حائره..على جسر من الذهب

[دمعه حائره]

بسم الله الرحمن الرحيم


أحياناً تأتى رياح لاأعرف من أين أتت
بدون تبرير أو سبب
تفقدنى توازنى لبعض الوقت
وأجد نفسى أحاول ...التماسك
وفجأه وبدون درايه أشعر... بالتعب
وأتركها تمر,, وتأخذ منى ماتريد
لعلها تهدأ ,,وتتركنى وشأنى
لكن لمتى أيتها الرياح ستلاحقينى
ولشأنى ...لاتتركينى
فقد سئمتك حتى ولو....
على مسافات... تأتينى

[دمعه حائره]

شعور مؤلم عندما يفاجئك أقرب الناس إليك بقسوة
لم تكن تتخيلها وقتها تقف... فى زهول
ولاتعرف إلى أين سيكون..رد فعلك
ستوجهه لتلك الضربة,, أم لتلك الصدمة فيه
أم ستنشغل بتضميد جراحك وتتركه يمضى !

[دمعه حائره]

خاتم الأنبياء



الإسم مُحمد,,والوصف خاتم الأنبياء


كامل الأوصاف..إحتار فى مدحه الشعراء


بمولده ملأ..الوجود بركة,,سعادة,,وضياء


نور على وجهه بطيبة,,وسماحة,,وبهاء


الصادق الأمين لقبه,,ونسبه الشرفاء,,والكرماء


كل الحروف تجمعت ,ولن توفيه حقاً,,وثناء


أتى بالقرآن ,,ومعجزة أبهرت الحُكماء,,والعُلماء


نبي أُمي يقرأ..بإسم رُبك ببلاغة..الفُصحاء


يقولون ساحر..فلا يبالي بأقاويل الجُهلاء


ومضى يهدي فيهم مُتحملاً السُباب,,والأيذاء


حاربوه,,طاردوه,,فضاعت محاولاتهم هباءُ


عفى عفو الكريم ..بقلب لايعرف الضغناء


فهاجر إلى المدينة ,,وأحتفل بِه أهلها النُصراء


مُنشدين طلع البدر علينا.. فى أبهى لقاء


فى مشهد عظيم ,,وأمتلأت الساحة الخضراء


صدقوه ,,وآمنوا برسالته المؤمنين,,العُـقلاء


الهادي ,,الكريم..خجل أمامه المدح,,والإطراء


أتى برسالته..رحمةً ,,مُهداه للبشرية جمعـاء


حبيب الله ,,المصطفى ,,ومقامه إستثناء


أتى البراق ليحمله فى ليلة المعراج ,,والإسراء


وبنور جلاله يقترب ,,وتحتفل بقدومه السماء


يامن أتيت لتمم مكارم الأخلاق ,,والقيم العـلياء


ياخاتم النبيين..عُذراً,,وتأسفاً,,بإستحياء


فنصر من الله ..مهما تطاول عليك السُفهاء


سيُسحق من أساؤا إليك بجهل..وحملةً شعـواء


فتقبل عُذرأُمةً تفرقت,,وتشتت جمعها أشلاء


نبى الله محمد خاتم الأنبياء,, وسيد الشفعاء


أشرف الخلق,,والسمعة الشريفة السمحاء


اللهم صل وسلم على محمد وآله أجمعين


بقلمى دمعه حائره
20-9-2012

[دمعه حائره]

غريب اوى الانسان الكتوم
يفضل قافل على نفسه طول عمرة ومعاه مذكراته
ومايحكيش لحد حاجه عن حياته
ويكتب كل حاجه بتحصله فى دفتر ومخبيه
وفاكر نفسه كده فضفض ومحدش عرف سره
لحد مايجى يوم وحد يلاقى الدفتر ده ويعرف كل حاجه عنه بسهوله
ويمكن فيها حاجات مش من حقه يعرفها
بيكون كأنه دخل جواه وكشفه وبقا كتاب مفتوح قدامه
يبقى مش كان الافضل يحكى من غير مايخبى
واهو كان هايحدد ايه اللى يتحكى وايه ماينفعش
ويوفر سنين راحت فى الكتمان
فلسفه المذكرات دى لحد دلوقتى مش لقيالها تفسير
كل اللى اعرفه انها مرحله ولازم يجى الوقت اللى تتحرق فيه
وبردو وقت ماتحرقها هاتحس انك بتحرق كل ماضيك معاها

[دمعه حائره]

توقيع قيثارة الصمت عجبنى جدا
وفعلا الدنيا حلم اوقات بيكون مزعج وبنكرهه
واوقات تانيه حلم جميل
مش عاوزين نصحى منه
ومن المؤكد ان كل واحد فينا عنده احلامه اللى نفسه يحققها
ولازم يستحمل لحد مايوصل لهدفه
وكمان كل رحله لازم يكون ليها نهايه
المهم بدأتها بإيه وهاتختمها بإيه
اللهم اغفر لنا ذنوبنا واختم بالباقيات الصالحات اعمالنا
وتوفنا وانت راضِ عنا

