ألتراس الأفريقي: سنلبس الأحمر ونشجع الأهلي أمام الترجي

[CuOp!D]

أعلنت رابطة آلتراس الأفريقي التونسي مساندة النادي الأهلي المصري خلال مباراة النهائي الأفريقي أمام الترجي والمقرر له 17 نوفمبر/تشرين الثاني المقبل بـ " رادس ".
وكانت مباراة الذهاب الاثنين قد انتهت بالتعادل الإيجابي بين الأهلي والترجي بهدف لكل منهما.
وقالت نورا الطرابلسي عضو رابطة آلتراس نادي الأفريقي التونسي في تصريحات تليفزيونية، أن الرابطة قررت مؤازرة النادي الأهلي أمام منافسهم التقليدي الترجي التونسي من أجل حصد اللقب للمرة السابعة فى تاريخ الشياطين الحمر.

أضافت الطرابلسي أن رابطة الأفريقي قررت إرتداء التي شيرت الخاص بالنادي الأهلي خلال المباراة ورفع يافطات لبعض الشهداء الذين لقوا حتفهم خلال مباراة المصري والأهلي باستاد بورسعيد.


ولاد عمنا يا افريقى يا تونسى

ان شاء الله هنرفع راسكم

المجد للشهداء ..

[єLмσsħαx]

انا اهلاوى اه
بس مكنتش حابب يصرحوا بكده اويعملوا
كده زى ماجماهير الزمالك عملت كده
مش عاوزين فتنه ده نادى بلدهم ماهم كان
الكوره مش هتفرق بين الشعوب
والاهلى مش محتاج مسانده من حد غير جماهيره
زى الترجى ماقال مش محتاجين الزمالك ولااى فريق
يساندهم يساندوا فريق بلدهم اولى
ثانكس على الخبر

[ღ Gի๐sτ ღ]

اولترات الافريقي مفيهاش بنات ونورا دي مشجعة عادية ملهاش علاقة بالاولتراس هناك

بس عموما بما انها عاوزة تشجع الاهلى كرها في الترجى وليس حبا فى الاهلى فالاحسن لها تقعد في بيتها

الاهلى مش مستني كرم من حد ( حاقد )

+

علي فكرة بعيد عن الخبر
هناك فى تونس جمهور الافريقي بيشجعوا الزمالك وجمهور الترجى هو اللى بيشجع الاهلى :d


تسلم علي الخبر

[აα∂ Ԑγεა]

اظن الخبر دا يرد علي كل االلي اتكلمو علي جمهور المصري
الحكايه دي حاجه طبيعيه وبتحصل في بلاد كتير
ومفيش حاجه اسمها وطنيه في كوره القدم والمنافسه
وزي ما قلت في التوبيك بتاع جماهير المصري تشجع الترجي

وعمر ما جمهور ليفربول مثلا شجع مانشستر يونايتد في اي مباراه له حتي لو ضد مين
وعمر ما مانشستر عمل العكس
ونفس الوضع عمر ما برشلونه شجع الريال وقالك ابن بلدي يا غالي !!
ولا يوفينتوس شجع الانتر ولا الانتر شجع اليوفي ولا الاتنين شجعو الميلان ولا الميلان شجعهم !!
مفيش في الكورة حاجه اسمها كده ابدا
منضحكش علي بعض
كل نادي يهمه ان منافسه ميعلاش عليه في اي شيئ

الاسوء من اللي يشجع فرقه علشان انه بيكره فرقه
هو الي يداري توجهه وبيتلون وبيعمل دور وطنيه !

[ღ Gի๐sτ ღ]

اقتباس المشاركة الأصلية كتبت بواسطة Ѕad Єyes اظن الخبر دا يرد علي كل االلي اتكلمو علي جمهور المصري الحكايه دي حاجه طبيعيه وبتحصل في بلاد كتير ومفيش حاجه اسمها وطنيه في كوره القدم والمنافسه وزي ما قلت في التوبيك بتاع جماهير المصري تشجع الترجي

شوف يا غالى ,, محدش طلب من جمهور المصري او من اي جمهور تاني مش اهلاوى انه يشجع الاهلى لان كل واحد ليه الحرية اللى عايز يشجع الاهلى بحكم انه فريق مصري براحته واللى مش حابب يشجع الاهلى بحكم المنافسة بردو براحته

بس جمهور المصري مش بيشجع الترجى
( جمهور المصري كان نازل سب وشتايم في الاهلى والشهداء طوال الفترة اللى فاتت سواء اثناء الماتش او قبل المباراة )

