الحلقة الثالثة من تخيل حورانا مع ...Mo7aMaD 3aLa2

[Hearts Whisper]

السلام عليكم ورحمة الله وبركاته

رجعنالكم مع تالت حلقات برنامجنا

تخيل حوارنا

فكرة البرنامج

هنرسل لضيفنا مجموعة من الصور وهوا يتخيل ايه السؤال الى ممكن اسألهوله
ويكتبه ويجاوب عليه دى اول فقرة
اما تانى فقرة انى هرسله الصور ومعاها اسءلتى انا بقا وهو يجاوب ونشوف
مدى التقارب بين تخيله واسئلتى اول


معايا ضيف مميز عجبنى طريقة تفكيره واختياره للاسئلة
واكيد هتتاكدوا من كلامى لما تقرأوا حلقتنا
معايا مراقبنا

Mo7aMaD 3aLa2

المــراقــب العـــام

▲▼ Le Magicien ▲▼


اهلا بحضرتك معانا وميرسى على قبول الاستضافة
اتفضل دى الصور تخيل بقا ^_^



تفتكر دة غباء ؟

لا دة عدى الغباء ووصل لمرحلة التخلف العقلى



تفتكر مين فيهم اجمد ؟

انا طبعا




اية رأيك فـ حب النت ؟

النت وسيلة للتعارف وفى تجارب كتييير بدأت بـ النت ونجحت جدا
مش مهم الوسيلة ,, اهم حاجة الصدق




اية رأيكـ فـ انقراض فرص العمل فى مصر ؟ :D

الوظائف الخالية لاتتناسب تماما مع المؤهلات الدراسية
وبيضطر الشاب انة يشتغل شغلانة ملهاش علاقة بدراستة بعد ما ضيع وقت ومجهود وفلوس عشان يعرف يعيش
بس الحكومة بصراحة ف الفترة الاخيرة بدأت تهتم بالموضوع شوية
وخلت اغلاق المحلات الساعة 10




تفرق اية دى عن فتاة احلامك ؟

يعنى فتاة احلامى تقدرى تحددى معالم بؤها عن كدة =))



اكبر ظاهرة مكروهة فـ المجتمع ؟

البطالة


بتحب مين اكتر ,, عمرو خالد ولا عمرو دياب ؟

الاتنين فـ نفس المنطقة بصراحة =))



اية رأيك فـ مستوى التعليم فى مصر ؟

تحت الصفر



اهم هواياتكـ ؟

القراءة و النت و كرة القدم و القعدة ع الكافى =))


ودى كانت تخيلات ضيفنا وبكدا تنتهى اول فقرة
تعالوا بقا نشوف تانى فقرة




هنا بقا كانت اسئلتى واجابات ضيفنا المميزة



هل بجد فى ناس كدا وهل تتخيل ممكن يحصل كدا ويبقى امر طبيعى ^_^ ؟؟؟

ههههههههه ,, الناس من كتر الكسل التفكير بقى بيتعبها =))
والله انا فـ الزمن دة بتوقع اى حاجة
واحتمال يكون شخص ظريف




اظن بنشوف البنات وهما متيمين اوى بالاتنين دول ايه رايك مين احلى ؟؟؟؟

هههههههههه ,, بيتهيألى مهند
بس البنات بقى معرفش دماغهم فيها اية
واحدة تقولك انا بحب واحد شعرة اصفر وعنية ملونة
واحدة تقولك انا بحب واحد بشعر اسود كدة وناعم زى كريم
واحدة تقولك انا بحب واحد برجل مسلوخة =))
الحقيقة بقى ان الشكل بيتغير وبيروح جمالة مع الزمن وتبقى الاخلاق


وقولى بقا ليك اصلا فى التركى وايه رأيك فى الدراما التركية ؟؟؟؟

والله ما ليا ,, بس المسلسلات التركى شغالة عندنا 24 ساعة ف اليوم

الدراما التركية دراما مملللللللة


من رائى حب النت بيسمى اعجاب وبدرجة عاليه شوية طب انتا ايه رايك اختلفت الاراء ؟

تمام رأيك اقرب للحقيقة ,, لانة لازم يبقى فى التحام بين الطرفين وتعامل وجة لوجة


وهلى عمرك حبيت من ورا الشاشات ؟؟؟؟؟

ايوووووون حصل



ببقا خريج هندسة مثلا وتلاقيه شغال سواق طبعا مش بقلل من اى مهنة بس عايزة اعرف رأيك ايه فى الحال دا

ههههههههههه ,, هو اشمعنى خريج هندسة يعنى ما كلة كدة
الواحد مش ناقص احباط ,,
الشغل مش عيب لكن المشكلة دى مش بيحسها غير شخص تعب جدا واتمرمط ف كلية عملية شاقة وبعد دة كلة يكتشف انة صعب يشتغل فى مجال دراستة ,, احساس صعي ميحسوش غير اللى تعب فـ دراستة

انا بشوف ان الواحد يعمل اللى علية ويتوكل على الله ويسعى ويتعب
واكيد لكل مجتهد نصيب

وبعدين بقا عايزينك تعين اى حد من صحابك فى المنتدى فى الوظيفة الى فى الصورة عشان نديله بدلة التشريف ههههه ؟؟؟

ههههههههههههههههههههههه ايوة مانتوا بتتجوزوا وتقعدوا ف البيت
واحنا نلبس بدل تشريفة




تخيل لو دى طلعتلك فى الضلمة قولى بصراحة هتعمل ايه ^_^ ^_^ ؟؟؟؟

هههههههههههههههههه ,, هعمل نفسى ميت =))

