ماهورايك؟؟؟؟؟؟

[تناهيد الهوي]

مساء الخير اعضاء بنات مصر في أسئلة تمر في بالي فحبيت تشاركوني هذا الاسئلة 1_ما هو رايك حينماء يقول لك ولدك تزوج من فتاة انا اخترتها؟ 2-ما هو رايك حينماء تعرف اني من تقربت اليها كذبت عليك؟ 3_ ماهو رايك حينماء تعرف باني التي سوف تتزوجها تمتلك شقة وتتطلب بسكن معها ؟ 4_ ماهو رايك حينماء تعرف انك لا تحب نفسك ؟ 5_ما هورايك حينماء تقول لك فتاة انك رجل شرقي متسلط ؟ 6_ماهو رايك حينماء تقول لك امك لا تتزوج من هذا الفتاة لانها لا تعجبني ؟ 7- ما هورايك حينماء تقول لك من احببتها لا يعجبني اسمك ؟ 8_ما هورايك حينماء تقول لك من احببتها لا يعجبني شكلك بالحية ؟ 9_ ماهو رايك حينماء تحب فتاة من المنتدي؟ 10_ ما هو رايك حينما تعرف اني من تحب متسلطة ؟ وفي الاخير اتمني ان تكون الاسئلة خفيفة عليكم

[غريـب ألأطـوآر]

1_ما هو رايك حنماء يقول لك ولدك تزوج من فتاة انا اخترتها؟


ياريت يقولى حاجه زى كده ههههه والدى تقريبا من وانا لسه فى اعدادى وهو سايبنى مع نفسى اخبط واعمل اللى انا عايزه وفعلا بتمنى يقولى حاجه زى كده ههههه

2-ما هو رايك حنماء تعرف اني من تقربت اليها كذبت عليك؟


هيبقى فيه موقف بس على حسب الكذب وبعدين هبقى احاول بقى اشوف العيب فين واظبطه بهدوء


3_ ماهو رايك حنماء تعرف باني التي سوف تتزوجها تمتلك شقة وتتطلب بسكن معها ؟


وايه المانع بس طبعا ساعتها الظروف المحيطة هيبقالها دور فى التصرفات


4_ ماهو رايك حنماء تعرف انك لا تحب نفسك ؟

ديه فى منتهى الصعوبة ومجربتهاش ومبحاولش اجربها ده تقريبا شى مدمر للانسان لما الواحد يكره نفسه هيحب مين بالظبط


5_ما هورايك حنماء تقول لك فتاء انك رجل شرقي متسلط ؟

عادى جدا ده رايها الشخصى هسمع من هنا وهفكر شوية وهخرج الكلام من الناحيه التانية وبرده هبتددى اشوف ان متسلط فى ايه بس كلامها هيبقى مجرد كلام للتفكير فقط مش للتصحيح


6_ماهو رايك حنماء تقول لك امك لا تتزوج من هذا الفتاة لانها لا تعجبني ؟




كلام اامى عندى هيتأخد بجدية رهيبة لانى لازم اعرف هيا مش عجبـأها فى ايه اكيد شافت شى معين ومينفعش مفكرش كويس


7- ما هورايك حنماء تقول لك من احببتها لا يعجبني اسمك ؟


ديه بقى قصتها قصة معايا هقولها كلمتين بس يـأبأ علمنى الهيافة تعالى يبنى فى الهايفة واتصدر هههه




8_ما هورايك حنماء تقول لك من احببتها لا يعجبني شكلك بالحية ؟


هقولها هو ده الموجود سيان عاجبك او لا احنا فى البداية


9_ ماهو رايك حنماء تحب فتاة من المنتدي؟


مش فاهم ايه قصدك بس شى محصلش وغريب نوعا ما يبقى معرفش

10_ ما هو رايك حنما تعرف اني من تحب متسلطة ؟




لا هعدلها بذوق بعافية بحنية بقسوة هتتعدل هتتعدل يا بقى كل واحد يروح لحاله


اسئلة جميلة تسلمى عليها

وتحياتى يا تناهيد

[العاشق الذى لم يتب]

