مسابقة نجم النجوم .."

[۩۩ elMagic ۩۩]

السلام عليكم ورحمة الله وبركاته

المسابقه النهارده
تفاعليه لتحفيز الاعضاء الجدد والمميزين
على النشاط فى ألاقسام اللى ينقصها التفاعل والنشاط
هيتم تحدديها بالاسفل

الاقسام اللى محتاجه تفاعل هى


1 - قسم الشخصيات التاريخيه

2 - قسم السيارات

3 - قسم الرياضه العام

4 - قسم حواء

5 - قسم الانمى والكرتون

6 - قسم الطبخ

....................

هيكون معاانا مسابقه تفاعليه لكل قسم من اللى سبق وذكرتهم فوق
وهيبقى معانا مشترك واحد لكل قسم باستثناء قسم الكرتون عضوين
يعنى 7 مشتركين
والمطلوب من المشترك انه يختار القسم والمسابقه اللى بتخصه
من المسابقات التفاعليه اللى هأعرضها عليكوا دلوقت
علشان هو هيتولاها فى القسم الخاص بيها وهينزلها
ولازم يكون متأكد من أشتراكه ويكمل بالمسابقه التفاعليه فى القسم
واهى تبقى فرصه ليهم انهم يثبتوا وجودهم فى الاقسام دى
ولو أثبتوا جدارتهم فيها ممكن يتعينوا مشرفين علي هذه الاقسام ..


دلوقت مع المسابقات التفاعليه الخاصه بكل قسم على الترتيب

* القسم الاول التاريخى

مطلوب من العضو المشترك فى القسم دا
انه يعمل مسابقة
من صاحب المقولة ؟



وهو انه هيجيب كل يوم او يومين زى ما هو يحب
مقولة لشخصيه مشهوره وأسرع عضو يجاوب عليها هياخد 50 مشاركه
وطبعا المسابقه هتبقى يوميه
وكل أسبوع العضو صاحب المسابقه واللى هو اصلا مشترك هنا معانا
هيجمع الاعضاء الفايزين بأسرع حل خلال الاسبوع
وهيروح للإدارى المنتخب علشان يضيف الـ 50 مشاركه لكل عضو فايز
وبعد ما يتم اضافتهم
هيكمل تانى العضو دا فى الاسبوع الثانى هيشتغل نفس النظاام وهكذا
زى المسابقات التفاعليه اللى موجوده فى الاقسام
ولتكن زى دى مثلا
http://forums.banatmisr.com/msryat362484/



* القسم الثاني السيارات

مطلوب من العضو المشترك فى القسم دا
أنه يعمل مسابقة
نوع ولون السياره ؟



وهو انه هيجيب مثلا لوجو سياره معينه
ويسأل نوعها ايه ؟ وأسرع حد يجاوب هيبقى هو الفايز
وكمان علشان يبقى فيه تنويع هيجيب
هو سياره وهيلونها أبيض واسود بالفوتوشوب
ويبقى المطلوب ذكر لون السياره ايه ؟
وطبعا هتبقى بشكل يومـى نفس نظام المسابقه الاولى
اللى هو هتتعمل كل يوم او يومين على حسب العضو صاحب المسابقه
وهتكون بـ 25 مشاركه وهتتعمل بشكل يومى وكل أسبوع
هيتم تحصيل الجوايز وهيبتعها للإدارى المنتخب
وبعدها نبدأ من جديد فى الاسبوع اللى بعده وهكذا ..

* القسم الثالث الرياضه

مطلوب من العضو المشترك فى القسم دا
أنه يعمل مسابقة
أين الكوره ؟



وطبعا فيه صور جاهزه على النت ممكن تشتغلوا بيها فى البدايه
ولكن بيفضل ان العضو اللى هشترك هنا يكون له فى الفوتوشوب شويه
علشان يقدر يظبط هو صوره من ابداعه ويحط فيها أكثر من كوره وهميه
وبردوا هتكون نفس نظام مسابقة القسم الاول
اللى هو هتتعمل كل يوم او يومين على حسب العضو
وهتكون بـ 25 مشاركه وهتتعمل بشكل يومى وكل أسبوع
هيتم تحصيل الجوايز وبعدها نبدأ من جديد فى الاسبوع اللى بعده وهكذا ..

