ثامن حلقة من برنامج اجدد عضو ومعانا..*MoDy*

[دمعه حائره]

أهلا وسهلا بكل اعضاء منتدى بنات مصر وحلقه جديدة من برنامج اجدد عضو ومعاناالعضو *MoDy* عضو جديد اهلا وسهلا بيك نورت المنتدى والبرنامج فى البدايه ياريت تعرف الاعضاءعليك اسمك محمود << كفايه لحد كده سنك 16 سنه بلدك مصر بتدرس ولاخلصت بدرس وقرفان دروس اتعرفت على المنتدى ازاى عن طريق عضو اسمه سيمو تقريبا او غير اسمه مش هدور بقي والنيم ده ليه اخترته صحابي بينادوني مودي فقولت اختار مودي لقيت ترحيب كويس من الاعضاء الحمد لله نحمدوا ونشكروا علي كل حال ياريت تعرفنا على هواياتك وتكتب جزء منها العب كوره واغني رومنتيكي واصور شاركت فى كل الاقسام ولا فيه قسم محبب ليك؟ قسم النقاش اتعرفت على كل خصائص المنتدى؟ افضلكم في الاجازه بس ومش هسيب حاجه معرفهاش لقيت صعوبه فى استخدامها؟ لالا ايزي خالص فيه خاصيه تحب تضيفها اما اعرف الي معرفتهوش هشوف اضيف اي ولا مضيفش ايه رائيك فى الاداره والمنتدى بصراحه جامده حماده كونت صداقات ولالسه؟ تقريبا اشتركت فى مسابقات؟ ما قولت اما افضالكم الله بقي بتسمع راديو المنتدى؟ مش قولنا اما افضي من الدراسه عالم غريبه خايص ايه اكتر برنامج عجبك انتي اي اكتر برنامج عجبك هه انا كل البرامج عجبتنى وبتابعها هل ممكن تشارك بصوتك وتقدم برنامج؟ ان شاء الله شكرا لقبولك الدعوة واتمنالك التوفيق دايما العفو يا ستي والف كشك علي الاستضافه تسلمي ع الاستضافه وبرنامج روعه بجد وبكده تنتهى حلقتنا النهاردة شكرا على المتابعه

[აα∂ Ԑγεა]

مين دا ,, ها
ههههههههههه
ابيبو منور يابااشا
مش محتاج اعرفه من توبيك دا عشره سوده من الاخر :d
وايه الاجابات المش مفهومه دي :d
كل اللي فهمته اسمك وانك ممكن تشارك في الراديو :d

منور يا عمنا تعرفني ولا ههههه
تسلمي يا دمعه للاستضافه دي
واهلا مره تانيه ببيبو

[الأميرة رودي]

منورنا ومنور المنتدى يامحمود
تسلمي أختى للآستضافه

[๓αℓάҝ]

ههههههههههههههههه شوفت اسمك قولت لازم أوجب معك اشامبو
انت بتغني ولا بتضحك علينا يا مكار ..؟!
بس الصراحه تتقال ليك مستقبل في الراديو بس الأغاني الرمنتيكي لا ههههههه
آسفه آسفه .. فاكر لما نقلت المنتدي كله في قسم الأغاني هههههههههههههههههههه
شوف سيبك انت من الكلام ده المهم انك كويس هههههههههههه حبيبي انت يا بيبو
ربنا يوفقك يا رب في حياتك
و إجابات عسل والله
بس حقيقي حقيقي منور

منه .. تسلمي علي المجهود يا جميل ^^

[єLмσsħαx]

منور المنتدى يابرنس

[رنيم الشوق]

هههههههههههههههه منور محمود

[ساحر الأحزان]

حلقة جميلة دمعة

مع عضو خفيف الظل

نكن لة كل احترام

بتمنى لية التوفيق معنا وفى حياتة

تحياتى لكم

على تلك الحلقة المميزة

[Lost Pearl]

هههههههه ,, منور يا مودي

اجابات خفيفة و اما نشوف هتعمل ايه اما تفضالنا

ف انتظارك بقي :d

تسلمي يا منة ع الاستضافة

[عاشقة الهدوء]

هههههههههههه والله أنت عثل يامحمود ليك مستقبل باهر هنا وأما نشوف بأذن الله

هتعمل أيه فى الآجازه عوزينك تولع الآقسام كلهاا هههههههههه منور ياعثل بأجاباتك ألى دمها خفيف

وتسلمى يامنه على الحلقه أتمنالك التووفيق دااايما والرقى ياقلبى أحترامى وتقديرى

[M.B]

اقتباس المشاركة الأصلية كتبت بواسطة Ѕad Єyes مين دا ,, ها ههههههههههه ابيبو منور يابااشا مش محتاج اعرفه من توبيك دا عشره سوده من الاخر :d وايه الاجابات المش مفهومه دي :d كل اللي فهمته اسمك وانك ممكن تشارك في الراديو :d منور يا عمنا تعرفني ولا ههههه تسلمي يا دمعه للاستضافه دي واهلا مره تانيه ببيبو

ههههههه حبيبي يا كاكا
يبني انت تعرفني اكتر من ابويه

يالهوي لالا ع فكره مش اسلوب تكسفني قدام الناس تقول ان كلامي مش واضح
امال عملوا الخاص لي الكلام ده بيني وبينك يا حبيبي ههههههه

ده نورك ومنور توبيك عالم البحار