الحلقه الثالثه من برنامج الوزارة ومعااناا ....

[Mahmoud Mohie]

أهلا بيكم فى حلقه جديده من برنامجكم المفضل (اه المفضل ) الوزارة النهاردة معانا عضوة متميزة بطريقه غير طبيبعيه انشط اقلام المنتدى تروح قسم المواضيع العامه تلاقيها تجرى بسرعه تنزل على قسم صوت الاعضاء تلاقيها مستنياك بصراحه ارفع لها القبعه احتراما لمجهودها الرائع فى المنتدى ,, فعلا المنتدى مش هيكون ليه طعم لو تركته ولو يوم واحد وبالرغم من انى معرفهاش معرفه شخصيه بس بصراحه موضوعاتها ونشاطها المتواصل والمتميز ,, اثبتلى انها حقا تستحق الادارة معايا ومعااكم : دمعه حائرة : بدايه اشكرك على تلبيه الدعوة وارحب بيكى معنا فى الحلقه الثالثه من حلقات البرنامج منورانا اهلا بيك اخى وشكرا على الدعوة الجميله : نبدأ بالقسم ,قولى :اقسم باللى فى نفسى انى احب منتدى بنات مصر ومحبش اى منتدى غيره الله .. الوطن .. المنتدى هههه اقسم بالله انى بحب منتدى بنات مصر ومش بحب غيره " " دلووقتى حضرتك رئيس وزراء مصر : ابسط يا عم احمدك يارب أخيراً رأيك الصريح فى د.هشام قنديل؟ تخاذل كبير فى اتخاذ قرارات معينه وطريقة تعامله مع بعض المشاكل منها مشاكل للعمال ومشاكل للسائقى النقل والمدرسين لكن بيحاول يجتهدويثبت كفاءته " " نروح بقى للوزارء .. تختارى مين من اعضاء المنتدى للاشراف على وزارةالقوى العامله ؟؟ ايه سبب الاختيار ؟؟ هاختار ساحر الاحزان متابع كويس ودايما مهتم بتوبيك الاعضاء المميزين وبيحط روابطهم غير انه متفاهم وعنده صبر وحكمه فى التقييم انا شايف ان وزارة القوى العامله بجانب الشباب والاسكان ممكن يتم استغلالهم اثناء فترات الدعايه الانتخابيه ,, بطرق كبيرة مشروعه او غير مشروعه .. رأيك ؟؟ اكيد لو اتعمل دعايه بمشاريع سكانيه وخصوصا للشباب هاتشجع كتير ناس انهم يديهم ثقتهم بس المهم تكون مشاريع بجد مش وهميه لفتره الانتخابات وبعدها تتبخر لان دى اكبر مشكله بتواجه الشباب بجانب البطاله وممكن المشاريع دى تحلها وزارة التعليم من الوزارات الهامه جدا تختارى مين ؟ سبب الاختيار؟ اختار ساريه على درب الرسول انسانه مثقفه وواعيه ومواضيعها اغلبها بتهتم بالطفل وثقافته وطرق تربيته وتعليمه واكيد هاتكون قد المسؤليه خطه مصغرة لتطوير التعليم فى مصر ؟؟ مشكله التعليم الاولى هى حشو المناهج بكميه كبيره بتخلى الطالب يحفظ اكتر مايفهم عشان يعدى من السنه ومافيش اهتمام بتنميه المهارات الابتكار يعنى لازم يكون فيه مادة تهتم بده وضروة تقليل كثافه الفصول عشان يقدر المدرس يتابع كل التلاميذ مع الاهتمام بالانشطه اللى تقريبا اختفت من مدارس الدوله وزارة الصحه تختارى مين للوزارة دى ؟ الاسباب دكتورة اسماء اكيد دكتوره وعارفه هاتطور الوزاره ازاى وتهتم بصحه الاعضاء وزارة الدفاع .. هتختار مين ؟؟ وايه سبب الاختيار .. هاختار حوده داعم فنى بئا وعارف هايدافع ازاى قدام اى عدوان مفاجىء السيسي .. رايك فى هذا الرجل ؟ رجل محترم له تاريخ كبير فى القوات المسلحه والمخابرات لايعيبه فقط غير علاقته بجماعه الاخوان اللى هاتخلى شبه حول اختياره مكان طنطاوى لكن هوا يقدر يثبت نزاهته وعدم تحيزه لاى جهه تختارى مين لوزارة الداخليه .. ؟ محتاجين نرجع هيبه الشرطه بس ميكونش على حساب قهر الشعب هتطلبى من الوزير ايه عشان ده يحصل ؟ دكتور طارق شخصيته قويه وتلاقيه دايما رجل المهام الصعبه وبنلجأ ليه كلنا فى اى مشكله كبيره وبتلاقى الحل بسرعه والامن يستتب فى المنتدى وزارة التموين هتختاريلها مين وايه السبب ؟ عاشقة الهدوء طيبه وحنينه وهاتخلى بالها من الغلابه وهاتدعم السلع المهمه زى البط والفراخ هيا عارفه ليه والشعب هايعيش بئا ويرتاح اهم وزارة فى الولايات المتحده هى وزارة الخارجيه , فى مصر ملهاش لزمه ... ايه هتكون وظيفه الوزير اللى هتختاره فى الوزارة ومين هيكون الوزير ده ؟؟ وزارة الخارجيه اكيد مهمه جدا لكن فعلا مهمله عندنا وكتير المصريين فى الخارج بيشتكوا من عدم الاهتمام دى هختار ليها واد حبيب واحد مننا وعايش برا وعارف مشاكلهم غير دبلوماسيته المعروفه وعلاقته الطيبه بكل الناس وهايكون مطلوب منه حصر جميع المشكل فى السفارات ويقدم حل ليها ويعمل خطط لتحسين علاقاتنا بالسفارات الاخرى اكتب اسم العضو فقط لكل وازرة وزارة العدل محمد الشريف وزارة الماليه موروشو وزارة الثقافه قلم بلاحبر وزارة النقل والمواصلات ماجيك ..... لو جتلك الفرصه تضيفى وزارة جديدة بمهام جديده اسم الوزارة .. مين هيتولى الاشراف عليها .. مهام هذه الوزارة ؟؟ هاضيف وزارة العلاقات العامه ودى تهتم بتحسين العلاقات بين الاعضاء وهاختارلها حنون انسانه حكيمه واخلاقها عاليه ومش بتتنرفز بسرعه 7 7 7 كلمه اخيرة وانت فى اخر لحظه فى منصب رئيس الوزارة ؟ ايها الاخوة الاعضاء دعونا نعمل جميعا لخدمه منتدانا وجعله افضل منتدى ونلفظ كل المشاكل وندعم دائما روح الاخوة والمحبه والاحترام بينا ومانفرجش علينا المنتدايات واللى مااختارتوش فى الوزاره المره دى التعديل الجاى يكون ليه مكان :::::::::: """""""""" فى النهايه اشكرك على تواجدك الراقى ويارب الحلقه تكون عجبتك نورتينا بجد ... وربنا يوفقك فى حياتك وتبقى فعلا رئيس وزارة حلقه جميله اشكرك على الدعوة وربنا يسمع منك .... كان معكم / محمود محى تحيااتى

