(حــوار مع الكبــار) مع Words Whisper (الفقرتين)

[Mo7aMaD 3aLa2]

اهلا بيكم وحلقة جديدة من برنامج


[حــــوار مـــع الكبــــــــار]



هيكون معانا مشرفة متألقة ونشيطة جداً

بتتميز بكلامها العقلانى الموزون



هــــى

Words Whisper

مشرفة قسم بقلم الأعضاء

اهلا بيكى يا اسماء ,, منورة

هلا بحضرتك وبكل اللي هينوروا الحلقة

ميرسي كتييير ع الاستضافة بالأول ..


قبل ما نبدأ عرفينا شوية تفاصيل شخصية عن نفسك أكتر


أنا أسماء

أسماء فقط

لاتُتبعوني بأسماء أخرى ولاألقاب ولامكانة اجتماعية ولامادية ..

فقط أسماء ,,,, إنسانة

يصح القول أني كــ وليد

لازال يحاول التأقلم أنه ترك عالمه الخاص

وخرج في مواجهة الدنيا

رغم عميق وكثير من شيخوخة مبكرة !!

انتشرت علاماتها في كثير من خلايايَ خاصة الـــ أحلام !!~

هذه أنا باختصار ..



ان شاء الله البرنامج فقرتين

الفقرة الاولى بعنوان عالمنا

هنتكلم فيها عن احداث ومشاكل وظواهر عالمية



يلة نبدأ






1/ سياسة المصلحة هى سياسة التعامل بين جميع دول العالم ,,
حتى اذا كانت المصلحة دى على حساب القيم والمبادئ الانسانية وحقوق الانسان ,, اية تقييمك للكلام دة ؟


سياسياً وواقعياً فدا اللي بيُطبَّق

لكن كوجهة نظر شخصية

مش فيه مصلحة قائمة

وهي ضد الإنسانية ..

لما أكون بأبحث عن مصلحة ( دولة )

فدا معناه انه بحثي عن مصلحة ( بشر )

منسوبين للدولة دي

وبالتالي مش هينفع تقوم مصلحة وهي

بتغتال الاحترام البشري والقيم الإنسانية

فرق بين التضحية بأفراد عشان مصلحة الجماعة

وبين التضحية بالبشر عشان مصالح شخصية ..





2/ الامم المتحدة لحقوق الانسان ,, منظمة انشأت خصيصا من اجل حماية حقوق الانسان ,,
ما تقييمك لـ الامم المتحدة ؟


بدون تعليق طويل

لو كانت نالت حقا شرف حماية حقوق الإنسان

وليس السعي وراء المصالح والرغبات السياسية الطامعة

لما رأينا كل هذه المهازل والجرائم بحق الإنسان..





3/ خلق الله الانسان لعبادتة ولـ تعمير الارض ,, هل المنحنى الخاص بتعمير الارض تصاعدى ام اننا نتقدم نحو الهلاك ؟


مش بحب أعطي حكم على البشرية باقتراب هلاكها

لأني أيضاً بشر وبالتالي غير مؤهلة للحكم دا

لكن كفكرة تعمير

هو التعمير قائم بدليل انه في تطور

لكن الأزمة

انه يكون تطبيق تفكير العقل البشري في تعمير الأرض

بيهدم خير الأرض ,,

بمعنى تاني

فيه مثلا مناطق فيها مساحة غابات كثيرة

لما اجي أفكر انه أعمر بعض الغابات وتبئا صالحة أكثر للسكن البشري المتقدم

فدا جيد جداااااا

انما المشكلة انه أفكر أقتل كل الغابات عشان أطورها للسكن البشري

دي كاااااارثة

لأنها هتقتل التوازن البيئي

هتضر مخلوقات أخرى هي كمان لها حق الحياة

واختلال التوازن البيئي اللي هو هدم للأرض مش تعمير

المتضرر الأول منه هو الإنسان ..

أتمنى يكون قصدي واصل ..

فلازم وأنا بعمر أكون بعمر بجد وبحترم الحياة

غير كدا يبئا قتل مش تعمير ..

+ انه انتهاك البشرية قتل مش تعمير ..







