احنا و النفاق

[amira helenius]

تعالوا نبتدى صفحه جديده و نساعد بعض باننا نبعد عن النفاق
حد فيكم فهم اى نوع من النفاق اللى انا باتكلم عليه؟
كلكم فى المندى زى الفل و كل اللى يقرا كتاباتكم يقول ايه المثاليه دى !!
بس يا ترى انت او انتى ايه بره المنتدى؟؟؟
النفاق اللى انا باقول عليه هو اننا بقينا بوشين فى كل حاجه يعنى مش بنتصرف صح من جوانا .
امثله و محدش يزعل:
1 عارفين الحرام من الحلال ....
طيب ليه بنرمى زباله من المناور؟ مفيش حد شايفك؟ طيب و ربنا مش شايفك برضه؟
2السواقه ؟ هى دى برضه مش حاجه بتعكس اخلاقك و اسلوب السواقه و الشتيمه و انك تكسر بعربيتك على عربيه تانيه او انك ما تخليش الناس تعدى او ما تخليش عربيه تعدى.؟؟؟
فين اخلاق المسلم ؟ تخيل كام حسنه هتاخدها لما تخلى عربيه تعدى قبلك او ناس تعدى الشارع او كظمت غيظك من واحد بيسوق مالوش لازمه؟؟
3 نتكلم عن رسول الله عليه السرم و اخلاقه مع زوجاته !
و انتم بقى بتعملوا ايه مع زوجاتكم ؟ طيب الموده و الرحمه مقصود بيها ايه؟ كام واحد فيكم بيساعد مراته فى شغل البيت؟ كام واحد فيكم قعد بالعيال و قال لمراته حبيبته اخرجى مع اصحابك او روحى الكوافير يا حبيبتى؟ كام واد فيكم بيزاكر لعياله و كام واحد فيكم حس بان مراته مهدوده من شغل البيت و انه لازم يساعدها شويه؟
4 الوشين بنسمع مزيكه و ماله ما كلنا بنسمع مزيكه بس لما يطلع واحد يقول جهنم و العقاب و نهايتنا سودا و مش عارف ايه على طول وش الايمان يطلع كاننا كنا بنعمل المبيقاتو نفس الكلام فى لرمضان طيب فيها ايه لو نبقى صرحاء مع انفسنا و مع الغير
فيها ايه لو قلت ايوه باحب المزيكه و الحمد لله باصلى و مراعى ربنا فى كل حاجه على قد ما اقدر
5 الحجاب الظاهرى اللى بقى موضه
حرام عليكم سمعة و منظر الاسلام يعنى الجينز الضيق و البادى الملزق علاقته ايه بالحجاب؟ و اللى ماشيه مش غاضه بصرها خالص و بتشوف مين من الرجاله بيبص عليها و بالحجاب؟ الحجاب داخلى قبل ما يبقى بعد كده خارجى يعنى ما تلبسيهوش اللى لما تحسى انك قد طلباته الاخلاقيه
و الله باشوف محجبات لبسهم احسن من المحجبات دلوقتى يعنى حرام عليكم افقدتو الحجاب قيمته7 نتكلم عن النس وحش و ننم و اول ما حد يقول عيب و حرام كلوا يعيش الدور 8 رمى الزباله فى الشارع او من العربيه ليه؟ هى الارض دى مش خلقة الله و بتعبد ربنا برضه ؟ ليه ما تخليش الزباله معال لغاية ما تروح البيت او لما تلاقى باسكت ؟ يعنى خلاص مش قادر تستنى و عايز تاخد الدنب اللى ى الهوا؟؟
تعالوا نبتدى بنفسنا هنا فى المندتدى و مش كل حاجه تقولوا اصل الحكومه هى السبب اصل دى حجة الفاشلين
الحكومه لا هى ماما و لا بابا ما تبتدى بنفسك و بعدين ايه هى الحكومه ؟ ما هى ناس زيى و زيك و شغالين
الحكومه هى الموظف اللى فى المرور و اقسام الشرطه و المدارس و السجل المدنى ينى انت و انا و كل الناس

[دنيا همس القلب]

[Ana ElmoON]

جزاكي الله كل خير