حوار منوع مع أحمد برهان(تابع لمسابقة حوا وادم)

[PrinCesS Gege]

اهلا بيك معايا يا أحمد فى حوار منوع نبدا بالاسئلة : * الخيانة الزوجية : 1_ هل خيانة الزوج لزوجته تعتبر جريمة ؟ بسم الله الرحمن الرحيم... اكيد تعتبر جريمة و أي جريمة...؟ دي جريمة بشعة نكراء و دناسة خلق و جسد و روح للانسان عامة... ووصمة عار كبيرة دي ...جريمة في حق الدين ... عشان الخيانة دي شئ صعب اوي و كبير جدا عند ربنا كفاية ان عقوبتها الحرمان من الحياة ذاتها...و كمان لها تأثير علي الاسرة كلها و كتير من البيوت بتتهدم و اطفال تطلع مش عارفه هي رايحة فين عشان الخيانة دي ... و جريمة عظمي في حق الزوجة لان الخيانة صعبة اوي عليها.. لو سالتي أي ست ... هاتقولك انا اموت و اتقطع حتت و لا ان زوجي يخونني... عشان بتكون طعنة نجلاء في انوثتها و كرامتها و عزتها.. و صعب تغتفر .. الخيانة فعلا ..جريمة صعبة اوي... حفظنا الله جميعا منها 2_ خيانة الرجل لزوجته افضل ....؟أم الزواج عليها ؟؟؟ اكيد ما فيش أي مقارنة... يعني كما لو ان السؤال... تحب تعصي ربنا و يطبق عليك حد الرجم.. و لا تحب تعمل شئ ربنا محلله لك ؟؟ اكيد الزواج الثاني افضل... و المشكلة في تتعدد الزوجات انه بيكون بشروط و محاذير مش أي حد بيقدر عليها... لكن كتير من الرجال بياخدوا الموضوع حلوانة ف سلوانة.. المهم يكون فيه سبب حقيقي و مقنع عشان يتزوج تاني.... و مش كل الرجال تقدر.. يعني انا واحد من الناس مش باقدر اوزع مشاعري علي اكثر من امراة.... يعني دي وجهة نظري المتواضعة.. بالنسبة للموضوع 3_ صداقة الزوجة لرجل اخر تعتبر خيانة؟؟؟؟ يعني انا دورت كثر في الاسلام و الفتاوي .. صراحة ما عرفتش كلمة " صداقة " و لقاء مباشر بين اتنين مالهومش أي علاقة ببعض الا كلمة " صداقة " ... مالقبتش لها أي معني صراحة.... و اكيد دي خيانة مش خيانة عميقة زي الخيانة المباشرة يعني.. لكن خيانة للمودة و الرحمة اللي بينهم... يعني مثلا الزوجة تقبل ان جوزها يكون له واحدة صاحبته و تقول له عادي و ما تغضبش ؟؟.. اكيد لا طبعا ... و كمان هناك الاية المعروفة .." و لا متخذات اخدان ".. أي غير مصادقات للرجال.. فانا اعرف انه لا شئ اسمه صداقة اساسا.... 4_ خيانة الزوجة افضل ام الطلاق منه؟؟؟؟ اكيد الطلاق افضل من ان تكون الزوجة دنسة الجسد و الروح... و مغضوب عليها من ربنا من فوق سبع سماوات.. لو ان الحل... الخيانة او الطلاق... و ما فيش أي طريقة للاختيارات اللي بين الخيارين دول... اكيد طبعا ان الطلاق اولي... من ان تقوم الزوجة بهذا العار .. الذي سوف يلحق بها و بذريتها كمان و يكون وبال عليهم * الحرية الشخصية : 1_ طريقة لبس البنت تعتبر حرية شخصية؟ طريقة لبس البنت لو تعارض الدين مقدار ذرة لا تعتبر حرية شخصية باي حال... لان حق الله اولي... و الدين لم ينزله الله من اجل ان يرضي اهواء البنات او الرجال علي حد السواء... لكنها تشريعات علينا اتباعها... و من يخالفها فقد ضل الطريق و اتبع هواه.. 2_ مصاحبة البنت للولد حريه؟ يعني زي ما قلت من قبل ما فيش في الدين و الاسلام حاجة اسمها مصاحبة او صداقة او مثل هذا الهراء اللي بنسمع عنه... و هو عاداة غريبة غربية ذميمة ... انا اقتع فقط باللي ربنا قال عليه.... و كما اسلفت قبل كده ربنا قال" و لا متخذات اخدان" 3_ ارتداء الحجاب حرية شخصية أم فريضة ؟ الحجاب فربضة مثل أي فريضة.... زيها زي الصلاة و الصوم... و لا ينكرها الا حاحد... و ربنا فرضها و لا مفر الا من تطبيقها... و ما ينفعش بنت تقول هاتحجب لما اقتنع... طيب لا قدر الله لو ربنا توفاكي قبل ما تلبسيه... هاتقفي امام ربنا و تقولي ليه ايه ؟؟ هاتقولي ايه لما يسالك ... لماذا فرطتي في حجابك و عفتك و كنتي مكشوفة امام الرجال... اكيد فريييييييضة ضرورية جدا 4_ هل تعتبر احتيار البنت لشريك حياتها حرية شخصية ؟ بالتاكيد حرية شخصية و لازم يكون هناك قبول بين الطرفين.. دي حياة كاملة اختي الكريمة... و لازم البنت تختار اللي شايفاه كويس... عشان تعيش عمرها سعيدة و كويسة... و الدين مش نزل عشان يعذب الناس.. البنت لازم تختار زوجها عن اقتناع و حب و طمانينة * الزواج عن طريق الانترنت : 1_ ما عيوب الزواج عن طريق الانترنت؟