زكرياتي مع المنتدي | الحلقه الثالثه | مع دمعه حائره

[აα∂ Ԑγεა]

زكرياتي مع المنتدي | الحلقه الثالثه | مع دمعه حائره السلام عليكم ورحمه الله وبركاته اهلا وسهلا بيكم في الحلقه التانيه من برنامج ذكرياتي مع المنتدي فكره البرنامج للي مشافش الحلقات اللي فاتت هنستضيف عضو من الاعضاء البارزين في المنتدي وأسأله عن ذكرياته مع المنتدي بدأيته تألقه طلوعه لحد المرحله اللي وصلها دلوقت عرف مين عجبه مين اتخانق مع مين وكل حاجه في ذكرياته في الفتره اللي قضاها المره دي معانا ضيفه غير عاديه بالمره نار علي علم في المنتدي واللي هتفرقعلي التوبيك دا مش محتاج اقول اي حاجه كله عارفها كويس معانا ومعاكم الاداريه المنتخبه دمعه حائره اهلا وسهلا بيكي يا دمعه في البرنامج سعيد بقبولك الدعوه وبتمني تفتحيلنا صفحات زكرياتك في المنتدي كلها في الحلقه دي اهلا بيك اخى وشكرا على المقدمه الكبيره دى كتير عليا واشكرك جدا على الدعوة ( كل الاسئله اختياري ولكي حريه الاجابه ) الاول اسمك منه بدأ استخدامك للانترنت امتي ؟ من سنه 2009 بس كان تصفح فقط او ل علاقتى بالمنتديات كان فى شهر 10لما سجلت هنا ياتري في كام منتدي قبل كده ؟ هنا اول منتدى سجلت فيه عرفتي منتدي بنات مصر ازاي ؟ عرفته من جوجل كنت ببحث عن ديكورات للبيت كنت بعمل شويه تجديدات وطلعلى قسم الديكور هنا بعدها دخلت على الرئيسيه واتفرجت على المنتدى اسبوع وسجلت وايه اللي خلاكي قررتي تشتركي ؟ عجبنى جدا المنتدى والمواضيع اللى فيه وكنت حابه ارد واشكر اصحابها تاريخ اشتراكك بالظبط ؟ 27-10-2010 ولو غيرت اسمك قبل كده ايه اول اسم اشتركت بيه ؟ لاماغيرتش اسمى ولا مره حتى اللقب ماغيرتوش احساسك كان ايه اول ما اشتركتي جديد ؟ كنت خايفه وقلقانه من التجربه ومش عارفه ازاى ارد على المواضيع وكنت برد بحرص جدا لحد مااخدت على جو المنتدى وهل لقيتي قبول ومكان ليكي في المنتدي بسرعه ؟ ولا اخد وقت دا ؟ لالقيت ترحيب كبير وتفاعل من الاعضاء وشجعونى انى اكتب واكمل فى المنتدى في اول ايامك كنتي مفكره انك هتكملي ولا كان في بالك انك تمشي ؟ لاابدا مافكرتش انى هاكمل وكمان مكنتش بكتب بقلمى حاجه او الاول لحد ماشجعونى انى اكتب وانزل خواطرى واستمريت الحمد لله ومابقتش استغنى عن المنتدى مين الاعضاء اللي لفتوا انتباهك وانتي عضوه جديده ؟ فى اول شهرين كان فى قسم الخواطر شاعر واسير الحب,,وواد حبيب,,ونونا وشاعره الرومانسية ونيمو اللى علمنى كتير فى خصائص المنتدى كنت بتابع مواضيعهم وبتعجبنى لحد دلوقتى وبعدها اتعرفت على باقى الاعضاء وخصوصا فى قلم الاعضاء والخواطر اللى كل واحد فيهم افادنى وعلمنى حاجه جديده ايه اكتر قسم اهتميت بيه في بدايتك ؟ كان قسم اليوتيوب والخواطر والنقاش وايه اللي مكانش في اهتمامك لكن حبتيه في المنتدي هنا ؟ مكنتش بهتم فى الاول باغلب الاقسام لكن بعد شهرين تلاته لفيت المنتدى كله وشاركت فيه وحبيت كل الاقسام ايه اول موضوع عملتيه في المنتدي ؟ (بعيدا عن اي ترحيب ) مش فاكره بس تقريبا فى قسم النقاش كان ايه شعورك وانتي بتعمليه ؟ عادى كانت تجربه وقلقانه انى مااعرفش انزله لانى مكنتش اعرف حاجات كتير فى المنتدى وطريقه استخدامه ومين اول حد رد عليكي فيه ؟ لامش فاكره ده من زمان اوى ياتري فرقع ولا ؟ وحستي بايه وقتها ؟ لاعادى كان موضوع صغير اول رساله زائر ياتري فاكره من مين ؟ مكنش فيه رسايل زوار ايامها اول رساله خاصه وصلتلك كانت من مين ؟ لابصراحه مش فاكره من مين اول حد ضافك في قائمه الاصدقاء ؟ سؤال صعب بردو مش فاكره اول اتصاحبتي عليه مين ؟ على نونا بس مابقتش تدخل دلوقتى وعلى واد حبيب وشاعر وروح الروح والسفينه وساحر كان شعورك ايه في الفتره دي ؟ كنت مبسوطه جدا ووقت فراغى اتملى بحاجه مفيدة وايه احسن فتره بالنسبالك قضيتيها في المنتدي ؟ قبل مااكون مشرفه قسم الخواطر كانت اسعد ايام بجد فى القسم هناك كان فيه جومرح كبير فى القسم ومناظرات اخويه حلوة وايام مكنت النائب لساحر وايه اسوء فتره بالنسبالك قضيتيها في المنتدي ؟ مكنتش فتره طويله ايام معدوده ومش عاوزة ازكرها اول خناقه مع مين من الاعضاء ؟ لامش اتخانقت الحمد لله مع حد خالص حاجات ماتعتبرش خناقه وكان السبب ايه ؟ ممكن مره على عنوان خاطره عدلته وصاحبه زعل بس عادى اتكلمنا تانى بسرعه واتحلت ازاي ؟ احنا كلنا بتربطنا علاقه اخويه واحترام وبننسى المشاكل بسرعه بمجرد ما حد يبعت للتانى رساله ياتري اول ما مسكتي اشراف كان قسم ايه وكان ايه شعورك ؟ كان قسم الخواطر وكنت فرحانه جدا لانه جالى مفاجأه من غير مااقدم طلب وانا بحب القسم ده طب واما اتريقي مراقب عام كان ايه احساسك وقتها ؟ فرحت بردو لانى هاقدر اصلح اى خطأ اشوفه فى اى قسم بسرعه هل فكرتي ترحلي من المنتدي قبل كده ؟ وبسبب ايه ؟ مره واحده وكانت نفسيتى تعبانه شويه بعدت من غير مااقول لحد ورجعت تانى ايه اكتر حاجه مش حاباها في المنتدي بصراحه من غير مجامله ؟ ان حد يسىء فهم التانى ويتسرع فى الحكم عليه وعدم التسامح وجرح الاخريين هل كنتي تتخيلي وانتي عضوه جديده انك توصلي لكل دا ؟ لاخالص ولاحتى مشرفه نمره 2 في عدد المشاركات و مراقبه عامه ليها وضعها وحاليا اداري منتخب للمنتدي ؟ الحمد لله هذا من فضل ربى رساله تحبي توجهيها لحد زعلانة منه ؟ مش زعلانه من حد خالص وياريت محدش يكون زعلان منى تقييمك لسنتين كاملين قضيتيهم في بنات مصر بحلوها ومرها ؟ من اجمل سنين عمرى وماشاء الله المنتدى فى تطور مستمر ولو قلتلك اوصفيها في كام جمله ؟ من اجمل سنتين مروا عليا استفدت كتير وكونت صداقات كتير اتشرف بيها كلهم اخوة بحترمهم وبقدرهم ومقدرش يوم ماادخلش اطمن عليهم وعلى المنتدى وايه الصداقات اللي اتكونت و بتفخري بيها ؟ كتير جدا مش اقدر احدد اسامى لانهم كلهم تقريبا نفس المكانه رساله تقولها لكل اعضاء المنتدي ؟ حبوا منتداكم واحترموا بعض وخلوا دايما الانتماء والعطاء شعاركم وانتوا هاتلاقوا المقابل اللى يسعدكم بس كده بشكرك علي قبول الدعوه والاجابه علي الاسئله متشكر جدا ليكي ومنوره الحلقه اكيد ده نورك ميرسى على الدعوة واتمنالك التوفيق دايما بشكر ضيفتي مره تانيه وبعتذرلها علي التأخر في نزول الحلقه انشغلت كتير واهي افراج نزلت ^_^ ميرسي للضيافه الجميله يا منه