4/الحب و الخير معانى متواجدة فى قلب كل بنى آدم بالفطرة ,, اية السبب من رأيك فى ندرة هذة المعانى الآن على مستوى العالم ؟



تمااام هي فطرة في كل إنسان

ومادام هي في الكل يبئا مش بقيت نادرة

انما يمكن بقيت أضعف أو أقل أهمية عند كتير

والسبب سياسة المصلحة

اللي انعكست ع الأفراد ومش اختصت بس بالحكومات والسياسة

سياسة المصلحة الشخصية اللي جعلت المادة اولا وثانيا وثالثا وعاشرا

للأسف

واللي كدا مش شخص عملي

هو شخص تنازل عن جزء من إنسانيته ..






5/كان اية شعورك وقت هجوم الاعصار المدمر ساندى على نيويورك والمدن الساحلية ؟


حاجات كتير :

- حزنت أكتر ع السوء اللي احنا فيه

هما هاجمهم إعصار كان كفيل بهدم الحياة

لكن هما بذلوا واجتهدوا ومش وقفوا متفرجين

واحنا في كل أزمات أوطاننا بنجيد دور المتفرجين

وحكوماتنا بردو بتجيد الدور دا ببراعة !! ..

- بكاء أوباما أكد لي انه فعلا

معظم وطننا العربي في مأساة تستحق العزاء

أوباما رجل مسؤول

حاسس بمسؤوليته تجاه أهل بلده وبيسعى انه يكون على قدرها

هو بكى مع انه الحكومة الأمريكية بتعمل اللي تقدر عليه

بس هو بكى من إحساسه بالمسؤولية تجاه وطنه وأرواح الناس

إنما حكامنا الموقرين هما اللي بيهدموا في أوطاننا

وهما اللي بيقتلونا وبيضحوا بينا في العيد

حكامنا الموقرين بيهنوا بعض على آلامنا وهما مبتسمين

وأهم حاجة الصورة تطلع حلوة طبعا !!

وفيه اللي أخد بكاء أوباما حاجة يشمت فيها مع انه احنا اللي نستحق البكاء علينا ..

- أكتر حاجة أغضبتني

الانسياق وراء أصحاب المظاهر الكويسة والصوت العالي

وبمنتهى اللاإنسانية يُشمَت في مأساة طبيعية !!

بعيدا عن انه أمريكا فيها كل الأديان ومن ضمنهم مسلمين وكل الجنسيات

فاللي هناك دول بشر

والمُغضِب انه اللي بيضحكوا ع الناس باسم الدين

مصممين يتكلموا عن رؤاهم الشخصية باسم الدين

والناس تنساق وراهم

ومش عارفة فين هنا تقوى الله

انه يكون كل همهم استغلال الجهل

عشان يزرعوا الكره والحقد واللاإنسانية !!

الإسلام اللي بيُظلَم بسببهم

هو دين أقر بالحب والسلام للبشرية كلها

ومش عارفة هما فين من سماحة الإسلام ورحمة وحب النبي عليه الصلاة والسلام !!..

- زعلت ع اللي حصل هناك

بس هما حالهم يستحق الحزن

وحالنا يستحق العزاء !!~ ..






6/ فى ناس فرحانة بـ دة ,, لانة فى ثأر ابدى نتيجة انتهاكات الولايات المتحدة الامريكية لكثير من الدول على رأسها العراق وافغانستنان
ومساندة اسرائيل سياسيا ,, اية رأيك فـ الكلام دة ؟


أمريكا = شعب + حكومة

والواقع انه لاتوجد حكومة نزيهة بنسبة 100%

بس الحكومات حاجة والشعوب حاجة تانية

ومش من العدل ولا من الدين

ان أحمل أفراد لاعلاقة لهم بحرب ولاسلاح ولارأي حرب

مسؤولية حروب وجرائم

دا حتى في ديننا ومن أخلاق الحرب اللي هي حرب

انه من لاعلاقة لهم بالحرب مستثنوووون

وبعدين واحنا قاعدين في بيوتنا وأمريكا بتُجرِم في حق البشرية

كان فيه من الشعب الأمريكي اللي بيتظاهر ضد سياسة حكومته عشان العرب

من باب الإنسانية وأن العدل عدل ولاعلاقة له بدين ولاعِرق

الصهاينة هم الأمة الأكثر إجراماً على مستوى التاريخ

ورغم كدا واحنا فاتحين الفيلم الكوميدي وبنضحك

كان فيه يهودية بتُدهَس تحت جرافة عشان خاطر حاولت تمنع هدم بيت فلسطيني !

