عمو عمو .. هو انت بلطجى !

[طمطم]

السلامو عليكو الموضوع اللى حابة اتكلم عليه باين اهو " البلطجة " واللى زادت اوى عن حدها بعد الثورة بس لمعلوماتكوا .. البلطجية انواع اه الناس دى مبتهزرش ,, تعالوا نشوف كده انواع البلطجية .. أصل كلمة بلطجى وطبعا البلطجة مش حاجة من اختراع المواطن المصري صاحب الخبرة الطويلة فى هذا المجال التى يعرفها العالم عنه ولكن البلطجة موجودة من زمان وهي كلمة ليست عربية ولكنها كلمة تركية وهي تتكون من مقطعين هما "بلطة" "جي " وهي صاحب البلطة ويقال ان اول من استخدموا البلطجية هم العثمانيون وهو فريق كان موجود بالجيش العثمانى وسلاحهم كان البلطة ، ومنهم من يقول ان اصلهم مغولى حيث كان الجيش المغولي يجند فئة من الجنود للقيام باعمال البلطجة ولكن اتفقت الاقاويل ان ابرع من استخدم البلطجية هم المغول وكان لهم صيحات تشبه بلطجية ايامنا هذه وكانوا يحاربون بالبلطة وانتقلت البلطجة من شكل لشكل حتى اصبحت على ما نراه اليوم من اشكال متعدده للبلطجة فى مصر وطبعا البلطجة مقامات ومش اي صايع يتقال عليه بلطجي والصياعة ادب واللي يخاف ما يعيش.. ومقولة عيش جبان وموت جبان لم يعد لها وجود ..وكلمات كتيير جدا من هذ القاموس العالمي للبلطجة المصرية وينقسم البلطجية فى مصر لانواع كتييرة اشهرها البلطجية الكُـمل ودول ناس ولاد ناس جدا موجودين فى كل حته فى مصر ودول عبارة عن مجموعة من الشباب يروا فى نفسهم موهبة البلطجـة على خلق الله ويقوموا بتنمية الموهبة ويمكن لما تشوفهم تقول ايه عود الكبريت ده او عود القصب الممصوص ده..ودول اشهرهم السواقين والبياعيين ف الاسواق والسائقين يطلقون عليهم وصف " القطاعين " ودول بياخدوا منهم أتاوة وهي مبلغ من المال يدفع على كل دور يعمله السواق وهما بيسموها "تذكرة" بلطجية الاسواق اما فى الاسواق بيقولوا عليهم الكبار او المعلمين وياخذوا اتاوة ايضا مقابل السماح للبائع بوضع بضاعته فى الشارع ويا كده يايقول على البضاعة يارحمن يارحيم . وطبعا النوع ده سواء القطاعين او المعلمين يستخدموا السلاح الابيض اللى هو السيوف والسنج والمطاوى وما على شاكلتها عم الحــج عم الحج ده بقة بلطجى بس ابن ناس بردوا وده بيكون كبيير عائلة كبيرة ولازم كلمته تمشي على كل الناس اللي ساكنه فى منطقته سواء بالذوق او العافيه تعرفه فى الطريق عندما ترى الفقراء تقبل يده وده بقى بيعيش دور الافلام العربي دور عاشور الناجي والزناتي خليفة والغريب ان الحكومة لاتدخل منطقته الا بعد الرجوع ليه .. ودول اسلحتهم الذخيرة الحية سواء المسدسات او البنادق !! الهنجرة اسم مشهور فى اسكندريـة ودول مش تخصـصهم الأول البلطجـة لأنـهم تخصص سرقات ومش بتفرق معاهم نوع السرقة من اول حبل الغسيل لحد المحفظة ولا يستخدمون البلطجـة إلا فـي حالة واحـدة وهي : محاولتك استرداد المسـروق منك..وفي شغلهم بيعملوا على نظريتين علميتين: النظرية الاولى: " سنارة او الملقاط " وده بيكون واحد منهم بينزل يسرق وعادي جدا لما تمسكه تقدر تضربة وتبهدلة وممكن توديه القسم وهما هيعرفوا يطلعوه النظرية التانية: " الشبكة " ودي بقى مجموعة من الشباب بتنزل مع بعض بيثبتوك فى الشارع قدام كل الناس وبياخدوا منك اللي هما عاوزينه وممكن يبعتوا واحد يسرقك لو في حته زحمة والناس كتيير وده بقى متحولش تمسكه ولا تضربه لأنك لو حاولت تعمل كده هتلاقي بقية الشبكة بتجري عليك بالسيوف والمطاوي والسنج واستحمل ونصيحة منى لما حد يسرقك قوله هو الباشا شبكة ولا سنارة ولو قال شبكة خليه ياخد راحته البلطجية الواصلة ودول بقى مجموعة من الصيع والبلطجية ليهم سكة مع سعادة الباشا وممكن يكونوا من الانواع السابقة ودول بيخدموا الباشا فى حاجات كتيير يعنى لو سيادته مزنوق فى قضية ممكن يروحلهم وهم يدولوا اللى يشيل القضية وطبعا الباشا بيحتاج لهم فى حاجات كتيير زي الانتخابات وهم بمثابة مرشدين لرجال الشرطة وكده يعنى بلطجى الكرسي وده بقى اخطر نوع فى مصر لانه واحد متعلم وشغال فى الشرطة ديما تلاقيه ضارب نظارة الشمس وبيبص لكل الناس من فوق لتحت واللى ميعجبوش ممكن يبهدله واللى يحاول ينطق يلبس قضيه وطبعا القصد من فتح هذه القضية ليس الا انى القى الضوء على ظاهرة اصبحت منتشرة جدا فى مصر واصبحت امام الشعب المصري كله .. تعليقاتكوا ..

