يارتنى ما كلمتك يا حسن يا أفغانى

[morshooo]

بسم الله الرحمن الرحيم

انا شغلى لية علاقة بــ ( قطع غيار السيارات ) .

من حوالى ( 20 سنة ) تقريبا كنت تروح تسئل اى واحد وتقولة

اية هى افضل تجارة الواحد يدخل فيها .

كان يقولك تجارتين ( تجارة الفاكهة و تجارة قطع الغيار ) ^_^

وكان السبب ان ( الفاكهة ) الواحد مش هيروح يشترى ( فاكهة ) عشان ياكل

حاجا مش كويسة فكلة بيروح لـــ ( الفاكهة الغالية )

( قطع غيار السيارات ) نفس الحكاية مفيش حد هيسترخص

يشترى قطعه غيار لعربيتة ( تعبانة ) لانها بمنتهى البساطة

العربية هى أيدة ورجلة .

من تقريبا سنة فى الشغل عندنا قررنا اننا نعمل شغل لحسبنا ونوزعه فى السوق

فقولنا نبعت القطعه الــ عايزين نعملها لمصنع هنا فى مصر عشان يعملنا

( اسطمبة منة او عينة يعنى ) المهم اخدو ( القطعه ) الى عايزين منها عينة

وقالو ان العينة هتبقى جاهزة خلال ( شهرين ) ^_^ .

المهم بعد يجى 3 شهور كدا جهزت العينة فعلا بس المشكلة ان لما طلبنا اعداد منها

( اكسرت منهم ) وضاعت فلوسك يا صااااابر ^_^

طبعا من سوء الخامة وقفنا انتاجها .

من حوالى شهر طلعت فى دماغنا اننا نشوف الحكاية دى بس فى الصين .

يعنى نبعت الشغل عشان يتعمل منة ( عينات ) ونستورد الشغل دا ونوزعه هنا

طبعا كان فى وسيط بينا وهو ( مكتب فى الصين بيملكه رجل افغانى ) .

لما قولنالة هنبعتلك حاجا واحدة يشتغلو عليها كان فى اعتقدنا ان هنستنا ( شهرين )

زى عندنا كدا ^_^ المهم من هنا لهنا بعتنالة ( 8 قطع ) وقولنا يعوض علينا ربنا

قدامنا يجى ( 6 شهور ) على ما يعملولنا ( العينة الاولى ) ولكن .

كانت المفجأة انهم ردو علينا ان قدامهم بالظبط ( 5 ايام ) وهتبقى كل العينات جاهزة .

وبنعتزر لحضراتكم على التأخير :d ونتمنى ان يأتى الينا احد لكى يشاهد العينات قبل

انتاج الكميات المطلوبة من حضراتكم .

دى الرسالة الى بعتهالى ( حسن الافغانى ) ^_^

وعرفت يعنى اية الناس دى ( اقتصادها عامل كدا ) واحنا ( اقتصادنا عامل كدا )

كلامى مع ( حسن الافغانى ) حسيت ان الصين دى عالم تانى خالص .

ناس كل همها الشغل العيب فى المنتج الصينى فى مصر ان المستوردين بيشترو

خامات ضعيفة جدا طبعا عشان السعر يبقى قليل عليهم وغير كدا احنا طماعين فى الاصل كمان

يعنى لو الحاجة هبيعها فى بلدى بــ ( 50 ج ) بيبقى عايز تكلفتها ( 10 ج ) عشان يقول انى كسبان فيها

طبعا دا مثال بسيط جدا بس بيدل على الفرق بين مواطن صينى اقتصادة اصبح بالشكل دا

والمواطن المصرى العبقرى .

[SiLver Spectra]

أنا كتير ببقى نفسي ابقى كوري
اه وشي هيبقى مطبق في بعضه هههههه
بس بحب في الشعب الشرق آسيوي عموما الصمت
ناس بتشتغل في صمت كدا مش لكاكين زينا
احنا مافيش ورانا غير لسان بنتكلم بيه :d

بجد و الله بحسدهم على الهدوء الي عندهم و الي فعلا يفرز بيئة عمل كويسه
سواء هدوء في العمل او حياتهم الاجتماعية
حتى اكتر ناس بتموت نتيجة ادمان العاب الجيمز هما في اليابان و كوريا ,,من كتر الصمت ههههه
عكس باقي الشعوب و بالاخص العرب هنا تلاقيه حتى لو مدمن العاب بس قاعد مقضيها اكل و زعيق و شتايم طول ماهو بيلعب (دا يموت الناس الي حواليه مش هو الي يموت )

الهدوء نعمة ,
هنا انت بس اعمل مشوار وسط الزحمة , بترجع اعصابك شايطه , انتاج ايه بقى :d

