ازاى ترخم ع مراتك و تطلع عينها و عين اللى خلفوها

[Marwan1337]

ツ ازااى تـرخــم ع مـراتــك و تـطــلــــع عـيـنــهــا و عـيـن اللـى خـلـفـوهـا ツ



بـمـا إنــى بـحـب الـخـيـر لـكـل الـنـاس و مـبـحـبـش الأذى خـالــــــــــص ..

قـررت أفـيـد أخـواتـى اللـى زهـقـانـيـن مـن مـراتـتـهـم .. اللـى مـتـجـوزيـن طـبـعـا ..

و أصـحـابـى اللـى مـش مـتـجـوزيـن و مـخـنـوقـيـن مـن صـحـبـاتـهـم ..



أنـا شـخـصـيـا بـحـب جـدا فـكـرة لـعـب الـبـلايـسـتـيـشـن أو الـجـلـوس عـلـى الـنـت لـفـتـرات طـويـلـة ... دى أكـبـر رخـامـة مـمـكـن تـشـوفـهـا الـزوجـة مـنـك ..



فـى عـيـد مـيـلادهـا زينلها تورتة عيد ميلادها بـ 77 شمعة ولو سألتك لية 77 رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة



اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة (طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض)



لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يرعى التجول وانت مستمتع بأكل الجاتوة امامها



متنساش رأيك فى طبيخها لو عاملة لحمة قالها حلو اوووى الفراخ دى ..... ولو طبخة بامية جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!



لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !



لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية



لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟



وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!



الصبح وانت رايح على شغلك وهى نايمة تعمد اسقاط اى شئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى ..





تــــحــــــــــــيــاتــــــــــى



الـمرشـحـ لـرئاسـة

الانـتـخـباتـ الاداريـة ..

[طفطف المرحه]

دي اخرتها بعد دا كله يعمل فيها كدا
بس احنا كمان لينا الطرق بتعاتنا

[Marwan1337]

ورينا الطرق
هههههههههههه

[دمعه حائره]

ههههههه ربنا يقدرك على فعل الخير

[Marwan1337]

تسلمو يا ردالة xD

[RANA.]

Hahaha RaBena Y2drk 3La Fe3ll 'l-5eer =D

[Marwan1337]

hhhhhhhh

rabena y5leky