مصر اصبحت تحت قســـم ( الولاء والطاعة !! )

[big bốss]

مصر اصبحت تحت قســـم ( الولاء والطاعة !! )

هى الرجالة حاتعمل أيه من الساعة عشرة بالليل ، لغاية الصُبح ؟؟ .. حاتُقعِد فى البيت طبعا علشان حاتخاف تمشى فى الشوارع الضلمة !!.. وياإما يبقى بوزة فى بوز مراته ساعات أكتر من اللازم !!.. وساعتها حايحصل حاجة من الأتنين.. ياإما يتخانقوا ، ويتشاكلوا ، ويتنسف الجزء اللى باقى من الأستقرار العائلى المنشود .. ياإما يكونوا سمن على عسل .. ومايلاقوش حاجة يعملوها غير إنهم يخلفولنا عيال أكتر !!.. وبعد ماالناس بدأت تفهم شوية تنظيم الأسرة بمزاجها ..

تيجى حضرتك وبمزاجك، وتشقلبلهم الحكاية .. وكأن الـ 85 مليون كلهم لاقيين ياكلوا .. والأكل زاد وفاض ومش لاقيين اللى ياكله !!علشان كده عايزين نزودهم شوية.. ولا شويتين !!

وبلاش أتكلم على زميلك الشملول التانى وزير التربية والتعليم اللى قرر أن الضرب فى المدارس مسموح طالما مش ضرب مُبرح أو مابيوجعش .. هو فيه ضرب مابيوجعش ؟ أمال بتضرب ليه ياأستاذ ؟ .. وعلى طول واحدة من المدرسات المنقبات قامت

بقص شعر تلميذتين صغيرتين بحجة أنهن مش محجبتان !!.. يبقى الحكاية مش ضرب بس .. لكن ضرب وقص ولزق .. وحاجات تانية الله وأنتم أعلم بها !!.. والله ماأنا عارف أنتم موديينا على فين ؟؟ شكلكم كده حاتكونوا الشعرة اللى حاتقصم ظهر البعير .. وعلى إيديكم ستُقال وزارة قنديل لأنه قنديل مطّفى وبهتان .. وبصراحة دى أسوأ وأجهل وزارة شافها المصريين .. وطالما فيها وزراء زيكم .. وقنديلكم باهت ودبلان .. ومش محصل شمعة فى آخر أنفاسها !!يبقى وزارة المطفى دى عَدَمْها أحسن ..

جَاتكُم القرَف .. مَليتُم البَلد !!

[رقة BaNOTa]

ايه كل الاحباط ده
وان كان ده موجود فعلا
فالظلم مش هينتهي
حتى لو هما فاكرين نفسهم ماشين صح
لازم يتقوا ربنا زي ماكنو بيقولو في الآول
وان مش بتكلم ع جماعه الاخوان انا بتكلم عن اي واحد لسه بيهرج او بيظلم
في البلد وكأ،ه ماسك عزبه بتعته
مش بلد ملك كل المواطنين
ساعات لم ابنشوف الواقع مؤلم جدا
بنتهرب منه ومش بنبقى عايزين نصدقه
بس الصح اننا نفوق تاني
مش نعمل ثوره لآ
نحارب اي فساد نشوف قدام عيننا
يعني لو شوفت المدرسه ديه
لازم تشتكي عليها وتعرفها ان كده اكراه مش تعليم!!
واي حد زيهها

[๓αℓάҝ]

مع بنوته الحل بيكون مواجهه مش نعمل ثوره تانيه
الظلم موجود و هيفضل موجود
الخطوه التانيه اننا نصلح
لو الحكومه فاسده فاحنا 80 مليون

[elwarda]

انا معاكى فى المشكلة الاولى اللى هيه ان المحلات تقفل الساعه 10 وزى مقلتى الرجاله هتقعد فى البيت وهتخاف تمشى فى الضلمة
لكن انا مش معاكى فى التانية سورى يعنى انا بقول رايى
لازم انهم ميمنعوش الضرب ووالله الضرب مش هيموت لكن بيخوف العيل انه يذاكر او يحترم نفسة قدام الاستاذ

يعنى مثلا واحد قل ادبة ع المدرس ياترى المدرس يسيبه ؟؟ وميضربوش عشان الضرب ممنوع بلا ش دى ممكن يهزئة او يشكى لوالدة طيب لو ضربة الطالب هيقل ادبة اكتر ويقلة الضرب ممنوع ودا فعلا كان بيحصل كتير ايام ماكان الضرب ممنوع
لكن ييكون ضرب ميزدش عن حدودة زى اللى قصت شعر بنتين
وعلى فكرة لازم يكون فيه ظلم مهما كان الرئيس دا مين
ومشكوورة اوى ع الموضوع