[سدره]

شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم
وددي قبل ردي .....!!

[نجمة النجوم]

يمكن يكون الشعب معذور
عاش قرابة 30 سنه في كبت وظلم وتزوير وفساد مستمر
ومره واحده حس بالحريه
تمرد على الشعور بالاحساس
وبقينا نشوف صور متعدده للشر منها البلطجه
واكيد مع الوقت الاوضاع هتتحسن ان شاء الله
موضوعك مميز ومهم كتير
ميرسي جدا ليكي

[Silver Flower]

بتعرفي يا منه انا كنت بدي اعمل موضوع نقاش عن البلطجه
وعم اسال يا ترى هل هم ضحيه مجتمع ام افه ويجب التخلص منهم
شوفي في كل بلد في بلطجه بس المسميات بتختلف
احنا عنا الزعران والي واصلين بنسميهم مافيا الانهم شغل حكومه
وفي سوريا والاردن حتى السعوديه في كل بلد موجودين


مش عارفه انا من وجهه نظري هم ضحيه مجتمع الانهم ما خلقوا هيك
وكان بيقدروا يكونوا احسن في المجتمع لو اتوفرت الهم البيئه او الظروف للمعيشه
وشكرا لموضوعك

[طمطم]

اقتباس المشاركة الأصلية كتبت بواسطة سدره شكر جزيلا للطرح القيم ننتظر المزيد من الابداع من اقلامكم الرائعه تحيتي وتقديري لكم وددي قبل ردي .....!!

ميرسي لمرورك
..
نورتى
..

[طمطم]

اقتباس المشاركة الأصلية كتبت بواسطة نجمة النجوم يمكن يكون الشعب معذور عاش قرابة 30 سنه في كبت وظلم وتزوير وفساد مستمر ومره واحده حس بالحريه تمرد على الشعور بالاحساس وبقينا نشوف صور متعدده للشر منها البلطجه واكيد مع الوقت الاوضاع هتتحسن ان شاء الله موضوعك مميز ومهم كتير ميرسي جدا ليكي

يمكن .. بس برده ده مش مبرر للى بيحصل
..
تسلمى ع مرورك
نورتينى
..

