هل تفضل مشاركة محمد أبو تريكة اساسيا مع الترجي ؟؟!

[سَـلمَى]

كلآمك صحيح يآمحمد

وإنت نظريتك صحيحة

وأكيد في نآس متفقة معآك

بس أوجه نظر

لآن في ناس شيفين زيك كدآ

وفي ناس بتبص من الناحية البدنية لأبوتريكة

إنه ميقدش يقعد كتير في الملعب عشان كدآ يستحسن يكون نزوله في الشوط التاني

وفي ناس تانية شايفة إن أبو تريكة يكون موجود في الشوطين

بس مش شرط يتعب

يعني يكون صاحب تمريرات وبس .


عل العموم أبو تريكة يآمحمد نزل في الشوط الأول أهو

وفي ضغط جآمد للنآدي الأهلي

وبركات هينزل أكيد هو متعب في الشوط التاني ..


بالتوفيق للأهلي يارب ^^



منور يآكابتني

وبحيك على التوضيح الجميل

أستفد منه شخصيا ^_^

[ساحر الأحزان]

انا شايف انة يلعب فى الشوط التانى

لان لياقتة لسة مرحعتشى زى الاول

وانة حيعطى اكثر وبقوة

بدل ما يعرض للاجهاد من اول الماطش

لان دة مطش حماسى وهام بنسبة كبيرة لاهلى

وان شاء الله الاهلى يوفق ويحصل على اللقب

[سَـلمَى]

اقتباس المشاركة الأصلية كتبت بواسطة ساحر الأحزان انا شايف انة يلعب فى الشوط التانى لان لياقتة لسة مرحعتشى زى الاول وانة حيعطى اكثر وبقوة بدل ما يعرض للاجهاد من اول الماطش لان دة مطش حماسى وهام بنسبة كبيرة لاهلى وان شاء الله الاهلى يوفق ويحصل على اللقب

أنآ قلت كدآ بردو

بس خلاص هو نزل في الشوط الأول


والترجي متقدم


والحياة حلوة


وبركات نزل وإن شاء الله يقدر يغير حاجة


يارب توفيقك


تشكرات يآأمجد على رأيك

منور والله ^^

[سَـلمَى]

بشكركم كلكو على أرأكم الجميلة

وال تدل على وعي منتدى بنآت مصر في الرياضة >> مقلتش حاجة :d

طبعا إحنآ شفنآ إن مستفدنآش من أبو تريكة أوي في المبارة ده

بس عمل ال عليه والله وكل اللعيبة .

مبروك التعادل ال يخوف ده

بس إن شاء الله نفوز عليهم في أرضهم ..

بشكركم من تاني

حمستو الوآحد كدآ

أشوفكم في إستطلاعات جديدة

[ღ Gի๐sτ ღ]

من ناحية اللياقة ابوتريكة المفترض انه يلعب شوط واحد سواء الاول او التاني وانا رائي قلته انه يلعب الاول يفتح خطوط دفاع الترجى ويتعبهم معاه ويسحب الدفاع ويدي اريحية للجنبين وفى الشوط التاني ينزل السعيد وبركات يلعبوا بالسرعة والمهارات مع سليمان علي الترجى لان الشوط التاني شوط سرعات وبدني اكتر من الشوط الاول

بس البركة في حسام البدري نزل ابوتريكة مع عبدالله السعيد ( الاتنين مينفعش يلعبوا مع بعض اساسا ) و وليد سليمان خلاه يدافع فى الشوط الاول وظهير ايسر فى الشوط التاني

تفكير غريب من حسام البدري معرفش يستغل كل النجوم اللى معاه .. يلعب ب6 نجوم بس فى اماكن غلط
تريكة مع السعيد مع سليمان مع جدو مع سيد حمدي مع بركات الـ 6 نجوم خربوها فى الملعب ودة طبيعي لان مفترض ان كل واحد ليه دور يقوم بيه مش ينزل نجوم وخلاص بدون تفكير

هاردلك ع التعادل ورائي زي ماهو ماتش الاياب لازم تريكة يبدء اساسي مع وليد سليمان ونفسي دومينيك يلعب لان دومينيك سريع جداً والظهير الايمن بتاعهم اللى هايلعب مستواه تعبان فى السرعات دومينيك هايعمل مستوي عالي او بركات يلعب اساسي مع اني افضل دومينيك اساسي وبركات احطياطي
بس الباشا لو لاعب عبدالله السعيد مع تريكة يبقا ولا هانستفاد بتريكة ولا بالسعيد

[سَـلمَى]

معاك حق فعلا

إن تريكة والسعيد مينفعوش مع بعض خالص

ممكن عشان كدا الاثنين مقدروش يعملو حاجة في المبارة

وأنآ كنت بقول إن التخطيط مكنش في ذكاء وتكنيك

إستغربت أوي منه

كله النجوم منزلهم في الشوط الأول معدا بركات ومتعب

هههههههه مبلاش دومنيك

مش ناقصين أخطاء

بس إحنآ محتاجين غير دومنييك سيد معوض

بجد كان هيعمل فرق شاسع

منطقته كانت مفتقداه

وعايزين بقى في المبارة الجاية

يشوفو حل للدفاع

..

