اقتراح

[احضان الحبايب]

السلام عليكم , ,

ازيكم ,,

ان شاء الله تكونوا بخير ,,

كان عندى اقتراح كدا ,,

خاص بالادارى المنتخب و نائبه ,,

كنت اظن قولته على فى برنامج مورشو ,,

عن ال اتمناها ان دمعه تعمله ,,

الاقتراح ده نفسى يبقا ملزم ,,

يعنى يضاف لفكرة الانتخابات ,,

و تلزم به دمعه حائره و نائبتها ,,

و يلزم بها الداريين القادمين ,,

و هى عباره عن كشف حساب ,,

او بمعنى اصح عرض للانجازات ,,

يعنى كل ادارى بعد ما هيخلص فترته ,,

هيعمل موضوع ,,

يقول هو حقق ايه من برنامجه ,,

و قدر يفيد المنتدى بايه ,,

و اد ايه التجربه اضافت له او اهرقته ,,

و ابه العقبات ال واجهها ان وجدت ,,

و قبل ده كله هيقولنا ايه المميزات او الصلاحيات ال كان يمتلكها ,,

و يبقا فى نقاش او حوار او تهنئه او عتاب للادارى ده ,,

كل ده مش هيتحقق غير لو انتوا وافقتوا ع الفكره ,,

و ع فكره الغرض من الفكره مش انى بتحامل ع حد ولا عقاب ,,

بس هو اضافة نوع جديد من الحوار و النقاش ,,

و يمكن ده هيساعد شوية الادارة الموقره انها تقيم الادارى المنتخب ,,

جزء من وجهة نظرها و متابعتها ,

و مره تانيه عن طريق حكم الاعضاء ,,

.,

بس خلصت الفكرة ,,

اتمنى تكون وضحت ,,

و هنعمل عليها استفتاء فوق كدا ,,

[۩۩ elMagic ۩۩]

هو مفيش مانع من تطبيقها
بس يعنى الموضوع مش مستاهل
يعنى الادارى المنتخب دلوقت
دا موكل بمهام اداريه وتفاعليه بيقوم بيها
وهو على قد ما يقدر بيحاول مش يكون مقصـر
وبيبذل قصارى جهده علشان يعمل اللى عليه
والتقييم فا طول فترة الادارى المنتخب
بتتعمل مواضيع بيكون فيها وضح رأيك فى الادارى المنتخب الحالى
يعنى انا فى الفتره بتاعتى
كذا موضوع بيتعمل وفيه سؤال بيخصنى والضيف بيجاوب عليه
دا غير الاستبيان اللى اتعمل من طارق وكان فيه وضح رأيك فى الادارى الحالى
دا غير كمان انى مكنتش مقيد ببرنامجى بس لا زودت عليه حاجات مكنتش موجوده فى البرنامج
زى مثلا المسابقات التفاعليه لما اتعملت الفكره
لاقيت نفسى اقدر اعمل دا فا مش اتأخرت واشتغلت فى الموضوع
والحمد لله نالت اعجاب ناس كتير
والواحد بيخلص فترته وبيستلم التقييم الادارى بتاعه من قبل الاداره
ويبقى بكده استوفينا طول فترة الادارى المنتخب اراء من كل فئات المنتدى
اعضاء ومشرفين واداره ودا مضمون الموضوع ,,

[احضان الحبايب]

لكن لما يتعمل موضوع يقول فيه الادارى كل ال عمله ,,

و عرض انجازاته و ال ما قدرش يعمله او ال زوده زى ما انت عملت ,,

لكن ده نوع من الديمقراطيه ^^

و فكره جديده و اسلوب جديد

[●•0دموع الورد ●•0]

فكره جميله وجديده
ان شاء الله الاداره توافق عليها

[۩۩ elMagic ۩۩]