عارف لو حتى بتشتري من مطعم , كنت في ****************** في مطاعم بيشتغل عليها آسيويين , بتلاقيهم شغالين بسرعة البرق
لكن تعالى بقى لمطعم مصري , ام الرخامه الي خلقها ربنا
يعد يهزر مع صاحبه و يتساير و يحكي قصة حياته مع معرفش مين

فرق كبير في كل حاجه مافيش مقارنة

[واد حبيب]

مش عارف انت بتعمل مقارنه ازاي بين مصر والصين
يا ابني الشعب المصري خلاص اخد علي الكسل مش عوز يعمل حاجه عوز كل حاجه تكون بين يديه وجاهزه
احنا عندنا ناس افضل من الصين الف مره لكن الصين عندها تفكير وغوزه تعمل اي حاجه تفيد بلادهم
لكن الشعب المصري عوز يعمل اي حاجه علشان يخرب بلده
فيها ايه لو فكرنا شويه وعملنا زي الصين واليابان الصين لوحدها عدد سكانها يفوق عدد سكان المصرين بكتير لكن برده مخهم شغال اي حاجه تختر علي بالك بتتعمل في الصين
متعملش مقارنه تاني يا مروشو بلاش فضائح
الحبيب

[الرحــاال المٌتَمرد]

سلسله مواضيع يارتنى مع مرشد افندى ههههههههه
بص يا مرشد ,, كلامك منطقى اوى ,, وانا معاك فيه تماااما
بس التربيه والنشأ والعوامل الاقتصاديه والاجتماعيه والثقافيه هي السبب فى الوضع العربى بشكل عام
احنا يا بلاد فقيره قحت يــ بلاد بتشترى كل اللى هى عوزاه بالفلوس .
وبشكل عام لو دورت على الاسباب هتلاقى ملايين الاسباب
فــ ماتتعبش نفسك ,, لان ,, الوضع هيبقى على ماهو عليه حتى قيام الساعه ,,
ثقافات شعب لن تتغير ,, واحنا احد الاسباب ,, واحنا احد الاطراف ,, واحنا اللى بنفسنا نقدر نغير الصوره

[morshooo]

اقتباس المشاركة الأصلية كتبت بواسطة silver spectra أنا كتير ببقى نفسي ابقى كوري اه وشي هيبقى مطبق في بعضه هههههه بس بحب في الشعب الشرق آسيوي عموما الصمت ناس بتشتغل في صمت كدا مش لكاكين زينا احنا مافيش ورانا غير لسان بنتكلم بيه :d بجد و الله بحسدهم على الهدوء الي عندهم و الي فعلا يفرز بيئة عمل كويسه سواء هدوء في العمل او حياتهم الاجتماعية حتى اكتر ناس بتموت نتيجة ادمان العاب الجيمز هما في اليابان و كوريا ,,من كتر الصمت ههههه عكس باقي الشعوب و بالاخص العرب هنا تلاقيه حتى لو مدمن العاب بس قاعد مقضيها اكل و زعيق و شتايم طول ماهو بيلعب (دا يموت الناس الي حواليه مش هو الي يموت ) الهدوء نعمة , هنا انت بس اعمل مشوار وسط الزحمة , بترجع اعصابك شايطه , انتاج ايه بقى :d عارف لو حتى بتشتري من مطعم , كنت في ****************** في مطاعم بيشتغل عليها آسيويين , بتلاقيهم شغالين بسرعة البرق لكن تعالى بقى لمطعم مصري , ام الرخامه الي خلقها ربنا يعد يهزر مع صاحبه و يتساير و يحكي قصة حياته مع معرفش مين فرق كبير في كل حاجه مافيش مقارنة

والله هيبقى شكلك حلو ياض يا طارق ^_^

بمناسبة البلاى ستيشن

تقريبا العرب هم الوحدين الــ بيلعبو البلاى ستيشن بالشكل دا

وتلاقى شتايم وخبط مع اننا الــ بنحركهم بدماغنا يعنى الشتايم دى كلها

اكننا بنشتم نفسنا ^_^

بمناسبة المطاعم كمان عندنا هنا تلاقى الجدع الى فى المطعم موقفك قدامة

اكنك بتشحت منة وياسلام بقى لو البياع دا مضايق يالاهووووووووووى

ممكن يوقفك جنبة ويطلع عين اهلك عشان تاخد طلبك منة ^_^

[morshooo]