ظلم انه أحاسب شعب كامل عشان حكومته بأنه المفروض يُعدَم

ظلم انه أحكم على دين بالسوء عشان شخص مُخطئ

فرق كبييييير بين أمريكا بحكومتها وبين فرد أمريكي

فرق كبييير بين الصهيونية وبين يهودي واليهودية دين مش مذهب سياسي ع فكرة

زي مايقدر معظمنا يشوف الوقت

انه فرق كبيييير بين الرئيس بحكومته وبين الشعب

قبل ماأحد ينتقد كلامي دا

ياليت يقدر يفهم الأول الفرق بين الدين وبين الإعتقادات الشخصية والمذاهب السياسية

فرق كبير بين شخص يمارس الجريمة باسم الجهاد وبين الجهاد وديننا ..







7/ وضع المرأة عالميا ,, بيسمح لها ان تتقلد اعلى المناصب حتى منصب رئيسة الدولة ,,
بتتطلعى لـ دة فى مجتمعاتنا العربية ولا بـ تؤمنى بان لكل مجتمع عادات وتقاليد وعرف سائد يحكم الموضوع ؟


العدل أن ينال كل شخص مايستحق

والعدل عدل مش إيه اللي سائد ولا اللي الناس عايزاه وبتقولوا وخلاص

وبصفة عامة

مادام العمل لايقتل الأنثى داخل الأنثى فلابأس فيه عندي

مع الأخذ بالاعتبار انه فيه أعمال محرمة سواء رجال أو نساء

وبصفة عامة كمان

العمل يُكرِم المرأة أكتر وكانت ميزة نساء الأنصار

انه لهم مالهم الــــ خاص ..

بالنسبة بئا لفكرة الرئاسة بالذات

من وجهة نظري الشخصية

كعمل نسائي

فهو بيظلم في الأنثى أنوثتها

واللي تقبل بيه هتكون بتضحي بكتييير من كونها أنثى

(( لاتوجد سياسة نزيهة )) ..





8/ اطفال الشوارع ظاهرة عالمية ,, عندك حلول جادة ليها ؟


التعامل الموجود و المُتَّبع مع أطفال الشوارع قانونيا حاجتين :

- السَّجن

- دور الرعاية

والاتنين بيزودوا الأزمة مش بيقللوها

السجون بتطلع مجرميييين بشكل إضافي مش بتعالج الإجرام

- ماعدا الدول اللي بتتعامل مع السجناء برقي وباحترام تام لإنسانيتهم زي كندا -

و دور الرعاية وهتكلم عنها في مصر حيث انه هي اللي نعرف نحكم عليها أفضل

بتتعامل مع الأطفال دول بمبدأ انهم أشياء مش بشر !!~

أسباب وجود أطفال الشوارع منها :

- بيوت مجرمة

- حكومات غير عادلة فبتعمل تمييز لفئة ع أخرى من الشعب

فيكون فيه فئة بتتخذ الشارع انتقام

- حالات حوادث زي الاختطاف لطفل مثلا فيكبر في الشارع

- الوراثة : بسبب انه والد الطفل ووالدته أساسا أطفال شوارع ,,

ولحد ما تتعالج الأسباب قدر الإمكان عشان الظاهرة تقل

وأنا مش خبيرة اجتماعية ولاباحثة ميدانية

بس أعتقد انه فيه فرصة حل جيد

في وجود دور رعاية حقيقية

يكون عليها رقابة

بتتعامل مع الأطفال دول انهم بشر

لهم حقوق البشر وتُصان كرامتهم وأعراضهم

داخل دور الرعاية مش تنتهك

ولما يوصلوا لسن مناسب يعطوهم عمل مناسب

عشان يكونوا أفراد صالحين

أفراد لما تحمل لقب أب أو أم

مش يكون أولادهم في الشارع هما كمان ..




