عاشق متمرد

[الرحــاال المٌتَمرد]

عاشِق مُتَمَرِد

" أقبل النقد"

في ليل الصَبر بَصرُخ وأقول يا ليل
الغُربه دي عَذاب شوفنا فيها الويل
طب ليه فـ الأول سَقتنا مِن حَنانِك يا نيل
لما ناوى تفرقنا عن الوطن والخليل

وحشاني يــــــــــــــــــاااااا بلدي

يا أم العيون السوده والرمش الــ كَحيل
وحشانى يابَلدي نِفسي أتمَرمَغ فى تُرابك
مشتاق لك وأنا أخويا فى الميدان قَتيل
مشتاق لك وأنا إبنى مات تَحت قطارك
مشتاق لك وعارف إن حِملك تقيل
وحشاااني يامَه وواقف ورا بااابك
وحُبك دا أصله مش محتاج دليل


سامحينى ما أنا إتفَطمت على حُبِك يامه
سامحيني أنا خلاص فوقت مِن الغُمه


وأدينى جاى وبعترف لك وبعتذر مِنك
طالب السماااح ما أنا بردوا يامَه إبنِك
مش أنا يـــــامَه إللى أشرب مِن دَمِـــــك
مِش أنا يامَه إللى أفـرح بدموعك وهَمِك


,,

وَليده اللحظه

بعيداً عَن السياسه

جَميع الحقوق مَحفوظه للكاتِب وللمَوقع
يَحظر النقل الإ بالإشاره للمَصدر وصاحِب الكَلِمات
الرحـــــــااال ,,,

[Lost Pearl]

حلوة جداااااااا

ربنا يستر علي حال البلد و يصلحها

تسلم ايديك يا ايمن ع الكلمات و انها وصلت الاحساس بطريقة حلوة و سلسة

ف انتظار جديدك داييما

[❀ ЯeRōŎō ❀]

وأدينى جاى وبعترف لك وبعتذر مِنك
طالب السماااح ما أنا بردوا يامَه إبنِك
مش أنا يـــــامَه إللى أشرب مِن دَمِـــــك
مِش أنا يامَه إللى أفـرح بدموعك وهَمِك


طبــــــــــــــــــــــعا حلووووه كتير اوي يارحال بجد كلامتها حلوه اوي وكل كلمه معبره كتيررر وفيها احساس ومشاعر قويه
الواحد بجد نفسو البلد تتعدل نفسو مصر تبقي حاجه تانيه نفسوو في حاجات كتير ربنا يصلح الحال يارب
بس بجد عجبتني كتيـــــــــــــــــــــــر رحال اووووي

[~♥ Queen sozan♥~]

واضح حب بلدك فى كل كلمة يا ايمن

وكلنا بنعشق طراب البلدى .. وحبها فى قلبنا

با الفطرهـ ,, وربنا يديم الحب دة ..

يدوم التميز فى ابداعكـ

[احساسى صحيح]

عندك حق يا ايمن والله
الواحد اشتاق لحاجات حلوة كتير فى وطنا
ضاعت وتاهت من الصراعات
محتاجين فوقة مرة تانى
محتاجين انتماء للوطن
مش عايزين فرقة وخلافات واحزاب
كلنا نسيج واحد كلنا قلب واحد
بنحبها
...
دائما ابدا حروفك تلامس شىء فينا
دام قلمك لامع
تحياتى وتقديرى .

[نجمة النجوم]

السلام عليكم ورحمة الله وبركاته
اولا بشكرك كتير على كلماتك ومشاعرك واحاسيسك أ رحال
بس اسمح لي أقول شيئ بعد اذنك
حضرتك انا لاحظت بأغلب موضوعاتك بالاول بتكتب
أقبل النقد
اكيد حضرتك حر في كلامك ووجهات نظرك
انما اغلبنا هواه ومش شعراء وكمان بالغريزه والطبيعه اي حد عنده نقد مش محتاج توجيه لانوا هيعبر عنه عادي
انما لو عفوا مجامل مش هينقد
كمان حضرتك في الاخر بتكتب :
جَميع الحقوق مَحفوظه للكاتِب وللمَوقع
يَحظر النقل الإ بالإشاره للمَصدر وصاحِب الكَلِمات
الرحـــــــااال ,,,
بردوا انا مش ضد ده
انما احنا على عالم النت
وسوري ليك يعني
مفيش حد هينقل او يقتبس شيئ ويقول من كلمات فلان مستحيل طبعا
انا حبيت اقول ملحوظه بسيطه وارجوا مش تزعل وكلنا بنتعلم يا أ رحال
ميرسي جدا جدا

[روح صامتة]

جميلة جدا
بس هية دي بتحكي واقع الي متغرب ولا اللي مش مقدر بلده وعرف قيمة الوطن ^^
اصل انا حاسة الاتنين بصراحة ^^
كلامك حلو اوي ومتناسق كده :*:*
بشكرك جداااا ي رحال ع كلامك الراقي
استمر وبالتوفيق ان شاء الله
ارق تحياتي

[العاشق الذى لم يتب]

أخى الرحال
دوام الحال من المحال
وربك الكريم ذوالجلال
عالما بما يؤول إليه المآل
فذاك يعطيه الولد والمال
وهذا يمنعه حتى جميل خصال
ومن القوم من هو مغتركذاب محتال
ومنهم فقير عزيزلايسأل سؤال
ولسوف يرضى الله مصرنا
وتكون عال العال
وستعلووتسموونراها فى قمم الجبال
عزيز أهلها مصونة من ربك المتعال
أخى بقدرماوجدت فى كلماتك
ماهو يعصر قلبى ويبكيه
بقدر ماسعدت بتلك الأنشودة
تقبل تحياتى وودى
أخوك
رفـــ ع ـــت

[سَـلمَى]

كلام جمييل جدا يآ أيمن

نفس ال في قلبي

لإني كمان وآحدة وحشها بلدهآ خالص

ربنا يقدرني وأشوفها بخير


ألف شكر ياكبير عل الكلمات الكبيرة والجميلة ده

دايما نظرتي في كلماتك بتكبر

تسسلم إيدك ..

[●•0دموع الورد ●•0]

كلمات جميله جدا
صِغتها وبكل بساطه
وسلاسه وجمال
سلمت يداك أخى