اجتمع الثلاثى حنون ومشتاقة للجنة وكوين سوما فماذا قالواااا

[ساحر الأحزان]

بسم الله الرحمن الرحيم

الحوار دة كان المفروض يتعرض للنشر فى ايام العيدولكن؟لظروف مطبعية ومناخية كان بيتأجل يأما الكهربا بتقطع‘ياما

مكن النشر بيوقف ؛لاما لاسباب امنية بسبب كتر سكاكين العيد والشواطير لا السلاح يطول ويعورنا ::::لو نزلناة فى وقتة

يوم الوقفة اتصلت حنون ؛على مشتاقة للجنة ؛وعلى كوين سوما؛

الاول نشوف الحوار

حنون

صباح الخير مشتاقة

مشتاقة صباح النور نونا

اخبارك اية

حنون الحمد لله اخبار هنا اية وابوها

مشتاقة الحمد لله كويسين بسى مطلعين عينى هنا كل شوية تعيط وابوها اعلى طول فى الشغل

حنون تقول فى سرها

انتى يا مشتاقة خيبة هو حد طايل الايام دى يتجوز ضل راجل ولا ضل حيطة اينعم هو ضل مايل بسى كويس ماشى حالة

مشتاقة

حتقضى العيد فين يا حنون

حنون حقضية فين يعنى فى تقطيع الكرشة ولحمة الراس والكوارع وبعد كدة حطلع اشم شوية هوا

مشتاقة

طيب مش حتيجى عندى شوية ندردش مع بعض شوية

حنون

معلشى يا مشتاقة اصل حماتك عاملة عليكى حصار عسكرى وممنوع حد يقربلك

مشتاقة معاكى حق دا انا بسبب دة حعمل موضوع فى السهرات النقاشية بتاعت علاء عامل صالون نقاشى وهو الواحد يتكلم ويفضفض برحتة من غير ما حد يكتم على نفسة

حنون

والله يا مشتاقة انتى خوفتينى من الجواز على شان موضوعك بتاع الحموات

مشتاقة تقول فى سرها

روحى يا حنون اشوف فيكى يوم ربنا يوعدك بحماة زى القنبلة الذرية تفرقع فى وجهك

حنون

طيب يا حبيبتى اسيبك دلوقتى لان سوما بتتصل بية وانتى مش تاية عنها رغاية وبتحب الكلام كتير

مشتاقة

اهه معاكى حق فى كلامك واسالى مجرب

ماشى يا حنون ياحبيبتى متنسيش المسدات والاتصال بينا اشوفك على خير يا حبيبتى

حنون .مع السلامة يا ام هنا

حنون

الو ازيك يا سومة عاملة اية يا حبيبتى

كوين سوما

الحمد لله حنون اخبارك اية

حنون فى سرها ربنا يستر ومترغيش كتير الواحد بطنة واجعة وعايز ينام شوية على شان يقوم يشقر على المنتدى

سوما

اية يا حنون فية حاجة

حنون

لا بكح يا سومة

سومة

كلمتى مشتاقة اليوم

حنون ايوة كلمتها وهى كويسة وبخير

حنون فى سرها خلصى بقى يكون الخط يقطع وبعد كدة


حنون بتقول لسومة

شايفة يعنى انك عاملة حملة على الولاد والمعاكسات فى الفون وفى المدرسة

سومة اسكتى ياحنون مقلكيش وانا فى المدرسة كانوا بيموتوا علية طوابير طوابير ماشية وراية ومش ملاحقة معاكسات

حنون

لية فرن عيش ولا اية والناس ملمومة حوالية

سومة

فرن عيش فشر دنا سومة والاجر عالله هو انا حد زييى فى جمالى وحلاوتى

حنون

هو انتى طايلة ولا لاقية حد يبصلك

شغل بناتى بقى

سومة ياة يا حنون انا كل يوم بيجيلى بالعشر عرسان وانا الى برفض

حنون ههههه انتى برضة ولا هما الواحد يبصلك يرجع للخلف دور سريع المرش وكان عفريت مسكة

