الأيــــــــام أخدتنا معاها

[العاشق الذى لم يتب]

شوية فضفضات :.

السلام عليكم ورحمة الله وبركاته

وبعد ذكر الله سبحانه

مع بعض نصلى على الحبيب

اللهم صلى وسلم وبارك عليه

وبما أن الموضوع فضفضة

أسمحولى أحكى معاكو شوية

وعلشان الأيام بتاخدنا

والعمر بيجرى وأكيد كل يوم يمر

بينقص من العمر

وهى كده الدنيا ربنا عاوز كده

والواحد صغير بيحلم بقدر

عقل الطفولة وكل مايكبر سنة

الأحلام بتتغير وبتكبر معاه

وقطر الحياة بيجرى وكل فترة

يتوقف على محطة ومحطة ومحطة

وكل محطة من دول يشوف

حاجة غير اللى كانت فى قبليها

وكمان ينسى هو كان عاوز إيه

فى المحطة اللى فاتت

سبحان الله لازم ننسى

المهم ماأطولشى عليكم

كنت فى محطة زمان توقفت عندها شوية

جمعتنى الظروف وصاحبت واحد

يسلام كلامه طيب بشكل

وإنسان كريم ولسانه ينقط عسل

عليه قيمة وهيبة والكل شايفه ملاك

بقيت فرحان علشان أنا صحبه

وجانى فى يوم وقال ممكن يارفعت

نروح مع بعض مشوار قلت فين

قال فى بلد كذا والبلد دى بعيدة

عن المكان اللى أحنا فيه حوالى

500 كيلو طبعا نسيت أقول لكم

الكلام ده فى السعودية وصاحبى سعودى

وكانت الصحبة ليها أكتر من سنتين

سيبت شغلى وقلت أهو الواحد يتفسح

ويغير جو وفى الميعاد وجاب سيارتو

وكان الوقت قبل المغرب يعنى بنسافر

ليلا وخليكو فاكرين ليه ليلا

بصيت فى السيارة مليانة فرش

وملابس أطفال وجراكن مية

وعود بتاع العزف

توكلنا على الله يسوق شوية

وانا أسوق شوية والطرق خالية

وفاضية وعقبال عندنا نلاقى طرق خالية

ماشيين بسرعة وأنا بخاف منها

أقول يارجّال هدى شويه يقول

أجمد وخليك صعيدى جدع

تعب وسوقت أنا مكانه وطبعا همشى

الهوينة يصرخ ويقول هيا أسرع

نبغا نوصل قبل الشمس

خلاص دخلنا على البلد والأنوار بانت

والفجر أذّن قال لى أنزل يمين وطبعا

الأرض صحراء جرداء لازرع فيها ولا ماء

ليه ياأبو فلان قال مانبغى نروح عند الناس

وهم الحين نايمين نريح شوية وفى النور

نخش عليهم نزلت وبعدنا عن الأسفلت

وأخدت شوية ميه وتوضأت وصليت الصبح

وهو أغمض عينيه ونام مشخرا وبعمق

أستيقظ والنهار طلع والحياة أشتغلت

شغل السيارة وفتح أحد الجراكن وصب

منه خمرة وهات ياشرب قلت يارجّال

على الريق تشربها قال خلى الواحد يفوق

رحنا عند معارفه وأسقبلونا كعادة أخونّا

السعوديين كرمّه وطيبين وفات الترحيب والسلامات.