وعايزينك تختار شخصين بتحبهم فى المنتدى وامر منك انهم يحطوا الصورة دى فى توقيعهم لمدة يوم ^_^ ^_^ ؟؟؟؟

هههههههههههه ,, نقول طفلة القمر و Lazeza


تحب تعمل كدا لمين فى حياتك ولايه مريت بيه ؟؟؟؟؟؟

احب اعمل كدة لاصدقاء طلعوا بتوع مصالحهم وع استعداد ينافقوا
ويجاملوا طول ما فيهم نفس




ايه رايك فى البنت دى ؟؟؟؟؟؟

احسن من بنات تانية ,, يعنى مش عايزين نضعهم فى خانة الغير محجبات

لانة حتى الصح لية طريقة واسلوب والا يضيع تأثيرة

اللى اعرفة ان الحجاب مش طرحة وبس وانما ستر المفاتن كمان

ممكن نسمية حجاب منتقص





هل فى رايك ان ممكن فى يوم من الايام تحصل معجزة ونبقا زى برا ؟؟؟
ولا ايه رايك

مش معجزة !!!

بلاد برة دى كانت بتيجى تتعلم عندنا فى عصر بيسموة عصر الظلام الاوربى ,, وكانت الدول الاسلامية منارة للعلم وعلماء زى ابن سينا والبيرونى والخوارزمى ,, فـ الموضوع مش معجزة وانما ايمان بفكرة وارادة لتحقيقها



هواياتك ايه ؟؟؟

النت والقراءة وكرة القدم



تسلم ع الاستضافة الجميلة يا همس

تسلم بجد استمتعت مع حضرتك

وبكدا تكون انتهت حلقتنا
انتظرونا مع حلقة جديدة وضيف / ة جدد

تحياااتى
همس القلـ شيماء ــوب

[احضان الحبايب]

اقتباس ببقا خريج هندسة مثلا وتلاقيه شغال سواق

طب احترم الاجرام ال احنا فيه !!

اشمعنى هندسة يعنى !!

ده انا عندى امتحان بكره و خلاص بفكر اروح اشترى مايكروباص :d

بس حلقه جاامده جدا ,,

و تخيلات محمد كانت توحفه الصرااحه ^^ ,,

منتظرين حلقاتك القادمه ان شاء الله ,,

[الأميرة رودي]

تخيل لو دى طلعتلك فى الضلمة قولى بصراحة هتعمل ايه ^_^ ^_^ ؟؟؟؟

هههههههههههههههههه ,, هعمل نفسى ميت =))

ههههههههه
استضافه جميله جداا ياهمس
وفقتى فى اختيارك لمحمد من أكتر الشخصيات الجميله المحترمه
عجبتنى أراؤه كلها يسلمو ايديكي حبيبتي
تقييمي و5 نجوم لروعه الحوار

[ياسمينااا]

حوار جميل جدا يا همس
ومحمد منور واجاباته جميله
ومش تقلق يا محمد شوف الجيش الاول
وان شاء الله تلاقي الوظيفه اللي نفسك فيها
وربنا يوفقك دايما يارب
تسلمي يا همس
في انتظار الضيف القادم ان شاء الله
تحياتي

[Hearts Whisper]

احضان الحبايب
ايه يا عموا انتا وهوا انا قلت مثلا مثلا يا عم الحج
طب تصدق بالله انا شفت عامل فى الصرف الصحى خريج هندسة
يلا بقا كدا مش هتروح الامتحان خالص ^_^
منور يا كبير

[تيتشر نفشه ツ]

هههههههههههههههههههههه

اجاباتك تحححححفه ي محمد

وخصوصا دي
ههههههههههه ,, هو اشمعنى خريج هندسة يعنى ما كلة كدة
الواحد مش ناقص احباط :d ,, ههههههه

اجاباتك جميله ي محمد

واسئلتك اجمل ياشيمو وفكره جنان على فكره

أبيه

شيماء

منوريييييين

[Words Whisper]

حلقة حلوة كتييير

بس عايزة أفهم انا دي :

اقتباس بتحب مين اكتر ,, عمرو خالد ولا عمرو دياب ؟ الاتنين فـ نفس المنطقة بصراحة =))

تسلم يابشمهندس

تسلمي شيماء ..


دمتم بتوفيق من الله ..

[CuOp!D]

اقتباس ههههههههههههههههههههههه ايوة مانتوا بتتجوزوا وتقعدوا ف البيت واحنا نلبس بدل تشريفة :d

هههههههههههه ف دى ياعلاء عندك حق بقى
واحنا ع وشك اللبس اصلا
وخلاص هانت وربنا يستر علينا بقى :d
اجابات روعه منك يا علاء
تسلمى ياهمس
ف انتظار العضو الجديد

[ماتركس]

همس

مجهود عالي وحوار جديد منك بصراحه تسلم ايدك

وطبعا منور يا ابو علاء باجاباتك الجميله المشهيزه دي ههههههههههه

منوريا كبير

[كبرياء رجل]

حلقه جميله يا همس مع ضيف مميز
وجميل في الحلقه تشغيل الدماغ
وبصراحه اجاباته على الصور
احسن من اللي ضفتيهم
اﻻل لغبطينا في الموضوع
بس بعد قراءته كاملا
الحمد لله الواحد ركز
منور يا غالي البرنامج
شكرا همس على اﻻستضافه الجميله
منتظرين عودة باقي برامجك
بالتوفيق دائما
تحياتي