9/ لو افترضنا انة فى عالم تانى غير العالم بتاعنا ,,
وعرفتى انة العالم التانى بيقدر يراقبنا ويتابع احداثنا ومشاكلنا وتعاملاتنا
هل هتفتخرى امامة انك بـ تنتمى للعالم دة ؟



اه هفتخر

هفتخر انه العالم دا بكل سلبيات أفراده

فيه عظماء بكل ماتحمل الكلمة

وعلى كلٍ عشان نفخر بعالمنا

لازم كل واحد يبدأ بنفسه

انه يكون جدير أن يفخر بنفسه ..







بـ كدة يبقى انتهت الفقرة الاولى مع Words Whisper

وانتظرونا مع الفقرة التانية بعنوان منتدانا


يعطي حضرتك العافية

وشكرا للي هيتواجدوا مسبقاً ..

دمتم بتوفيق من الله ..






الفقرة الثانية

[الحان الورد]

،

برنـآمج رآئِع يا محمد ,
أسماء , عجبتني ردودك العقلآنية اللي بانت فيها رؤيتك الخاصة وكمان متابعتك
بتمنآلك التوفيق دآيمـاً
وفي انتظار الفقرة الـ 2 ..

[عاشقة الهدوء]

روووعه يا أسماء أينما تكونين أسلوب رااقى وعقل موزون

ونظره قيمه وصااائبه للحوار الذى أجدتى وتألقتى فى الآجابه عليه

نورتى ياحببتى وأمتعتينا أتمنالك التووفيق والسعااده

محمد علاء حورا متميز ورااائع بحييك عليه وعلى الاستضافه الهايله للآخت الغاليه أسماء

دووام التـألق ليك ومتابعين بأذن الله معاك مووفق وأجمل تقييم

[احساسى صحيح]

محمد علاء ,,
اولا اشكرك على اختيار شخصية من اروع شخصيات المنتدى فكريا
الاخت الكريمة اسماء
بصراحة لفتت نظرى كتير بنشاطها وافكارها وردودها المميزة
واجابتها ف الجزء دة بتدل على كدا
دى مش مجاملة وسكب حبر على الورق
كل يوم بأكتشف فيها عقلية رائعة بمنتهى الصدق
اشكرك اخى بدوام التألق ,, متابع معاكم
ومنتظر الجزء التانى .

[Words Whisper]

شكرا يابشمهندس

وشكرا لكل اللي هيتواجدوا ..

دمتم بتوفيق من الله ..

[تيتشر نفشه ツ]

روعه ي أسماء

بسم الله ماشاء الله عليكي ي أسماء اجابات عقلانيه وكلام موزون 1000000%

كل نقطه أبيه علاء سألك عليها اديتيها حقها في الرد

بجد ابدعتي في الحلقه دي انهارده

وفعلا هوا حوار مع الكبار والله اسم على مسمى مش اي حد يقدر يجاوب ع الاسئله دي

مش لصعوبتها لـ عقلانيتها ومش اي حد يقدر يجاوب اجوبه عقلانيه الا العاااااقل

بجد تسلم ايدك ياهندسه ع الحوار الممتع دا

متابعاك وبقوه

اسماء

علاء

منورين الحلقه والدنيا كلها

بالتوفيق

[PrinCesS Gege]

تسلم ايدك بجد على الحوار الاكثر من رائع
واسماء زى العسل واجابتها جميلة جدااا ومميزة
ربنا يوفقك ف حياتك ان شاء الله
ف انتظار الفقرة الثانية
بالتوفيق ان شاء الله
مودتى

[ماتركس]

مجهود علاي منك يا محمد

واجابات اسماء جميله بجد

تسلم ايدكم انتو الاتنين المحاور والضيف ومتابعين معكم

[ساحر الأحزان]

حوار جميل يا محمد

واسماء تميزت بجميل تعاقلها واتزانها فى الردود

ودة واضح جدا من اجابتها المتزنة

والتى تحمل فكر ونضج جميل

احييها علية

واحييك ايضا على الاسئلة المنوعة القيمة

وبانتظار الفترة القادمة

دمت سالمين

[big bốss]

اممممممم

حلقه جميله محمد

واسئله روعه

وضيفه متميزه واجابتها اكثر من رائعه