاء لـ نجــانـا الله من شرور الدنيـا وشرهـا حتى نحظـى على رضـاهـ سبحـانهـ




أحييكـ عزيـزى
وأثـابكـ الله خير الجزاء ونلت من رضاهـ



**



سحـابهـ

[عاشق الجمال]

شكراً لمروركم العطر

[صوت الصمت]

هو صراحة الي نفسي اسيبها ؟؟الاغاني تأخذ كل وقتي مش اعرف اطبل العادة هو انا بسمع اغاني من زماااان ممكن 2يوم في حياتي ههههه,,بس احاول ابطلها وشكرا على مواضيعك الحلوة

[روح صامتة]

اخي عاشق الجمال تسلم ايدك على الموضوع الجميل الرائع

[عاشق الجمال]

شكراً لمروركم العطر