رابع حلقه من برنامج ..اجدد عضو ومعانا..انا ساندرا

[دمعه حائره]

أهلا وسهلا بكل اعضاء منتدنا الغاليين وحلقه جديده من برنامج اجدد عضو ومعانا عضوة مسجله الشهرده وماشاء الله نشيطه وموهوبه العضوة انا ساندرا عضو جديد اهلا وسهلا بيكى ساندرا نورتى المنتدى والبرنامج أهلا بيكي منة وشكرا علي الاستضافة فى البدايه عرفينا على نفسك اكتر يعنى اسمك الحقيقى وبلدك وبتدرسى ولاخلصتى؟ اسمي ،،، نجلاء البلد ،،،،،،،، مصر طالبة سنة تانية في EGOTH Academy for Tourism and Hotels ساندرا ماشاء الله عضوة موهوبه وبتكتب خواطر جميله من امته بدأتى كتابه الخواطر؟ ههههه ربنا يخليكي دا بس من ذوقك حبيبتي انا بكتب شعر وخواطر من عمر 12 سنة وبدأت في النشر علي النت من سنتين تقريبا هل عندك مواهب غير الكتابه؟ اممممممم يعني شوية الرسم علي الجدار بحبه قوي ههههههه وبحب النحت جدا واعتبر موهوبة نوعا ما فيه عرفتى المنتدى ازاى؟ عن طريق صديقة مشتركة بالمنتدي مسجله فى منتديات تانيه؟ اه 2 غير دا بس حاليا تواجدي الاكثر هنا ايه ميزة منتدى بنات مصر عن غيره من المنتديات؟ كبير ومتعدد الاقسام دا غير ان اعضاء ه كتير وماحد بيشغل باله بحد الا في حدود المواضيع يعني مافيش اشتغالات لقيتى ترحيب كويس لما سجلتى؟ هو انا ماعملتش موضوع ترحيب اما جيت بس في اكتر من عضوة رحب بيا دا غيرك انتي طبعا كنت حد كيوت معايا من الاول و بتساعديني في اي شئ اقف فيه وتفاعل من الاعضاء فى الردود على مواضيعك؟ اه بصراحة ماشاء الله في حضور للاعضاء في الردود وخاصة الادبي ايه اكتر الاقسام المحببه اليكى؟ القسم الادبي انا اول ماادخل ادخل عليه هل كونتى صداقات هنا ولا لسه؟ اه الحمد لله ربنا اكرمني بصديقة كويسة اتعرفتى على كل خصائص المنتدى وهل فيه صعوبه فيها؟ هو لحد الان مافي صعوبات واجهتني الحمد لله فيه خاصيه تحبى تضيفيها للمنتدى مش موجوده؟ اممممممممممم لاماعتقد كله تمام بتسمعى راديوا المنتدى؟ اه لما بيشتغل معايا بسمعه اصله احيانا بيعلق ايه اكتر برنامج عجبك فيه؟ والله كل ماافتح يكون اغاني ماسمحت ا لفرص لسا اشوف برامج بس عامة انا بحب برنامج صديقي الفيلسوف هل ممكن تقدمى برنامج بصوتك او تشاركى فى اعداد برامج اخرى؟ والله نفسي جدااااااااا دا يحصل انا اصلا كنت اتمني اكون مذيعة برامج بس النصيب قي هههههههه اكتبلنا بيتين او اكتر من خواطرك عشان الاعضاء يتعرفوا على موهبتك اكتر انا من اهوى ومن اعشق انا من ابكى ولا اخضع انا انثى المطر انا من دلالى ومن كلامى من بحورى ومن غيامى من اشواقى ومن اشواكى لغز لاينفهم انا من اكون بعد كل هذا انا هى هذه الانثى انا انثى المطر بشكرك على قبول الدعوة نورتينا واتمنالك كل التوفيق والسعادة شكرا منة علي الاستضافة مرة اخري تحياتي يسبقها احترامي وتقديري وبكده تنتهى حلقتنا النهاردة من اجدد عضو بشكركم على المتابعه احترامى للجميع

[Lost Pearl]

منووووووورة المنتدي يا قمر و ظهورك واضح بجد

و عايزين نشوفك ف الراديو بقي ,, لو حابة تشاركينا ف اكيد هتنوري

منة تسلمي ع الجهد يا حبي


ان شاء الله تبقي معانا علي طول بقي ,,

[ياسمينااا]

حلقه جميله جدا
منوره يا نجلاء المنتدي
وكلمات جميله منك
تسلمي عليها يا قمري
وربنا يوفقك في دراستك وحياتك يارب
تسلمي يا منه ع الحلقه الجميله دي
في انتظار العضو الجديد
تحياتي

[غريـب ألأطـوآر]

حوأر جميل وهـأدى بحييكى عليه يا حـأئرة

وضيفتك هـأدية وبسيطة مع انى معرفهـأش

بس ده أنطبـأعى الاول عنهـأأ

تحيـأتى القلبية ليكم

دمتم بخير

[واد حبيب]

كعاده حلقه جميله جدااا يا دمعه
والضيفه بسم الله عليها مبدعه بجد
ان شاء تفضل موجوده علطول معانا في المنتدي
تقبلو تحياتي
الحبيب

[ساحر الأحزان]

استضافة جميلة يا دمعة

مع انا ساندرا

صاحبة التواجد القيم

وتعرفنا عليها كويس

جميل المجهود دمعة

بالتوفيق ليكى

[عاشقة الهدوء]

نورتى ياساندرا المنتدى واسعدتينا بالحوار معاكى ياقمر

أن شاء الله تنبسطى معانا وتقدمى الآفضل وألاحسن

وتمتعينا بمجهووداتك الجميله ربنا يحفظك ويوفقك

وتسلمى يامنه على المجهود الجميل ربنا مايحرمنا منك ابدا ياقلبى مووفقه دائما بحلقاتك

[Words Whisper]

نجلاء


ماشاء الله من الناس اللي أقلامها حلوة كتييير ماشاء الله


وحقيقي بحب أقرأ لها ..


تسلمي منون ..


ودمتم بتوفيق من الله ...

[๓αℓάҝ]

ما شاء الله قلمك حلو و بتحبي الرسم كمان و النحت

ايه ده انتي هتقطعي عليا ولا ايه ههههههههه

منوره يا نجلا و هتابع معكي في قسم الادبي بقى


و منوره كمان مره و تشرفنا بيكي يا جميل

[naaader]

شكرا دمعه على هذا الجهد الكبير
وضيفتنا انسانه مبدعه وخاصه في الادبي
اتمنى لها التوفيق
ويامرحبا مليون بسندريلا