وما مميزاته؟ يعني مش احبذ الزواج عبر الانترنت ... عشان في معظم الاحيان بيفشل... غير كل كده ... كل واحد بيحلي نفسه امام اللي قادمه عشان يحببه فيه.... انا اراه فاشل بمعظم الاحيان صراحة الا باحوال شديدة الندرة. 2_ هل من الممكن ان تتزوج عن طريق الانترنت؟ يعتي ده صعب... لكن مش مستحيل... ممكن الواحد يلاقي حد يوافقه في الراي و الفكر و المشاعر... ممكن ده يحصل.. خصوصا لو حسيت بصدق و امانة و حب اللي امامي... اكيد ده ممكن .. لكنه شئ نادر الحدوث يعني... لان النت كله غش و خداع و كذب.. و قليلا جدا هو الصادق 3_ اذا تزوجت عن طريق الانترنت هل ستكمل معها باقى حياتك ام ستتعرف على غيرها؟ اكيد الزواج التزام و احترام للكلمة و احترام لشخصية الاخر... انا اقولك علي شئ.. كنت اقوله منذ الصغر... ايه تعريف الخيانة ؟؟ اكيد تعريفها الخيانة.. باكبر المعاني و التي تصل الي الخيانة الجسدية.. ده المعني المعروف عنها... اقولك انا تعريفي للخيانة ؟؟ الخيانة عندي تبدا من اول الحب نفسه... يعني لو انا باحب بنت بجد من كل قلبي و انا نظرت مجرد النظر الي جسد بنت اخري و حرك شئ جوايا... انا اعتبر دي كانها خيانة جسدية مباشرة... اكيد انا باذن الله اكون ملتزم و بعيد عن مثل هذه التفاهات ... التي تهدم البيوت رغم صغرها في عيون البعض.. فقد قالوا " معظم النار من مستصغر الشرر" 4_ هل ستسمح لابنائك فيما بعد بالزواج عن طريق الانترنت؟ كما قلت انا لا احبذ ذلك .. عشان يمكن انا بقي عندي خبرة من كثرة التجارب و الجروح و الالام.... و مش حابب ان ابنائي يمشوا بنفس الطريق و يتجرحوا و يتالموا... و كده اكيد هاكون رافض للفكرة... * الحب : 1_ هل حب المرأة للرجل اكثر أم حب الرجل للمرأة؟ اكيد يا اختي اكيد الخيار الاول.... المراة عبارة عن كتلة مجسمة من المشاعر و العواطف و الاحاسيس... و كلمة الحب ربما تساوي عندها الحياة او الموت... و اكيد حبها يكون قويا و عنيفا في معظم الاحيان.. و جل النساء غيورات.. و ده يدل علي انها عاشقة حتي النخاع و محبة حتي الهيام و حياتها كلها قائمة علي الحب... فعلا حب المرأة بيكون اقوي من حب الرجل بعشرات المراحل العميقة. 2_ هل الحب يزيد الكرامة ام يقللها؟ اكيد الحب مش ضعف عشان يقلل الكرامة... فالحب من اسمي و اجل و اغلي و اعلي العواطف البشرية النبيلة.. الحب بذل و عطاء و نكران للذات بدون الرغبة او الامل في الحصول علي عائد.. الحب عزة نفس و كرامة و صدق مع الذات و الاخر... مستحيل يكون مذلة.. الا لو كان حب مرضي من طرف واحد ... فيه خنوع و خضوع.. اكيد يكون مهانة طبعا 3_ هل فى الحب تضحية؟ يعني اكيد فيه تضحية... عشان الانسان اللي بيحب بجد.. ممكن يعمل أي شئ عشان يقدر يرضي حبيبه و ينال سعادته و فرحته... ممكن الانسان يضحي باي شئ من اجل المحبوب حتي لو كانت حياته نفسها... المهم بس يكون الحب صادق و انتي تعرفي معجزات التضحيات اللي بتحصل من اجل الحبيب بنسمع عن حاجات غريبة فعلا. 4_ اذا افترق الحبيبان هل يموت الحب ام انه يبقى فى قلبهما ؟ ده يعتمد علي سبب الهجران و الفراق.. لو كان بسبب الخيانة و الجرح... صدقيني يا اختي.... الحب بيموت جوا القلوب و يذبل.. و يتحول الي كره شديد ثم يتحول الي شئ اصعب من الكره و امر بالنسبة للطرف الاخر. و هو التجاهل و عدم اللامبالاة.... اما لو كان نتيجة الظروف.... و القدر... اكيد بيفضل موجود.. يمكن بيكون مش قوي زي فترة شبابه و عنفوانه.. لكنه بيكون شئ جميل لذيذ يحن الانسان اليه... و ذكري مؤلمة ... لكنها لذيذة ... لانها كانت ايام سعيدة ميرسى لقبولك الدعوة وسعيدة جداا بوجودك معى فى الحوار نورت اهلا بكي اختي الغالية الكريمة.. اكيد السعادة و الشرف و الفخر... هو باهتمام حضرتك و اسئلتك الحلوة الجميل... و يارب يكون ردي علي قدر الاسئلة.. وفقك الله لكل خير.. و باذن الله نري منكي كل جديد.. وفقك الله لكل خير.. و دمتي بحفظ الرحمن ثانكس ربنا يخليك واجاباتك جميلة جداا ومميزة وان شاء الله يكون الحوار عجبكم والاسئلة كمان هيا دى اللى جات ف بالى بقا