جميل جدا فكرة الموضوع
وأجمل الأسئلة
بس بحكم أننى رغاى شوية
قصدى شويتين
ممكن أفضل أجاوب لحد الصبح
وفى هذه الحالة أتعرض لمخاطر
كتيرة وكبيرة من المدام
ولأننى دخلت على التوبيك متأخر
أجاوب على سؤلين بس لحين العودة أن شاءالله
والسؤال اللى مش عارف أوصفه بإيه
هو لوعلمت بأن خطيبتى معاها شقة
الإجابة دا أنا كنت أكذب عليها كذب
وممكن أستأجر مؤلف كذب علشان
تصدقنى وتوافق تزوجنى ياسلاااااااااااام
معقول يبقى عندها شقة والواحد يسيبها
والسؤال التانى ..
أزاى الواحد مايحبش نفسه
دا كلام يا أميرتى ليه الواحد مايحيش نفسه
******
لنا عودة إن شاء ربى
تقبلى تحياتى وودى
رفــــ ع ــــــت

[بعض من أمل]

موضوع طيب
اسئلة كتيرة
لي عودة

[احمد برهان]

شكرا علي موضوعك الجميل..
و اليكي الردود بقا

_ما هو رايك حنماء يقول لك ولدك تزوج من فتاة انا اخترتها؟

يعني لازم يكون فيه نقاش و احترام و تقدير...
لكن في الاول و الاخير دي حياتي انا ..
و المفروض يكون فيه تقدير و استعياب لرايي

2-ما هو رايك حنماء تعرف اني من تقربت اليها كذبت عليك؟

يعني يا تناهيد.. سحب نوع الكذبة..
اكيد الكذب كله غلط و هازعل كتير منها..
لككن بره فيه كذبة ممكن تتبلع بكثير من المشقة..
و فيه كذبة تدمر العلاقة كلها

3_ ماهو رايك حنماء تعرف باني التي سوف تتزوجها تمتلك شقة وتتطلب بسكن معها ؟

اكيد ارفض .. عشان انا رجل و الشقة دي من اول حقوق الزوجة..
مش منن الرججولة اني انا اسكن في ملك مراتي..
انا ارفض هذه الفكرة و لازم الشقة تكون من عرقي انا.

4_ ماهو رايك حنماء تعرف انك لا تحب نفسك ؟

و ايه الجديد ؟؟
انا عمري ما حبيت نفسي صراحة !!

5_ما هورايك حنماء تقول لك فتاة انك رجل شرقي متسلط ؟

يعني انا اكره كلمة رجل شرقي...
اكيد هايكون فيه زعل كبير من الكلمة دي..
لو قالتها عشان انا صنحتها في شئ من الدنيا..
ممكن اعديها ..
انما لوو نصحتها في شئ عن الدين و قالت كده...
يبقي لازم ترجع و الا السلامو عليكو

6_ماهو رايك حنماء تقول لك امك لا تتزوج من هذا الفتاة لانها لا تعجبني ؟

يعني اكيد هاتم برايها و اشوف ايه السبب...
ممكن تكون شايفه حاجه انا غفلت عنها..
لكن في الاول و الاخر... اكيد راي الام ..
بيكون استشاري مش ملزم.. و امي في الواقع..
مش ممكن تفرض عليا اي شئ

7- ما هورايك حنماء تقول لك من احببتها لا يعجبني اسمك ؟

اقول لها ... و اسمك كمان مش عاجبني
تعالي السجل المدني نغيييره..
اكيد هاخدها هزار و احتويها... عشان دي حاججججات
بمنتهي البساطة صراحة

8_ما هورايك حنماء تقول لك من احببتها لا يعجبني شكلك بالحية ؟

اكيد ممكن لو كنت بلحية و مقتنع بيها..
اقول لها طيب هحاول اساويها و لا كده..
عشان اللحية هناك اقوال تقول سنة..
و اخري فرض.. و انا مش هاضيع سنة علي اقل الاقوال..
عشان مش عاجبة حبيبتي
يعني انا كده عاجبك عاجبك .. مش عاجبك براحتك..
دي حرية شخصية بحتة
9_ ماهو رايك حنماء تحب فتاة من المنتدي؟

مش عارف صراحة...
يعني بيكون اكيد شعور مختلف

10_ ما هو رايك حنما تعرف اني من تحب متسلطة ؟

اكيد لازم اقومها و اهذبها..
لكن لو حاولت تفرض رايها و سيرتها علي ...
اقول جود باي ماي دير..
كرامتي اغلي عندي من الدنيا و ما فيها و من فيها..
مش ممكن باذن الله واحدة او واحد..
يفرض سلطته عليا مهما كان


شكرا علي الاسئلة الجميلة..
سعدت بها و حقا انتي مميزة..
بانتظار جديدك و دمتي بحفظ الرحمن

[عمرو الجورى]