طبيعى ان واحد من المصري او اسمعلاوي ولا زملكاوي يتمني خسارة الاهلى
ولكن اللى مش طبيعي انك تلاقى المشجع دة بغض النظر عن انتماءه يروح الاستاد مع فريق تاني او يعمل تجمع مع جماهير ويشتموا في فريق ويشجعه فريق وفريقه مش موجود في المباراة اساسا

يعني انت قلت عمر ماجمهور ليفربول يشجع المان يونايتد "" تمام وكلامك سليم ""
بس عمرك شفت جمهور ليفربول يعمل تجمعات عشان ماتش للمان مع البرسا مثلا ويشتموا فيهم طول الماتش ؟ ولا عمرك شفت جماهير ليفربول اتجمعت كلها مع بعض عشان تشجع برشلونة او الفريق اللى بيلعب ضدالمان ؟؟

وعلي فكرةالخبر مش صحيح اساسا لإن زي ماقلتلك مفيش جمهور بيعمل تجمع عشان فريق تاني غير فريقه ولكن اللى حصل فى بورسعيد دة شىء طبيعى بالنسبالهم لان هما مبيشجعوش المصري هما بيكرهوا الاهلى وخلاص مش حكاية بنحب المصري ولاحاجة ولو فيه واحد من الافريقي عايز الاهلى يكسب بحكم المنافسة مابينهم والترجى والكره اللى موجود للترجى هايتمنى دة مع نفسه ولا هايروح استاد عشان يشجع الاهلى من جوة الاستاد ولا هايعملوا تجمع ويقفوا كلهم يشجعوا الاهلى ويشتموا الترجى وكأنهم من جمهور الاهلى مش الافريقي

[აα∂ Ԑγεა]

اقتباس المشاركة الأصلية كتبت بواسطة ღ gի๐sτ ღ شوف يا غالى ,, محدش طلب من جمهور المصري او من اي جمهور تاني مش اهلاوى انه يشجع الاهلى لان كل واحد ليه الحرية اللى عايز يشجع الاهلى بحكم انه فريق مصري براحته واللى مش حابب يشجع الاهلى بحكم المنافسة بردو براحته بس جمهور المصري مش بيشجع الترجى ( جمهور المصري كان نازل سب وشتايم في الاهلى والشهداء طوال الفترة اللى فاتت سواء اثناء الماتش او قبل المباراة ) طبيعى ان واحد من المصري او اسمعلاوي ولا زملكاوي يتمني خسارة الاهلى ولكن اللى مش طبيعي انك تلاقى المشجع دة بغض النظر عن انتماءه يروح الاستاد مع فريق تاني او يعمل تجمع مع جماهير ويشتموا في فريق ويشجعه فريق وفريقه مش موجود في المباراة اساسا يعني انت قلت عمر ماجمهور ليفربول يشجع المان يونايتد "" تمام وكلامك سليم "" بس عمرك شفت جمهور ليفربول يعمل تجمعات عشان ماتش للمان مع البرسا مثلا ويشتموا فيهم طول الماتش ؟ ولا عمرك شفت جماهير ليفربول اتجمعت كلها مع بعض عشان تشجع برشلونة او الفريق اللى بيلعب ضدالمان ؟؟ وعلي فكرةالخبر مش صحيح اساسا لإن زي ماقلتلك مفيش جمهور بيعمل تجمع عشان فريق تاني غير فريقه ولكن اللى حصل فى بورسعيد دة شىء طبيعى بالنسبالهم لان هما مبيشجعوش المصري هما بيكرهوا الاهلى وخلاص مش حكاية بنحب المصري ولاحاجة ولو فيه واحد من الافريقي عايز الاهلى يكسب بحكم المنافسة مابينهم والترجى والكره اللى موجود للترجى هايتمنى دة مع نفسه ولا هايروح استاد عشان يشجع الاهلى من جوة الاستاد ولا هايعملوا تجمع ويقفوا كلهم يشجعوا الاهلى ويشتموا الترجى وكأنهم من جمهور الاهلى مش الافريقي

لالا كله هاجم جماهير المصري قبل ما تتجمع اصلا
من وقت ما قالو هنشجع كذا وقالك وطنيه وفريق مصري ومش عارف ايه

يعني هل كانو يعلمو الغيب وانهم هيشتمو ولا ؟؟
يبقي الهجوم لانهم هيشجعو الترجي مش لانهم سبو حد

بعدين جمهور الاهلي بيشتمهم وبيصفهم باليهود ؟؟
هو دا اللي عادي يعني ؟؟
وزي ما قلت في التوبيك مش مستنيين منهم ايه ؟