سومة

انا برضة يا نونة الله يسامحك انا مخصماكى ومش حكلمك تانى

حنون

ربنا يسمع منك وخطول الاتصال تتقطع زى ما حصل ايام الثورة

طيب يا سومة يا حبيبتى اكلمك فى وقت تانى

باى

سومة اوكية حنون تسلمى يا حبيبتى مع السلامة

وبكدة نوصل لاخر الحوار التخيلى

تأليف واخراج

ساحر الاحزان

اتمنى ان ينال اعجابكم وان يعجب الاخوات

مشتاقة للجنة ؛؛؛؛وحنون؛وكوين سوما وان كلامى ميكونشى سبب ليهم اى مضايقة

تحياتى

[۩۩ elMagic ۩۩]

ههههههههههههههه
بجد حوار جامد يا أ/ امجد
بس هنـا اظن وشك افضل من وجهك
خليك مواكب العصـر

اقتباس روحى يا حنون اشوف فيكى يوم ربنا يوعدك بحماة زى القنبلة الذرية تفرقع فى وجهك

وجميل ان يكون فيه بينا روح طيبه وأخويه
واكيد هيتقبلوه همـا من أرقى أعضاء المنتدى
احلــى تقييم ليكـ أخـــى
احترامــى وتقديــرى

[❀ ЯeRōŎō ❀]

اووووووووووبس بجد حوار تحفه هههههههههههههههههههه فطسني من الضحك ايه الفضايح دي
وايه ياحنون بتحقدي علي مشتاقه في سيرك حقد طبقي ههههههههههههههه
بس بجد حووووووووووووار سكر اوي ياساحر بجد غجبني بقي

[нαиαи]

ههههههههه عسل يا ساحر الأحزان .

[~♥ Queen sozan♥~]

هههههههههههههههههه

هموت يا امجد انت بتردلى القلم بتاع جملات

ماشى يا امجد والله انت مشكلة

وانا والله مش برغى اوووووووووى كدهــ ,,

وحنون زهقانة منى لية كودهـ دة انا لى متصلة هههههههه مش هية

وتسلم ايدكـ يا امجد والله الحوار حلو وضحكتنى كتيرررررررر

وتتردلكــ با اذن الله ^_^

[سدره]

كلام جميل وكلام معقول مقدرش اقول حاجه عنه

سدره

[الأميرة رودي]

ههههههههههه فون عيش
عسل يانونا ورغم انها خزعبلآيه من أمجد بس جميله اوى
كده ياأمجد تطلع سوما فرن عيش وكمان رغايه
لا مالكش حق انا بهدي النفوس على فكره
يوميه تحفه ياأمجد تسلم ايدك بيعجبنى اوى أسلوبك البسيط ده
بالتوفيق دايما يارب

[رووكه]

وربنا حنون مظبطه الاتنين ههههههههههههههههه

وحده من حماتها والتانيه تطفش العرسان

حاجه زى الفل

جميل قوى يا امجد ههههههههههههههههههه

اللى وجع بطنى حاجات العيد يع

ههههههههههههههههههههه

بجد تسلم ايديك على طرحك

دمه خفيف ربنا يسعدك ويسعد

الجميع يارب

تحياتى وتقديرى

[عاشقة الهدوء]

هههههههههههههههههههه الله يسعدك أمجد حوار متألق بجد أنت بقيت كوميديانى هاايل

وهتنافس ساامى على الاولمبكيات هههههههههههه عملته بطريقه متقنه ومميزه

أسعدتنا بيه بجد يا أمجد ربنا مايحرمنا من وجودك ولا من قفشااتك ويسعدك أينما تكون اللهم أمين

وأجمل تقييم أحترااااااامى وتقديرى

[ساحر الأحزان]

اقتباس المشاركة الأصلية كتبت بواسطة ۩۩ elmagic ۩۩ ههههههههههههههه بجد حوار جامد يا أ/ امجد بس هنـا اظن وشك افضل من وجهك خليك مواكب العصـر وجميل ان يكون فيه بينا روح طيبه وأخويه واكيد هيتقبلوه همـا من أرقى أعضاء المنتدى احلــى تقييم ليكـ أخـــى احترامــى وتقديــرى

عدبها بقى يا ماجيك

هى جت بظروفها كدة

اسعدنى جميل اهتمامك

وجميل ردك

دمت بكل خير