1- ما هو رايك حنماء يقول لك ولدك تزوج من فتاة انا اخترتها؟
أنا شايف ان موضوع الوالد هو اللي يختار بيكون حسب نشأة الأب والولد يعني مش ممكن تتطبق في أي بيت وأحيانا بيكون اختيار الأب هو الصح وبيخلي ابنه يتجوز جوازة صح كل أب بقا وشتارته

2- ما هو رايك حنماء تعرف اني من تقربت اليها كذبت عليك؟

هعمل ايه يعني هتبقى كذبت وخلاص ولو بحبها بجد هسامحها

3- ماهو رايك حنماء تعرف باني التي سوف تتزوجها تمتلك شقة وتتطلب بسكن معها ؟

واللهي خير وبركة بس يعني اللي محبكها أوي لازم يتأكد انها مش هتيجي في يوم وتقوله اطلع بره كل ما يحصل بينهم حاجة

4- ماهو رايك حنماء تعرف انك لا تحب نفسك ؟

دي بقا اللي مشكلة بجد مش عارف بصراحة أقول ايه ... يمكن لو أنا كده ان بقا عندي رد بس الحمد لله أنا مش بكره نفسي ولا بحبها لدرجة اني مش شايف غير نفسي

5- ما هورايك حنماء تقول لك فتاة انك رجل شرقي متسلط ؟

واللهي في ناس كده فعلا وكل واحد وله رأي وله الحرية في ابداء رأيه وقت ما شاء

6- ماهو رايك حنماء تقول لك امك لا تتزوج من هذا الفتاة لانها لا تعجبني ؟

واللهي اذا كان زواجي من هذه الفتاه هيغضب أمي فانا وعن نفسي لن أتزوجها الا اذا رضيت عنها أمي ... لأن كل واحد مش له غير أم واحدة يعني لو غضبها هيرضي مين بعد كده

7- ما هورايك حنماء تقول لك من احببتها لا يعجبني اسمك ؟
هقولها اوك يا حبيبتي ابقي اختاري اسم الولد

8- ما هورايك حنماء تقول لك من احببتها لا يعجبني شكلك بالحية ؟

واللهي اللي عنده دقن بقا يرد

9- ماهو رايك حنماء تحب فتاة من المنتدي؟

هو الحب في حد ذاته مش عيب ولكن الحب له مراحل كثيرة والحب على النت هيكون مرحلة هشة جدا من مراحل الحب الحقيقي ولكن ممكن يكون حب صادق من غير حتى أي لقاء أو مجرد سماع صوتها حسب بقا طبيعة القلوب

10_ ما هو رايك حنما تعرف اني من تحب متسلطة ؟

هعملها ايه يعني هقتلها ... هي كده ربنا خلقها كده هحاول اني أغير منها واذا نجحت في تغيرها يبقا خير وبركة واذا فشلت وبحبها بجد باردوا مش هسيبها ولا هدور على أي عيوب علشان اتحجج بيها وأسيبها

وفي الاخير اتمني ان تكون الاسئلة خفيفة عليكم

[العاشق الذى لم يتب]

