ايوة انا خايف !

[dr_ahmedimansour]

ايوة انا خايف !

خايف ادرس طول حياتي ابتدائي واعدادي وثانوي وجامعة وفي الاخر اكتشف
ان كل المناهج كان مجرد حشو دماغ ملهاش اي علاقة بالواقع والحياة العملية

ايوة انا خايف !

خايف اتخرج واقعد ادور علي شغل لما يطلع عيني وفي الاخر ملقاش اي وظيفة
تحقق ليا ولو حياة بسيطة جدا والاقي المرتب يادوب عيش حاف واقضيها علي النوتة !


ايوة انا خايف !

خايف اتعلق ببنت وتبقي كل دنيتي وحياتي وبما يرضي الله ورسولة وفي النور
واتقدم لاهلها في النور علي سنة الله ورسولة الاقي مهر وشبكة ومقدم ومؤخر
وشقة وعفش وتكاليف زواج خرافية بتقولي في مضمونها انساها احسن !


ايوة انا خايف !

خايف ابقي واقف عاجز وشريكة حياتي وحب عمري في مستشفي عندها الالام الولاده
ومش قادرين ندخل علشان مش معاي 7000 جنية تامين للمستشفي علي الاقل ولازم
ارميها في مستشفي (....) من مستشفياتنا الحكومية بخدمة صحية (....).

ايوة انا خايف !

خايف اخلف طفل ميتعلمش كويس علشان التعليم الـ (..) بتاعنا ويخرج حمار هوه كمان
برتبة ليسانس ولا بكالوريوس ويبقا محشور مع 60 تلميذ في الفصل !

ايوة انا خايف !

خايف من بكره ومن الي جاي خايف من كل حاجة في حياتي خايف ابتسم



(يوميات مواطن مصري )

مش مكسوف يبقا راجل ويقول انه
لسسسسسسسسسسسسسسه خايف !

[ķąyąŋ..♡]

عمر ما الخوف يكسف منه

الخوف احساس عند كل شخص

لازم نخاف من كل شئ

فعلا كلامك صحيح

وانا كمان خايفه

بس لازم نهزم الخوف

علشان لو فضلنا خايفين منه

عمر ما نعرف نعيش بكرا

شكرا علي التوبك الجميل ده

تقبل مروري

[دمعه حائره]

لايعلم الغيب الا الله
لازم نعمل اللى علينا ونسيب الباقى على ربنا
هو للاسف احوال البلد تجيب اليأس للجميع
لكن هانعمل ايه
نشتغل لحد ماربنا يجعل لينا مخرجا
وتتحسن الامور
ربنا يوفقك وتحقق طموحك كله

[dr_ahmedimansour]

لا الموضوع مش بيرسونال انا الحمد لله مش خايف من حاجة انا عديت اغلب المراحل دي

انا بتكلم بلسان كتير من الشباب الي زي حلاتنا وربنا يقدم لينا الخير

والمسلم بطبعة متفائل والي في السطور مش ياس لا ده مجرد تعبير عن حالة كلنا بنمر بيها


شكرا جزيلاً لكم

[ķąyąŋ..♡]

اقتباس المشاركة الأصلية كتبت بواسطة dr_ahmedimansour لا الموضوع مش بيرسونال انا الحمد لله مش خايف من حاجة انا عديت اغلب المراحل دي انا بتكلم بلسان كتير من الشباب الي زي حلاتنا وربنا يقدم لينا الخير والمسلم بطبعة متفائل والي في السطور مش ياس لا ده مجرد تعبير عن حالة كلنا بنمر بيها شكرا جزيلاً لكم

انا عارفه بس انا برد علي الكلام ده

مش اقصدك شخصيا

[ساحر الأحزان]

هو الخوف موجود فينا خوف الله عز وجل

والعمل لما يرضية لان كل شىء مكتوب

واحنا بنجتهد فى حياتنا

ونعمل الى علينا ومنقفشى محلك سر ونقول عايز اعمل واعمل

الشخص منا بيجتهد

والتوفيق من عند ربنا

ربنا يوفقك فى حياتك

[dr_ahmedimansour]

دمتم بالقرب رفاق طيبون في الرد والمشورة والنصيحة ,,

[PrinCesS Gege]

الخوف ده شئ طبيعى عند كل شخص
بس لازم يكون عندنا امل وثقه ف ربنا
ومحدش عارف ربنا مخبيلنا ايه
ولازم الواحد يجرب كل حاجه عشان يتعلم