|| مقدمة فى الإليستراتور ||

[Ahmed Shepo]

السلام عليكم ورحمة الله وبركاته

انا من زمان عاوز اعمل الموضوع دا بس الظروف بقى
بس لازم احطكوا فى الصورة بردو
انا عندى يوم الاربعاء الجاى اللى هو يوم 5/12 دا هيكون يوم الارجاء بتاعى
اللى هسمع فيه التأجيلات اللى فيه الجيش وادعولى يتأجلى
وطبعا لو خدت تأجيل هكمل مواضيع جاية لكن لو دخلت الجيش يبقى مش هعرف اكمل الموضوع
المهم الموضوع بتاع انهاردا هو شرح فى مقدمة فى برنامج الاليستراتور



مبدئياً كدا دا لينك لنسخة بورتابل للبرنامج بحجم صغير عشان انتوا صعب عليكوا تحملوا النسخ الكاملة
مع انى بنصح دايما بالنسخ الكاملة

البرنامج من رفع احمد برهان
تسلم إيده بجد
http://www.mediafire.com/?6v7bigtmm2wq2g8

نيجى بقى لشرح مقدمة كدا عن البرنامج
برنامج الاليستراتور واحد من برامج التصميم اللى بتنتجها شركة أدوبى والبرامج دى بتكمل بعض على فكرة
الاليستراتور متخصص بأى تصميمات رسومية فيما معناه لوجوهات او شعارات شركات وأكيد طبعا
رسم الشخصيات الكرتونية وتصاميم كتير من اللى بنزلها وبتشوفوها
ودى صورة لقوائم وأدوات البرنامج



نوع الرسم على الاليستراتور اسمه الفيكتور من مميزات الفيكتور انك ممكن تكبره لأى مقاس مهما كان
والتصميم مش هيتشوف او جودته هتضعف ابدا
ودا مثال



طبعا بعكس الفوتوشوب اللى بيقرا الصور بالبيكسل واللى لما بنحاول نكبر الصورة بتشوش وجودتها بتقل جدا
زى المثال دا بردو



وكمان 80% أو 85% من الرسم على الاليستراتور بيتم بأداة البن تول الموجودة فى الفوتوشوب
ومن أحلى الحاجات بردو أن أدوات الاليستراتور أن معظم الأدوات اللى موجودة فيه هى نفسها
موجودة فى الفوتوشوب
طبعا واحدة هيطلع كدا وهيسألنى طب ليه عملوه لما نفس الحاجات موجودة فى الفوتوشوب
هقوله مش هجاوبك انا هسيبك لما تجرب على البرنامج وانت هتحس الفرق

وكمان عاوز اقولكوا حاجة انا اول مرة بدأت على الاليستراتور حسيت انى مشلول ومش عارف اعمل حاجة
مع انى عارف الأدوات بس مع الوقت بدأت اتعلم وحبيت البرنامج دا جدا
ملحوظة هامة جدا جدا جدا: انا لما اشتغلت على البرنامج كنت اجى مثلا فى صندوق الأدوات عشان افتح قايمة الأدوات مكنتش بتتفتح عرفت بعد كدا انها بتتفتح بالضغط المتواصل على الكليك الشمال
انا بقصد القوائم بتاعة الأدوات اللى هى دى مثلا
وبقولكوا دا عشان تكونوا عارفين ومتقعوش فى نفس اللى وقت فيه



كدا انتهى الشرح المبدأي للبرنامج يارب يكون سهل وعجبكوا
نزلوا البرنامج وفتشوا فى كل حاجة فيه لغاية ما انزل الدرس الأول

[حنـــــون]

تسلم يااحمد
شكله برنامج جامد
بالتوفيق ليك وان شاء الله
تاخد تاجيل :d
موفق دايما

[دمعه حائره]

تسلم ايدك يااحمد وربنا يوفقك

[Ahmed Shepo]

اقتباس المشاركة الأصلية كتبت بواسطة حنـــــون تسلم يااحمد شكله برنامج جامد بالتوفيق ليك وان شاء الله تاخد تاجيل :d موفق دايما

تسلمى يا حنون
نزليه وجربيه

اقتباس المشاركة الأصلية كتبت بواسطة دمعه حائره تسلم ايدك يااحمد وربنا يوفقك

شكرا يا منة
نورتى التوبيك

[۩۩ elMagic ۩۩]

لا بجد مجهود تمام
تسلم يا برنس
يدوم التميز والنشاط يا دفعه :d

[~♥ Queen sozan♥~]

تسلم يا احمد والله

شرح مميز ,, ولية باك لتنفيذ

[єLмσsħαx]

تسلم على المجهود
يااحمد جارى التجربه بقى

[Ahmed Shepo]

اقتباس المشاركة الأصلية كتبت بواسطة ۩۩ elmagic ۩۩ لا بجد مجهود تمام تسلم يا برنس يدوم التميز والنشاط يا دفعه :d

بلاش دفعة دى انت بتدينى أمل ولا ايه :d

اقتباس المشاركة الأصلية كتبت بواسطة ~ ‏‏‏‏♥ queeη sōmą ‏‏♥ ~ تسلم يا احمد والله شرح مميز ,, ولية باك لتنفيذ

شكرا يا سوما
اوك مستنيكى

اقتباس المشاركة الأصلية كتبت بواسطة ωιℓ∂-єνιℓ تسلم على المجهود يااحمد جارى التجربه بقى

تسلم يا محمد
مستنيك يا معلم

[╯ Princess ╭]

تسلم ايدك يا احمد

موفق

[Ahmed Shepo]

اقتباس المشاركة الأصلية كتبت بواسطة яϊηĉєṣק تسلم ايدك يا احمد موفق

شكرا يا برنسيس
نورتى التوبيك