[احمد برهان]

بجد الناس بتحبني اوي...

و من كتر الحب ما حدش علق..

ههههههههههههه

يلا خير الحمد لله...

بارك الله فيما رزق

[❀ ЯeRōŎō ❀]

واااااااااااااااو بجد

اولا اسئله جامده جدا بجد بتكلم عن حاجات مهمه اوي واجابات اجمد يا احمد بجد برافو عليك علي اجاباتك

استضافه حلوه كتير بجد برنامج يجنن عجبني كتير بقي اوي ^^

[قلب وكلمات]

موضوع رائع وأسئلة جريئه

واجاباتك هايله يا أحمد

اتمني لك التوفيق

خالص تحياتي لكما

القيصــر

[ساحر الأحزان]

احمد اجابتة جميلة جدا عقلانية وناضجة وتحترم

فى اجوبتة على الاسئلة التى عرضتيها علية

وهو قال مفيش تعليقك

وانا اقلة متستعجلشى لسة الموضوع

فى اولة

حلقة جميلة جيجى واسئلة منوعة وقيمة منك

احترامى لكم

[აα∂ Ԑγεა]

هههههه ولا يهمك يا احمد عادي لو محدش رد
بس برنامج جامد
نقدي لجيجي في بعض الاسئله كانت غريبه شويه
ازاي الخيانه ام الزواج مره اخري او الطلاق في السؤال اللي بعدها
لا دي اساسيات محرمات وحاجات حلال مكنش السؤال يتسأل
بس برنامج جامد جدا
وعجباني اجابات يا احمد
ثابته من توبيك لتوبيك مش بتلف ولا بتدور دايما مباشره
ربنا يثبتك علي دينك كمان وكمان
ويهدي الجميع
تحياتي لك ولجيجي

بالتوفيق ياجيجي في المسابقه

[الأميرة رودي]

حوار جميل بجد
عجبتنى اجابات أحمد كلها تدل على شخصيته الواعيه ونضوج فكره
ونظرته المنطقيه الواقعيه لكل الآمور
يسلمو جيجي حبيبتي وفقتى جدا فى اختيارك واستضافتك
نورت البرنامج يااحمد ربنا يوفقك دايما يارب
5نجمات والتقييم

[دمعه حائره]

حوار جميل مع استاذ احمد اللى شرفنا بوجوده فى المنتدى
وبنعتز جدا بيه وبمواضيعه وقلمه الراقى
اكيد نورتنا واجاباتك جميله وعقلانيه
ووجهة نظرك تحترم
اتمنالك التوفيق دايما
شكرا جيجى على الاستضافه الجميله

[تيتشر نفشه ツ]

ههههههههه لا ي أحمد مش كدا بس الحوار لسا نازل اصبر شويا

اسئله جميله منك ي جيجي

واجابات اجمل من الأخ أحمد برهان

بس انا ليا مأخذ على حضرتك ي أ/ احمد

بس بما أني مش هعرف اوصله بالشكل المطلوب

يبقى عدم ذكره احسن علشان مش يحصل سوء فهم

بس اكيد حلقه جميله لاشك فدي

جيجي

أ/ أحمد

منورين المنتدى

[CuOp!D]

احمد مستعجل ع الناس :d
متستعجلش اهو كل الناس ردت عليك
اسئله قيمه جدا وصعب اى حد يرد عليها
اى رد لو ف غلطه هيبقى كل تفكيره غلط ف غلط
بس عرفت ترد كويس ع كل سؤال
بس ف سؤال كده استغربت من اجابته
صداقه الزوجه لرجل اخر ><
مفيش اصلا صداقه دى تسمى خيانه رسميه
بالظبط كده زى خيانه مشروعه
اسئله واجابات ف قمه الروعه

بالتوفيق يا جيجى