انتو بتكرهوهم وهما بيكرهوكم
بينكم وبينهم قضايا وموتي ومساجين وقضيه كبيره اووي
اظن دا دافع انهم يشجعوا اللي ضدكم لانهم بيكرهوكم وانتو كذلك
ولو هما مكانكم كنتو عملتو دا

الاحداث والكلام اللي مابينكم يخليهم يعملو دا والعكس صحيح
ومش هيبقي غريب ولا حاجه
مفيش مثاليه في التشجيع علشان نتكلم عليها
فعلا مفيش مثاليه في كره القدم علشان نتكلم فيها !
دي بتبقي تلون مش حقيقه


فانا مش بقولك كلام مش بيحصل في اي مكان وعندنا بس
لا دا بيحصل وكل الفرق بتشجع ضد كل الفرق اللي بتكرهها
مش يعني اول مره
اقولك علي مثال جماهير من الاهلي
حضرت مباره الزمالك و الجونه في سوهاج
ومباره الزمالك وبترول اسيوط في اسيوط
وفضلو يشتمو في الزمالك واللاعيبه
ودا مش كلام بقوله
دي مباريات حضرتها بنفسي وشايفهم بعنيا

السب والسخريه من الضحايا ؟
جمهور ليفربول سخر من ضحايا كارثه ميونخ اللي تخص المان يونايتد واسأل
وجماهير فرق كتير بتسب وبتسخر من اي حاجه تخص منافستها

[CuOp!D]

انا بقى هقولكم حاجه حلوه خالص
كل ده بيكون حساسيات ما بين الجمهور
سواء تعمل تجمع اهلاوى او زملكاوى او زى ما يكون
ويكون ف ماتش وتتجمع قبل الماتش ف الاستاد
وتقوم بقى بالسب وبالشتم ف اللعيبه والاداره ومتخليش حد مهما كان
الكل بيتشتم الاحسن بيتشتم الاسوأ بيتشتم
بالاب وبالام بيتشتم كل ده حساسيات جماهير

بتقولوا جماهير الاهلى مثلا يعنى
لو الزمالك بيلعب ضد فريق تانى نقول افريقى مثلا
جماهير الاهلى هتشجع الفريق الافريقى
دى حاجه مؤكده طبعا
مش هقولكم علشان بنكره الزمالك او غيره لا
علشان اتعلمنا ان احنا نشمت ف بعضينا مش اكتر

تعالوا نروح اوروبا كده ونتفرج ع ماتش بين سيتى ويونايتد
الجماهير بتشجع فريقها عادى جدا بدون اى شتيمه او مهاترات
اللى يفوز يتصقفلوا والخسران يتصقفلوا
دول بقى عندهم انتماء لفريقهم + مش بيشمتوا ف بعض

[CuOp!D]

اقتباس انا اهلاوى اه بس مكنتش حابب يصرحوا بكده اويعملوا كده زى ماجماهير الزمالك عملت كده مش عاوزين فتنه ده نادى بلدهم ماهم كان الكوره مش هتفرق بين الشعوب والاهلى مش محتاج مسانده من حد غير جماهيره زى الترجى ماقال مش محتاجين الزمالك ولااى فريق يساندهم يساندوا فريق بلدهم اولى ثانكس على الخبر

هى مش حوار فتنه بين الشعوب
الناس دى وقفت معانا ف فتره محدش وقف فيها معانا
الناس دى افتكرت شهدائنا بحاجه بسيطه
واللى هيعملوه ده بالنسبالهم هما مش فتنه ولا تفرق شعوب
من اجل شهداء النادى هيقفوا معانا

[CuOp!D]

اقتباس علي فكرة بعيد عن الخبر هناك فى تونس جمهور الافريقي بيشجعوا الزمالك وجمهور الترجى هو اللى بيشجع الاهلى :d

نقول ايه بقى
يمكن حصل العكس :d
نعتبرها مجامله
واحنا مش مستنين مجامله من حد
احنا مستنين جمهور مصر يقف معانا
بس مظنش الزمالك هيقف معانا ويشجعنا
لانهم حاقدين علينا وبيشمتوا فينا
اظن كده الرساله وصلت

[قاهر بنات مصر]

حتي وان لم يشجعنا احد ما
لاعيبة الاهلي رجالة وراح ترجع بــ الكأس

هذ1 طبيعي ان التراس الافريقي سيشجع الاهلي لانة لا يحب الترجي
ولكن بداخل قلوب جماهير الافريقي لا يحبون الاهلي
لا يهمنا هذ1 ولا ذاك يهمنا رجوعنا بالكأس وكيد من لا يحبون الاهلي