وتعالى يارفعت نروح نفتح باب السيارة

وشيل الملابس والفرشة ومن تحتيها

لفف وصرر وعلب وشيل معايا ودخّل

عند الحبايب وأفتح وطلع كميات

كبيرة ومتنوعة ومتعددة من الحبوب

بالصعيدى أسمها برشام وعد وأمسك

يارفعت العدد وأكتب وأحسب وسجل

أسماء الأحبة ووصل كام وباقى كام

والمبالغ كام وعد معايا الفلوس

وهات ألوفات أريالات خمسين وميات

وعند غيرهم وهكذا خلصت البضاعة

ووجمع الفلوسات وحان موعد العودة

وفى نفس الميعاد ورجعنا ياقلبى

وهناك وفى وسط الطريق ووقفنا ياقلبى وكان الوقت

سحّرا أى قبيل الفجر والمكان صحراء

وعن الطريق ونزلنا وفى القفراء الجرداء

توقفنا لا ترى بيتا ولا ضوء مصباح

ولاتسمع صوتا ولاهمسا ولا حياة

لمن تنادى غير السماء والطارق

توقفت السيارة ونحن فيها هو على

عجلة القيادة وأنا بجواره فتح الشنطة

وأخرج منها مسدسا وخنجرا ومن تحت

الكرسى أخرج شومة وأمسك ثلاثتهم بيده

وقال أختر أى منهم لتموت به أنا لست جبارا

ّأخيرك أتحب تموت بطلق نارى

ولا بطعنة سكين ولاضربة بشومة

ضحكت وقلت بخفة دمنا وحلاوة شمسنا

ياراجل بلاش هزار قال وقد أحمّر وجهه

وأنتفخت عروق رقبة كديكٍ يصيح

وبدا على جبينه الجدية ولا شيئ سواها

قال{ أمنحك 15 دقيقةلتختار}

وهاأنا أنتظر الموت الآتى لا مفر

هل منكم عاش هذا الإحساس ؟

وهل مرّ على أحدكم موقف كهذا؟

نظرت يمنة ويسرة لم تر عيناى سوى

ظلام دامس ونظرت إلى كبد السماء

وناديت الذى يعلم خائنة الأعين وماتخفى الصدور

هو الذى يسمع دبيب النملة السوداء

على الصخرة الصماء فى الليلة الظلماء

قلت مخاطبا السميع العليم

ربى إن كان حان موعد لقاءِ بك

فاغفرلى تقصيرى وذنبى

وبلغ أبى وأمى محبتى لهم وأخبرهم

نهاية عمرى أمّا المكان فوحدك تعلمه

وقد مر حوالى سبع دقائق من الوقت المممنوح

وأنا فيهم أستغفر وأخاطب ربى

وبينما أنا كذلك إذ به أى صاحبى

يأتيه موجة صاخبة عالية متلاحقة

من الكحة والسعال وتتصاعد ومعها

يقع من السيارة على الأرض وهو

فاتح فيه وعيناه مغرغرتان وأنفاسه

تكاد لا تخرج من حلقومه

أخذت كوبا من الماء وسكبته على وجهه

وحملته بين أذرعى وواضع رأسه على

صدرى كأم حنون مناديا الله أن يعفو عنه

ونسيت خالص إنه كان عاوز يقتلنى

وظل على تلك الحالة أكثر من 20 دقيقة

ورويدا رويدا بدأت حالته تتحسن وأنفاسه

تهدأ وبعدها غط غطيطا من النوم حتى

أشرقت الشمس وأرتفعت فى كبدالسماء

وحين نام هو واطمأننت عليه توضأت

وصليت الصبح حامد ربى وشاكره

أن نجانى وقد جائنى فوج من الشياطين

وقائدهم أبليس اللعين وقال لى

{ الآن أنت معك وبيدك ثلاثة أسلحته

بل ومعك رابع وهوالسيارة فأختر أنت

أى منهم تقتله قلت لأبليس أنا أستشيرك

أى تفضل أنت قال لافرق المهم أنه يموت

ولكن أنصحك دوس عليه بالسيارة

وأتركه فى هذا المكان لا يراه أحد

حتى تنهشه السباع والطيور الجانحة

وظل معى يحاورنى ويخطط ماذا أصنع

بعد ذلك وتمر الدقائق وأنا بين وشوشة

إبليس وبين يقظة الضمير حتى أشرقت الشمس

وبعدها وجدتنى أيقظه وبصعوبة رجعت إليه

روحه وقعد لحظات يستجمع قواه وفتح السيارة

وأمسك بكأس من الخمرة وشربه ثم شغل السيارة

وركبت بجواره وأنطلقنا لا كلام ولا حس

غير أنى فى همس ولمس أحدث نفسى

وأسترجع مامضى من عمرى وأتوقف

عند كل محطات قطار العمر التى مرت وتوقفت فيها

وهكذا المرء بين ماضى وآتٍ لابد له

من أن يتذكر بأن العمر سينتهى

وحتى لاتشغلوبالكم قال لى صاحبى

سامحنى أنت لسه عمرك طويل

وأنا أشكرك لأنك لم تقتلنى

قلت له لاشكرعلى واجب الأعماربيدالله

وبعد ثلاثة أيام خرج بسيارته

أستوقفته سيارة الشرطة المارة رفض

أن يقف طاردته الشرطة وهومسرعا

أصطدم بشاحنة على قارعة الطريق

تعجنت السيارة وهو تجزئ وتقطع

أربا أربا وذهب إلى ربه الذى خلقه

{ افحسبتم أنما خلقناكم عبثا وأنكم إلينا

لاترجعون}بل سنعود لمن خلقنا

أول مرة {هوالذى يحيى ويميت}

آسف أخوانى طولت عليكم جدا

سامحونى ...

أخوكم فى الله

رفـــــــ ع ـــــت

&&&&&&&&&&
{ملحوظة: ليس ذلك يعنى أن الأخوة
السعوديين بهم صفات سيئة وإنما
هى أرادت الله ففى كل مكان
طيب وخبيث
وخير وشر
ولى فيهم أحبة بل من أحب أحبتى
وأعزأصدقائى سعوديين}

[دمعه حائره]

ياربى ايه القصه الرهيبه دى
تجربه فعلا كانت قاسيه جدا
بس فيها عبره كبيره
محدش يعرف امته اجله والاعمار بيد الله
ربنا يحفظك اخى ويخليك لعائلتك
وكن دائما متوكلا على الله واتقيه فى كل خطواتك
فهو خير منجى وحافظ
تسلم يارب وربنا يوفقك

[العاشق الذى لم يتب]