* القسم الرابع حواء

مطلوب من العضو المشترك فى القسم دا
أنه يعمل مسابقة
لون فستانى ؟



سهل جدا انت هتجيب اى فستان من على النت
وتروح الفوتوشوب وتخليه أبيض وأسود
والمطلوب هو معرفة لون الفستان ؟
واللى هيفوز أسرع عضو يجاوب بـ 25 مشاركه
وطبعا المسابقه هتتعمل بشكل يومــى
والجوايز هيتم تحصيلها أسبوعياً


* القسم الخامس الكرتون

المسابقة التفاعليه الأولى

مطلوب من العضو المشترك فى القسم دا
أنه يعمل مسابقة
أوجد الاختلاف ؟



وهى ان العضو هيجيب صورة لكرتون
وهيظبط فيها شوية اختلافات بالفوتوشوب
او ممكن من على النت يجيبها جاهزه
ولكن بيفضل طبعا الشغل الابداعى من العضو
والمطلوب معرفة الاختلافات وأسرع عضو هيكون هو الفايز بـ 25 مشاركه
وهتبقى كل يوم او يومين حسب العضو
يعنى هتتعمل بشكل يومى والجوايز هيتم تحصيلها اسبوعياً

,,,,,,

المسابقة التفاعليه الثانيه بنفس القسم

وهى عمل مسابقة
أفضل موضوع أسبوعى بقسم الكرتون ؟



وهيكون أمرها مختلف عن المسابقات اللى فاتت
لان طبعا دى مش هتنفع تتعمل بشكل يومــى ولكن اكيد هتكون أسبوعياً
فا هنا هيبقى المطلوب من مثلا أسرع 6 مشتركين في االاسبوع انهم يعملوا موضوع
فى القسم الانمى
وهيتم تقييمهم فى اخر الاسبوع والجايزه 50 مشاركه لأفضل موضوعين منهم
وبعد ما يتم منح الاثنين الفايزين فى الاسبوع الجوايز هتبدأ المسابقه من جديد
فى الاسبوع اللى بعده وهنشتغل بنفس النظام وهكذا كل أسبوع ..

* القسم السادس الطبخ

مطلوب من العضو المشترك فى القسم دا
أنه يعمل مسابقة
أفضل موضوع أسبوعي بقسم الطبخ ؟



وهتبقى بنفس نظام مسابقة أفضل موضوع بقسم الانمى
ولكن هنا المواضيع طبعا هتنزل بقسم الطبخ العام

ــــــــــــــــــــــــــــــــــــــ

وبكده اكون عرضت المسابقات التفاعليه اللى هتشتغلوا عليها
والمطلوب دلوقت
هو تسجيل 7 مشتركين فى المسابقه هنـــا
وطبعا لازم تحدد انهى مسابقه تفاعليه منهم هتختار علشان تتولاها
وتشتغل عليها بعد ما نبدأ الحمله ان شاء الله ..

والحمله دى هتستمر لمدة شهر اى أربع اسابيع
وأكثر الاعضاء من الـ 7 مشتركين التزام وتنسيق
خلال الاربع اسابيع دول
طبعا هيكون لهم جوايز معانا هنا تحفيزيه
ومن حقكـ بعد ما تخلص الحمله تكمل المسابقه التفاعليه بتاعتكـ
زى ما تحب وتشتغل فى القسم عادى جداا ..


* الجوايز *


مركز أول

250 مشاركه ووسام نجم النجوم

مركز ثانى

200 ووسام نجم النجوم

مركز ثالث

150 وشهادة تقدير

وباقى المراكز معانا اللى هما
الرابع والخامس والسادس والسابع
اللى ألتزم منهم بشكل كبير
هيتم منحه

100 مشاركه

...........

