5 حلقة من لو كنت مكانهم...تعمل ايه..؟؟ مع طمطم و ❀ ЯeRōŎō ❀

[Lady Rozitta]

السلام عليكم و رحمه الله و بركاته

ايه الاخبار .. رب تمام

معــانا النهارده .. خامس ضيوف برنامجنا " لو كنـــت مكــآنهم .. تعمل ايـــه..؟؟ "

ضيفتين زى القمر

مميزين بنشاطهم العالى .. ووجودهم الدائم

و نشاطهم المتميز

جايين يشرفونى فى البرنامج

و جايين كمان يحكلكم على مواقف شافوها فى حياتهم و ياخدو رائيكم فيها

عشان يعرفوا لو كنتم مكانهم كنتم عملتوا ايه
.
.

معـــانــا طمطم و ❀ ЯeRōŎō ❀



نبدأ مع اول المواقف ❀ ЯeRōŎō ❀ :

(( اصعب موقف اتحطيت فيه كان من 7 سنين كانت مشكله كبيره اوي حصلت مابين ولدي وولدتي بسبب الجامعه

انا كنت في تانيه ثانوي كنت جايبه مجموع مش كبيره وفي تلاته ثانوي ربنا كرمني وعوضت السنا الي قبلها
وجبت مجموع حلو

المجموع ده خلاني ادخل كليه اداب قسم اثار الي انا كنت عايزه عشان كان حلمي من صغري سياحه واثار وحاجات من دي
بس مع الاسف كنت هابقي انتساب مش انتظام

فابابا مش كلم لغايه اما في يوم رجع من الشغل بيقولي في كليه بنات في المرغني تبع عين شمس دي
انتي ممكن تدخليها انتظام و هاخلي واحد زميلي هناك يدخلك قسم اداب انجلش
وقعد يقنعني كتير بس انا كنت رافضه عشان عايزه اثار

المهم ان زميلو ده اعد يفهمو ان كليه عين شمس دي زباله وكلها ناس وشحه واني بنت ولازم يخاف عليها وكلام كتير
مع العلم اني كنت في مدرسه مشتركه من حضانه لغايه ثانوي وبابا قالي طب روحي اتفرجي علي الجامعه الاول بتاعت البنات طبعا روحت غصب عني

وكانت فعلا بشعه مش عجباني وبابا وماما اتخنقو كتير بسببي
وكان اصعب قرار اخدو وانا يعتبر لسه صغيره قرار اني بابا خيرني ما بين ادخل الجامعه الي هوا عايزاها او اني هاسيب ماما وهايحصل انفصال
.
.
طبعا انا مكنتش عارفه اعمل ايه ماما كانت مشجعاني اني ارفض وتقولي لا انا هادخلك الي انتي عايزاه
بس اخويا اعد يقولي يرضيكي انهم ينفصلو بسببك وانتي اصلا مش هاتفرق معاكي اي جامعه
لان في الاخر البنت اما بتجوز بتعد في البيت

والمشكله كبرت يوم عن يوم وكل عليتنا ادخلت عشان يقنعو بابا بس هوا رفض رفض تام
وقال يا الجامعه الي عايزها لا الانفصال طبعا
قررت اني ادخل الجامعه الي هوا عازها عشان مش ينفصل عن ماما
.
.
بس من ساعتها وبقي في حاجز كبير مابينو و بيني بالرغم انه حس بالزنب لما نزلت سنه هناك
وكنت تقريبا كل ترم اشيل ماده لاني مش حاباها ولان زميلو ده مش دخلني قسم انجلش
لان انا تنسيقي دخلني اجتماع بس هوا حس بالزنب بعد فوات الاوان
ومن ساعتها كل يوم الحاجز الي مابينا بيكبر

ده كان اصعب موقف يحصلي وصعبتو كان اختيار بين حاجتين مهمين في حياتك اوي ))


~~~~~~~~~~~~~~~~~~~~~


تانى المواقف مع طمطم :

(( اصعب موقف لما توهت

انا كنت ف رحلة مع المدرسة وبعدين انا سرحت شوية
لقيت نفسى ف مكان غريب كده
وساعتها الفون مش كان معايا ومش عارفة اتصل بحد علشان يجيلى
وكمان خايفة اسأل اى حد كده فيتوهنى اكتر
..
كنت قلقانة ومش عارفة هعمل ايه .. قعدت بفكر هعمل ايه .. المشكلة انى كنت لوحدى .. لو حد كان معايا كنت اتطمنت ..

وخايفة اسأل حد يقوم يدلنى غلط واتوه اكتر ..
فضلت ف مكانى كده يجى ساعة .. وبعدين توصلت للفكرة الجهنمية

المهم
قولت مبدهاش بقآ .. انا هرجع من نفس الطريق االلى جيت منه وربنا يسهل ..
..
وفعلا عملت كده فضلت ماشية تانى من الطريق لحد م لقيت نفسى عند صحابى .. والحمد لله وصلت ..
طبعا يوميها المس اتدايقت منى .. بس الحمد لله ربنا ستر

" ملحوظة .. الموقف ده حصلى وانا ف اولى اعدادى " :P ))


~~~~~~~~~~~~~~~~~~~~~


ســألوكـــم و مستنين جوآآبكم

فى السؤآال المعتــاآد

لو كنت مكانهم...تعمل ايه..؟؟

نورتـينى يا طمطم و نورتينى يا ❀ ЯeRōŎō ❀

كـــانت استضافة جميــلة جــدا و الله

[๓αℓάҝ]