[طمطم]

اقتباس المشاركة الأصلية كتبت بواسطة silver flower بتعرفي يا منه انا كنت بدي اعمل موضوع نقاش عن البلطجه وعم اسال يا ترى هل هم ضحيه مجتمع ام افه ويجب التخلص منهم شوفي في كل بلد في بلطجه بس المسميات بتختلف احنا عنا الزعران والي واصلين بنسميهم مافيا الانهم شغل حكومه وفي سوريا والاردن حتى السعوديه في كل بلد موجودين مش عارفه انا من وجهه نظري هم ضحيه مجتمع الانهم ما خلقوا هيك وكان بيقدروا يكونوا احسن في المجتمع لو اتوفرت الهم البيئه او الظروف للمعيشه وشكرا لموضوعك

اكيد هما ضحايا للمحتمع .. بس احنا ذنبنا ايه بس ..
..
نورتينى ي قمر
..

[العاشق الذى لم يتب]

ماشاء الله عليك ياطمطم
أكيد الواد بوجى علمك الحاجات دى
بس هو عرفها أزاى
أوعى يكون بلطجى
تمام يافندى أنا بجد
أستفدت كثيرا من شرحك الوافى
والمعرفة والدراية بفنون البلطجة
أتارى الموضوع كبير أوى
وكمان ليهم تاريخ
الله يخرب بيتوهم ياشيخة
ربنا ينتقم منهم قرفونا والله
شكرا على تنوع وغزارة معرفتك
وجزاك الله خيرا
تقبلى تحياتى وودى
رفــــ ع ــــت

[აα∂ Ԑγεა]

اولا موضوع جااااامد جداا بحييكي عليه
مميز فعلا

بالنسبه لمحتواه بقي
انا متفق في جزء ما مع سيلفر فلاور
الناس دي متولدتش بلطجيه
مختارتش الموضوع دا بنفسهم
دا واقع عاشو فيه وانفرض عليهم
وسط بلد مفهاش اي فرصه لعمل شريف وعيشه نزيهه الا بطلوع الروح
يمكن كتير منهم اتولد في الشوارع ولا العشوائيات وملاقاش تعليم ولا رعايه ولا تربيه ولا حاجه
اغلبهم فعلا ضحايا مجتمع وبلد وفقر وحاله شعب كامل متدنيه
مش معناه اني ببررلهم انهم اخدو الطريق دا لكن للعلم مش بارادتهم

بعد الثوره البلطجه انتشرت بشكل كبير بعد الانفلات الامني اللي حصل
للاسف اكبر مساوئ واخطر مساوئ الثوره هيا دي
الموضوع انتشر بشكل كبير
شايف انه محتاج وقفات اهليه مع الناس دي
لو كل منطقه قضو علي البلطجي اللي فيها واتشجعو مخافوش من حاجه
الكثره تغلب اي كاان ودا مش هرقل
لو الكل اتحد هنقضي علي الناس دي بنفسنا مش هنسيبها تتمادي لكل دا

تسلمي للطرح المميز دا موضوع رائع فعلا

[CuOp!D]

اول حاجه تسلمى كتير بجد ع الموضوع ده
كل البلاد بتعانى من المشكله دى
ازاى نقضى عليها مش هنقول نجتمع بالناس الكبيره ونبلغ عنهم
لانه ده هنعتبره حاجه بنضحك بيها ع نفسنا
زى ما احنا بنشتغل ونكسب
هما كمان بيعتبروه شغلهم ومكسبهم
هما اتخلقوا وعاشوا لقوا نفسهم ف جو مش مساعد ع انهم يشتغلوا
او يعرفوا يجيبوا المكسب من اى حته غير السرقه والبلطجه
وده اكبر غلط
الناس دى هتتمادى ف اللى هى بتعمله وتتمادى اكتر
طول ما هى مش لاقيه اكل نضيف عيشه نضيفه بيئه نضيفه
طول ما العشوائيات والاحياء الشعبيه موجوده
هيكون ف بلطجه اكيد