بص ياا عبده
انا معاك انه جديد ومفيش مشكله
وزى ما قولتلك مفيش مانع من عمله
بس تعرف ان دا فى حد ذاته البعض هيفتكره غرور وتكبر
يعنى لما الادارى فى الاخر هيدخل ويقول
انا عملت وعملت وابدعت فى معرفش ايه
وزودت على برنامجى كذا وكذا ومكنتش مقصر مع حد
اوسمه بنرات مشاركات كانت بتتعمل فى اسرع وقت .. ألخ
ودا طبيعى ان الادارى هيمدح جامد فى موضوعه وهيقول كل انجازاته
خلال فترة الادارى المنتخب
فا بعض الاعضاء بقى عقولها مريحاها هتدخل
وتقولكـ الحق الادارى دا مغرور وشايف نفسه علينا
بيقول عمل كذا وكذا ااظاهر انا كنت غلطان لما اديتله صوتى من البدايه !
دا غير بقآ ناس تانيه كتير هتدخل تأيد الكلام وهتمدح فى الادارى من باب المجامله
طب واحنا نجيب الكلام ليه لنفسنا
فا الافضل نريح دماغنا وزى ما قولتلك
سؤال رأيك فى الادارى المنتخب
طول ما فى ادارى منتخب ماسك المنصب فا هو بيتطرح فى اى برنامج لأى عضو
والاداره بتقول رأيها فى الاخر من خلال التقييم الادارى ,,

[ĶǎnDO̳̿uChǎ ツ]

فكره جميله جدآ يـ عبدو

آن شآء آلله تتنفذ



تسلم بقآ

[تجملت بالعفآف]

فكر حلوه وجديده
وتم التصويت
بالتوفيق

[دمعه حائره]

اقتراح جميل ياعبده وهافكر فيه لكن نتيجه الاستفتاء تخصك وحدك
وانا ليا وجهة نظرى ومعايا النائبه نشوف اذا كنا هانفذها ولالأ
لان فيه حاجات بنعملها الاعضاء مش شايفينها
ولاتقدر تحكم عليها خاصه بالرقابه ولوحه التحكم
واللى واضح فقط المسابقات والردود
ولسه يدوب ااقل من شهر اللى عدى
فناخد الامور بشكل منطقى وواقعى اكتر
وبدون تحامل من اى طرف
لكن اكيد يهمنى رأى الاعضاءفى الفكره وطريقه عرضها
وهاحاول اعمل بيها
شكرا لاهتمامك

[Lost Pearl]

يعني ايه يبقي الزام d:

و بعدين لو الزام علينا يبقي نوع من الديمقراطية ازاي ؟


كمان احنا مش محتاجين كشف حساب

اقولك ليه بقي

لأن اللي بنعمله ف المنتدي موجود و باين و اللي عايز يشوفه يقدر

كمان في حاجات بتتعمل مش باينة للاعضاء

و مش هقدر انا ف الاخر

اتمنظر و اقول انا احسن من فلان و علان و عملت و عملت


يعني عن نفسنا بنحب نعمل من سكات

مش شايفة انه لازم نعمل كشف حساب

انما في استضافات و حوارات ممكن نقول فيها عملنا ايه


امممم و في اضافة تانية

ان شاء الله مورشو هيعملنا حلقة ف الراديو يقول كل فترة كدة عملنا ايه

تقدر تعتبر ده كشف حساب :d

[عاشقة الهدوء]

فكره مش بطاله ياعبده أنا استغربت شويه من مضمون الكلام بتاعك

وكشف حساب للآدارى المنتخب وكده ؟ يعنى الحكايه مش مستاهله

ده كله ألادارى المنتخب طول الفتره بتاعته بتبئه العين عليه من أصغر عضو

لآكبر عضو هنا وبيكونوا متابعينه كويس أوووى وشايفين هوه قدم أيه وأفاد المنتدى بأيه

دا غير الآداره نفسها بتكون على دراايه شامله بمجهوده وأفعااله وهيه ألى بتقيمه فى أخر المسيره بتاعته ؟؟

وحتة أنك عاوز يقول عملت وعملت ويعرف الناس هوه عمل ايه أظن فيه براامج كتير بتتعرض طول الفترة دى

وبنعرف منها أفعااله ومجهوداته ألى هيه فى ألاساس أحنا كأعضاء على درايه بيها وبنشوفها من غير كلام

أهم شىء الآدارى المنتخب يعمل ألى عليه ويكون نشاطه وااضح ؟ ومش محتاج حد يحااسبه أو يعمله كشف حسااب

ألا لما يخلص مدته ونبدأ نقول رأينا فيه بدون كشف حسااب هوه يقوم بعمله ؟ ده رأيى وتسلم ياعبده ربنا يحفظك