الأخت الفاضلة / منة

شاكر مرورك الراقى الذى أسعدنى

كما أدعوالله لك أن يحفظك ويرعاك

وماكان يصيب المرء شيئ إلا وقد كتبه الله له

تقبلى تحياتى وودى

رفــــــــ ع ـــــــت

[βÄşmα ♥]

جمـيل جداً ..تسلم ايديك اخي وربنا يحفظكـ

[العاشق الذى لم يتب]

اقتباس المشاركة الأصلية كتبت بواسطة البرنسيسه بوسي جمـيل جداً ..تسلم ايديك اخي وربنا يحفظكـ

&&&&&&&&&&&&&&&

أشكرك يابرنسية

سعدت بتواجدك

ومرورك

تقبلى تحياتى وودى

رفـــــــ ع ـــــــت

[نغم الشام بعد المغيب..]

أخي الكريم الرجل المتواضع


عنجد قصة غريبة كتييير ..والله ولا بالأفلام ..!


حسيت حالي عم شوف شيئ فيلم اكشن على


شوية رعب .. بس عنجد كمان برافو عليك ..


لأنك اتغلبت على شيطانك وعملت بضميرك ..


أصلاً هالحياة مدرسة كبيرة وفيها كتير قصص


أغرب من الخيال.. وكل تجربة منعدّيها


لازم نستفيد منها والا شو فايدة الدرس ..!


على فكرة أنا أول مرة بدخل لهالقسم..


وبالصدفة كمان بس لفت نظري العنوان ..



والحمدلله اني ماندمت حسيت حالي استفدت



من درسك ..لأن حلو الواحد يستفيد من دروس


الغير ..

تسلم ايديك .. على هالطريقة السرد الرائعة ..



معليش اليوم عم احكي بلهجتي(العامية)

انشالله يكون كلامي مفهوم إلك


ويعطيك العافية يارب


نغم الشام

[ڪــــبرياء الروح]

الله يرحم جميع اموات المسسلسمين
حتى المصريين فيهم الوحش وفيهم الحلو
انا ع فكره متعصبه جدا لبلدي

[العاشق الذى لم يتب]

اقتباس المشاركة الأصلية كتبت بواسطة نغم الشام أخي الكريم الرجل المتواضع عنجد قصة غريبة كتييير ..والله ولا بالأفلام ..! حسيت حالي عم شوف شيئ فيلم اكشن على شوية رعب .. بس عنجد كمان برافو عليك .. لأنك اتغلبت على شيطانك وعملت بضميرك .. أصلاً هالحياة مدرسة كبيرة وفيها كتير قصص أغرب من الخيال.. وكل تجربة منعدّيها لازم نستفيد منها والا شو فايدة الدرس ..! على فكرة أنا أول مرة بدخل لهالقسم.. وبالصدفة كمان بس لفت نظري العنوان .. والحمدلله اني ماندمت حسيت حالي استفدت من درسك ..لأن حلو الواحد يستفيد من دروس الغير .. تسلم ايديك .. على هالطريقة السرد الرائعة .. معليش اليوم عم احكي بلهجتي(العامية) انشالله يكون كلامي مفهوم إلك ويعطيك العافية يارب نغم الشام

&&&&&&&&&&&&&&&&&&&&

ولو يانغم


تقبرينى أختى

تسلم ها اللهجة

وتسلم ها الطلة

ياعينى اليوم أنا أسعد زلمة

فى هالكون لمّا نورتينى وشرفتينى

لك هيك مافى أحسن منه

والله هو شهيد علىّ

أخوك لمّا أسمع نغمك

اللى هو شوكتير حلو

بيرفرف ألبى ويطير زى الصافير

الله لا يحرمنى منك أختى

وكلامك شوكتير يريح ألبى

الله يبارك فيك وينورلك

طريقك ويسعدك كمان وكمان

بس لا تطولى ها الغيبات علينا

تقبلى تحياتى وودى

رفـــــــ ع ــــــــت

[العاشق الذى لم يتب]

اقتباس المشاركة الأصلية كتبت بواسطة ڪــــبرياء الروح الله يرحم جميع اموات المسسلسمين حتى المصريين فيهم الوحش وفيهم الحلو انا ع فكره متعصبه جدا لبلدي

&&&&&&&&&&&&&&&&

عزيزتى : كبرياء


شرفنى مرورك الفاضل

وأشكرك جدا لتعصبك

ولكن فاضلتى أبدا

لم أقصد إساءة أحبتى فى السعودية

ولقد سجلت ملاحظة باللون الأحمر

وأشرت فيها لذلك حتى لايفهم الأمرخطأ

والذى نفسى بيده وهو على ماأقول شهيد

إن قلبى وروحى وعقلى وكل كيانى

قابعون هناك حبث عدت بجسدى

لبلدنا الحبيبة مصر

وتركت السابق ذكرهم هناك فى

السعودية..

شكرا لمرورك

تقبلى تحياتى وودى

رفــــــ ع ـــــــــت

[ana mando]

راااااااااااااااائع جدا الموضوع دا