أصلي كبيـر

[قلب وكلمات]

لأني كبير وعقلي كبير خلاص مش هزرزر الزرازير هعاند شيطاني بقوة إيماني وهقول لنفسي بلاش ياكبير مهما أدروش ولا روش ولا نسي من فينا الكبير خليك كبير أصلك كبير وأنت بتقرا كلامي متقولش غرور الحكايه أصلها مش غرور الحكايه عندي أصلها احترام أنك تعرف مقام الكبير مش تدروش تقوله طير أصل احترامك مع الكبير هيعليك أبداً عمره م يوطيك س : سؤال هل كل الكبير دايماً كبير ؟ ج : جواب الكبير ، كبير عقل ومقام مش بالسن ولا بالجسم الكبير كبير حكمة وتصرفات يحل ويربط من سكات عرفتم يعني إيه كلمة كبير هكتفي ومش هجرح ولأني كبير هسامح معني كلمة الزرازير : كلمة أصلها صعيدي تعني طير يشبه لحد كبير العصافير القيصــــر

[حنـــــون]

جميله والله جدا
كلمات لطيفه جدا
ومعبره تسلم ايدك
دوام الابداع

[دمعه حائره]

الكبير كبير بعقله واحترامه للجميع
وده اللى بيأكده تصرفاته بين الناس
واللى مايقدروش تبقا مشكلته اللى هاينتقده عليها المجتمع
واللى مالوش كبير بيشتريله كبير ده مثل شعبى
كلمات كلها ثقه بالنفس ومش غرور
تسلم اخى ومانتحرمش من جديدك

[ساحر الأحزان]

كلمات جميلة منك

وتوضيحك جميل

فى كلمة الزرازير ياكبير

تحياتى لجميل قلمك

دمت بكل خير

[واد حبيب]

حلو اوي منك كلمه الزرازير انت جبتها منين يا كبير
ما هو الكبير ديما كبير بعقلو واحترامه الاخرين
دايما يا قيصر كلماتك في قمه الجمال
تسلم يدك علي ابداعك وجلماتك الرائعه
تقبل تحياتي لك والتقيم لروعه الكلمات
الحبيب

[عاشق ولهان]

يا أهلا وسهلا بيك يا قيصر

واديني جيت أقول كلمتين

تسلم ايدك أكدت انك كبير

بس ايه حكاية الزرازير ..... انجليزي ده يا مرسي

هههههههههههههههههههههههه

احترامي للزرازير .... سوري العصافير

[رووكه]

الكبير عمره مكان بسنه ولا بماله ولا بغيره

الكبير بافعاله مواقفه واحترامه لكلمته

الكبير وقت الشده تلاقيه

ويمكن يكون صغير فى السن

بس عقله كبير

جميل قوى كلامك بجد وضحت امور

كتيره ناس مفكره انها كبيره بسنها

وتقدر تتحكم فى كل شئ

فابدعت اخى

تحياتى وتقديرى وتقيمى

لطرحك

[Lost Pearl]

حلوووووة اوي الكلمات

خصوصا انها بتتكلم عن موضوع جديد

و معاك حق طبعا الكبير كبير بعقله و تصرفاته و حكمته ف قيادة الامور

تسلم يا قيصر

ف انتظار جديدك دايما

[جبل عالي]

صح تمام .... وهو ده الكلام

مش رح اقولك ياكبير زى الكل ماقال

لا هاقول عاقل ..وراسي .. ورزين

تغلب شيطانك ... وتمسك لجامه

ماتخسر ياصاحبي .. وتحفظ مقامك

لاهو بالسن ولا هو بالجسم .. بحكمة عقل وحلم

تصبر ساعة الغضب ... وفى ساعة رايقة تشوف الحل


قلب وكلمات ... أحييك على كلماتك القيمة

وبالفعل الكبير مش بالسن لا بالعكس

الكبير بالعقل وإتساع القلب


تحيتي وتقديري واحترامي

[الأميرة رودي]

جميل تعبيرك يااشرف
فعلا الكبير مش كبير الجسم ولا لسان عمال على بطال شغال
الكبير بالعقل والتصرفات والحكمه فى كل قرار ياخده
بالكلمه الموزونه اللى تطلع منه ويحسب لها الف حساب

يسلمو اخى عجبتنى خاطرتك ومغزاها
دام تواجدك الراقي بعقلك المنيـر