[واد حبيب]

حوار جميل جدااا
واسئله بجد ممتازه
وضبعا دمعه حائره منوره الحلقه
بجد انسانه متميزه جدااا وعلي خلق عالي
بتوفيق لكي ان شاء الله في حياتك العامه والخاصه
تقبلو تحياتي لكم
الحبيب

[دمعه حائره]

شكرا على الاستضافه اخى محمود
وظهور الحلقه بالشكل الجميل ده
وفكرتنى بايام جميله فى المنتدى
مع اجمل اخوات عرفتهم
اتمنالك التوفيق دايما

[ياسمينااا]

حلقه جميله جدا يا محمود
واكيد هتفرقعلك التوبيك ههههههه
منه غنيه عن التعريف طبعا
عضوه مميزه
منوره الحلقه طبعا يا دمعه
وربنا يوفقك في حياتك يارب
تسلم يا محمود
وفي انتظار الضيف القادم

[ساحر الأحزان]

حلقة جميلة يا محمود مع منة

اخت فاضلة صاحبة تواجد جميل

ومشاركة مع الاخوة الاعضاء


وجميل ان تلتقى هنا بأناس تحترمهم وتقدرهم

حلقة جميلة محمود

واجابة مميزة من منة

بتمنى ليكم دوام التوفيق

[رووكه]

جميله قوى الحلقه

واول مره اشوف البرنامج

بس ممتاز جداااااااااااااا

مشاء الله عليك

وعلى حبيبتى منه منوره مشاء الله عليكى

ربنا يوفقك دائما ومن تقدم لتقدم اعلى بامر الله

تسلم على البرنامج والضيفه الغاليه

علينا

دعواتى

[احساسى صحيح]

حلقة رائعة اوى بصراحة
وبتفكرنى بمعانى وقيم جميلة راحت مننا
اسعدنى الاستماع الى اجابة اختنا منة
كل كلمة بتقولها فيها دروس كتير
ف اللباقة والاحترام والود الكبير اللى حسستنى بية
اول مرة اشوف الموضوع
رائع محمود واسئلة جميلة جدا ومشوقة
تحياتى وتقديرى مع التقيم
وموفقين

[حلم عمري]

حلقة جميلة جدا
ومنة بجد شخصية رائعة ومتميزة
تسلم علي الحلقة
وبالتوفييييييييق

[۩۩ elMagic ۩۩]

منه
من الشخصيات الجميله جدا
وماشاء الله عاقله وهاديه
ربنا يحميكى وتحققى كل ما تتمنيه يا منون
اتمنالكـ التوفيق دايما بأذن الله
تسلم يا برنس للمجهود
بالتوفيق دايما ان شاء الله ,,

[الأميرة رودي]

ذكريات جميله
وأول مره اعرف ان منه كانت مشرفه الخواطر قبل الابداعات
استضافه مميزه يامحمود وأختيار موفق منك
تسلم أخى ومنتظره ضيف جديد