[دمعه حائره]

من يوم ماسجلت فى المنتدى وانا عارفه قسم الصفحات
وكنت مابدخلش اشوفه او بتحرج ادخل ابص على توبيك
وماينفعش ارد عليه
مممممم
بعد مابقيت مراقبه دخلت وقريت لانى كنت بوافق اوقات على مواضيع
وتابعت الردود
عجبنى جدا وقررت افتح صفحه واشاركم الفضفضه
بجد شكرا لكل الاخوة اللى شجعونى انى اكمل
وشكرا لكل اللى بيقيموا صفحتى اوبيدوها لايك
كتير عليا بجد نورتونى ومانحرمش منكم اخوانى
وشكرالرودى نشاطها واضح فى القسم

[دمعه حائره]

بسم الله الرحمن الرحيم
أحب أقول لكل شاب وفتاه اللى بيزعلوا مامتهم
ويتنرفزا عليها لما تيجى تقولها قومى زاكرى
ولاتقوله ارجع الوقت اتأخر
او تتخنق من كلامها ومش عاوز تسمعه
جرب بس مره تقعد مع طفل او طفله
فى kg1
اكتب معاه الواجب واستحمل رخامته وشقاوته
وانت بتضحك وتقوله ياسكر انت
وكمان تتحايل عليه يتعشى وتقعد تقنعه انه لازم ينام
وكل ده لازم يخلص على الساعه 8مساء
وقتها بس هاتروح لمامتك وتقولها
احبيبتى يامامتى

[دمعه حائره]

طريق طويل
نظن اننا بالسير فيه سنهرب من اقدارنا
ولكن المفاجأه عندما تصل>> للنهايه
تجد...انك رجعت لنقطه البدايه
فهناك اشخاص مهما ابتعدوا اقتربوا اكثر
فهو>> الحنين مرض مزمن جميل
>>دمعه حائره

[دمعه حائره]

بسم الله الرحمن الرحيم
رسائل من الله


ان الحمد لله نحمده ونستعينه ونستغفره
ونعوذ بالله من شرور انفسنا
ومن سيئات اعمالنا من يهده الله فلامضل له
ومن يضلل فلا هادى له

يعيش الانسان حياته بحلوها ومرها يُقابل أناس ويتعلم منهم
يتعرض لإبتلاءات يتذمر أحياناً ويرضى أحياناً
يمر بمواقف يشعر أنها رسائل من الله
بداية من الرسل والانبياء ومروراً بمواقف عديدة

قد ترى شخصاً معاقاً أبتلى فى صحته
فهى رساله من الله لتحافظ على صحتك
ولاتلقى بنفسك للهلاك

من الممكن ان تفتح كتاباً لتقرأ معلومه أو نصيحه
تشعر انها تخاطبك انت فهى رساله من الله اليك لتهديك

قد ترى مخلوقاً جميلاًوترى مدى قدرة الله فى خلقه
لتقول سبحانه الخالق المصور
فهى رساله من الله لك لتتذكر قدرته المبدع سبحانه وتعالى

قد ترى حادثاً بشع لشاب أو طفل صغير
يذكرك بأن النهاية لاترتبط بسن
فتلك رساله تُعيدك لطريق الهداية

قدترى حاكماً من بعد ان أوتى ملكاً وحكماً عظيما
يأخذه منه الله أخذ عزيز مقتدر
وتتذكربرسالة ربك أنه يمهل ولايهمل

فاجعل حياتك دائما مع الله
فمن كان قلبه يملأه الايمان والخشوع لربه
فسيرسل الله حتماً رساله تهديه لطريقه الصحيح
فالله سبحانه وتعالى لايريد منا شيئاً غير الهدايه
وان تكون قلوبنا عامره بحبه وذكره
فلاتنقطع رسائله إليك

فاشهد ان لااله الا الله وحده لاشريك له
وان محمداً عبده ورسوله
خاتم النبيين المرسلين
من اتى برسالته هدايه للناس اجمعين


دمعه حائره
15-11-2011

[دمعه حائره]

بسم الله الرحمن الرحيم
من الصبح بقاوم الاحساس ده
وعامل زى مايكون ضلى
مراقبنى
ومصمم مايسبنيش
زهقانه وتايهه ومخنوقه
والغريب مش عارفه السبب
ماهو لازم يكون فيه سبب للحاله دى
او يمكن من كتر الاسباب مش عارفه احدده
بس اكيد حاجه فوق ارادتى ومش قادره اهرب منها
يارب يامفرج الكروب فرج عنى وعن كل المسلمين
اللهم انى استودعتك قلبى
فلا تدع فيه احد غيرك
واستودعتك لااله الا الله فلقنى اياها عند الموت
واستودعتك نفسى فلاتدعنى اخطو خطوة
الا فى مرضاتك