حدد المعاد المناسب لاختبار القدرات ,,

[SiLver Spectra]

السلام عليكم و رحمة الله

الموضوع عبارة عن اختبار قدرات و هي فكرة تم طرحها في العام الماضي

و للناس الي مش عندها خلفية
عبارة عن مجموعة اسئلة تتعلق بالمنتدى

زي اختبار السنة الي فاتت و دي ورقة منه



الاختلاف المرادي و هو اني حابب اعملها على شكل لجنة بزمن محدد
و بعدها هسحب الورق

بمعنى ان هيكون في اختبار من مثلا 20 سؤال
مطلوب منك تجاوبهم خلال ساعتين هنحدد معادهم من الاستفتاء

الاختبار هيكون يوم الجمعة
و حسب راي اغلبية الاعضاء هنحدد الساعة الي هينزل فيها الامتحان بحيث يكون في اكبر عدد من الاعضاء متواجد و يقدروا يحلوا بسرعة الاختبار في الساعتين الي هيخصصوا لكدا
و بعد انتهاء الساعتين هنمنع تسليم الاجابات

كل ما تلتزم بالموعد اكثر كل ما هيكون دا لصالحك و انت بتحل و تقدر تلاقي وقت كافي للاطلاع على الاجابة عن طريق البحث في المنتدى

فالمطلوب النهارده هو ان الاعضاء تختار و تحدد المعاد المناسب لتواجدها من خيارات الاستفتاء الي من خلاله نبدأ فيه الاختبار

و الجوائز هتكون على الدرجات و اصحاب المراكز هيكون ليهم جوائز اضافية
الجوائز هتكون مفاجئة و مش هعلن عنها الا بعد الانتهاء من التصحيح و اعلان النتيجة

و عشان نعمل حماس و نحارب الغش
هنسمح بتكوين فرق
الفريق مكون من شخصين فقط

و دا هيشترط ان الاتنين يكونوا موجودين في المعاد الي هنحدده باغلبية التصويت في الموضوع هنا

و بالتالي هيكون في موضوع مستقل هينزل بكرا بمعاد الاختبار و هنفتح فيه باب دخول الفرق
كل اتنين يعلنوا عن الفريق بتاعهم

النهارده جاوبوا على الاستفتاء بس

[P R ! M O]

ما بلاش موضوع الفرق ده

انا بحب ابقى مع نفسى

[مشتاقه للجنه]

يارب

يعنى نقعد نذاكر كويس من دلوقتى ههههههه

بالتوفيق للجميع

[SiLver Spectra]

اقتباس المشاركة الأصلية كتبت بواسطة p r ! M o ما بلاش موضوع الفرق ده انا بحب ابقى مع نفسى

دي لازم عشان اتخلص من الحل الجماعي الي هيحصل لو بقى كل واحد لواحده
انت هتشوف واحد بس يبقى معاك تتابع معاه عالميل وقت الاختبار و تتشاوروا و تساعدوا بعض

[الأميرة رودي]

انا اول مره اسمع عن الموضوع ده بصراحه رغم انى هنا من اكتر من سنه
بس هى كفكره كويسه اوي
بيتهيألى الجمعه الساعه 7 مناسبه للجميع
مشكور على الجهد ياطارق
ربنا يوفقك

[دمعه حائره]

موضوع رائع وانا جربته قبل كده
بس مشكله يوم الجمعه بخرج
هاختار هاقرب ميعاديمكن اكون رجعت واقدر اشارك
يسلمو دكتور

[الرحــاال المٌتَمرد]

ماشى خلاص ,,

مشارك ان شاء الله

هشوف حد بئا يكون معايا فريق

[Mahmoud Mohie]

ياعم بلاش نظام الفرق ده
خليها حريه يعنى اللى عاوز فريق بيقى اشطا
واللى عاوز لوحده تمام برده
ولو مينفعش
فانا برده هشارك واللى عاوز يكون معايا يبعتلى :-d
شكرا"""

[ماتركس]

شغال ياريس

وموضوع الفرق ده ميه ميه

تسلم ايدك علي مجهودك يا دكتور

تم التصويت للوقت

[حنـــــون]

حلو الكلام دااااا
اختبار زى الفل ^^
بالتوفيق للجميع