ملهاش اسم

[აα∂ Ԑγεა]

بسم الله الرحمن الرحيم

هنا افتح مدونتي الخاصه
في القسم

مع اني مكنتش ناوي اعمل واحده بصراحه
لاني مش من النوع اللي بيكتب
ولا بيحب انه يكتب
ولا حتي من النوع اللي بيبوح باللي جواه
زي ما البعض بيقولو غامض



اعتراف بسيط
احترت كتير في الاسم
معرفتش اسميها المدونه ايه
لدرجه اني سألت غيري !
مع ان المفروض دا احساسي !
مكنتش لاقي حاجه تعبر عني

لحد ما وصلت الاجابه
واللي اقتنعت بيها
وشايف انه بشكل ما لايق
وسميتها
,, ملهاش اسم ,,


اهلا بيكم ,, في صفحتي

[აα∂ Ԑγεა]

تقريبا مكنتش لاقي حاجه ابدأ بيها
واهي جات
بمخنووووووووووووق جداااااا
مش طايق اي حاجه قدامي اي كانت

[აα∂ Ԑγεა]

بطبعي
بكره جدا التلون
بكره كمان التغابي
بكره تمثيل المثاليه
للاسف بشوف منهم كتير في الحياه
ودول اقدر حاجه توصلني لقمه عصبيتي !

[აα∂ Ԑγεა]

كل حاجه في الدنيا شكلها ليها دورتها اللي بتاخدها
مهما حاولنا نمنعها

زي بالظبط دوره الحياه بنكبر بنعيش بنعجز وفي الاخر بنموت
نفسها بالظبط
بنتعرف بنقرب بنتقرب اكتر ما يمكن
وبعد كده بتمشي الدوره وبيبدا التراجع
لحد ما ممكن بتبقي عادي

[აα∂ Ԑγεა]

عادي !
كلمه بتتقال وراها اي شيئ مش عادي

[აα∂ Ԑγεა]

اوقات بنقول كلام واحنا نفسنا اننا منقولهوش
لكنه ضروري ولازم يتقال
حتي لو بيحطم فينا اكتر
حتي لو عمره ما هيريحنا
وهنفضل كتير بعدها نندم اننا قولناه


ممكن اتأسف علي زعلك مني
ويعلم ربنا قد ايه زعلان انا اكتر من نفسي اني زعلتك مني

انا كنت ناوي اكمل عادي ومقولش
معرفش ليه اتكلمت في دا
لكني ندمان علي زعلك مني ومش ندمان علي اللي قلته

مش عارف الكلام دا معناه ايه في الايام الجايا
مكنتش اتمني دا ابدا في يوم

كل حاجه بنطقها دي لمعزه مش اكتر
لو حد مش يهمني عمري مش بيفرق معايا نهائي

يمكن كل ما المعزه بتزيد بكون جارح اكتر في كلامي
لكن دي عن معزه وربنا يعلم قد ايه بعزك
وقد ايه زعلان من نفسي

[აα∂ Ԑγεა]

في ناس معزتها عندنا ملهاش حدود اكنها نفسنا
بس اللي يعرف معزته

الكلام مهما كان تقيل وبيجرح الا انه نابع من القلب
لاننا عايزينهم احسن حاجه في الكون
مش عايز اي حاجه مهما كانت تخلي اي حد ميفهمش احسن ناس في الكون
علي قدر المحبه يكون العتاب
المهم يعرفو دا


تسلمي يا سمسم
وربنا يسعدك منوره الصفحه

[აα∂ Ԑγεა]

تيجي نتفق اتفاق
مهما يكون بينا خصام
مانستسلمش للفراق
وانا وانت نتصالح قوام

[აα∂ Ԑγεა]

اقتباس تكلم وانت غاضب فستقول اعظم حديث ستندم عليه طوال حياتك

درس اخدته
كنت دايما بتجنب اني اتكلم وانا غاضب وزعلان من حد
وبأخر الكلام لوقت افضل علشان مغلطتش
المره دي محصلش دا مش عارف ازاي
وكان ممكن الدرس يكمل لكن الحمد لله حصل خير

مش عارف السماح هيكون موجود في يوم ولا لا
اتمني دا ,,

خلي في علمك
في كلامك وانت غاضب
بتفقد اسلوبك ,,
بتفقد فكرك ,,
بتفقد لسانك ,,
وبتعدي حدودك ,,
وبتخاطر انك تفقد اعز ناس ليك

[აα∂ Ԑγεა]

اقتباس المشاركة الأصلية كتبت بواسطة Ѕad Єyes تيجي نتفق اتفاق مهما يكون بينا خصام مانستسلمش للفراق وانا وانت نتصالح قوام

اتفاق ومكملش ومع اول سوء تفاهم استسلمنا لمشكله
غريب حالنا وحال الدنيا اغرب