إيه هو الشىء اللى تخليت عنه عشان ربنا ؟

[єLмσsħαx]

هاتكلم معاكم عن موضوع ( التخلى عن شىء من أجل الله ) حد فيكم فكر مرة يتخلى عن شىء عشان ربنا كبعد عن معصية كمشاهدة أفلام مثلا وقلتم هانبطل نشوفها عشان مش عاوزين نزعل ربنا مننا أو التوقف عن سماع الأغانى عشان ربنا او التوقف عن سوء معامله الوالدين وتبديلها بحسن المعامة عشان ربنا فى ولد فكر انه يبطل يعاكس بنات عشان ربنا مايزعلش منه فى بنت فكرت تطلع من بيتها بدون برفين عشان ربنا مايزعلش منها وعشان ماتكونش زانية فى ولد قال مش هاشرب سجاير تانى عشان مش اغضب ربنا منى انى بضيع صحتى وبهدرها فى حد فكر انه يطهر لسانه من كل ما هو قبيح عشان ربنا لان ربنا مابيحبش فحش القول فى حد فكر انه يبطل شر وتحريض الغير علي الشر عشان ربنا ما يزعلش منه فى حد بيعمل افعال وحشة جدااا مابيفكرش انه يسيبها عشان ربنا مايشوفهوش عليها ويزعل منه كلمة زعل ربنا منك كلمة لو اتوزنت بالدهب الدهب هايكون شوية عليها لانها كبيرة فى الوزن جداااا قبل ما تعملوا اى فعل حطوا ربنا قدام عنيكم وشوفوا فعلكم للشىء ده هايغضبه ولا هايفرحه ولو لاقيت نفسك عارف الصح ومع ذلك مشيت فى الغلط فبقولك خاف ع نفسك الشيطان بقى بيحركك وبيتكلم ع لسانك وبيجرفك للوقوع معه وافتكر يمكن تكون اخر فرصه انك تصلح من نفسك ولو رفضتها يمكن ملك الموت يجيلك فكر دايما انك عاوز تموت ع طاعه مش معصية ويمكن تكون ديه رسالة من ربنا ليك فكر انك تتخلى عن شىء عشان ربنا وانت مؤمن ايمان كامل بان ربنا هايعوضك عنه عوض كبير جداا وماتنساش من ترك شيئا لله عوضه الله خيرا منه دلوقتى عاوزمنك تقولوا فكرتم قبل كده تتخلوا عن شىء لأجل ربنا ؟؟ طاب بتفكر دلوقتى تتخلى عن شىء عشان ربنا ؟؟ وايه هو الشىء ده ؟؟

[سارية فى درب الرسول]

التخلى عن الذنوب والمعاصى من اجل الله تبارك وتعالى من صفات التائبين
نسأل الله ان يردنا اليه ردا جميلا

بارك الله فيك

[دمعه حائره]

من ترك شيئا لله عوضه الله خيرا منه
حقا اخى ونعم بالله الرؤوف الرحيم
جزاك الله خيرا

[الأميرة رودي]

توبيك رااائع
مضمون راقي ونصائح هامه لكل غافل
اللهم اغفرلنا وارحمنا
طرح قيم منك يامحمد
جزاك الله كل خيـر

[dr:shimaa]

جزاك الله كل خير على تذكيرك لنا
ومن يتقى الله يجعل له مخرجا ويرزقة من حيث لا يحتسب

[Îäm-ñøt ßèst ßût Âm-dîffèrèñt]

جزاك الله كل خير ويجلعه في ميزان حسناتك