اقتباس المشاركة الأصلية كتبت بواسطة واد حبيب مش عارف انت بتعمل مقارنه ازاي بين مصر والصين يا ابني الشعب المصري خلاص اخد علي الكسل مش عوز يعمل حاجه عوز كل حاجه تكون بين يديه وجاهزه احنا عندنا ناس افضل من الصين الف مره لكن الصين عندها تفكير وغوزه تعمل اي حاجه تفيد بلادهم لكن الشعب المصري عوز يعمل اي حاجه علشان يخرب بلده فيها ايه لو فكرنا شويه وعملنا زي الصين واليابان الصين لوحدها عدد سكانها يفوق عدد سكان المصرين بكتير لكن برده مخهم شغال اي حاجه تختر علي بالك بتتعمل في الصين متعملش مقارنه تاني يا مروشو بلاش فضائح الحبيب

ياعم انا مش بقارن يابنى انا بس الموقف الى حصل دا

عجبنى ^_^

فقولت اقولهولك وبطل تكتب اسمك فى اخر المشاركة

عشان مقلبش عليك ^_^

مع ان دا فرق برضو بين المواطن المصرى ( واد حبيب )

وبين المواطن الصينى ( كيم لى ) انة مابيكتبش اسمة فى اخر المشاركة

لان الكل عارف ان هو الى بيرد ^_^

[واد حبيب]

اقتباس المشاركة الأصلية كتبت بواسطة morshooo ياعم انا مش بقارن يابنى انا بس الموقف الى حصل دا عجبنى ^_^ فقولت اقولهولك وبطل تكتب اسمك فى اخر المشاركة عشان مقلبش عليك ^_^ مع ان دا فرق برضو بين المواطن المصرى ( واد حبيب ) وبين المواطن الصينى ( كيم لى ) انة مابيكتبش اسمة فى اخر المشاركة لان الكل عارف ان هو الى بيرد ^_^

يا عم برده بتعمل مقارين بين واد حبيب وكيم لي
بس كده اكيد المصري هوه اللي هيفوز
هههههههههههههههههه
اقولك علي حاجه انا لو مكتبتش الحبيب في اخر المشاركه
احس اني ناقص حاجه في الرد
ممكن يكون تعود مش اكتر
زي كده
الحبيب

[morshooo]

اقتباس المشاركة الأصلية كتبت بواسطة الرح ـــااال ؛ عابر سبيل سلسله مواضيع يارتنى مع مرشد افندى ههههههههه بص يا مرشد ,, كلامك منطقى اوى ,, وانا معاك فيه تماااما بس التربيه والنشأ والعوامل الاقتصاديه والاجتماعيه والثقافيه هي السبب فى الوضع العربى بشكل عام احنا يا بلاد فقيره قحت يــ بلاد بتشترى كل اللى هى عوزاه بالفلوس . وبشكل عام لو دورت على الاسباب هتلاقى ملايين الاسباب فــ ماتتعبش نفسك ,, لان ,, الوضع هيبقى على ماهو عليه حتى قيام الساعه ,, ثقافات شعب لن تتغير ,, واحنا احد الاسباب ,, واحنا احد الاطراف ,, واحنا اللى بنفسنا نقدر نغير الصوره

ابو أيمن صديقى
حلوة سلسلة مواضيع دى بتفكرنى بسلسلة مطاعم ( جاد )
انا بكلامى الى فى التوبيك مقصدش مقارنة والا حاجا
لان مفيش مقارنة خالص بين الاتين .
انا عايز اقولك ان العمالة هناك برخص التراب وبيشتغلو
وهنا العمالة غالية ومش بيشتغلو ^_^
وفاكرين نفسهم عباقرة ^^

[ساحر الأحزان]

مهم اخدم العينة وودوها برة ولم جت عجبتهم ووزعوها فى السوق السودة

فاكر مصنع السيارات ا بتاع ميراتكوا لى اتسس وقطع الغيار وغيرة للسيارات لم اتخصصم حصل اية؛

بقى احنا نستورد كل حاجة والتجميع عندنا هنا بس

يبقى دة يرجع للعقلية الاقتصادية المصنعة منت عندك مصانع شغالة وزى الفل

بسى فية مصانع مضروبة

نورت ياعم التايوانى

تحياتى

[همسه الجوارح]

طبعا لا تقولى كورى ولا يبانى
المصرى يكسب وبجنيه ونص
ومابيتكسرش

ااااااخ
طبعا كله كلام فى الهوا
والصين برغم ان منتجها اقل فى الكفائه
الا ان مافيش بيت مصرى مافيهوش منتاجات صينيه
وحققت اكبر تسويق ع المستوى
وهو مؤخرا ظهرت كوريا وبقو فى خط متوازى
ومصر مابتحبش تتعب نفسها
ورجعت لورا وارتاحت
والمنتج المصرى الله يرحمه
مش فاضين ياجماعه بنتفرج ع التيفى
مشكور اخى