[فرحة]

راااااااااااااائعه انتى يادمعه
وعسل واجابتك بجد حلوه\
يسلمووووو محمود ع الحوار الرائع

[Lost Pearl]

طبعا منة تستاهل المقدمة الجميلة دي

اجاباتك عجبتني كالعادة واعية و اختياراتك ف اماكنها


تسلمي يا منة نورتي الاستضافة حقا

محمود تسلم ع المجهود ,,

[الأميرة رودي]

, حوار جميل ومنه تنفع تكون رئيس وزرا
اختياراتها كلها فى محلها بـ أسبابها المقنعه
تسلم ع الاستضافه المميزه محمود
نورتى يامنونه الله يوفقك ياحبيبتي ونشوفك رئيس جمهوريه
وتبقى اول رئيسه جمهوريه زى ماكنتى أول اداريه منتخبه يااااارب
بس ابقى خديني كده ف اى شغلآنه انا موافقه .
منتظرين رئيس وزرا جديد
تقييمي ونجومى لجمال الحلقه

[dr:shimaa]

حلقة رائعة
واجابات منظمة من دمعة حائرة

[Arco Baleno]

برنامج جميل ومنوره اختي دمعه بي اجاباتها
تسلم ايدكم

[ساحر الأحزان]

نروح بقى للوزارء ..
تختارى مين من اعضاء المنتدى للاشراف على وزارةالقوى العامله ؟؟ ايه سبب الاختيار ؟؟

هاختار ساحر الاحزان
متابع كويس ودايما مهتم بتوبيك الاعضاء المميزين وبيحط روابطهم
غير انه متفاهم وعنده صبر وحكمه فى التقييم


بشكر رئيس وزراء المنتدى على تكليفة لية بوزارة العمل .وان شاء الله نكون على قدر الثقة.

ونلاقى وظايف للناس كلها ومتحصلشى خساير وانخفاض فى الاجور,

وكمان نشجع الجميع بالدعم والمساندة

حلقة جميلة محمود

مع رئيسة وزراء المنتدى

بتمنى ليها اقامة موفقة فى الرئاسة


تحياتى لكم

[كبرياء رجل]

ما بين اختيار وزارء
او مناقشة مشاكل مصر ويجاد بعض الحلول لها
منوره دمعه حائره بحسن اسلوبك الجميل
واجاباتك مميزهخ بوعيك السياسي
شكرا اخي محمد على البرنامج في انتظار جديدك
نورتنا
دمت بكل الخير
شكرا لكم
تحياتي

[مِسكُ الشَهادة]

برنامج متميز يا اخ محمود ربنا يكرمك يا رب
واختنا منة غنية عن التعريف
راقية في الطرح والاداء
دمتم بالف خير

[ملكة الانوثه]

واإاإاو حلقه رووعه ومميزة خصوصا ان ضيفة الحلقه المميزة دمعة حائره
حبيبتي يادمعه ربي يوفقك بحياتك كلها يارب
مشكوور يااخي ع الحلقه الجميله