اقتباس المشاركة الأصلية كتبت بواسطة تناهيد الهوي مساء الخير اعضاء بنات مصر في أسئلة تمر في بالي فحبيت تشاركوني هذا الاسئلة 1_ما هو رايك حنماء يقول لك ولدك تزوج من فتاة انا اخترتها؟ ************ هو ولدى كان بيسألنى عن فتاة أختارها هو لنفسه أم لى أنا ؟ ومع كلٍ إذا تزوج هو بتلك الفتاة ماخلالص خلص الكلام مايصحش أقوله طلقها .. ولوكان أختار لى فتاة أكيد وأنا فى السن ده هفرح ,اشكره وأقوله ساعدنى علشان يتم الفرح. 2-ما هو رايك حنماء تعرف اني من تقربت اليها كذبت عليك؟ ياعزيزتى هى بس اللى بتكذب 99/بيكذبواوالواحد مراته قالت له لاتكذب بس والله لوكانت كذبت علىّ فى موضوع يخص الشرف أكيد كنت هذبحها لحسن أنا صعيدى . 3_ ماهو رايك حنماء تعرف باني التي سوف تتزوجها تمتلك شقة وتتطلب بسكن معها ؟ وماله دا هو عين العقل داأنا أشكرك بشكل هو فيه حدلاقى شقق اليومين دول ماعنديش مانع طبعا. 4_ ماهو رايك حنماء تعرف انك لا تحب نفسك ؟ مش ممكن أبدا ولا أفكر فيه ياسيدتى دا أكبر مشكلة الآن هو حب النفس والذات. 5_ما هورايك حنماء تقول لك فتاة انك رجل شرقي متسلط ؟ والله مايهمنيش رأيها لأننى عارف نفسى كويس وبعدين متسلط ولا حد وززنى هى مالها ومالى مش عايزانى خلاص هى حرة . 6_ماهو رايك حنماء تقول لك امك لا تتزوج من هذا الفتاة لانها لا تعجبني ؟ الموضوع مقلوب خالص أحنا فى زمن الواحد لا بيعبر أمه ولا أبوه وكل واحد يقول (عقلى فى راسى أعرف خلاصى) وماعدش أمهات زى زمان نادر لو لقيتى واحدة ولا بالكتير أتنين عندنا فى الصعيد. 7- ما هورايك حنماء تقول لك من احببتها لا يعجبني اسمك ؟ بصراحة الموضوع زاد عن حده أزاى تقلى أسمى مش عاجبها تخبط راسها فى الحيط يعنى عايزانى أغير أسم قرنى أكبر راس فى البلد. 8_ما هورايك حنماء تقول لك من احببتها لا يعجبني شكلك بالحية ؟ والله أنا مربيها ولا يمكن أحلقها أبدا يسلام اللحية عنوان التقى وتشبيه لحضرة الحبيب صلى الله عليه وسلم وهى سنة عنه . 9_ ماهو رايك حنماء تحب فتاة من المنتدي؟ لحد دلوقتى مافيش ولا وحدة راضية تحبنى لمّا يحصل أقلك على اللى حصللى واللى جرالى . 10_ ما هو رايك حنما تعرف اني من تحب متسلطة ؟ ياستى مش مهم يعنى الواحد يحبكها أوى يمشى أموره وخلاص وهل هناك راجل عاقل يلاقى وحدة تحبه بجد ويفرط فيها دا يبقى مجنون لا ماآخذة هو فيه الأيام دى وحده تحب بالسهولة دى وبعدين أنهرده متسلطة بكرة تتسلط عليها العيال وتعقل. وفي الاخير اتمني ان تكون الاسئلة خفيفة عليكم ******* مش عارف أقول إيه ياشيخة أنت متسلطة علينا الله يسمحك. بجد أنت أسعدتينا ونورتينا وفرفشتى علينا الهموم ربنا لايحرمنا بركاتك تقبلى تحياتى وودى رفـــ ع ــــت

أتمنى لك كل التوفيق

[აα∂ Ԑγεა]

2-ما هو رايك حينما تعرف اني من تقربت اليها كذبت عليك؟
حسب الكذبه اكيد
حاجه تتسامح فيها وتتنسي وتكمل الحياه
ولا حاجه كبيره تستحق ان كل شيئ ينتهي

3_ ماهو رايك حينما تعرف باني التي سوف تتزوجها تمتلك شقة وتتطلب بسكن معها ؟
لا المفروض مش كده مينفعش اكيد
هبقي عاله
ازاي هبص لنفسي في المرايه كل يوم

4_ ماهو رايك حينما تعرف انك لا تحب نفسك ؟
زي ما قال برهان
وايه الجديد مانا مش بحبها اصلا

5_ما هورايك حينما تقول لك فتاة انك رجل شرقي متسلط ؟
حسب بقي نقطه الخلاف اللي بينا فيها
حاجه شرع يعني وهيا شايفاها تخلف ولا ايه
لو كده يبقي رائئ اننا مش ننفع
بعدين انا منفتح للدنيا ومتقدم لكن بحدودي


7- ما هورايك حينما تقول لك من احببتها لا يعجبني اسمك ؟
لا انا اسمي محمود
يعني ايه اللي مش يعجبها في دا
اكيد هعدي الموقف دا مش هيحصل

8_ما هورايك حينما تقول لك من احببتها لا يعجبني شكلك بالحية ؟
اممم عادي مش اساسيه وبعدين انا مش ناوي اجيبها متر تحت
اكيد بشكل جميل هتكون

9_ ماهو رايك حينما تحب فتاة من المنتدي؟
رائي اني الجانب دا مقفول من عندي


10_ ما هو رايك حينما تعرف اني من تحب متسلطة ؟
واحده متسلطه اكيد مش هحبها من اول يوم
لان مش في مقومات اللي بتمناها التسلط


وفي الاخير اتمني ان تكون الاسئلة خفيفة عليكم

اسئله جميله يا تناهيد
وتوبيك حلوو
بس ملحوظه
حينما مش حنماء