حائره..على جسر من الذهب

دمعه حائره · منذ /02-03-2018, 06:47 PM

الحزن خلاص ودعته

مش هاكتب عنه وسيرته

والحيرة دى كات وخدانى

من ناسى ومن خلانى
هاشطبها دى من حساباتى

والفرح فى قلبى يوماتى

هاينور كل حياتى

وهاعلم قلبى الرايق

يضحك لو كان مدايق

ويسامح كل الناس

ويعيش بس بإحساس

الجاى هيبقى جميل

وينسى ده كان ومستحيل

وعيونى دى هاعودها

ممنوع تنزل دمعتها

وتشوف فى السما ألوان الطيف

هايعدى الفرح سحابه خفيف

ينزل مطر الخير على طول

وكل الحزن خلاص هايزول

مش هاسجن نفسى فى ماضى

وأضيع أيامى على الفاضى

ده الحزن خلاص ودعته

مش هاكتب عنه وسيرته
mena_hassan

3-2-2018

دمعه حائره · منذ /02-06-2018, 07:23 PM

بيسألونى عليك بقول سافر
مايعرفوش ان الفراق كافر
وان اليوم فى بعادك عنى
بعمر تانى وشوق مالوش آخر
mena

دمعه حائره · منذ /02-11-2018, 05:38 PM

كل سنة فى الميعاد ده ايام معرض الكتاب
كتير من اصدقائى يعرضوا من عليا فكرة انى اعمل ديوان للخواطر اللى بكتبها
بصراحة الفكرة عمرها ماخدت من اهتمامى اكتر من الوقت اللى بكلمهم فيهم وبنسى
لكن السنه دى الفكرة فعلا واخدة كل اهتمامى وتفكيرى ومش عارفه انفذها ازاى
والاكتر كمان هل اللى بكتبه يستاهل يتنشر
كلها اسئله بدور فى بالى وفى الاخر هنسى زى كل مره

دمعه حائره · منذ /02-14-2018, 02:19 PM

يالي حبك حته منى
بيجرى فى دمى من الاساس
حب مالى الكون عليا
خدنى من الدنيا ومن الناس
حتى لو بعدت عنى
ده انت عايش جوا منى
ليل نهار بعيش كأنى
عايشة فى جنة الإحساس
14_2_2018
mena_hassan

دمعه حائره · منذ /02-25-2018, 08:33 PM

وناس جوا القلوب عايشة منين ماتروح
تغيب تقسى تروح تنسى وسايبه جروح
على بالى ويحلالى أنام واصحى ولا بتروح
ولو شافوا غلاوتهم وعرفوا ازاى محبتهم
لا يوم غابوا ولا سابوا القلب فى عذابه
يعيش وحده حلاوة روح
mena_hassan

دمعه حائره · منذ /02-27-2018, 10:51 AM

ما دمت تنام مرتاحا دون أن يوقظك الألم
وتتقلب كيفما شئت، وتمضى أينما شئت
وتنطق كما شئت، وتستطعم ماشئت
فقل الحمد لله

دمعه حائره · منذ /03-11-2018, 03:39 PM

ولا بزعل ولا بفرح
ولا ليا بينكوا مطرح
لافى يوم سألتوا مالك
ولا ساكته ليه بتسرح
القلب فى هواكوا شاكك
ده قاسى وده بيجرح
خلينى كده فى حالى
والوحده عشانى أريح
mena_hassan

دمعه حائره · منذ /03-13-2018, 10:16 AM

‏الحمدلله في الكسر وفي الجبر
الحمدلله في الضيق وفي الاتساع
الحمدلله في الكدر وفي الفرج
الحمدلله حمدا تستطاب فيه الحياة

دمعه حائره · منذ /03-24-2018, 12:04 PM

لما غيبت أنا قولت ناسى
قولت كان غدار وقاسى

رد قلبى وقال حبيبى
كان حياتى كان نصيبى

وف ساعتها عيونى لمعت
حتى روحى لما سمعت

راحت قوام ترد غيبتك
وترد فيا لوجابوا سيرتك
22_3_2018
mena_hassan

دمعه حائره · منذ /04-11-2018, 04:36 PM

لإمتى هفضل كده على حالى
والنسيان محتاجله أيام وليالى
ولوكنت خطرت على بالك يوم
من إمتى وانت ماخطرتش على بالى
mena_hassan

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الذهب-الذهب الأن - الذهب اليوم- شركة ايزي فوركس 6-7-2012	ايزي فوركس	الفوركس - الاوراق الماليه - تجاره الاسهم - forex	2	03-20-2014 12:46 PM
الذهب-الذهب الأن - الذهب اليوم- شركة ايزي فوركس 9-7-2012	ايزي فوركس	الفوركس - الاوراق الماليه - تجاره الاسهم - forex	2	03-20-2014 12:12 PM
تداول الذهب في السعودية -تجارة الذهب في السعودية - الذهب من شركة ايزي فوركس‎2012-7-4	ايزي فوركس	الفوركس - الاوراق الماليه - تجاره الاسهم - forex	1	07-21-2012 11:01 AM
تداول الذهب في السعودية -تجارة الذهب في السعودية - الذهب من شركة ايزي فوركس‎2012-7-2	ايزي فوركس	الفوركس - الاوراق الماليه - تجاره الاسهم - forex	1	07-20-2012 06:51 PM
ايزى فوركس \| تداول \| الذهب \| الفضة \| تجارة الذهب \| تداول الذهب \| ذهب \| معادن \|easy-fo	bursanews	الفوركس - الاوراق الماليه - تجاره الاسهم - forex	1	04-21-2011 03:24 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

حائره..على جسر من الذهب

صفحات مكشوفة