[ღ Gի๐sτ ღ]

انا بقول دومينيك يلعب لان الماتش خارج ملعبنا واحنا محتاجين اكثر من ميزة مختلفة وليد سليمان ( مهارى ) - تريكة ( صانع العاب وعنده رؤية فى الملعب وهو اللى بيظبط الملعب كله ) - دومينيك ( سرعة ) انما لو هانعمل زي الماتش اللى فات ويكون فيه تشابه فى الاداء من اكثر من لاعب مش هانستفيد اللى خلى تريكة مش كويس فى الماتش ان عبدالله السعيد كان بيلعب معاه في نفس المكان ودة مداش مساحة لتريكة لو واحد تاني مكان عبدالله كان بيلعب وليكن في الامام او فى الجبهة اليسري كان زمان تريكة فتح مساحات وسحب الدفاع معاه وعمل ثروهات كويسة للناحية الشمال او للامام مكان اللاعب اللى بجواره ولكن عبدالله بما انه موجود معاه في نفس المكان مبقاش فيه مساحة ولا مكان يسلم ويستلم ومفيش حد يمرر ليه لان سليمان فى الدفاع وعبدالله لازق فيه ومفيش حد قدام غير جدو لوحده

عشان كدة بقول دومينيك يلعب ويكون معانا اكثر من لاعب اداء كويس ومميزات مختلفة

وفى الشوط التاني ينزل بركات مكان دومينيك اللى هايكون تعب الجبهة اليمني للترجى لان اللى هايلعب فى اليمين مستواه مش كويس ودومينيك لما يلعب عليه بسرعته هايخليه يجري كتير ويفقد مجهوده البدني وبركات لما ينزل فى الشوط التاني هايعرف يتعامل مع اللاعبين اللى بيبقوا مهنجين ومش قادرين يلعبوا بكامل طاقتهم لانها هاتكون انتهت فى الشوط الاول اساسا من كتر الجري مع دومينيك السريع

[سَـلمَى]

امممممممم

كلآمك مقنع يآمحمد

ممكن فعلآ دومنيك يتعب الترجي في دفاعهم

بس مش هو الوحيد السريع

سيد معوض كمان بس طبعا من ناحية الشمال

بركات مينفعش معايا ال الشوط الثاني

بينزل سريع وبكل قوته

ويمرر صح وممكن يجيب جون

أتمنى معاه ياتريكة ياعبدالله السعيد

الأحسن هيكون تريكة

لأنهم بيعملو ثنآئي حلو على الملعب ..

قولي يآمحمد

الحكم هيكون هو نفسه ؟؟!

[ღ Gի๐sτ ღ]

سيد معوض ظهير ايسر يعنى مكانه مختلف عن دومينيك دة غير انه مش سريع اوي ومش هايلعب
دومينيك اسرع لاعب في مصر وسرعاته بتفرق فى الماتشات اللى بتبقى بالخارج وفريق منافس زي الترجى
ماتش الوداد فى المغرب جوزية لعب بدومي مع تريكة وجدو واعتمد علي السرعات واخترقات تريكة زي مانا كنت بقول نعمل كدة فى ماتش الترجى وعملوا شغل عالى واتقدمنا عليهم في ملعبهم المغرب بس للاسف اكرامي كعادته الدائمة اي كورة عرضيه عليه بجول

الحكم هايكون من المغرب حكم مش كويس اوي مستواه متوسط وبيخاف من اصحاب الارض يعني ممكن يخاف من جمهور الترجى ويجامل الترجى والله اعلم

[قاهر بنات مصر]

الافضل اللعب بنفس التشكيل مع تغيير شريف عبد الفضيل بــ سيد معوض
وهذ1 اظن ان يلعب بة البدري من وجهة نظري
وهو الامثل ومتوازن بنفس الوقت لان حفظانا علي عدم دخول مرمانا اهداف هذا المهم
مع هجمة مرتدة ممكن نخلص الماتش وباي باي يا ترجي

همسة ( اتمني لحاق سيد معوض بالباراة ادعو معي يا اهلوية )

شكرا كبيرة