اخيرا
اتمنــى الفكــره تكون واضحه
والموضوع سهل مفيش حاجه صعبه
واى استفسارات انا موجود معاكوا

ويلا فى انتظار التفاعل والاشتراكـ
من الاعضاء الجدد والمميزين

بالتوفيق للجميع ان شاء الله

,,,


المشتركين الان



яϊηĉєṣק

مشتركه بقسم حواء
والمسابقة التفاعليه الخاصه بها
لون فستانى ؟


❀ ЯeRōŎō ❀

مشتركه بقسم الطبخ
والمسابقه التفاعليه الخاصه بها
أفضل موضوع أسبوعى بقسم الطبخ ؟


kenzy sweet

مشتركة بقسم الكرتون
والمسابقه التفاعليه الخاصه بها
أفضل موضوع أسبوعى بقسم الانمى ؟


طفلة_القمر

مشتركه بقسم الكرتون
والمسابقه التفاعليه الخاصه بهــا
أوجد الاختلافات ؟


Jử$ẗ smiℓe

مشترك بقسم الرياضه العام
والمسابقه التفاعليه الخاصه بها
أين الكره ؟


بقايا طعنات رجل

مشتركه بقسم الشخصيات التاريخيه
والمسابقه التفاعليه الخاصه بها
من صاحب المقولة ؟


rere queen

مشتركـه بقسم السيارات
والمسابقه التفاعليه الخاصه بها
نوع ولون السياره ؟

[دمعه حائره]

الله ينور ياماجيك مسابقه جميله جدا
والفكره جديدة
اتمنى تلاقى التفاعل المطلوب
موفقين ان شاء الله

[╯ Princess ╭]

والله انت برنس يا احمد :d

عملت مسابقة شبهها وملقتش تفاعل خالص:d

بس انا هشترك معاك

انا هاخد قسم حواء

اول ما تبتدي المسابقة بلغني بقا

[❀ ЯeRōŎō ❀]

اممممممممممممممم انا حاولت استوعب شويه تقريبا وتقريبا استوعبت

وانا هاخد قسم الطبخ

[kenzy sweet]

ان شاء الله

انا هاخد مسابقة الكرتون

بس عوزه اعرف هنبتدى من امتى

[Eng Esraa]

جميل جدا يا احمد
بس سوري والله مش هقدر
اكمل فيها لشهر الله اعلم
تواجدي هيبقي ازاي من المذاكرة
و الارف دا ههههههههههههه
بالتوفيق ان شاء الله

[۩۩ elMagic ۩۩]

رباب
منورانى اكييد وثانكس لأشتراكك


ريرو
منوره الحمله اكييد وثانكس لأشتراكك
ولو فيه حاجه صعبه او مش مفهومه قوليلى عليها
واانا اوضحهالك مفيش مشكله

كنزى
منوره الحمله وثانكس لأشتراكك
وبالنسبه ل قسم الكرتون دا فيه مسابقتين تفاعليتين
اختارى مسابقة منهم
اما
أوجد الاختلاف ؟
او
أفضل موضوع أسبوعى بقسم الكرتون ؟
يلا فى انتظاركـ بقآ

وبالنسبه لوقت البدايه
فا لما هيكتمل العدد هأبعت رساله للمشتركين علشان يبدأوا

[нαиαи]

* القسم الخامس الكرتون

المسابقة التفاعليه الأولى

مطلوب من العضو المشترك فى القسم دا
أنه يعمل مسابقة
أوجد الاختلاف ؟



وهى ان العضو هيجيب صورة لكرتون
وهيظبط فيها شوية اختلافات بالفوتوشوب
او ممكن من على النت يجيبها جاهزه
ولكن بيفضل طبعا الشغل الابداعى من العضو
والمطلوب معرفة الاختلافات وأسرع عضو هيكون هو الفايز
وهتبقى بردوا نفس نظام المسابقات السابقه
هتتعمل بشكل يومى والجوايز هيتم تحصيلها اسبوعياً

ممكن اشترك في هذي بس ’’ من متى تبدأ المسابقه ؟

[kenzy sweet]

أفضل موضوع أسبوعى بقسم الكرتون ؟

خلينا فى دى

لان مشغوله ومش هقدر اكون موجوده باستمرار

تسلم يااحمد

[нαиαи]

خلاص احمد إعتمد بس إن شاء الله بعد اسبوع ونص يكتمل العدد هههه ^^