ممممممممم ريرو عملتي الصح يا عسولي .. مع اني ممكن احول من غير مقول لبابا ههههههه


هههههههه طمطم انا لو منك اعيط و بتحصلي كتير و بعيط :d


فكره جميله يا جميل
تسلمي علي المجهود

[dr_ahmedimansour]

جميل الموضوع حلو ودمه خفيف وفيه تبادل للمواقف وروح حلوة بين الناس


شكرا لصاحب الموضوع

[ياسمينااا]

موقف ريرو صعب جدا
ولو كنت مكانها اكيد كنت هعمل كدا
ادام باباها مش عنده اي تفاهم
يبقي اكيد كنت هتختار اني ادخل الكليه اللي عاوزها
لان الخيار التاني صعب جدا
اما موقف طمطم انا لو مكانها كنت هسال اي بنت ماشيه واسالها
او لو فيه تليفون قريب مني وفاكره رقم صحبتي هتصل بيها
فكره جميله
تسلمي يا قمر
تحياتي

[M@HMOUD]

اولا موضوع ريهام فهى عملت الصح بس المفروض ان دهـ باباكى وهو خايف عليكى اكيد
والمفروض ان مفيش حاجه اسمها حاجز وانك المفروض من ساعتها كنتى روحتى وكلمتيها وكان مفيش اى حاجه حصلت انا عارف انك هتقولى حلمى ومستقبلى والكلام دهـ كلوا بس الاهم من حلمك ومستقبلك هو رضا الاب والام علشان احنا من غيرهم مش نسوى حاجه فياريت تراجعى نفسك فى موضوع الحاجز دهـ انا شخصيا اتضايقت لم شوفتها لان مفيش حواجز بين الاب وعيالوا وهو كمان غلطان والغلط مش عليكى انتى بس
اتمنى لكى التوفيق دايما

انما بالنسبه لطمطم فـ دهـ بيحصل لينا كلنا واحنا صغيرين
ههههههههههههه بس طلعتى ذكيه

حلقه جميله جدا
تسلمى يا قمر
بالتوفيق للجميع

[۩۩ elMagic ۩۩]

موقف ريرو اكييد صعب جداا
وطبعا الخطأ فى الاول والاخر من الاب
لان دا مستقبلهـا هى اللى تحدديه بنفسها دى حاجه
والحاجه التانيه مش ينفع يحط امر معين فى كفه وانفصاله من زوجته اللى هى ام اولاده
علشان يعمل اللى فى دماغه فى كفه تانيه وياريت فى حاجه تخصه
لا دى تخص بنته واللى هو مستقبلها فى الاساس
عموما زى ما قولت هو موقف صعب وانا عمرى ما كنت هأتحط فيه
لان والدتى متوفيه من واانا فى تانيه ابتدائى
دا غير ان والدى عنده ثقه كبيره فيا وفى اى مشوار بأبدءه
ومستقبلى انا اللى بحدده وانا اللى بأختاره
اما بالنسبه للإختيار الصعب
فا اظاهر ان مكنش فيه اى حل تانى غير دا
وللأسف انتى كنتى الضحيه الوحيده فيه ووالدكـ معرفش دا غير بعد فوات الاوان
ربنا يوفقكـ يا ريهام بأذن الله
وان شاء الله كل حاجه تبقى تمام ...

ندخل بقآ على طماطم
فا دا كاان جااامد
واللى انتى عملتيه كويس وحمدلله على سلامتكـ يا ستى
مع انها جات متأخره اووووووى
بس يبقى خدى بالك بعد كده بقآ
ولا خلاص احنا كبرنا دلوقت وبقينا جامدين
....
حلقه جميله يا ساره
تسلمى للمجهود المميز
يدوم النشاط
,,,,

[ملكة الانوثه]

ريرو عملت صح ولو أنا مكانها بعمل مثلها وأخذ القرار اني أوافق طبعا علشان بضحي بحياتي ومستقبلي لاغلى الناس
أممم طمطم ههههه والله موفقك صعب لو مكانك بخاف والله ومن الخوف ماتجيني أي فكرة يعني مإشاء الله عليك فكرتي صح بس لو أنا لاسمح كان لسئ ضائعه وأكيد رح جن وابكي ربي يستربس

[الحان الورد]

،

موقف ريهام صعب جداً فعلاً
هي ضحت بالحاجة اللي بتحبها عشان خاطر الناس اللي بتحبهم , ربنا هيعوضك ان شاء الله يا ريرو

طمطم بقى ماتسرحيش مرة تانية d:

شكراً ع الحلقـة الجميلة , وتسلمي ع المجهود

[فرحة]

حلقه وفكره جكيييييييله
فى النتظار الجديد
منوريييين الحلقه يابنات

[Arco Baleno]

الموقف الاول صعب مو عارفه احط نفسي في مكانها

ومن الغلط يربط مستقبلك ودراستك وميولك
بمصير اسره ويعمل تخيير
وندم لانه عمل كذا في لحظه عناد ولانه حب كلمته هي الي تمشي
بجد موقف صعب جدا الله يعينك
وربي يقرب المسافات بينكم وربي يحفظك حبيبتي
_________________
الموقف التاني
لو كنت مكانك اعمل مثلك تماما
لانه هو الحل الوحيد
موضوع جميل جدا